1 למנצח עלמות לבן מזמור לדוד׃ (9:2) אודה יהוה בכל לבי אספרה כל נפלאותיך׃2 (9:3) אשׂמחה ואעלצה בך אזמרה שׁמך עליון׃3 (9:4) בשׁוב אויבי אחור יכשׁלו ויאבדו מפניך׃4 (9:5) כי עשׂית משׁפטי ודיני ישׁבת לכסא שׁופט צדק׃5 (9:6) גערת גוים אבדת רשׁע שׁמם מחית לעולם ועד׃6 (9:7) האויב תמו חרבות לנצח וערים נתשׁת אבד זכרם המה׃7 (9:8) ויהוה לעולם ישׁב כונן למשׁפט כסאו׃8 (9:9) והוא ישׁפט תבל בצדק ידין לאמים במישׁרים׃9 (9:10) ויהי יהוה משׂגב לדך משׂגב לעתות בצרה׃10 (9:11) ויבטחו בך יודעי שׁמך כי לא עזבת דרשׁיך יהוה׃11 (9:12) זמרו ליהוה ישׁב ציון הגידו בעמים עלילותיו׃12 (9:13) כי דרשׁ דמים אותם זכר לא שׁכח צעקת עניים׃13 (9:14) חננני יהוה ראה עניי משׂנאי מרוממי משׁערי מות׃14 (9:15) למען אספרה כל תהלתיך בשׁערי בת ציון אגילה בישׁועתך׃15 (9:16) טבעו גוים בשׁחת עשׂו ברשׁת זו טמנו נלכדה רגלם׃16 (9:17) נודע יהוה משׁפט עשׂה בפעל כפיו נוקשׁ רשׁע הגיון סלה׃17 (9:18) ישׁובו רשׁעים לשׁאולה כל גוים שׁכחי אלהים׃18 (9:19) כי לא לנצח ישׁכח אביון תקות ענוים תאבד לעד׃19 (9:20) קומה יהוה אל יעז אנושׁ ישׁפטו גוים על פניך׃20 (9:21) שׁיתה יהוה מורה להם ידעו גוים אנושׁ המה סלה׃
Psalms 9 Cross References - HOT
1 Chronicles 16:12
12 זכרו נפלאתיו אשׁר עשׂה מפתיו ומשׁפטי פיהו׃
1 Chronicles 16:24
24 ספרו בגוים את כבודו בכל העמים נפלאתיו׃
1 Chronicles 29:10-13
10 ויברך דויד את יהוה לעיני כל הקהל ויאמר דויד ברוך אתה יהוה אלהי ישׂראל אבינו מעולם ועד עולם׃11 לך יהוה הגדלה והגבורה והתפארת והנצח וההוד כי כל בשׁמים ובארץ לך יהוה הממלכה והמתנשׂא לכל לראשׁ׃12 והעשׁר והכבוד מלפניך ואתה מושׁל בכל ובידך כח וגבורה ובידך לגדל ולחזק לכל׃13 ועתה אלהינו מודים אנחנו לך ומהללים לשׁם תפארתך׃
Psalms 7:17
17 (7:18) אודה יהוה כצדקו ואזמרה שׁם יהוה עליון׃
Psalms 9:14
14 (9:15) למען אספרה כל תהלתיך בשׁערי בת ציון אגילה בישׁועתך׃
Psalms 26:7
7 לשׁמע בקול תודה ולספר כל נפלאותיך׃
Psalms 34:1-4
Psalms 51:15
15 (51:17) אדני שׂפתי תפתח ופי יגיד תהלתך׃
Psalms 86:12
12 אודך אדני אלהי בכל לבבי ואכבדה שׁמך לעולם׃
Psalms 103:1-2
Psalms 106:2
2 מי ימלל גבורות יהוה ישׁמיע כל תהלתו׃
Psalms 111:1
1 הללו יה אודה יהוה בכל לבב בסוד ישׁרים ועדה׃
Psalms 138:1
