Psalms 74:3 Cross References - HOT

3 הרימה פעמיך למשׁאות נצח כל הרע אויב בקדשׁ׃

Joshua 10:24

24 ויהי כהוציאם את המלכים האלה אל יהושׁע ויקרא יהושׁע אל כל אישׁ ישׂראל ויאמר אל קציני אנשׁי המלחמה ההלכוא אתו קרבו שׂימו את רגליכם על צוארי המלכים האלה ויקרבו וישׂימו את רגליהם על צואריהם׃

2 Samuel 22:39-43

39 ואכלם ואמחצם ולא יקומון ויפלו תחת רגלי׃40 ותזרני חיל למלחמה תכריע קמי תחתני׃41 ואיבי תתה לי ערף משׂנאי ואצמיתם׃42 ישׁעו ואין משׁיע אל יהוה ולא ענם׃43 ואשׁחקם כעפר ארץ כטיט חוצות אדקם ארקעם׃

Nehemiah 1:3

3 ויאמרו לי הנשׁארים אשׁר נשׁארו מן השׁבי שׁם במדינה ברעה גדלה ובחרפה וחומת ירושׁלם מפרצת ושׁעריה נצתו באשׁ׃

Nehemiah 2:3

3 ואמר למלך המלך לעולם יחיה מדוע לא ירעו פני אשׁר העיר בית קברות אבתי חרבה ושׁעריה אכלו באשׁ׃

Nehemiah 2:13

13 ואצאה בשׁער הגיא לילה ואל פני עין התנין ואל שׁער האשׁפת ואהי שׂבר בחומת ירושׁלם אשׁר המפרוצים ושׁעריה אכלו באשׁ׃

Psalms 44:23

23 (44:24) עורה למה תישׁן אדני הקיצה אל תזנח לנצח׃

Psalms 44:26

26 (44:27) קומה עזרתה לנו ופדנו למען חסדך׃

Psalms 79:1

1 מזמור לאסף אלהים באו גוים בנחלתך טמאו את היכל קדשׁך שׂמו את ירושׁלם לעיים׃

Psalms 102:13-14

13 (102:14) אתה תקום תרחם ציון כי עת לחננה כי בא מועד׃14 (102:15) כי רצו עבדיך את אבניה ואת עפרה יחננו׃

Isaiah 10:6

6 בגוי חנף אשׁלחנו ועל עם עברתי אצונו לשׁלל שׁלל ולבז בז ולשׂימו מרמס כחמר חוצות׃

Isaiah 25:10

10 כי תנוח יד יהוה בהר הזה ונדושׁ מואב תחתיו כהדושׁ מתבן במי מדמנה׃

Isaiah 61:4

4 ובנו חרבות עולם שׁממות ראשׁנים יקוממו וחדשׁו ערי חרב שׁממות דור ודור׃

Isaiah 63:3-6

3 פורה דרכתי לבדי ומעמים אין אישׁ אתי ואדרכם באפי וארמסם בחמתי ויז נצחם על בגדי וכל מלבושׁי אגאלתי׃4 כי יום נקם בלבי ושׁנת גאולי באה׃5 ואביט ואין עזר ואשׁתומם ואין סומך ותושׁע לי זרעי וחמתי היא סמכתני׃6 ואבוס עמים באפי ואשׁכרם בחמתי ואוריד לארץ נצחם׃

Isaiah 64:10-11

10 (64:9) ערי קדשׁך היו מדבר ציון מדבר היתה ירושׁלם שׁממה׃11 (64:10) בית קדשׁנו ותפארתנו אשׁר הללוך אבתינו היה לשׂרפת אשׁ וכל מחמדינו היה לחרבה׃

Jeremiah 52:13

13 וישׂרף את בית יהוה ואת בית המלך ואת כל בתי ירושׁלם ואת כל בית הגדול שׂרף באשׁ׃

Lamentations 1:10

10 ידו פרשׂ צר על כל מחמדיה כי ראתה גוים באו מקדשׁה אשׁר צויתה לא יבאו בקהל׃

Daniel 8:11-14

11 ועד שׂר הצבא הגדיל וממנו הרים התמיד והשׁלך מכון מקדשׁו׃12 וצבא תנתן על התמיד בפשׁע ותשׁלך אמת ארצה ועשׂתה והצליחה׃13 ואשׁמעה אחד קדושׁ מדבר ויאמר אחד קדושׁ לפלמוני המדבר עד מתי החזון התמיד והפשׁע שׁמם תת וקדשׁ וצבא מרמס׃14 ויאמר אלי עד ערב בקר אלפים ושׁלשׁ מאות ונצדק קדשׁ׃

Daniel 9:17

17 ועתה שׁמע אלהינו אל תפלת עבדך ואל תחנוניו והאר פניך על מקדשׁך השׁמם למען אדני׃

Daniel 9:27

27 והגביר ברית לרבים שׁבוע אחד וחצי השׁבוע ישׁבית זבח ומנחה ועל כנף שׁקוצים משׁמם ועד כלה ונחרצה תתך על שׁמם׃

Daniel 11:31

31 וזרעים ממנו יעמדו וחללו המקדשׁ המעוז והסירו התמיד ונתנו השׁקוץ משׁומם׃

Micah 1:3

3 כי הנה יהוה יצא ממקומו וירד ודרך על במותי ארץ׃

Micah 3:12

12 לכן בגללכם ציון שׂדה תחרשׁ וירושׁלם עיין תהיה והר הבית לבמות יער׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.