1 תפלה לדוד הטה יהוה אזנך ענני כי עני ואביון אני׃2 שׁמרה נפשׁי כי חסיד אני הושׁע עבדך אתה אלהי הבוטח אליך׃3 חנני אדני כי אליך אקרא כל היום׃4 שׂמח נפשׁ עבדך כי אליך אדני נפשׁי אשׂא׃5 כי אתה אדני טוב וסלח ורב חסד לכל קראיך׃6 האזינה יהוה תפלתי והקשׁיבה בקול תחנונותי׃7 ביום צרתי אקראך כי תענני׃8 אין כמוך באלהים אדני ואין כמעשׂיך׃9 כל גוים אשׁר עשׂית יבואו וישׁתחוו לפניך אדני ויכבדו לשׁמך׃10 כי גדול אתה ועשׂה נפלאות אתה אלהים לבדך׃11 הורני יהוה דרכך אהלך באמתך יחד לבבי ליראה שׁמך׃12 אודך אדני אלהי בכל לבבי ואכבדה שׁמך לעולם׃13 כי חסדך גדול עלי והצלת נפשׁי משׁאול תחתיה׃14 אלהים זדים קמו עלי ועדת עריצים בקשׁו נפשׁי ולא שׂמוך לנגדם׃15 ואתה אדני אל רחום וחנון ארך אפים ורב חסד ואמת׃16 פנה אלי וחנני תנה עזך לעבדך והושׁיעה לבן אמתך׃17 עשׂה עמי אות לטובה ויראו שׂנאי ויבשׁו כי אתה יהוה עזרתני ונחמתני׃
Psalms 86 Cross References - HOT
Psalms 10:14
14 ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃
Psalms 17:6
6 אני קראתיך כי תענני אל הט אזנך לי שׁמע אמרתי׃
Psalms 31:2
2 (31:3) הטה אלי אזנך מהרה הצילני היה לי לצור מעוז לבית מצודות להושׁיעני׃
Psalms 34:6
6 (34:7) זה עני קרא ויהוה שׁמע ומכל צרותיו הושׁיעו׃
Psalms 40:17
17 (40:18) ואני עני ואביון אדני יחשׁב לי עזרתי ומפלטי אתה אלהי אל תאחר׃
Psalms 72:12-14
Psalms 102:1
1 תפלה לעני כי יעטף ולפני יהוה ישׁפך שׂיחו׃ (102:2) יהוה שׁמעה תפלתי ושׁועתי אליך תבוא׃
Psalms 102:17
17 (102:18) פנה אל תפלת הערער ולא בזה את תפלתם׃
Psalms 119:22
22 גל מעלי חרפה ובוז כי עדתיך נצרתי׃
Psalms 140:12
12 (140:13) ידעת כי יעשׂה יהוה דין עני משׁפט אבינים׃
Psalms 142:1
1 משׂכיל לדוד בהיותו במערה תפלה׃ (142:2) קולי אל יהוה אזעק קולי אל יהוה אתחנן׃
Isaiah 37:17
17 הטה יהוה אזנך ושׁמע פקח יהוה עינך וראה ושׁמע את כל דברי סנחריב אשׁר שׁלח לחרף אלהים חי׃
Isaiah 66:2
2 ואת כל אלה ידי עשׂתה ויהיו כל אלה נאם יהוה ואל זה אביט אל עני ונכה רוח וחרד על דברי׃
Daniel 9:18
18 הטה אלהי אזנך ושׁמע פקחה עיניך וראה שׁממתינו והעיר אשׁר נקרא שׁמך עליה כי לא על צדקתינו אנחנו מפילים תחנונינו לפניך כי על רחמיך הרבים׃
Deuteronomy 7:7-8
1 Samuel 2:9
9 רגלי חסידו ישׁמר ורשׁעים בחשׁך ידמו כי לא בכח יגבר אישׁ׃
Psalms 4:3
3 (4:4) ודעו כי הפלה יהוה חסיד לו יהוה ישׁמע בקראי אליו׃
