1 בך יהוה חסיתי אל אבושׁה לעולם׃2 בצדקתך תצילני ותפלטני הטה אלי אזנך והושׁיעני׃3 היה לי לצור מעון לבוא תמיד צוית להושׁיעני כי סלעי ומצודתי אתה׃4 אלהי פלטני מיד רשׁע מכף מעול וחומץ׃5 כי אתה תקותי אדני יהוה מבטחי מנעורי׃6 עליך נסמכתי מבטן ממעי אמי אתה גוזי בך תהלתי תמיד׃7 כמופת הייתי לרבים ואתה מחסי עז׃8 ימלא פי תהלתך כל היום תפארתך׃9 אל תשׁליכני לעת זקנה ככלות כחי אל תעזבני׃10 כי אמרו אויבי לי ושׁמרי נפשׁי נועצו יחדו׃11 לאמר אלהים עזבו רדפו ותפשׂוהו כי אין מציל׃12 אלהים אל תרחק ממני אלהי לעזרתי חישׁה׃13 יבשׁו יכלו שׂטני נפשׁי יעטו חרפה וכלמה מבקשׁי רעתי׃14 ואני תמיד איחל והוספתי על כל תהלתך׃15 פי יספר צדקתך כל היום תשׁועתך כי לא ידעתי ספרות׃16 אבוא בגברות אדני יהוה אזכיר צדקתך לבדך׃17 אלהים למדתני מנעורי ועד הנה אגיד נפלאותיך׃18 וגם עד זקנה ושׂיבה אלהים אל תעזבני עד אגיד זרועך לדור לכל יבוא גבורתך׃19 וצדקתך אלהים עד מרום אשׁר עשׂית גדלות אלהים מי כמוך׃20 אשׁר הראיתנו צרות רבות ורעות תשׁוב תחיינו ומתהמות הארץ תשׁוב תעלני׃21 תרב גדלתי ותסב תנחמני׃22 גם אני אודך בכלי נבל אמתך אלהי אזמרה לך בכנור קדושׁ ישׂראל׃23 תרננה שׂפתי כי אזמרה לך ונפשׁי אשׁר פדית׃24 גם לשׁוני כל היום תהגה צדקתך כי בשׁו כי חפרו מבקשׁי רעתי׃
Psalms 71 Cross References - HOT
2 Kings 18:5
5 ביהוה אלהי ישׂראל בטח ואחריו לא היה כמהו בכל מלכי יהודה ואשׁר היו לפניו׃
1 Chronicles 5:20
20 ויעזרו עליהם וינתנו בידם ההגריאים וכל שׁעמהם כי לאלהים זעקו במלחמה ונעתור להם כי בטחו׃
Psalms 22:5
5 (22:6) אליך זעקו ונמלטו בך בטחו ולא בושׁו׃
Psalms 25:2-3
Psalms 31:1-3
Psalms 125:1
1 שׁיר המעלות הבטחים ביהוה כהר ציון לא ימוט לעולם ישׁב׃
Psalms 146:5
5 אשׁרי שׁאל יעקב בעזרו שׂברו על יהוה אלהיו׃
Isaiah 45:17
17 ישׂראל נושׁע ביהוה תשׁועת עולמים לא תבשׁו ולא תכלמו עד עולמי עד׃
Jeremiah 17:18
18 יבשׁו רדפי ואל אבשׁה אני יחתו המה ואל אחתה אני הביא עליהם יום רעה ומשׁנה שׁברון שׁברם׃
Psalms 10:17-18
Psalms 17:2
2 מלפניך משׁפטי יצא עיניך תחזינה מישׁרים׃
Psalms 17:6
6 אני קראתיך כי תענני אל הט אזנך לי שׁמע אמרתי׃
Psalms 31:1
1 למנצח מזמור לדוד׃ (31:2) בך יהוה חסיתי אל אבושׁה לעולם בצדקתך פלטני׃
Psalms 34:15
15 (34:16) עיני יהוה אל צדיקים ואזניו אל שׁועתם׃
Psalms 43:1
1 שׁפטני אלהים וריבה ריבי מגוי לא חסיד מאישׁ מרמה ועולה תפלטני׃
Psalms 116:1-2
Psalms 143:1
1 מזמור לדוד יהוה שׁמע תפלתי האזינה אל תחנוני באמנתך ענני בצדקתך׃
Psalms 143:11
11 למען שׁמך יהוה תחיני בצדקתך תוציא מצרה נפשׁי׃
Daniel 9:16
16 אדני ככל צדקתך ישׁב נא אפך וחמתך מעירך ירושׁלם הר קדשׁך כי בחטאינו ובעונות אבתינו ירושׁלם ועמך לחרפה לכל סביבתינו׃
Deuteronomy 33:27
27 מענה אלהי קדם ומתחת זרעת עולם ויגרשׁ מפניך אויב ויאמר השׁמד׃
Psalms 18:2
2 (18:3) יהוה סלעי ומצודתי ומפלטי אלי צורי אחסה בו מגני וקרן ישׁעי משׂגבי׃
Psalms 42:8
8 (42:9) יומם יצוה יהוה חסדו ובלילה שׁירה עמי תפלה לאל חיי׃
Psalms 44:4
4 (44:5) אתה הוא מלכי אלהים צוה ישׁועות יעקב׃
Psalms 68:28
28 (68:29) צוה אלהיך עזך עוזה אלהים זו פעלת׃
Psalms 90:1
1 תפלה למשׁה אישׁ האלהים אדני מעון אתה היית לנו בדר ודר׃
Psalms 91:1-2
Psalms 91:9
9 כי אתה יהוה מחסי עליון שׂמת מעונך׃
Psalms 91:11-12
Psalms 144:2
2 חסדי ומצודתי משׂגבי ומפלטי לי מגני ובו חסיתי הרודד עמי תחתי׃
Proverbs 18:10
10 מגדל עז שׁם יהוה בו ירוץ צדיק ונשׂגב׃
Isaiah 33:16
16 הוא מרומים ישׁכן מצדות סלעים משׂגבו לחמו נתן מימיו נאמנים׃
Ezekiel 9:6
6 זקן בחור ובתולה וטף ונשׁים תהרגו למשׁחית ועל כל אישׁ אשׁר עליו התו אל תגשׁו וממקדשׁי תחלו ויחלו באנשׁים הזקנים אשׁר לפני הבית׃
2 Samuel 16:21-22
2 Samuel 17:1-2
2 Samuel 17:12-14