1 לדוד אודך בכל לבי נגד אלהים אזמרך׃
Psalms 145:1-3
Psalms 146:1-2
Isaiah 12:1
1 ואמרת ביום ההוא אודך יהוה כי אנפת בי ישׁב אפך ותנחמני׃
Isaiah 43:21
21 עם זו יצרתי לי תהלתי יספרו׃
Isaiah 60:6
6 שׁפעת גמלים תכסך בכרי מדין ועיפה כלם משׁבא יבאו זהב ולבונה ישׂאו ותהלת יהוה יבשׂרו׃
Psalms 5:11
11 (5:12) וישׂמחו כל חוסי בך לעולם ירננו ותסך עלימו ויעלצו בך אהבי שׁמך׃
Psalms 27:6
6 ועתה ירום ראשׁי על איבי סביבותי ואזבחה באהלו זבחי תרועה אשׁירה ואזמרה ליהוה׃
Psalms 28:7
7 יהוה עזי ומגני בו בטח לבי ונעזרתי ויעלז לבי ומשׁירי אהודנו׃
Psalms 43:4
4 ואבואה אל מזבח אלהים אל אל שׂמחת גילי ואודך בכנור אלהים אלהי׃
Psalms 56:2-3
Psalms 83:18
18 (83:19) וידעו כי אתה שׁמך יהוה לבדך עליון על כל הארץ׃
Psalms 92:1
1 מזמור שׁיר ליום השׁבת׃ (92:2) טוב להדות ליהוה ולזמר לשׁמך עליון׃
Psalms 92:4
4 (92:5) כי שׂמחתני יהוה בפעלך במעשׂי ידיך ארנן׃
Psalms 97:9
9 כי אתה יהוה עליון על כל הארץ מאד נעלית על כל אלהים׃
Psalms 97:12
12 שׂמחו צדיקים ביהוה והודו לזכר קדשׁו׃
Daniel 5:18
18 אנתה מלכא אלהא עליא מלכותא ורבותא ויקרא והדרה יהב לנבכדנצר אבוך׃
Habakkuk 3:17-18
Psalms 68:1-2
Psalms 76:7
7 (76:8) אתה נורא אתה ומי יעמד לפניך מאז אפך׃
Psalms 80:16
16 (80:17) שׂרפה באשׁ כסוחה מגערת פניך יאבדו׃
Isaiah 64:3
3 (64:2) בעשׂותך נוראות לא נקוה ירדת מפניך הרים נזלו׃
Psalms 16:5
5 יהוה מנת חלקי וכוסי אתה תומיך גורלי׃
Psalms 45:6-7
Psalms 47:8
8 (47:9) מלך אלהים על גוים אלהים ישׁב על כסא קדשׁו׃
Psalms 89:14
14 (89:15) צדק ומשׁפט מכון כסאך חסד ואמת יקדמו פניך׃
Psalms 96:13
13 לפני יהוה כי בא כי בא לשׁפט הארץ ישׁפט תבל בצדק ועמים באמונתו׃
Psalms 98:9
9 לפני יהוה כי בא לשׁפט הארץ ישׁפט תבל בצדק ועמים במישׁרים׃
Psalms 140:12
12 (140:13) ידעת כי יעשׂה יהוה דין עני משׁפט אבינים׃
Isaiah 11:4
4 ושׁפט בצדק דלים והוכיח במישׁור לענוי ארץ והכה ארץ בשׁבט פיו וברוח שׂפתיו ימית רשׁע׃
Deuteronomy 9:14
14 הרף ממני ואשׁמידם ואמחה את שׁמם מתחת השׁמים ואעשׂה אותך לגוי עצום ורב ממנו׃
1 Samuel 17:45-51