Psalms 13:5
5 (13:6) ואני בחסדך בטחתי יגל לבי בישׁועת׃
Psalms 16:1
1 מכתם לדוד שׁמרני אל כי חסיתי׃
Psalms 18:19
19 (18:20) ויוציאני למרחב יחלצני כי חפץ׃
Psalms 25:2
2 אלהי בך בטחתי אל אבושׁה אל יעלצו איבי׃
Psalms 31:1
1 למנצח מזמור לדוד׃ (31:2) בך יהוה חסיתי אל אבושׁה לעולם בצדקתך פלטני׃
Psalms 31:14
14 (31:15) ואני עליך בטחתי יהוה אמרתי אלהי אתה׃
Psalms 37:28
28 כי יהוה אהב משׁפט ולא יעזב את חסידיו לעולם נשׁמרו וזרע רשׁעים נכרת׃
Psalms 50:5
5 אספו לי חסידי כרתי בריתי עלי זבח׃
Psalms 119:94
94 לך אני הושׁיעני כי פקודיך דרשׁתי׃
Psalms 119:124-125
Psalms 143:12
12 ובחסדך תצמית איבי והאבדת כל צררי נפשׁי כי אני עבדך׃
Isaiah 26:3-4
Psalms 4:1
1 למנצח בנגינות מזמור לדוד׃ (4:2) בקראי ענני אלהי צדקי בצר הרחבת לי חנני ושׁמע תפלתי׃
Psalms 25:5
5 הדריכני באמתך ולמדני כי אתה אלהי ישׁעי אותך קויתי כל היום׃
Psalms 55:17
17 (55:18) ערב ובקר וצהרים אשׂיחה ואהמה וישׁמע קולי׃
Psalms 56:1
1 למנצח על יונת אלם רחקים לדוד מכתם באחז אתו פלשׁתים בגת׃ (56:2) חנני אלהים כי שׁאפני אנושׁ כל היום לחם ילחצני׃
Psalms 57:1
1 למנצח אל תשׁחת לדוד מכתם בברחו מפני שׁאול במערה׃ (57:2) חנני אלהים חנני כי בך חסיה נפשׁי ובצל כנפיך אחסה עד יעבר הוות׃
Psalms 88:9
9 (88:10) עיני דאבה מני עני קראתיך יהוה בכל יום שׁטחתי אליך כפי׃
Psalms 25:1
1 לדוד אליך יהוה נפשׁי אשׂא׃
Psalms 51:12
12 (51:14) השׁיבה לי שׂשׂון ישׁעך ורוח נדיבה תסמכני׃
Psalms 62:8
8 (62:9) בטחו בו בכל עת עם שׁפכו לפניו לבבכם אלהים מחסה לנו סלה׃
Psalms 143:8
8 השׁמיעני בבקר חסדך כי בך בטחתי הודיעני דרך זו אלך כי אליך נשׂאתי נפשׁי׃
Isaiah 61:3
3 לשׂום לאבלי ציון לתת להם פאר תחת אפר שׁמן שׂשׂון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃
Isaiah 65:18
18 כי אם שׂישׂו וגילו עדי עד אשׁר אני בורא כי הנני בורא את ירושׁלם גילה ועמה משׂושׂ׃
Isaiah 66:13-14
Exodus 34:6
6 ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃
Nehemiah 9:17
17 וימאנו לשׁמע ולא זכרו נפלאתיך אשׁר עשׂית עמהם ויקשׁו את ערפם ויתנו ראשׁ לשׁוב לעבדתם במרים ואתה אלוה סליחות חנון ורחום ארך אפים ורב וחסד ולא עזבתם׃
Psalms 25:8
8 טוב וישׁר יהוה על כן יורה חטאים בדרך׃
Psalms 36:7
7 (36:8) מה יקר חסדך אלהים ובני אדם בצל כנפיך יחסיון׃
