9 (65:10) פקדת הארץ ותשׁקקה רבת תעשׁרנה פלג אלהים מלא מים תכין דגנם כי כן תכינה׃
Psalms 65:9 Cross References - HOT
Genesis 26:12
12 ויזרע יצחק בארץ ההוא וימצא בשׁנה ההוא מאה שׁערים ויברכהו יהוה׃
Leviticus 26:4
4 ונתתי גשׁמיכם בעתם ונתנה הארץ יבולה ועץ השׂדה יתן פריו׃
Deuteronomy 11:11-12
Ruth 1:6
6 ותקם היא וכלתיה ותשׁב משׂדי מואב כי שׁמעה בשׂדה מואב כי פקד יהוה את עמו לתת להם לחם׃
Job 5:10-11
Job 37:6-13
6 כי לשׁלג יאמר הוא ארץ וגשׁם מטר וגשׁם מטרות עזו׃7 ביד כל אדם יחתום לדעת כל אנשׁי מעשׂהו׃8 ותבא חיה במו ארב ובמעונתיה תשׁכן׃9 מן החדר תבוא סופה וממזרים קרה׃10 מנשׁמת אל יתן קרח ורחב מים במוצק׃11 אף ברי יטריח עב יפיץ ענן אורו׃12 והוא מסבות מתהפך בתחבולתו לפעלם כל אשׁר יצום על פני תבל ארצה׃13 אם לשׁבט אם לארצו אם לחסד ימצאהו׃
Psalms 46:4
4 (46:5) נהר פלגיו ישׂמחו עיר אלהים קדשׁ משׁכני עליון׃
Psalms 63:1
1 מזמור לדוד בהיותו במדבר יהודה׃ (63:2) אלהים אלי אתה אשׁחרך צמאה לך נפשׁי כמה לך בשׂרי בארץ ציה ועיף בלי מים׃
Psalms 65:11
11 (65:12) עטרת שׁנת טובתך ומעגליך ירעפון דשׁן׃
Psalms 68:9-10
Psalms 104:13-15
Psalms 107:37
37 ויזרעו שׂדות ויטעו כרמים ויעשׂו פרי תבואה׃
Psalms 147:8-9
Psalms 147:14
14 השׂם גבולך שׁלום חלב חטים ישׂביעך׃
Jeremiah 5:24
24 ולא אמרו בלבבם נירא נא את יהוה אלהינו הנתן גשׁם וירה ומלקושׁ בעתו שׁבעות חקות קציר ישׁמר׃
Jeremiah 14:22
22 הישׁ בהבלי הגוים מגשׁמים ואם השׁמים יתנו רבבים הלא אתה הוא יהוה אלהינו ונקוה לך כי אתה עשׂית את כל אלה׃
Joel 2:23-26
23 ובני ציון גילו ושׂמחו ביהוה אלהיכם כי נתן לכם את המורה לצדקה ויורד לכם גשׁם מורה ומלקושׁ בראשׁון׃24 ומלאו הגרנות בר והשׁיקו היקבים תירושׁ ויצהר׃25 ושׁלמתי לכם את השׁנים אשׁר אכל הארבה הילק והחסיל והגזם חילי הגדול אשׁר שׁלחתי׃26 ואכלתם אכול ושׂבוע והללתם את שׁם יהוה אלהיכם אשׁר עשׂה עמכם להפליא ולא יבשׁו עמי לעולם׃