12 ובאנו אליו באחת המקומת אשׁר נמצא שׁם ונחנו עליו כאשׁר יפל הטל על האדמה ולא נותר בו ובכל האנשׁים אשׁר אתו גם אחד׃13 ואם אל עיר יאסף והשׂיאו כל ישׂראל אל העיר ההיא חבלים וסחבנו אתו עד הנחל עד אשׁר לא נמצא שׁם גם צרור׃14 ויאמר אבשׁלום וכל אישׁ ישׂראל טובה עצת חושׁי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשׁלום את הרעה׃
2 Samuel 17:21
21 ויהי אחרי לכתם ויעלו מהבאר וילכו ויגדו למלך דוד ויאמרו אל דוד קומו ועברו מהרה את המים כי ככה יעץ עליכם אחיתפל׃
Psalms 17:8-9
Psalms 17:13
13 קומה יהוה קדמה פניו הכריעהו פלטה נפשׁי מרשׁע חרבך׃
Psalms 59:1-2
Psalms 140:1-4
1 Samuel 16:13
13 ויקח שׁמואל את קרן השׁמן וימשׁח אתו בקרב אחיו ותצלח רוח יהוה אל דוד מהיום ההוא ומעלה ויקם שׁמואל וילך הרמתה׃
1 Samuel 17:33-37
33 ויאמר שׁאול אל דוד לא תוכל ללכת אל הפלשׁתי הזה להלחם עמו כי נער אתה והוא אישׁ מלחמה מנעריו׃34 ויאמר דוד אל שׁאול רעה היה עבדך לאביו בצאן ובא הארי ואת הדוב ונשׂא שׂה מהעדר׃35 ויצאתי אחריו והכתיו והצלתי מפיו ויקם עלי והחזקתי בזקנו והכתיו והמיתיו׃36 גם את הארי גם הדוב הכה עבדך והיה הפלשׁתי הערל הזה כאחד מהם כי חרף מערכת אלהים חיים׃37 ויאמר דוד יהוה אשׁר הצלני מיד הארי ומיד הדב הוא יצילני מיד הפלשׁתי הזה ויאמר שׁאול אל דוד לך ויהוה יהיה עמך׃
1 Samuel 17:45-47
45 ויאמר דוד אל הפלשׁתי אתה בא אלי בחרב ובחנית ובכידון ואנכי בא אליך בשׁם יהוה צבאות אלהי מערכות ישׂראל אשׁר חרפת׃46 היום הזה יסגרך יהוה בידי והכיתך והסרתי את ראשׁך מעליך ונתתי פגר מחנה פלשׁתים היום הזה לעוף השׁמים ולחית הארץ וידעו כל הארץ כי ישׁ אלהים לישׂראל׃47 וידעו כל הקהל הזה כי לא בחרב ובחנית יהושׁיע יהוה כי ליהוה המלחמה ונתן אתכם בידנו׃
Psalms 13:5
5 (13:6) ואני בחסדך בטחתי יגל לבי בישׁועת׃
Psalms 22:9-10
Psalms 39:7
7 (39:8) ועתה מה קויתי אדני תוחלתי לך היא׃
Psalms 42:11
11 (42:12) מה תשׁתוחחי נפשׁי ומה תהמי עלי הוחילי לאלהים כי עוד אודנו ישׁועת פני ואלהי׃
Psalms 71:17
17 אלהים למדתני מנעורי ועד הנה אגיד נפלאותיך׃
Psalms 119:81
81 כלתה לתשׁועתך נפשׁי לדברך יחלתי׃
Psalms 119:166
166 שׂברתי לישׁועתך יהוה ומצותיך עשׂיתי׃
Ecclesiastes 12:1
1 וזכר את בוראיך בימי בחורתיך עד אשׁר לא יבאו ימי הרעה והגיעו שׁנים אשׁר תאמר אין לי בהם חפץ׃
Jeremiah 14:8
8 מקוה ישׂראל מושׁיעו בעת צרה למה תהיה כגר בארץ וכארח נטה ללון׃
Jeremiah 17:7
7 ברוך הגבר אשׁר יבטח ביהוה והיה יהוה מבטחו׃
Jeremiah 17:13
13 מקוה ישׂראל יהוה כל עזביך יבשׁו יסורי בארץ יכתבו כי עזבו מקור מים חיים את יהוה׃
Jeremiah 17:17
17 אל תהיה לי למחתה מחסי אתה ביום רעה׃
Jeremiah 50:7
7 כל מוצאיהם אכלום וצריהם אמרו לא נאשׁם תחת אשׁר חטאו ליהוה נוה צדק ומקוה אבותיהם יהוה׃
Psalms 34:1
1 לדוד בשׁנותו את טעמו לפני אבימלך ויגרשׁהו וילך׃ (34:2) אברכה את יהוה בכל עת תמיד תהלתו בפי׃
Psalms 71:14
14 ואני תמיד איחל והוספתי על כל תהלתך׃
Psalms 139:15-16
Psalms 145:1-2
Proverbs 8:17
17 אני אהביה אהב ומשׁחרי ימצאנני׃
Isaiah 46:3-4
Isaiah 49:1
1 שׁמעו איים אלי והקשׁיבו לאמים מרחוק יהוה מבטן קראני ממעי אמי הזכיר שׁמי׃
Isaiah 49:5
5 ועתה אמר יהוה יצרי מבטן לעבד לו לשׁובב יעקב אליו וישׂראל לא יאסף ואכבד בעיני יהוה ואלהי היה עזי׃
Jeremiah 1:5
5 בטרם אצורך בבטן ידעתיך ובטרם תצא מרחם הקדשׁתיך נביא לגוים נתתיך׃
Jeremiah 3:4
4 הלוא מעתה קראתי לי אבי אלוף נערי אתה׃
Psalms 61:3
3 (61:4) כי היית מחסה לי מגדל עז מפני אויב׃
Psalms 62:7
7 (62:8) על אלהים ישׁעי וכבודי צור עזי מחסי באלהים׃
Psalms 142:4-5
Isaiah 8:18
18 הנה אנכי והילדים אשׁר נתן לי יהוה לאתות ולמופתים בישׂראל מעם יהוה צבאות השׁכן בהר ציון׃
Jeremiah 16:19
19 יהוה עזי ומעזי ומנוסי ביום צרה אליך גוים יבאו מאפסי ארץ ויאמרו אך שׁקר נחלו אבותינו הבל ואין בם מועיל׃