Psalms 52:1
1 למנצח משׂכיל לדוד׃ (52:2) בבוא דואג האדמי ויגד לשׁאול ויאמר לו בא דוד אל בית אחימלך׃ (52:3) מה תתהלל ברעה הגבור חסד אל כל היום׃
Psalms 69:16
16 (69:17) ענני יהוה כי טוב חסדך כרב רחמיך פנה אלי׃
Psalms 86:15
15 ואתה אדני אל רחום וחנון ארך אפים ורב חסד ואמת׃
Psalms 103:8
8 רחום וחנון יהוה ארך אפים ורב חסד׃
Psalms 119:68
68 טוב אתה ומטיב למדני חקיך׃
Psalms 130:4
4 כי עמך הסליחה למען תורא׃
Psalms 130:7
7 יחל ישׂראל אל יהוה כי עם יהוה החסד והרבה עמו פדות׃
Psalms 145:8-9
Psalms 145:18
18 קרוב יהוה לכל קראיו לכל אשׁר יקראהו באמת׃
Isaiah 55:7
7 יעזב רשׁע דרכו ואישׁ און מחשׁבתיו וישׁב אל יהוה וירחמהו ואל אלהינו כי ירבה לסלוח׃
Jeremiah 33:3
3 קרא אלי ואענך ואגידה לך גדלות ובצרות לא ידעתם׃
Ezekiel 36:33
33 כה אמר אדני יהוה ביום טהרי אתכם מכל עונותיכם והושׁבתי את הערים ונבנו החרבות׃
Ezekiel 36:37
37 כה אמר אדני יהוה עוד זאת אדרשׁ לבית ישׂראל לעשׂות להם ארבה אתם כצאן אדם׃
Daniel 9:9
9 לאדני אלהינו הרחמים והסלחות כי מרדנו׃
Joel 2:13
13 וקרעו לבבכם ואל בגדיכם ושׁובו אל יהוה אלהיכם כי חנון ורחום הוא ארך אפים ורב חסד ונחם על הרעה׃
Jonah 4:2
2 ויתפלל אל יהוה ויאמר אנה יהוה הלוא זה דברי עד היותי על אדמתי על כן קדמתי לברח תרשׁישׁה כי ידעתי כי אתה אל חנון ורחום ארך אפים ורב חסד ונחם על הרעה׃
Micah 7:18
18 מי אל כמוך נשׂא עון ועבר על פשׁע לשׁארית נחלתו לא החזיק לעד אפו כי חפץ חסד הוא׃
Psalms 5:1-2
Psalms 17:1
1 תפלה לדוד שׁמעה יהוה צדק הקשׁיבה רנתי האזינה תפלתי בלא שׂפתי מרמה׃
Psalms 55:1
1 למנצח בנגינת משׂכיל לדוד׃ (55:2) האזינה אלהים תפלתי ואל תתעלם מתחנתי׃
Psalms 130:2
2 אדני שׁמעה בקולי תהיינה אזניך קשׁבות לקול תחנוני׃
Psalms 18:6
6 (18:7) בצר לי אקרא יהוה ואל אלהי אשׁוע ישׁמע מהיכלו קולי ושׁועתי לפניו תבוא באזניו׃
Psalms 34:4-6
Psalms 50:15
15 וקראני ביום צרה אחלצך ותכבדני׃
Psalms 55:16-18
Psalms 77:1-2
Psalms 91:15
15 יקראני ואענהו עמו אנכי בצרה אחלצהו ואכבדהו׃
Psalms 142:3
3 (142:4) בהתעטף עלי רוחי ואתה ידעת נתיבתי בארח זו אהלך טמנו פח׃
Isaiah 26:16
16 יהוה בצר פקדוך צקון לחשׁ מוסרך׃
Lamentations 3:55-57
Jonah 2:2
2 (2:3) ויאמר קראתי מצרה לי אל יהוה ויענני מבטן שׁאול שׁועתי שׁמעת קולי׃
Exodus 15:11
11 מי כמכה באלם יהוה מי כמכה נאדר בקדשׁ נורא תהלת עשׂה פלא׃