45 ויאמר דוד אל הפלשׁתי אתה בא אלי בחרב ובחנית ובכידון ואנכי בא אליך בשׁם יהוה צבאות אלהי מערכות ישׂראל אשׁר חרפת׃46 היום הזה יסגרך יהוה בידי והכיתך והסרתי את ראשׁך מעליך ונתתי פגר מחנה פלשׁתים היום הזה לעוף השׁמים ולחית הארץ וידעו כל הארץ כי ישׁ אלהים לישׂראל׃47 וידעו כל הקהל הזה כי לא בחרב ובחנית יהושׁיע יהוה כי ליהוה המלחמה ונתן אתכם בידנו׃48 והיה כי קם הפלשׁתי וילך ויקרב לקראת דוד וימהר דוד וירץ המערכה לקראת הפלשׁתי׃49 וישׁלח דוד את ידו אל הכלי ויקח משׁם אבן ויקלע ויך את הפלשׁתי אל מצחו ותטבע האבן במצחו ויפל על פניו ארצה׃50 ויחזק דוד מן הפלשׁתי בקלע ובאבן ויך את הפלשׁתי וימיתהו וחרב אין ביד דוד׃51 וירץ דוד ויעמד אל הפלשׁתי ויקח את חרבו וישׁלפה מתערה וימתתהו ויכרת בה את ראשׁו ויראו הפלשׁתים כי מת גבורם וינסו׃
1 Samuel 25:32
32 ויאמר דוד לאביגל ברוך יהוה אלהי ישׂראל אשׁר שׁלחך היום הזה לקראתי׃
1 Samuel 31:4
4 ויאמר שׁאול לנשׂא כליו שׁלף חרבך ודקרני בה פן יבואו הערלים האלה ודקרני והתעללו בי ולא אבה נשׂא כליו כי ירא מאד ויקח שׁאול את החרב ויפל עליה׃
2 Samuel 5:6-16
6 וילך המלך ואנשׁיו ירושׁלם אל היבסי יושׁב הארץ ויאמר לדוד לאמר לא תבוא הנה כי אם הסירך העורים והפסחים לאמר לא יבוא דוד הנה׃7 וילכד דוד את מצדת ציון היא עיר דוד׃8 ויאמר דוד ביום ההוא כל מכה יבסי ויגע בצנור ואת הפסחים ואת העורים שׂנאו נפשׁ דוד על כן יאמרו עור ופסח לא יבוא אל הבית׃9 וישׁב דוד במצדה ויקרא לה עיר דוד ויבן דוד סביב מן המלוא וביתה׃10 וילך דוד הלוך וגדול ויהוה אלהי צבאות עמו׃11 וישׁלח חירם מלך צר מלאכים אל דוד ועצי ארזים וחרשׁי עץ וחרשׁי אבן קיר ויבנו בית לדוד׃12 וידע דוד כי הכינו יהוה למלך על ישׂראל וכי נשׂא ממלכתו בעבור עמו ישׂראל׃13 ויקח דוד עוד פלגשׁים ונשׁים מירושׁלם אחרי באו מחברון ויולדו עוד לדוד בנים ובנות׃14 ואלה שׁמות הילדים לו בירושׁלם שׁמוע ושׁובב ונתן ושׁלמה׃15 ויבחר ואלישׁוע ונפג ויפיע׃16 ואלישׁמע ואלידע ואליפלט׃
2 Samuel 8:1-15
1 ויהי אחרי כן ויך דוד את פלשׁתים ויכניעם ויקח דוד את מתג האמה מיד פלשׁתים׃2 ויך את מואב וימדדם בחבל השׁכב אותם ארצה וימדד שׁני חבלים להמית ומלא החבל להחיות ותהי מואב לדוד לעבדים נשׂאי מנחה׃3 ויך דוד את הדדעזר בן רחב מלך צובה בלכתו להשׁיב ידו בנהר\'ce׃4 וילכד דוד ממנו אלף ושׁבע מאות פרשׁים ועשׂרים אלף אישׁ רגלי ויעקר דוד את כל הרכב ויותר ממנו מאה רכב׃5 ותבא ארם דמשׂק לעזר