Zechariah 3:6
6 ויעד מלאך יהוה ביהושׁע לאמר׃
Psalms 35:28
28 ולשׁוני תהגה צדקך כל היום תהלתך׃
Psalms 51:14-15
Psalms 63:5
5 (63:6) כמו חלב ודשׁן תשׂבע נפשׁי ושׂפתי רננות יהלל פי׃
Psalms 71:15
15 פי יספר צדקתך כל היום תשׁועתך כי לא ידעתי ספרות׃
Psalms 71:24
24 גם לשׁוני כל היום תהגה צדקתך כי בשׁו כי חפרו מבקשׁי רעתי׃
Psalms 96:6
6 הוד והדר לפניו עז ותפארת במקדשׁו׃
Psalms 104:1
1 ברכי נפשׁי את יהוה יהוה אלהי גדלת מאד הוד והדר לבשׁת׃
Psalms 146:2
2 אהללה יהוה בחיי אזמרה לאלהי בעודי׃
2 Samuel 19:35
35 (19:36) בן שׁמנים שׁנה אנכי היום האדע בין טוב לרע אם יטעם עבדך את אשׁר אכל ואת אשׁר אשׁתה אם אשׁמע עוד בקול שׁרים ושׁרות ולמה יהיה עבדך עוד למשׂא אל אדני המלך׃
2 Samuel 21:15-17
Psalms 71:18
18 וגם עד זקנה ושׂיבה אלהים אל תעזבני עד אגיד זרועך לדור לכל יבוא גבורתך׃
Psalms 73:26
26 כלה שׁארי ולבבי צור לבבי וחלקי אלהים לעולם׃
Psalms 90:10
10 ימי שׁנותינו בהם שׁבעים שׁנה ואם בגבורת שׁמונים שׁנה ורהבם עמל ואון כי גז חישׁ ונעפה׃
Psalms 92:13-15
Ecclesiastes 12:1-7
1 וזכר את בוראיך בימי בחורתיך עד אשׁר לא יבאו ימי הרעה והגיעו שׁנים אשׁר תאמר אין לי בהם חפץ׃2 עד אשׁר לא תחשׁך השׁמשׁ והאור והירח והכוכבים ושׁבו העבים אחר הגשׁם׃3 ביום שׁיזעו שׁמרי הבית והתעותו אנשׁי החיל ובטלו הטחנות כי מעטו וחשׁכו הראות בארבות׃4 וסגרו דלתים בשׁוק בשׁפל קול הטחנה ויקום לקול הצפור וישׁחו כל בנות השׁיר׃5 גם מגבה יראו וחתחתים בדרך וינאץ השׁקד ויסתבל החגב ותפר האביונה כי הלך האדם אל בית עולמו וסבבו בשׁוק הספדים׃6 עד אשׁר לא ירחק חבל הכסף ותרץ גלת הזהב ותשׁבר כד על המבוע ונרץ הגלגל אל הבור׃7 וישׁב העפר על הארץ כשׁהיה והרוח תשׁוב אל האלהים אשׁר נתנה׃
Isaiah 46:4
4 ועד זקנה אני הוא ועד שׂיבה אני אסבל אני עשׂיתי ואני אשׂא ואני אסבל ואמלט׃
1 Samuel 19:11
11 וישׁלח שׁאול מלאכים אל בית דוד לשׁמרו ולהמיתו בבקר ותגד לדוד מיכל אשׁתו לאמר אם אינך ממלט את נפשׁך הלילה מחר אתה מומת׃
2 Samuel 17:1-14
1 ויאמר אחיתפל אל אבשׁלם אבחרה נא שׁנים עשׂר אלף אישׁ ואקומה וארדפה אחרי דוד הלילה׃2 ואבוא עליו והוא יגע ורפה ידים והחרדתי אתו ונס כל העם אשׁר אתו והכיתי את המלך לבדו׃3 ואשׁיבה כל העם אליך כשׁוב הכל האישׁ אשׁר אתה מבקשׁ כל העם יהיה שׁלום׃4 ויישׁר הדבר בעיני אבשׁלם ובעיני כל זקני ישׂראל׃5 ויאמר אבשׁלום קרא נא גם לחושׁי הארכי ונשׁמעה מה בפיו גם הוא׃6 ויבא חושׁי אל אבשׁלום ויאמר אבשׁלום אליו לאמר כדבר הזה דבר אחיתפל הנעשׂה את דברו אם אין אתה דבר׃7 ויאמר חושׁי אל אבשׁלום לא טובה העצה אשׁר יעץ אחיתפל בפעם הזאת׃8 ויאמר חושׁי אתה ידעת את אביך ואת אנשׁיו כי גברים המה ומרי נפשׁ המה כדב שׁכול בשׂדה ואביך אישׁ מלחמה ולא ילין את העם׃9 הנה עתה הוא נחבא באחת הפחתים או באחד המקומת והיה כנפל בהם בתחלה ושׁמע השׁמע ואמר היתה מגפה בעם אשׁר אחרי אבשׁלם׃10 והוא גם בן חיל אשׁר לבו כלב האריה המס ימס כי ידע כל ישׂראל כי גבור אביך ובני חיל אשׁר אתו׃11 כי יעצתי האסף יאסף עליך כל ישׂראל מדן ועד באר שׁבע כחול אשׁר על הים לרב ופניך הלכים בקרב׃
Psalms 2:2
2 יתיצבו מלכי ארץ ורוזנים נוסדו יחד על יהוה ועל משׁיחו׃
Psalms 10:9
9 יארב במסתר כאריה בסכה יארב לחטוף עני יחטף עני במשׁכו ברשׁתו׃
Psalms 31:13
13 (31:14) כי שׁמעתי דבת רבים מגור מסביב בהוסדם יחד עלי לקחת נפשׁי זממו׃
Psalms 37:32-33
Psalms 56:6
6 (56:7) יגורו יצפינו המה עקבי ישׁמרו כאשׁר קוו נפשׁי׃
Psalms 83:3
3 (83:4) על עמך יערימו סוד ויתיעצו על צפוניך׃
Proverbs 1:11
11 אם יאמרו לכה אתנו נארבה לדם נצפנה לנקי חנם׃
Jeremiah 20:10
10 כי שׁמעתי דבת רבים מגור מסביב הגידו ונגידנו כל אנושׁ שׁלומי שׁמרי צלעי אולי יפתה ונוכלה לו ונקחה נקמתנו ממנו׃
2 Chronicles 32:13-14
Psalms 3:2