Deuteronomy 3:24
24 אדני יהוה אתה החלות להראות את עבדך את גדלך ואת ידך החזקה אשׁר מי אל בשׁמים ובארץ אשׁר יעשׂה כמעשׂיך וכגבורתך׃
Deuteronomy 4:34
34 או הנסה אלהים לבוא לקחת לו גוי מקרב גוי במסת באתת ובמופתים ובמלחמה וביד חזקה ובזרוע נטויה ובמוראים גדלים ככל אשׁר עשׂה לכם יהוה אלהיכם במצרים לעיניך׃
Psalms 89:6
6 (89:7) כי מי בשׁחק יערך ליהוה ידמה ליהוה בבני אלים׃
Psalms 89:8
8 (89:9) יהוה אלהי צבאות מי כמוך חסין יה ואמונתך סביבותיך׃
Psalms 136:4
4 לעשׂה נפלאות גדלות לבדו כי לעולם חסדו׃
Isaiah 40:18
18 ואל מי תדמיון אל ומה דמות תערכו׃
Isaiah 40:25
25 ואל מי תדמיוני ואשׁוה יאמר קדושׁ׃
Jeremiah 10:6-7
Jeremiah 10:16
16 לא כאלה חלק יעקב כי יוצר הכל הוא וישׂראל שׁבט נחלתו יהוה צבאות שׁמו׃
Daniel 3:29
29 ומני שׂים טעם די כל עם אמה ולשׁן די יאמר שׁלה על אלההון די שׁדרך מישׁך ועבד נגוא הדמין יתעבד וביתה נולי ישׁתוה כל קבל די לא איתי אלה אחרן די יכל להצלה כדנה׃
Psalms 22:27-31
Psalms 66:4
4 כל הארץ ישׁתחוו לך ויזמרו לך יזמרו שׁמך סלה׃
Psalms 67:7
7 (67:8) יברכנו אלהים וייראו אתו כל אפסי ארץ׃
Psalms 72:8
8 וירד מים עד ים ומנהר עד אפסי ארץ׃
Psalms 72:19
19 וברוך שׁם כבודו לעולם וימלא כבודו את כל הארץ אמן ואמן׃
Psalms 102:15
15 (102:16) וייראו גוים את שׁם יהוה וכל מלכי הארץ את כבודך׃
Psalms 102:18
18 (102:19) תכתב זאת לדור אחרון ועם נברא יהלל יה׃
Isaiah 2:2-4
2 והיה באחרית הימים נכון יהיה הר בית יהוה בראשׁ ההרים ונשׂא מגבעות ונהרו אליו כל הגוים׃3 והלכו עמים רבים ואמרו לכו ונעלה אל הר יהוה אל בית אלהי יעקב וירנו מדרכיו ונלכה בארחתיו כי מציון תצא תורה ודבר יהוה מירושׁלם׃4 ושׁפט בין הגוים והוכיח לעמים רבים וכתתו חרבותם לאתים וחניתותיהם למזמרות לא ישׂא גוי אל גוי חרב ולא ילמדו עוד מלחמה׃
Isaiah 11:9
9 לא ירעו ולא ישׁחיתו בכל הר קדשׁי כי מלאה הארץ דעה את יהוה כמים לים מכסים׃
Isaiah 43:7
7 כל הנקרא בשׁמי ולכבודי בראתיו יצרתיו אף עשׂיתיו׃
Isaiah 59:19
19 וייראו ממערב את שׁם יהוה וממזרח שׁמשׁ את כבודו כי יבוא כנהר צר רוח יהוה נססה׃
Isaiah 66:23
23 והיה מדי חדשׁ בחדשׁו ומדי שׁבת בשׁבתו יבוא כל בשׂר להשׁתחות לפני אמר יהוה׃
Zechariah 14:9
9 והיה יהוה למלך על כל הארץ ביום ההוא יהיה יהוה אחד ושׁמו אחד׃
Deuteronomy 6:3-4
Deuteronomy 32:39
