Psalms 67 Cross References - HOT

1 למנצח בנגינת מזמור שׁיר׃ (67:2) אלהים יחננו ויברכנו יאר פניו אתנו סלה׃2 (67:3) לדעת בארץ דרכך בכל גוים ישׁועתך׃3 (67:4) יודוך עמים אלהים יודוך עמים כלם׃4 (67:5) ישׂמחו וירננו לאמים כי תשׁפט עמים מישׁור ולאמים בארץ תנחם סלה׃5 (67:6) יודוך עמים אלהים יודוך עמים כלם׃6 (67:7) ארץ נתנה יבולה יברכנו אלהים אלהינו׃7 (67:8) יברכנו אלהים וייראו אתו כל אפסי ארץ׃

Genesis 12:2-3

2 ואעשׂך לגוי גדול ואברכך ואגדלה שׁמך והיה ברכה׃3 ואברכה מברכיך ומקללך אאר ונברכו בך כל משׁפחת האדמה׃

Genesis 17:7

7 והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃

Genesis 18:25

25 חללה לך מעשׂת כדבר הזה להמית צדיק עם רשׁע והיה כצדיק כרשׁע חללה לך השׁפט כל הארץ לא יעשׂה משׁפט׃

Exodus 3:15

15 ויאמר עוד אלהים אל משׁה כה תאמר אל בני ישׂראל יהוה אלהי אבתיכם אלהי אברהם אלהי יצחק ואלהי יעקב שׁלחני אליכם זה שׁמי לעלם וזה זכרי לדר דר׃

Leviticus 26:4

4 ונתתי גשׁמיכם בעתם ונתנה הארץ יבולה ועץ השׂדה יתן פריו׃

Numbers 6:24-27

24 יברכך יהוה וישׁמרך׃25 יאר יהוה פניו אליך ויחנך׃26 ישׂא יהוה פניו אליך וישׂם לך שׁלום׃27 ושׂמו את שׁמי על בני ישׂראל ואני אברכם׃

Deuteronomy 21:8

8 כפר לעמך ישׂראל אשׁר פדית יהוה ואל תתן דם נקי בקרב עמך ישׂראל ונכפר להם הדם׃

Deuteronomy 32:43

43 הרנינו גוים עמו כי דם עבדיו יקום ונקם ישׁיב לצריו וכפר אדמתו עמו׃

Esther 8:15-17

15 ומרדכי יצא מלפני המלך בלבושׁ מלכות תכלת וחור ועטרת זהב גדולה ותכריך בוץ וארגמן והעיר שׁושׁן צהלה ושׂמחה׃16 ליהודים היתה אורה ושׂמחה ושׂשׂן ויקר׃17 ובכל מדינה ומדינה ובכל עיר ועיר מקום אשׁר דבר המלך ודתו מגיע שׂמחה ושׂשׂון ליהודים משׁתה ויום טוב ורבים מעמי הארץ מתיהדים כי נפל פחד היהודים עליהם׃

Psalms 2:8

8 שׁאל ממני ואתנה גוים נחלתך ואחזתך אפסי ארץ׃

Psalms 4:1

1 למנצח בנגינות מזמור לדוד׃ (4:2) בקראי ענני אלהי צדקי בצר הרחבת לי חנני ושׁמע תפלתי׃

Psalms 4:6

6 (4:7) רבים אמרים מי יראנו טוב נסה עלינו אור פניך יהוה׃

Psalms 6:1

1 למנצח בנגינות על השׁמינית מזמור לדוד׃ (6:2) יהוה אל באפך תוכיחני ואל בחמתך תיסרני׃