2 (3:3) רבים אמרים לנפשׁי אין ישׁועתה לו באלהים סלה׃
Psalms 7:2
2 (7:3) פן יטרף כאריה נפשׁי פרק ואין מציל׃
Psalms 37:25
25 נער הייתי גם זקנתי ולא ראיתי צדיק נעזב וזרעו מבקשׁ לחם׃
Psalms 37:28
28 כי יהוה אהב משׁפט ולא יעזב את חסידיו לעולם נשׁמרו וזרע רשׁעים נכרת׃
Psalms 41:7-8
Psalms 42:10
10 (42:11) ברצח בעצמותי חרפוני צוררי באמרם אלי כל היום איה אלהיך׃
Psalms 50:22
22 בינו נא זאת שׁכחי אלוה פן אטרף ואין מציל׃
Daniel 3:15
15 כען הן איתיכון עתידין די בעדנא די תשׁמעון קל קרנא משׁרוקיתא קיתרס שׂבכא פסנתרין וסומפניה וכל זני זמרא תפלון ותסגדון לצלמא די עבדת והן לא תסגדון בה שׁעתה תתרמון לגוא אתון נורא יקדתא ומן הוא אלה די ישׁיזבנכון מן ידי׃
Psalms 10:1
1 למה יהוה תעמד ברחוק תעלים לעתות בצרה׃
Psalms 22:11
11 (22:12) אל תרחק ממני כי צרה קרובה כי אין עוזר׃
Psalms 22:19
19 (22:20) ואתה יהוה אל תרחק אילותי לעזרתי חושׁה׃
Psalms 35:22
22 ראיתה יהוה אל תחרשׁ אדני אל תרחק ממני׃
Psalms 38:21-22
Psalms 40:13
13 (40:14) רצה יהוה להצילני יהוה לעזרתי חושׁה׃
Psalms 69:18
18 (69:19) קרבה אל נפשׁי גאלה למען איבי פדני׃
Psalms 70:1-2
Psalms 70:5
5 (70:6) ואני עני ואביון אלהים חושׁה לי עזרי ומפלטי אתה יהוה אל תאחר׃
Psalms 143:7
7 מהר ענני יהוה כלתה רוחי אל תסתר פניך ממני ונמשׁלתי עם ירדי בור׃
Esther 9:2
2 נקהלו היהודים בעריהם בכל מדינות המלך אחשׁורושׁ לשׁלח יד במבקשׁי רעתם ואישׁ לא עמד לפניהם כי נפל פחדם על כל העמים׃
Psalms 6:10
10 (6:11) יבשׁו ויבהלו מאד כל איבי ישׁבו יבשׁו רגע׃
Psalms 35:4
4 יבשׁו ויכלמו מבקשׁי נפשׁי יסגו אחור ויחפרו חשׁבי רעתי׃
Psalms 35:26
26 יבשׁו ויחפרו יחדו שׂמחי רעתי ילבשׁו בשׁת וכלמה המגדילים עלי׃
Psalms 40:14-15
Psalms 109:29
29 ילבשׁו שׂוטני כלמה ויעטו כמעיל בשׁתם׃
Psalms 132:18
18 אויביו אלבישׁ בשׁת ועליו יציץ נזרו׃
Isaiah 41:11
11 הן יבשׁו ויכלמו כל הנחרים בך יהיו כאין ויאבדו אנשׁי ריבך׃
Jeremiah 20:11
11 ויהוה אותי כגבור עריץ על כן רדפי יכשׁלו ולא יכלו בשׁו מאד כי לא השׂכילו כלמת עולם לא תשׁכח׃
Job 13:15
15 הן יקטלני לא איחל אך דרכי אל פניו אוכיח׃
Psalms 43:5
5 מה תשׁתוחחי נפשׁי ומה תהמי עלי הוחילי לאלהים כי עוד אודנו ישׁועת פני ואלהי׃
Psalms 71:6
6 עליך נסמכתי מבטן ממעי אמי אתה גוזי בך תהלתי תמיד׃
Psalms 130:7
7 יחל ישׂראל אל יהוה כי עם יהוה החסד והרבה עמו פדות׃
Lamentations 3:21
21 זאת אשׁיב אל לבי על כן אוחיל׃
Lamentations 3:26
26 טוב ויחיל ודומם לתשׁועת יהוה׃
Psalms 22:22-25
Psalms 30:12
12 (30:13) למען יזמרך כבוד ולא ידם יהוה אלהי לעולם אודך׃
Psalms 40:5
5 (40:6) רבות עשׂית אתה יהוה אלהי נפלאתיך ומחשׁבתיך אלינו אין ערך אליך אגידה ואדברה עצמו מספר׃
Psalms 40:9-10
Psalms 40:12
12 (40:13) כי אפפו עלי רעות עד אין מספר השׂיגוני עונתי ולא יכלתי לראות עצמו משׂערות ראשׁי ולבי עזבני׃
Psalms 71:8
8 ימלא פי תהלתך כל היום תפארתך׃
Psalms 89:16
16 (89:17) בשׁמך יגילון כל היום ובצדקתך ירומו׃
Psalms 139:17-18
Psalms 145:2
2 בכל יום אברכך ואהללה שׁמך לעולם ועד׃
Psalms 145:5-14
5 הדר כבוד הודך ודברי נפלאותיך אשׂיחה׃6 ועזוז נוראתיך יאמרו וגדולתיך אספרנה׃7 זכר רב טובך יביעו וצדקתך ירננו׃8 חנון ורחום יהוה ארך אפים וגדל חסד׃9 טוב יהוה לכל ורחמיו על כל מעשׂיו׃10 יודוך יהוה כל מעשׂיך וחסידיך יברכוכה׃11 כבוד מלכותך יאמרו וגבורתך ידברו׃12 להודיע לבני האדם גבורתיו וכבוד הדר מלכותו׃13 מלכותך מלכות כל עלמים וממשׁלתך בכל דור ודור׃14 סומך יהוה לכל הנפלים וזוקף לכל הכפופים׃
Deuteronomy 33:25
25 ברזל ונחשׁת מנעלך וכימיך דבאך׃
Psalms 29:11
11 יהוה עז לעמו יתן יהוה יברך את עמו בשׁלום׃
Psalms 51:14
14 (51:16) הצילני מדמים אלהים אלהי תשׁועתי תרנן לשׁוני צדקתך׃
Psalms 71:2
2 בצדקתך תצילני ותפלטני הטה אלי אזנך והושׁיעני׃
