Psalms 78:4 Cross References - HOT

4 לא נכחד מבניהם לדור אחרון מספרים תהלות יהוה ועזוזו ונפלאותיו אשׁר עשׂה׃

Exodus 12:26

26 והיה כי יאמרו אליכם בניכם מה העבדה הזאת׃

Exodus 13:8

8 והגדת לבנך ביום ההוא לאמר בעבור זה עשׂה יהוה לי בצאתי ממצרים׃

Exodus 13:14

14 והיה כי ישׁאלך בנך מחר לאמר מה זאת ואמרת אליו בחזק יד הוציאנו יהוה ממצרים מבית עבדים׃

Deuteronomy 4:9

9 רק השׁמר לך ושׁמר נפשׁך מאד פן תשׁכח את הדברים אשׁר ראו עיניך ופן יסורו מלבבך כל ימי חייך והודעתם לבניך ולבני בניך׃

Deuteronomy 6:7

7 ושׁננתם לבניך ודברת בם בשׁבתך בביתך ובלכתך בדרך ובשׁכבך ובקומך׃

Deuteronomy 11:19

19 ולמדתם אתם את בניכם לדבר בם בשׁבתך בביתך ובלכתך בדרך ובשׁכבך ובקומך׃

Joshua 4:6-7

6 למען תהיה זאת אות בקרבכם כי ישׁאלון בניכם מחר לאמר מה האבנים האלה׃7 ואמרתם להם אשׁר נכרתו מימי הירדן מפני ארון ברית יהוה בעברו בירדן נכרתו מי הירדן והיו האבנים האלה לזכרון לבני ישׂראל עד עולם׃

Joshua 4:21-24

21 ויאמר אל בני ישׂראל לאמר אשׁר ישׁאלון בניכם מחר את אבותם לאמר מה האבנים האלה׃22 והודעתם את בניכם לאמר ביבשׁה עבר ישׂראל את הירדן הזה׃23 אשׁר הובישׁ יהוה אלהיכם את מי הירדן מפניכם עד עברכם כאשׁר עשׂה יהוה אלהיכם לים סוף אשׁר הובישׁ מפנינו עד עברנו׃24 למען דעת כל עמי הארץ את יד יהוה כי חזקה היא למען יראתם את יהוה אלהיכם כל הימים׃

Job 15:18

18 אשׁר חכמים יגידו ולא כחדו מאבותם׃

Psalms 9:14

14 (9:15) למען אספרה כל תהלתיך בשׁערי בת ציון אגילה בישׁועתך׃

Psalms 10:1-5

1 למה יהוה תעמד ברחוק תעלים לעתות בצרה׃2 בגאות רשׁע ידלק עני יתפשׂו במזמות זו חשׁבו׃3 כי הלל רשׁע על תאות נפשׁו ובצע ברך נאץ יהוה׃4 רשׁע כגבה אפו בל ידרשׁ אין אלהים כל מזמותיו׃5 יחילו דרכו בכל עת מרום משׁפטיך מנגדו כל צורריו יפיח׃

Psalms 26:7

7 לשׁמע בקול תודה ולספר כל נפלאותיך׃

Psalms 71:17-18

17 אלהים למדתני מנעורי ועד הנה אגיד נפלאותיך׃18 וגם עד זקנה ושׂיבה אלהים אל תעזבני עד אגיד זרועך לדור לכל יבוא גבורתך׃

Psalms 145:4-6

4 דור לדור ישׁבח מעשׂיך וגבורתיך יגידו׃5 הדר כבוד הודך ודברי נפלאותיך אשׂיחה׃6 ועזוז נוראתיך יאמרו וגדולתיך אספרנה׃

Isaiah 63:7-19

7 חסדי יהוה אזכיר תהלת יהוה כעל כל אשׁר גמלנו יהוה ורב טוב לבית ישׂראל אשׁר גמלם כרחמיו וכרב חסדיו׃8 ויאמר אך עמי המה בנים לא ישׁקרו ויהי להם למושׁיע׃9 בכל צרתם לא צר ומלאך פניו הושׁיעם באהבתו ובחמלתו הוא גאלם וינטלם וינשׂאם כל ימי עולם׃10 והמה מרו ועצבו את רוח קדשׁו ויהפך להם לאויב הוא נלחם׃11 ויזכר ימי עולם משׁה עמו איה המעלם מים את רעי צאנו איה השׂם בקרבו את רוח קדשׁו׃12 מוליך לימין משׁה זרוע תפארתו בוקע מים מפניהם לעשׂות לו שׁם עולם׃13 מוליכם בתהמות כסוס במדבר לא יכשׁלו׃14 כבהמה בבקעה תרד רוח יהוה תניחנו כן נהגת עמך לעשׂות לך שׁם תפארת׃15 הבט משׁמים וראה מזבל קדשׁך ותפארתך איה קנאתך וגבורתך המון מעיך ורחמיך אלי התאפקו׃16 כי אתה אבינו כי אברהם לא ידענו וישׂראל לא יכירנו אתה יהוה אבינו גאלנו מעולם שׁמך׃17 למה תתענו יהוה מדרכיך תקשׁיח לבנו מיראתך שׁוב למען עבדיך שׁבטי נחלתך׃18 למצער ירשׁו עם קדשׁך צרינו בוססו מקדשׁך׃19 היינו מעולם לא משׁלת בם לא נקרא שׁמך׃

Joel 1:3

3 עליה לבניכם ספרו ובניכם לבניהם ובניהם לדור אחר׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.