Psalms 9:8

8 (9:9) והוא ישׁפט תבל בצדק ידין לאמים במישׁרים׃

Psalms 22:27

27 (22:28) יזכרו וישׁבו אל יהוה כל אפסי ארץ וישׁתחוו לפניך כל משׁפחות גוים׃

Psalms 28:9

9 הושׁיעה את עמך וברך את נחלתך ורעם ונשׂאם עד העולם׃

Psalms 29:11

11 יהוה עז לעמו יתן יהוה יברך את עמו בשׁלום׃

Psalms 31:16

16 (31:17) האירה פניך על עבדך הושׁיעני בחסדך׃

Psalms 33:8

8 ייראו מיהוה כל הארץ ממנו יגורו כל ישׁבי תבל׃

Psalms 43:5

5 מה תשׁתוחחי נפשׁי ומה תהמי עלי הוחילי לאלהים כי עוד אודנו ישׁועת פני ואלהי׃

Psalms 45:17

17 (45:18) אזכירה שׁמך בכל דר ודר על כן עמים יהודך לעלם ועד׃

Psalms 48:14

14 (48:15) כי זה אלהים אלהינו עולם ועד הוא ינהגנו על מות׃

Psalms 65:5

5 (65:6) נוראות בצדק תעננו אלהי ישׁענו מבטח כל קצוי ארץ וים רחקים׃

Psalms 66:1-4

1 למנצח שׁיר מזמור הריעו לאלהים כל הארץ׃2 זמרו כבוד שׁמו שׂימו כבוד תהלתו׃3 אמרו לאלהים מה נורא מעשׂיך ברב עזך יכחשׁו לך איביך׃4 כל הארץ ישׁתחוו לך ויזמרו לך יזמרו שׁמך סלה׃

Psalms 67:3

3 (67:4) יודוך עמים אלהים יודוך עמים כלם׃

Psalms 67:5

5 (67:6) יודוך עמים אלהים יודוך עמים כלם׃

Psalms 72:17

17 יהי שׁמו לעולם לפני שׁמשׁ ינין שׁמו ויתברכו בו כל גוים יאשׁרוהו׃

Psalms 74:21

21 אל ישׁב דך נכלם עני ואביון יהללו שׁמך׃

Psalms 76:1

1 למנצח בנגינת מזמור לאסף שׁיר׃ (76:2) נודע ביהודה אלהים בישׂראל גדול שׁמו׃

Psalms 80:1-3

1 למנצח אל שׁשׁנים עדות לאסף מזמור׃ (80:2) רעה ישׂראל האזינה נהג כצאן יוסף ישׁב הכרובים הופיעה׃2 (80:3) לפני אפרים ובנימן ומנשׁה עוררה את גבורתך ולכה לישׁעתה׃3 (80:4) אלהים השׁיבנו והאר פניך ונושׁעה׃

Psalms 80:7

7 (80:8) אלהים צבאות השׁיבנו והאר פניך ונושׁעה׃

Psalms 80:19

19 (80:20) יהוה אלהים צבאות השׁיבנו האר פניך ונושׁעה׃

Psalms 82:6

6 אני אמרתי אלהים אתם ובני עליון כלכם׃

Psalms 85:9-12

9 (85:10) אך קרוב ליראיו ישׁעו לשׁכן כבוד בארצנו׃10 (85:11) חסד ואמת נפגשׁו צדק ושׁלום נשׁקו׃11 (85:12) אמת מארץ תצמח וצדק משׁמים נשׁקף׃12 (85:13) גם יהוה יתן הטוב וארצנו תתן יבולה׃

Psalms 96:10-97:1

10 אמרו בגוים יהוה מלך אף תכון תבל בל תמוט ידין עמים במישׁרים׃

Psalms 98:2-3

2 הודיע יהוה ישׁועתו לעיני הגוים גלה צדקתו׃3 זכר חסדו ואמונתו לבית ישׂראל ראו כל אפסי ארץ את ישׁועת אלהינו׃

Psalms 98:3

3 זכר חסדו ואמונתו לבית ישׂראל ראו כל אפסי ארץ את ישׁועת אלהינו׃

Psalms 98:9

9 לפני יהוה כי בא לשׁפט הארץ ישׁפט תבל בצדק ועמים במישׁרים׃

Psalms 117:2

2 כי גבר עלינו חסדו ואמת יהוה לעולם הללו יה׃

Psalms 119:135

135 פניך האר בעבדך ולמדני את חקיך׃

Psalms 119:175

175 תחי נפשׁי ותהללך ומשׁפטך יעזרני׃

Psalms 138:4-5

4 יודוך יהוה כל מלכי ארץ כי שׁמעו אמרי פיך׃5 וישׁירו בדרכי יהוה כי גדול כבוד יהוה׃

Psalms 142:7

7 (142:8) הוציאה ממסגר נפשׁי להודות את שׁמך בי יכתרו צדיקים כי תגמל עלי׃

Isaiah 1:19

19 אם תאבו ושׁמעתם טוב הארץ תאכלו׃

Isaiah 24:14-16

14 המה ישׂאו קולם ירנו בגאון יהוה צהלו מים׃15 על כן בארים כבדו יהוה באיי הים שׁם יהוה אלהי ישׂראל׃16 מכנף הארץ זמרת שׁמענו צבי לצדיק ואמר רזי לי רזי לי אוי לי בגדים בגדו ובגד בוגדים בגדו׃