Psalms 71:19
19 וצדקתך אלהים עד מרום אשׁר עשׂית גדלות אלהים מי כמוך׃
Psalms 106:2
2 מי ימלל גבורות יהוה ישׁמיע כל תהלתו׃
Isaiah 26:13
13 יהוה אלהינו בעלונו אדנים זולתך לבד בך נזכיר שׁמך׃
Isaiah 40:31
31 וקוי יהוה יחליפו כח יעלו אבר כנשׁרים ירוצו ולא ייגעו ילכו ולא ייעפו׃
Isaiah 45:24-25
Isaiah 63:7
7 חסדי יהוה אזכיר תהלת יהוה כעל כל אשׁר גמלנו יהוה ורב טוב לבית ישׂראל אשׁר גמלם כרחמיו וכרב חסדיו׃
Zechariah 10:12
12 וגברתים ביהוה ובשׁמו יתהלכו נאם יהוה׃
Deuteronomy 4:5
5 ראה למדתי אתכם חקים ומשׁפטים כאשׁר צוני יהוה אלהי לעשׂות כן בקרב הארץ אשׁר אתם באים שׁמה לרשׁתה׃
2 Samuel 4:9
9 ויען דוד את רכב ואת בענה אחיו בני רמון הבארתי ויאמר להם חי יהוה אשׁר פדה את נפשׁי מכל צרה׃
2 Samuel 22:1-51
1 וידבר דוד ליהוה את דברי השׁירה הזאת ביום הציל יהוה אתו מכף כל איביו ומכף שׁאול׃2 ויאמר יהוה סלעי ומצדתי ומפלטי׃3 אלהי צורי אחסה בו מגני וקרן ישׁעי משׂגבי ומנוסי משׁעי מחמס תשׁעני׃4 מהלל אקרא יהוה ומאיבי אושׁע׃5 כי אפפני משׁברי מות נחלי בליעל יבעתני׃6 חבלי שׁאול סבני קדמני מקשׁי מות׃7 בצר לי אקרא יהוה ואל אלהי אקרא וישׁמע מהיכלו קולי ושׁועתי באזניו׃8 ותגעשׁ ותרעשׁ הארץ מוסדות השׁמים ירגזו ויתגעשׁו כי חרה׃9 עלה עשׁן באפו ואשׁ מפיו תאכל גחלים בערו ממנו׃10 ויט שׁמים וירד וערפל תחת רגליו׃11 וירכב על כרוב ויעף וירא על כנפי רוח׃12 וישׁת חשׁך סביבתיו סכות חשׁרת מים עבי שׁחקים׃13 מנגה נגדו בערו גחלי אשׁ׃14 ירעם מן שׁמים יהוה ועליון יתן קולו׃15 וישׁלח חצים ויפיצם ברק ויהמם׃16 ויראו אפקי ים יגלו מסדות תבל בגערת יהוה מנשׁמת רוח אפו׃17 ישׁלח ממרום יקחני ימשׁני ממים רבים׃18 יצילני מאיבי עז משׂנאי כי אמצו ממני׃19 יקדמני ביום אידי ויהי יהוה משׁען׃20 ויצא למרחב אתי יחלצני כי חפץ׃21 יגמלני יהוה כצדקתי כבר ידי ישׁיב׃22 כי שׁמרתי דרכי יהוה ולא רשׁעתי מאלהי׃23 כי כל משׁפטו לנגדי וחקתיו לא אסור ממנה׃24 ואהיה תמים לו ואשׁתמרה מעוני׃25 וישׁב יהוה לי כצדקתי כברי לנגד עיניו׃26 עם חסיד תתחסד עם גבור תמים תתמם׃27 עם נבר תתבר ועם עקשׁ תתפל׃28 ואת עם עני תושׁיע ועיניך על רמים תשׁפיל׃29 כי אתה נירי יהוה ויהוה יגיה חשׁכי׃30 כי בכה ארוץ גדוד באלהי אדלג שׁור׃31 האל תמים דרכו אמרת יהוה צרופה מגן הוא לכל החסים׃32 כי מי אל מבלעדי יהוה ומי צור מבלעדי אלהינו׃33 האל מעוזי חיל ויתר תמים דרכו׃34 משׁוה רגליו כאילות ועל במותי יעמדני׃35 מלמד ידי למלחמה ונחת קשׁת נחושׁה זרעתי׃36 ותתן לי מגן ישׁעך וענתך תרבני׃37 תרחיב צעדי תחתני ולא מעדו קרסלי׃38 ארדפה איבי ואשׁמידם ולא אשׁוב עד כלותם׃39 ואכלם ואמחצם ולא יקומון ויפלו תחת רגלי׃40 ותזרני חיל למלחמה תכריע קמי תחתני׃41 ואיבי תתה לי ערף משׂנאי ואצמיתם׃42 ישׁעו ואין משׁיע אל יהוה ולא ענם׃43 ואשׁחקם כעפר ארץ כטיט חוצות אדקם ארקעם׃44 ותפלטני מריבי עמי תשׁמרני לראשׁ גוים עם לא ידעתי יעבדני׃45 בני נכר יתכחשׁו לי לשׁמוע אזן ישׁמעו׃46 בני נכר יבלו ויחגרו ממסגרותם׃47 חי יהוה וברוך צורי וירם אלהי צור ישׁעי׃48 האל הנתן נקמת לי ומוריד עמים תחתני׃49 ומוציאי מאיבי ומקמי תרוממני מאישׁ חמסים תצילני׃50 על כן אודך יהוה בגוים ולשׁמך אזמר׃51 מגדיל ישׁועות מלכו ועשׂה חסד למשׁיחו לדוד ולזרעו עד עולם׃
1 Chronicles 16:4-36