להדדעזר מלך צובה ויך דוד בארם עשׂרים ושׁנים אלף אישׁ׃6 וישׂם דוד נצבים בארם דמשׂק ותהי ארם לדוד לעבדים נושׂאי מנחה וישׁע יהוה את דוד בכל אשׁר הלך׃7 ויקח דוד את שׁלטי הזהב אשׁר היו אל עבדי הדדעזר ויביאם ירושׁלם׃8 ומבטח ומברתי ערי הדדעזר לקח המלך דוד נחשׁת הרבה מאד׃9 וישׁמע תעי מלך חמת כי הכה דוד את כל חיל הדדעזר׃10 וישׁלח תעי את יורם בנו אל המלך דוד לשׁאל לו לשׁלום ולברכו על אשׁר נלחם בהדדעזר ויכהו כי אישׁ מלחמות תעי היה הדדעזר ובידו היו כלי כסף וכלי זהב וכלי נחשׁת׃11 גם אתם הקדישׁ המלך דוד ליהוה עם הכסף והזהב אשׁר הקדישׁ מכל הגוים אשׁר כבשׁ׃12 מארם וממואב ומבני עמון ומפלשׁתים ומעמלק ומשׁלל הדדעזר בן רחב מלך צובה׃13 ויעשׂ דוד שׁם בשׁבו מהכותו את ארם בגיא מלח שׁמונה עשׂר אלף׃14 וישׂם באדום נצבים בכל אדום שׂם נצבים ויהי כל אדום עבדים לדוד ויושׁע יהוה את דוד בכל אשׁר הלך׃15 וימלך דוד על כל ישׂראל ויהי דוד עשׂה משׁפט וצדקה לכל עמו׃
2 Samuel 10:6-9
6 ויראו בני עמון כי נבאשׁו בדוד וישׁלחו בני עמון וישׂכרו את ארם בית רחוב ואת ארם צובא עשׂרים אלף רגלי ואת מלך מעכה אלף אישׁ ואישׁ טוב שׁנים עשׂר אלף אישׁ׃7 וישׁמע דוד וישׁלח את יואב ואת כל הצבא הגברים׃8 ויצאו בני עמון ויערכו מלחמה פתח השׁער וארם צובא ורחוב ואישׁ טוב ומעכה לבדם בשׂדה׃9 וירא יואב כי היתה אליו פני המלחמה מפנים ומאחור ויבחר מכל בחורי בישׂראל ויערך לקראת ארם׃
2 Samuel 17:23
23 ואחיתפל ראה כי לא נעשׂתה עצתו ויחבשׁ את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃
2 Samuel 21:15-22
15 ותהי עוד מלחמה לפלשׁתים את ישׂראל וירד דוד ועבדיו עמו וילחמו את פלשׁתים ויעף דוד׃16 וישׁבו בנב אשׁר בילידי הרפה ומשׁקל קינו שׁלשׁ מאות משׁקל נחשׁת והוא חגור חדשׁה ויאמר להכות את דוד׃17 ויעזר לו אבישׁי בן צרויה ויך את הפלשׁתי וימיתהו אז נשׁבעו אנשׁי דוד לו לאמר לא תצא עוד אתנו למלחמה ולא תכבה את נר ישׂראל׃18 ויהי אחרי כן ותהי עוד המלחמה בגוב עם פלשׁתים אז הכה סבכי החשׁתי את סף אשׁר בילדי הרפה׃19 ותהי עוד המלחמה בגוב עם פלשׁתים ויך אלחנן בן יערי ארגים בית הלחמי את גלית הגתי ועץ חניתו כמנור ארגים׃20 ותהי עוד מלחמה בגת ויהי אישׁ מדין ואצבעת ידיו ואצבעות רגליו שׁשׁ ושׁשׁ עשׂרים וארבע מספר וגם הוא ילד להרפה׃21 ויחרף את ישׂראל ויכהו יהונתן בן שׁמעי אחי דוד׃22 את ארבעת אלה ילדו להרפה בגת ויפלו ביד דוד וביד עבדיו׃