Isaiah 30:23-24

23 ונתן מטר זרעך אשׁר תזרע את האדמה ולחם תבואת האדמה והיה דשׁן ושׁמן ירעה מקניך ביום ההוא כר נרחב׃24 והאלפים והעירים עבדי האדמה בליל חמיץ יאכלו אשׁר זרה ברחת ובמזרה׃

Isaiah 38:18-19

18 כי לא שׁאול תודך מות יהללך לא ישׂברו יורדי בור אל אמתך׃19 חי חי הוא יודך כמוני היום אב לבנים יודיע אל אמתך׃

Isaiah 42:10-12

10 שׁירו ליהוה שׁיר חדשׁ תהלתו מקצה הארץ יורדי הים ומלאו איים וישׁביהם׃11 ישׂאו מדבר ועריו חצרים תשׁב קדר ירנו ישׁבי סלע מראשׁ הרים יצוחו׃12 ישׂימו ליהוה כבוד ותהלתו באיים יגידו׃

Isaiah 43:6

6 אמר לצפון תני ולתימן אל תכלאי הביאי בני מרחוק ובנותי מקצה הארץ׃

Isaiah 45:22

22 פנו אלי והושׁעו כל אפסי ארץ כי אני אל ואין עוד׃

Isaiah 49:6

6 ויאמר נקל מהיותך לי עבד להקים את שׁבטי יעקב ונצירי ישׂראל להשׁיב ונתתיך לאור גוים להיות ישׁועתי עד קצה הארץ׃

Isaiah 52:10

10 חשׂף יהוה את זרוע קדשׁו לעיני כל הגוים וראו כל אפסי ארץ את ישׁועת אלהינו׃

Isaiah 54:1

1 רני עקרה לא ילדה פצחי רנה וצהלי לא חלה כי רבים בני שׁוממה מבני בעולה אמר יהוה׃

Isaiah 55:4

4 הן עד לאומים נתתיו נגיד ומצוה לאמים׃

Jeremiah 31:1

1 בעת ההיא נאם יהוה אהיה לאלהים לכל משׁפחות ישׂראל והמה יהיו לי לעם׃

Jeremiah 31:33

33 כי זאת הברית אשׁר אכרת את בית ישׂראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃

Ezekiel 34:26-27

26 ונתתי אותם וסביבות גבעתי ברכה והורדתי הגשׁם בעתו גשׁמי ברכה יהיו׃27 ונתן עץ השׂדה את פריו והארץ תתן יבולה והיו על אדמתם לבטח וידעו כי אני יהוה בשׁברי את מטות עלם והצלתים מיד העבדים׃

Hosea 2:21-22

21 (2:23) והיה ביום ההוא אענה נאם יהוה אענה את השׁמים והם יענו את הארץ׃22 (2:24) והארץ תענה את הדגן ואת התירושׁ ואת היצהר והם יענו את יזרעאל׃

Micah 5:4

4 (5:3) ועמד ורעה בעז יהוה בגאון שׁם יהוה אלהיו וישׁבו כי עתה יגדל עד אפסי ארץ׃

Zechariah 8:20-23

20 כה אמר יהוה צבאות עד אשׁר יבאו עמים וישׁבי ערים רבות׃21 והלכו ישׁבי אחת אל אחת לאמר נלכה הלוך לחלות את פני יהוה ולבקשׁ את יהוה צבאות אלכה גם אני׃22 ובאו עמים רבים וגוים עצומים לבקשׁ את יהוה צבאות בירושׁלם ולחלות את פני יהוה׃23 כה אמר יהוה צבאות בימים ההמה אשׁר יחזיקו עשׂרה אנשׁים מכל לשׁנות הגוים והחזיקו בכנף אישׁ יהודי לאמר נלכה עמכם כי שׁמענו אלהים עמכם׃

Zechariah 9:10

10 והכרתי רכב מאפרים וסוס מירושׁלם ונכרתה קשׁת מלחמה ודבר שׁלום לגוים ומשׁלו מים עד ים ומנהר עד אפסי ארץ׃

Malachi 1:11

11 כי ממזרח שׁמשׁ ועד מבואו גדול שׁמי בגוים ובכל מקום מקטר מגשׁ לשׁמי ומנחה טהורה כי גדול שׁמי בגוים אמר יהוה צבאות׃

Malachi 4:2

2 (3:20) וזרחה לכם יראי שׁמי שׁמשׁ צדקה ומרפא בכנפיה ויצאתם ופשׁתם כעגלי מרבק׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.