4 ויתן לפני ארון יהוה מן הלוים משׁרתים ולהזכיר ולהודות ולהלל ליהוה אלהי ישׂראל׃5 אסף הראשׁ ומשׁנהו זכריה יעיאל ושׁמירמות ויחיאל ומתתיה ואליאב ובניהו ועבד אדם ויעיאל בכלי נבלים ובכנרות ואסף במצלתים משׁמיע׃6 ובניהו ויחזיאל הכהנים בחצצרות תמיד לפני ארון ברית האלהים׃7 ביום ההוא אז נתן דויד בראשׁ להדות ליהוה ביד אסף ואחיו׃8 הודו ליהוה קראו בשׁמו הודיעו בעמים עלילתיו׃9 שׁירו לו זמרו לו שׂיחו בכל נפלאתיו׃10 התהללו בשׁם קדשׁו ישׂמח לב מבקשׁי יהוה׃11 דרשׁו יהוה ועזו בקשׁו פניו תמיד׃12 זכרו נפלאתיו אשׁר עשׂה מפתיו ומשׁפטי פיהו׃13 זרע ישׂראל עבדו בני יעקב בחיריו׃14 הוא יהוה אלהינו בכל הארץ משׁפטיו׃15 זכרו לעולם בריתו דבר צוה לאלף דור׃16 אשׁר כרת את אברהם ושׁבועתו ליצחק׃17 ויעמידה ליעקב לחק לישׂראל ברית עולם׃18 לאמר לך אתן ארץ כנען חבל נחלתכם׃19 בהיותכם מתי מספר כמעט וגרים׃20 ויתהלכו מגוי אל גוי ומממלכה אל עם אחר׃21 לא הניח לאישׁ לעשׁקם ויוכח עליהם מלכים׃22 אל תגעו במשׁיחי ובנביאי אל תרעו׃23 שׁירו ליהוה כל הארץ בשׂרו מיום אל יום ישׁועתו׃24 ספרו בגוים את כבודו בכל העמים נפלאתיו׃25 כי גדול יהוה ומהלל מאד ונורא הוא על כל אלהים׃26 כי כל אלהי העמים אלילים ויהוה שׁמים עשׂה׃27 הוד והדר לפניו עז וחדוה במקמו׃28 הבו ליהוה משׁפחות עמים הבו ליהוה כבוד ועז׃29 הבו ליהוה כבוד שׁמו שׂאו מנחה ובאו לפניו השׁתחוו ליהוה בהדרת קדשׁ׃30 חילו מלפניו כל הארץ אף תכון תבל בל תמוט׃31 ישׂמחו השׁמים ותגל הארץ ויאמרו בגוים יהוה מלך׃32 ירעם הים ומלואו יעלץ השׂדה וכל אשׁר׃33 אז ירננו עצי היער מלפני יהוה כי בא לשׁפוט את הארץ׃34 הודו ליהוה כי טוב כי לעולם חסדו׃35 ואמרו הושׁיענו אלהי ישׁענו וקבצנו והצילנו מן הגוים להדות לשׁם קדשׁך להשׁתבח בתהלתך׃36 ברוך יהוה אלהי ישׂראל מן העולם ועד העלם ויאמרו כל העם אמן והלל ליהוה׃
Psalms 26:7
7 לשׁמע בקול תודה ולספר כל נפלאותיך׃
Psalms 66:16
16 לכו שׁמעו ואספרה כל יראי אלהים אשׁר עשׂה לנפשׁי׃
Psalms 71:5
5 כי אתה תקותי אדני יהוה מבטחי מנעורי׃
Psalms 119:9
9 במה יזכה נער את ארחו לשׁמר כדברך׃
Psalms 119:102
102 ממשׁפטיך לא סרתי כי אתה הורתני׃
Genesis 27:1
1 ויהי כי זקן יצחק ותכהין עיניו מראת ויקרא את עשׂו בנו הגדל ויאמר אליו בני ויאמר אליו הנני׃
Exodus 13:8
8 והגדת לבנך ביום ההוא לאמר בעבור זה עשׂה יהוה לי בצאתי ממצרים׃
Exodus 13:14-17
14 והיה כי ישׁאלך בנך מחר לאמר מה זאת ואמרת אליו בחזק יד הוציאנו יהוה ממצרים מבית עבדים׃15 ויהי כי הקשׁה פרעה לשׁלחנו ויהרג יהוה כל בכור בארץ מצרים מבכר אדם ועד בכור בהמה על כן אני זבח ליהוה כל פטר רחם הזכרים וכל בכור בני אפדה׃16 והיה לאות על ידכה ולטוטפת בין עיניך כי בחזק יד הוציאנו יהוה ממצרים׃17 ויהי בשׁלח פרעה את העם ולא נחם אלהים דרך ארץ פלשׁתים כי קרוב הוא כי אמר אלהים פן ינחם העם בראתם מלחמה ושׁבו מצרימה׃
1 Samuel 4:15
15 ועלי בן תשׁעים ושׁמנה שׁנה ועיניו קמה ולא יכול לראות׃
1 Samuel 4:18
18 ויהי כהזכירו את ארון האלהים ויפל מעל הכסא אחרנית בעד יד השׁער ותשׁבר מפרקתו וימת כי זקן האישׁ וכבד והוא שׁפט את ישׂראל ארבעים שׁנה׃
1 Chronicles 29:10-30
10 ויברך דויד את יהוה לעיני כל הקהל ויאמר דויד ברוך אתה יהוה אלהי ישׂראל אבינו מעולם ועד עולם׃11 לך יהוה הגדלה והגבורה והתפארת והנצח וההוד כי כל בשׁמים ובארץ לך יהוה הממלכה והמתנשׂא לכל לראשׁ׃12 והעשׁר והכבוד מלפניך ואתה מושׁל בכל ובידך כח וגבורה ובידך לגדל ולחזק לכל׃13 ועתה אלהינו מודים אנחנו לך ומהללים לשׁם תפארתך׃14 וכי מי אני ומי עמי כי נעצר כח להתנדב כזאת כי ממך הכל ומידך נתנו׃15 כי גרים אנחנו לפניך ותושׁבים ככל אבתינו כצל ימינו על הארץ ואין מקוה׃16 יהוה אלהינו כל ההמון הזה אשׁר הכיננו לבנות לך בית לשׁם קדשׁך מידך היא ולך הכל׃17 וידעתי אלהי כי אתה בחן לבב ומישׁרים תרצה אני בישׁר לבבי התנדבתי כל אלה ועתה עמך הנמצאו פה ראיתי בשׂמחה להתנדב׃18 יהוה אלהי אברהם יצחק וישׂראל אבתינו שׁמרה זאת לעולם ליצר מחשׁבות לבב עמך והכן לבבם אליך׃19 ולשׁלמה בני תן לבב שׁלם לשׁמור מצותיך עדותיך וחקיך ולעשׂות הכל ולבנות הבירה אשׁר הכינותי׃20 ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישׁתחוו ליהוה ולמלך׃21 ויזבחו ליהוה זבחים ויעלו עלות ליהוה למחרת היום ההוא פרים אלף אילים אלף כבשׂים אלף ונסכיהם וזבחים לרב לכל ישׂראל׃22 ויאכלו וישׁתו לפני יהוה ביום ההוא בשׂמחה גדולה וימליכו שׁנית לשׁלמה בן