39 ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃
Job 11:7
7 החקר אלוה תמצא אם עד תכלית שׁדי תמצא׃
Psalms 72:18
18 ברוך יהוה אלהים אלהי ישׂראל עשׂה נפלאות לבדו׃
Psalms 77:13-15
Psalms 86:8
8 אין כמוך באלהים אדני ואין כמעשׂיך׃
Psalms 145:3-5
Isaiah 37:16
16 יהוה צבאות אלהי ישׂראל ישׁב הכרבים אתה הוא האלהים לבדך לכל ממלכות הארץ אתה עשׂית את השׁמים ואת הארץ׃
Isaiah 37:20
20 ועתה יהוה אלהינו הושׁיענו מידו וידעו כל ממלכות הארץ כי אתה יהוה לבדך׃
Isaiah 44:6-8
Daniel 6:26-27
Job 34:32
32 בלעדי אחזה אתה הרני אם עול פעלתי לא אסיף׃
Psalms 5:8
8 (5:9) יהוה נחני בצדקתך למען שׁוררי הושׁר לפני דרכך׃
Psalms 25:4-5
Psalms 25:12
12 מי זה האישׁ ירא יהוה יורנו בדרך יבחר׃
Psalms 26:3
3 כי חסדך לנגד עיני והתהלכתי באמתך׃
Psalms 27:11
11 הורני יהוה דרכך ונחני בארח מישׁור למען שׁוררי׃
Psalms 119:30
30 דרך אמונה בחרתי משׁפטיך שׁויתי׃
Psalms 119:33
33 הורני יהוה דרך חקיך ואצרנה עקב׃
Psalms 119:73
73 ידיך עשׂוני ויכוננוני הבינני ואלמדה מצותיך׃
Psalms 143:8-10
Jeremiah 32:38-39
Hosea 10:2
2 חלק לבם עתה יאשׁמו הוא יערף מזבחותם ישׁדד מצבותם׃
Hosea 14:8
8 (14:9) אפרים מה לי עוד לעצבים אני עניתי ואשׁורנו אני כברושׁ רענן ממני פריך נמצא׃
Zephaniah 1:5
5 ואת המשׁתחוים על הגגות לצבא השׁמים ואת המשׁתחוים הנשׁבעים ליהוה והנשׁבעים במלכם׃
Malachi 2:6
6 תורת אמת היתה בפיהו ועולה לא נמצא בשׂפתיו בשׁלום ובמישׁור הלך אתי ורבים השׁיב מעון׃
Deuteronomy 6:5
5 ואהבת את יהוה אלהיך בכל לבבך ובכל נפשׁך ובכל מאדך׃
1 Chronicles 29:13
13 ועתה אלהינו מודים אנחנו לך ומהללים לשׁם תפארתך׃
1 Chronicles 29:20
20 ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישׁתחוו ליהוה ולמלך׃
Psalms 9:1
1 למנצח עלמות לבן מזמור לדוד׃ (9:2) אודה יהוה בכל לבי אספרה כל נפלאותיך׃
Psalms 34:1
1 לדוד בשׁנותו את טעמו לפני אבימלך ויגרשׁהו וילך׃ (34:2) אברכה את יהוה בכל עת תמיד תהלתו בפי׃
Psalms 103:1-3
Psalms 104:33
33 אשׁירה ליהוה בחיי אזמרה לאלהי בעודי׃
Psalms 145:1-5
Psalms 146:1-2
Proverbs 3:5-6
Isaiah 12:1
1 ואמרת ביום ההוא אודך יהוה כי אנפת בי ישׁב אפך ותנחמני׃
Job 33:18
18 יחשׂך נפשׁו מני שׁחת וחיתו מעבר בשׁלח׃
Job 33:22
22 ותקרב לשׁחת נפשׁו וחיתו לממתים׃
Job 33:24
24 ויחננו ויאמר פדעהו מרדת שׁחת מצאתי כפר׃
