Psalms 78:68 Cross References - HOT

68 ויבחר את שׁבט יהודה את הר ציון אשׁר אהב׃

Genesis 49:8-10

8 יהודה אתה יודוך אחיך ידך בערף איביך ישׁתחוו לך בני אביך׃9 גור אריה יהודה מטרף בני עלית כרע רבץ כאריה וכלביא מי יקימנו׃10 לא יסור שׁבט מיהודה ומחקק מבין רגליו עד כי יבא שׁילה ולו יקהת עמים׃

Ruth 4:17-22

17 ותקראנה לו השׁכנות שׁם לאמר ילד בן לנעמי ותקראנה שׁמו עובד הוא אבי ישׁי אבי דוד׃18 ואלה תולדות פרץ פרץ הוליד את חצרון׃19 וחצרון הוליד את רם ורם הוליד את עמינדב׃20 ועמינדב הוליד את נחשׁון ונחשׁון הוליד את שׂלמה׃21 ושׂלמון הוליד את בעז ובעז הוליד את עובד׃22 ועבד הוליד את ישׁי וישׁי הוליד את דוד׃

1 Samuel 16:1

1 ויאמר יהוה אל שׁמואל עד מתי אתה מתאבל אל שׁאול ואני מאסתיו ממלך על ישׂראל מלא קרנך שׁמן ולך אשׁלחך אל ישׁי בית הלחמי כי ראיתי בבניו לי מלך׃

2 Chronicles 6:6

6 ואבחר בירושׁלם להיות שׁמי שׁם ואבחר בדויד להיות על עמי ישׂראל׃

Psalms 87:2

2 אהב יהוה שׁערי ציון מכל משׁכנות יעקב׃

Psalms 132:12-14

12 אם ישׁמרו בניך בריתי ועדתי זו אלמדם גם בניהם עדי עד ישׁבו לכסא׃13 כי בחר יהוה בציון אוה למושׁב׃14 זאת מנוחתי עדי עד פה אשׁב כי אותיה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.