דויד וימשׁחו ליהוה לנגיד ולצדוק לכהן׃23 וישׁב שׁלמה על כסא יהוה למלך תחת דויד אביו ויצלח וישׁמעו אליו כל ישׂראל׃24 וכל השׂרים והגברים וגם כל בני המלך דויד נתנו יד תחת שׁלמה המלך׃25 ויגדל יהוה את שׁלמה למעלה לעיני כל ישׂראל ויתן עליו הוד מלכות אשׁר לא היה על כל מלך לפניו על ישׂראל׃26 ודויד בן ישׁי מלך על כל ישׂראל׃27 והימים אשׁר מלך על ישׂראל ארבעים שׁנה בחברון מלך שׁבע שׁנים ובירושׁלם מלך שׁלשׁים ושׁלושׁ׃28 וימת בשׂיבה טובה שׂבע ימים עשׁר וכבוד וימלך שׁלמה בנו תחתיו׃29 ודברי דויד המלך הראשׁנים והאחרנים הנם כתובים על דברי שׁמואל הראה ועל דברי נתן הנביא ועל דברי גד החזה׃30 עם כל מלכותו וגבורתו והעתים אשׁר עברו עליו ועל ישׂראל ועל כל ממלכות הארצות׃
Psalms 22:31
31 (22:32) יבאו ויגידו צדקתו לעם נולד כי עשׂה׃
Psalms 71:9
9 אל תשׁליכני לעת זקנה ככלות כחי אל תעזבני׃
Psalms 78:4
4 לא נכחד מבניהם לדור אחרון מספרים תהלות יהוה ועזוזו ונפלאותיו אשׁר עשׂה׃
Psalms 78:6
6 למען ידעו דור אחרון בנים יולדו יקמו ויספרו לבניהם׃
Psalms 145:4-5
Isaiah 51:9
9 עורי עורי לבשׁי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃
Isaiah 53:1
1 מי האמין לשׁמעתנו וזרוע יהוה על מי נגלתה׃
Exodus 15:11
11 מי כמכה באלם יהוה מי כמכה נאדר בקדשׁ נורא תהלת עשׂה פלא׃
Job 5:9
9 עשׂה גדלות ואין חקר נפלאות עד אין מספר׃
Psalms 35:10
10 כל עצמותי תאמרנה יהוה מי כמוך מציל עני מחזק ממנו ועני ואביון מגזלו׃
Psalms 36:5-6
Psalms 57:10
10 (57:11) כי גדל עד שׁמים חסדך ועד שׁחקים אמתך׃
Psalms 72:18
18 ברוך יהוה אלהים אלהי ישׂראל עשׂה נפלאות לבדו׃
Psalms 86:8
8 אין כמוך באלהים אדני ואין כמעשׂיך׃
Psalms 89:6-8
Psalms 126:2-3
Psalms 139:6
6 פלאיה דעת ממני נשׂגבה לא אוכל׃
Proverbs 15:24
24 ארח חיים למעלה למשׂכיל למען סור משׁאול מטה׃
Proverbs 24:7
7 ראמות לאויל חכמות בשׁער לא יפתח פיהו׃
Isaiah 5:16
16 ויגבה יהוה צבאות במשׁפט והאל הקדושׁ נקדשׁ בצדקה׃
Isaiah 40:18
18 ואל מי תדמיון אל ומה דמות תערכו׃
Isaiah 40:25
25 ואל מי תדמיוני ואשׁוה יאמר קדושׁ׃
Isaiah 55:9
9 כי גבהו שׁמים מארץ כן גבהו דרכי מדרכיכם ומחשׁבתי ממחשׁבתיכם׃
Jeremiah 10:7
7 מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃
2 Samuel 12:11
11 כה אמר יהוה הנני מקים עליך רעה מביתך ולקחתי את נשׁיך לעיניך ונתתי לרעיך ושׁכב עם נשׁיך לעיני השׁמשׁ הזאת׃
Psalms 16:10
10 כי לא תעזב נפשׁי לשׁאול לא תתן חסידך לראות שׁחת׃
Psalms 40:1-3
Psalms 60:3
3 (60:5) הראיתה עמך קשׁה השׁקיתנו יין תרעלה׃
Psalms 66:10-12
Psalms 80:18
18 (80:19) ולא נסוג ממך תחינו ובשׁמך נקרא׃
Psalms 85:6
6 (85:7) הלא אתה תשׁוב תחינו ועמך ישׂמחו׃
Psalms 86:13
13 כי חסדך גדול עלי והצלת נפשׁי משׁאול תחתיה׃
Psalms 88:6-18
6 (88:7) שׁתני בבור תחתיות במחשׁכים במצלות׃7 (88:8) עלי סמכה חמתך וכל משׁבריך ענית סלה׃8 (88:9) הרחקת מידעי ממני שׁתני תועבות למו כלא ולא אצא׃9 (88:10) עיני דאבה מני עני קראתיך יהוה בכל יום שׁטחתי אליך כפי׃10 (88:11) הלמתים תעשׂה פלא אם רפאים יקומו יודוך סלה׃11 (88:12) היספר בקבר חסדך אמונתך באבדון׃12 (88:13) היודע בחשׁך פלאך וצדקתך בארץ נשׁיה׃13 (88:14) ואני אליך יהוה שׁועתי ובבקר תפלתי תקדמך׃14 (88:15) למה יהוה תזנח נפשׁי תסתיר פניך ממני׃15 (88:16) עני אני וגוע מנער נשׂאתי אמיך אפונה׃16 (88:17) עלי עברו חרוניך בעותיך צמתותני׃17 (88:18) סבוני כמים כל היום הקיפו עלי יחד׃18 (88:19) הרחקת ממני אהב ורע מידעי מחשׁך׃
Psalms 119:25
25 דבקה לעפר נפשׁי חיני כדברך׃
Psalms 138:7
7 אם אלך בקרב צרה תחיני על אף איבי תשׁלח ידך ותושׁיעני ימינך׃
Isaiah 26:19
19 יחיו מתיך נבלתי יקומון הקיצו ורננו שׁכני עפר כי טל אורת טלך וארץ רפאים תפיל׃
Isaiah 38:17
17 הנה לשׁלום מר לי מר ואתה חשׁקת נפשׁי משׁחת בלי כי השׁלכת אחרי גוך כל חטאי׃