Job 33:28
28 פדה נפשׁי מעבר בשׁחת וחיתי באור תראה׃
Psalms 16:10
10 כי לא תעזב נפשׁי לשׁאול לא תתן חסידך לראות שׁחת׃
Psalms 30:3
3 (30:4) יהוה העלית מן שׁאול נפשׁי חייתני מיורדי בור׃
Psalms 56:13
13 (56:14) כי הצלת נפשׁי ממות הלא רגלי מדחי להתהלך לפני אלהים באור החיים׃
Psalms 57:10
10 (57:11) כי גדל עד שׁמים חסדך ועד שׁחקים אמתך׃
Psalms 88:6
6 (88:7) שׁתני בבור תחתיות במחשׁכים במצלות׃
Psalms 103:8-12
Psalms 108:4
4 (108:5) כי גדול מעל שׁמים חסדך ועד שׁחקים אמתך׃
Psalms 116:8
8 כי חלצת נפשׁי ממות את עיני מן דמעה את רגלי מדחי׃
Isaiah 38:17
17 הנה לשׁלום מר לי מר ואתה חשׁקת נפשׁי משׁחת בלי כי השׁלכת אחרי גוך כל חטאי׃
Jonah 2:3-6
2 Samuel 15:1-12
1 ויהי מאחרי כן ויעשׂ לו אבשׁלום מרכבה וססים וחמשׁים אישׁ רצים לפניו׃2 והשׁכים אבשׁלום ועמד על יד דרך השׁער ויהי כל האישׁ אשׁר יהיה לו ריב לבוא אל המלך למשׁפט ויקרא אבשׁלום אליו ויאמר אי מזה עיר אתה ויאמר מאחד שׁבטי ישׂראל עבדך׃3 ויאמר אליו אבשׁלום ראה דברך טובים ונכחים ושׁמע אין לך מאת המלך׃4 ויאמר אבשׁלום מי ישׂמני שׁפט בארץ ועלי יבוא כל אישׁ אשׁר יהיה לו ריב ומשׁפט והצדקתיו׃5 והיה בקרב אישׁ להשׁתחות לו ושׁלח את ידו והחזיק לו ונשׁק׃6 ויעשׂ אבשׁלום כדבר הזה לכל ישׂראל אשׁר יבאו למשׁפט אל המלך ויגנב אבשׁלום את לב אנשׁי ישׂראל׃7 ויהי מקץ ארבעים שׁנה ויאמר אבשׁלום אל המלך אלכה נא ואשׁלם את נדרי אשׁר נדרתי ליהוה בחברון׃8 כי נדר נדר עבדך בשׁבתי בגשׁור בארם לאמר אם ישׁיב ישׁיבני יהוה ירושׁלם ועבדתי את יהוה׃9 ויאמר לו המלך לך בשׁלום ויקם וילך חברונה׃10 וישׁלח אבשׁלום מרגלים בכל שׁבטי ישׂראל לאמר כשׁמעכם את קול השׁפר ואמרתם מלך אבשׁלום בחברון׃11 ואת אבשׁלום הלכו מאתים אישׁ מירושׁלם קראים והלכים לתמם ולא ידעו כל דבר׃12 וישׁלח אבשׁלום את אחיתפל הגילני יועץ דוד מעירו מגלה בזבחו את הזבחים ויהי הקשׁר אמץ והעם הולך ורב את אבשׁלום׃
2 Samuel 16:20-17:1
20 ויאמר אבשׁלום אל אחיתפל הבו לכם עצה מה נעשׂה׃
2 Samuel 17:14
14 ויאמר אבשׁלום וכל אישׁ ישׂראל טובה עצת חושׁי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשׁלום את הרעה׃
Psalms 10:4
4 רשׁע כגבה אפו בל ידרשׁ אין אלהים כל מזמותיו׃
Psalms 10:11
11 אמר בלבו שׁכח אל הסתיר פניו בל ראה לנצח׃
Psalms 10:13
13 על מה נאץ רשׁע אלהים אמר בלבו לא תדרשׁ׃
Psalms 14:4