Ezekiel 37:12-13
Hosea 6:1-2
Jonah 2:6
6 (2:7) לקצבי הרים ירדתי הארץ ברחיה בעדי לעולם ותעל משׁחת חיי יהוה אלהי׃
2 Samuel 3:1
1 ותהי המלחמה ארכה בין בית שׁאול ובין בית דוד ודוד הלך וחזק ובית שׁאול הלכים ודלים׃
Psalms 18:35
35 (18:36) ותתן לי מגן ישׁעך וימינך תסעדני וענותך תרבני׃
Psalms 23:4
4 גם כי אלך בגיא צלמות לא אירא רע כי אתה עמדי שׁבטך ומשׁענתך המה ינחמני׃
Psalms 32:10
10 רבים מכאובים לרשׁע והבוטח ביהוה חסד יסובבנו׃
Psalms 72:11
11 וישׁתחוו לו כל מלכים כל גוים יעבדוהו׃
Psalms 86:17
17 עשׂה עמי אות לטובה ויראו שׂנאי ויבשׁו כי אתה יהוה עזרתני ונחמתני׃
Isaiah 9:7
7 (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃
Isaiah 12:1
1 ואמרת ביום ההוא אודך יהוה כי אנפת בי ישׁב אפך ותנחמני׃
Isaiah 49:6
6 ויאמר נקל מהיותך לי עבד להקים את שׁבטי יעקב ונצירי ישׂראל להשׁיב ונתתיך לאור גוים להיות ישׁועתי עד קצה הארץ׃
Isaiah 49:13
13 רנו שׁמים וגילי ארץ יפצחו הרים רנה כי נחם יהוה עמו ועניו ירחם׃
2 Kings 19:22
22 את מי חרפת וגדפת ועל מי הרימות קול ותשׂא מרום עיניך על קדושׁ ישׂראל׃
Psalms 25:10
10 כל ארחות יהוה חסד ואמת לנצרי בריתו ועדתיו׃
Psalms 33:2
2 הודו ליהוה בכנור בנבל עשׂור זמרו׃
Psalms 56:4
4 (56:5) באלהים אהלל דברו באלהים בטחתי לא אירא מה יעשׂה בשׂר׃
Psalms 78:41
41 וישׁובו וינסו אל וקדושׁ ישׂראל התוו׃
Psalms 89:1
1 משׂכיל לאיתן האזרחי׃ (89:2) חסדי יהוה עולם אשׁירה לדר ודר אודיע אמונתך בפי׃
Psalms 89:18
18 (89:19) כי ליהוה מגננו ולקדושׁ ישׂראל מלכנו׃
Psalms 92:1-3
Psalms 98:3
3 זכר חסדו ואמונתו לבית ישׂראל ראו כל אפסי ארץ את ישׁועת אלהינו׃
Psalms 138:2
2 אשׁתחוה אל היכל קדשׁך ואודה את שׁמך על חסדך ועל אמתך כי הגדלת על כל שׁמך אמרתך׃
Psalms 144:9
9 אלהים שׁיר חדשׁ אשׁירה לך בנבל עשׂור אזמרה׃
Psalms 150:3-5
Isaiah 5:19
19 האמרים ימהר יחישׁה מעשׂהו למען נראה ותקרב ותבואה עצת קדושׁ ישׂראל ונדעה׃
Isaiah 5:24
24 לכן כאכל קשׁ לשׁון אשׁ וחשׁשׁ להבה ירפה שׁרשׁם כמק יהיה ופרחם כאבק יעלה כי מאסו את תורת יהוה צבאות ואת אמרת קדושׁ ישׂראל נאצו׃
Isaiah 12:6
6 צהלי ורני יושׁבת ציון כי גדול בקרבך קדושׁ ישׂראל׃
Isaiah 30:11-12
Isaiah 43:3
3 כי אני יהוה אלהיך קדושׁ ישׂראל מושׁיעך נתתי כפרך מצרים כושׁ וסבא תחתיך׃
Isaiah 57:15
15 כי כה אמר רם ונשׂא שׁכן עד וקדושׁ שׁמו מרום וקדושׁ אשׁכון ואת דכא ושׁפל רוח להחיות רוח שׁפלים ולהחיות לב נדכאים׃
Isaiah 60:9
9 כי לי איים יקוו ואניות תרשׁישׁ בראשׁנה להביא בניך מרחוק כספם וזהבם אתם לשׁם יהוה אלהיך ולקדושׁ ישׂראל כי פארך׃
Micah 7:20
20 תתן אמת ליעקב חסד לאברהם אשׁר נשׁבעת לאבתינו מימי קדם׃
Habakkuk 3:18-19
Genesis 48:16
16 המלאך הגאל אתי מכל רע יברך את הנערים ויקרא בהם שׁמי ושׁם אבתי אברהם ויצחק וידגו לרב בקרב הארץ׃
Psalms 34:22
22 (34:23) פודה יהוה נפשׁ עבדיו ולא יאשׁמו כל החסים׃
Psalms 103:4
4 הגואל משׁחת חייכי המעטרכי חסד ורחמים׃
Psalms 104:33
33 אשׁירה ליהוה בחיי אזמרה לאלהי בעודי׃
Deuteronomy 11:19
19 ולמדתם אתם את בניכם לדבר בם בשׁבתך בביתך ובלכתך בדרך ובשׁכבך ובקומך׃
Psalms 18:37-43
37 (18:38) ארדוף אויבי ואשׂיגם ולא אשׁוב עד כלותם׃38 (18:39) אמחצם ולא יכלו קום יפלו תחת רגלי׃39 (18:40) ותאזרני חיל למלחמה תכריע קמי תחתי׃40 (18:41) ואיבי נתתה לי ערף ומשׂנאי אצמיתם׃41 (18:42) ישׁועו ואין מושׁיע על יהוה ולא ענם׃42 (18:43) ואשׁחקם כעפר על פני רוח כטיט חוצות אריקם׃43 (18:44) תפלטני מריבי עם תשׂימני לראשׁ גוים עם לא ידעתי יעבדוני׃
Psalms 37:30
30 פי צדיק יהגה חכמה ולשׁונו תדבר משׁפט׃
Psalms 71:13
13 יבשׁו יכלו שׂטני נפשׁי יעטו חרפה וכלמה מבקשׁי רעתי׃
Psalms 92:11
11 (92:12) ותבט עיני בשׁורי בקמים עלי מרעים תשׁמענה אזני׃