4 הלא ידעו כל פעלי און אכלי עמי אכלו לחם יהוה לא קראו׃
Psalms 36:1
1 למנצח לעבד יהוה לדוד׃ (36:2) נאם פשׁע לרשׁע בקרב לבי אין פחד אלהים לנגד עיניו׃
Psalms 36:11
11 (36:12) אל תבואני רגל גאוה ויד רשׁעים אל תנדני׃
Psalms 54:3
3 (54:5) כי זרים קמו עלי ועריצים בקשׁו נפשׁי לא שׂמו אלהים לנגדם סלה׃
Psalms 119:51
51 זדים הליצני עד מאד מתורתך לא נטיתי׃
Psalms 119:69
69 טפלו עלי שׁקר זדים אני בכל לב אצר פקודיך׃
Psalms 119:85
85 כרו לי זדים שׁיחות אשׁר לא כתורתך׃
Psalms 140:5
5 (140:6) טמנו גאים פח לי וחבלים פרשׂו רשׁת ליד מעגל מקשׁים שׁתו לי סלה׃
Ezekiel 8:12
12 ויאמר אלי הראית בן אדם אשׁר זקני בית ישׂראל עשׂים בחשׁך אישׁ בחדרי משׂכיתו כי אמרים אין יהוה ראה אתנו עזב יהוה את הארץ׃
Ezekiel 9:9
9 ויאמר אלי עון בית ישׂראל ויהודה גדול במאד מאד ותמלא הארץ דמים והעיר מלאה מטה כי אמרו עזב יהוה את הארץ ואין יהוה ראה׃
Exodus 31:6-7
Numbers 14:18
18 יהוה ארך אפים ורב חסד נשׂא עון ופשׁע ונקה לא ינקה פקד עון אבות על בנים על שׁלשׁים ועל רבעים׃
Psalms 85:10
10 (85:11) חסד ואמת נפגשׁו צדק ושׁלום נשׁקו׃
Psalms 86:5
5 כי אתה אדני טוב וסלח ורב חסד לכל קראיך׃
Psalms 98:3
3 זכר חסדו ואמונתו לבית ישׂראל ראו כל אפסי ארץ את ישׁועת אלהינו׃
Psalms 111:4
4 זכר עשׂה לנפלאתיו חנון ורחום יהוה׃
Psalms 145:8
8 חנון ורחום יהוה ארך אפים וגדל חסד׃
Psalms 25:16
16 פנה אלי וחנני כי יחיד ועני אני׃
Psalms 28:7-8
Psalms 84:5
5 (84:6) אשׁרי אדם עוז לו בך מסלות בלבבם׃
Psalms 90:13
13 שׁובה יהוה עד מתי והנחם על עבדיך׃
Psalms 116:16
16 אנה יהוה כי אני עבדך אני עבדך בן אמתך פתחת למוסרי׃
Psalms 119:132
132 פנה אלי וחנני כמשׁפט לאהבי שׁמך׃
Psalms 138:3
3 ביום קראתי ותענני תרהבני בנפשׁי עז׃
Isaiah 40:29-31
Isaiah 45:24
24 אך ביהוה לי אמר צדקות ועז עדיו יבוא ויבשׁו כל הנחרים׃
Zechariah 10:12
12 וגברתים ביהוה ובשׁמו יתהלכו נאם יהוה׃
Judges 6:17
17 ויאמר אליו אם נא מצאתי חן בעיניך ועשׂית לי אות שׁאתה מדבר עמי׃
Psalms 40:1
1 למנצח לדוד מזמור׃ (40:2) קוה קויתי יהוה ויט אלי וישׁמע שׁועתי׃
Psalms 41:10-11
Psalms 71:9-13
Psalms 71:20-21
Psalms 74:9
9 אותתינו לא ראינו אין עוד נביא ולא אתנו ידע עד מה׃
Psalms 109:29
29 ילבשׁו שׂוטני כלמה ויעטו כמעיל בשׁתם׃
Isaiah 38:22
22 ויאמר חזקיהו מה אות כי אעלה בית יהוה׃