2 Samuel 22:44-46
Psalms 2:1
1 למה רגשׁו גוים ולאמים יהגו ריק׃
Psalms 2:8-9
Psalms 5:6
6 (5:7) תאבד דברי כזב אישׁ דמים ומרמה יתעב יהוה׃
Psalms 78:55
55 ויגרשׁ מפניהם גוים ויפילם בחבל נחלה וישׁכן באהליהם שׁבטי ישׂראל׃
Psalms 79:10
10 למה יאמרו הגוים איה אלהיהם יודע בגיים לעינינו נקמת דם עבדיך השׁפוך׃
Psalms 149:7
7 לעשׂות נקמה בגוים תוכחת בל אמים׃
Proverbs 10:7
7 זכר צדיק לברכה ושׁם רשׁעים ירקב׃
Proverbs 13:9
9 אור צדיקים ישׂמח ונר רשׁעים ידעך׃
Malachi 4:3
3 (3:21) ועסותם רשׁעים כי יהיו אפר תחת כפות רגליכם ביום אשׁר אני עשׂה אמר יהוה צבאות׃
Exodus 14:13
13 ויאמר משׁה אל העם אל תיראו התיצבו וראו את ישׁועת יהוה אשׁר יעשׂה לכם היום כי אשׁר ראיתם את מצרים היום לא תספו לראתם עוד עד עולם׃
Exodus 15:16
16 תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃
1 Samuel 30:1
1 ויהי בבא דוד ואנשׁיו צקלג ביום השׁלישׁי ועמלקי פשׁטו אל נגב ואל צקלג ויכו את צקלג וישׂרפו אתה באשׁ׃
1 Samuel 31:7
7 ויראו אנשׁי ישׂראל אשׁר בעבר העמק ואשׁר בעבר הירדן כי נסו אנשׁי ישׂראל וכי מתו שׁאול ובניו ויעזבו את הערים וינסו ויבאו פלשׁתים וישׁבו׃
2 Kings 19:25
25 הלא שׁמעת למרחוק אתה עשׂיתי למימי קדם ויצרתיה עתה הביאתיה ותהי להשׁות גלים נצים ערים בצרות׃
Psalms 7:5
5 (7:6) ירדף אויב נפשׁי וישׂג וירמס לארץ חיי וכבודי לעפר ישׁכן סלה׃
Psalms 8:2
2 (8:3) מפי עוללים וינקים יסדת עז למען צורריך להשׁבית אויב ומתנקם׃
Psalms 34:16
16 (34:17) פני יהוה בעשׂי רע להכרית מארץ זכרם׃
Psalms 46:9
9 (46:10) משׁבית מלחמות עד קצה הארץ קשׁת ישׁבר וקצץ חנית עגלות ישׂרף באשׁ׃
Isaiah 10:6-7
Isaiah 10:13-14
Isaiah 10:24-25
Isaiah 14:6-8
Isaiah 14:17
17 שׂם תבל כמדבר ועריו הרס אסיריו לא פתח ביתה׃
Isaiah 14:22-23
Isaiah 37:26
26 הלוא שׁמעת למרחוק אותה עשׂיתי מימי קדם ויצרתיה עתה הבאתיה ותהי להשׁאות גלים נצים ערים בצרות׃
Jeremiah 51:25
25 הנני אליך הר המשׁחית נאם יהוה המשׁחית את כל הארץ ונטיתי את ידי עליך וגלגלתיך מן הסלעים ונתתיך להר שׂרפה׃
Jeremiah 51:62-64
Micah 7:8
8 אל תשׂמחי איבתי לי כי נפלתי קמתי כי אשׁב בחשׁך יהוה אור׃
Micah 7:10
10 ותרא איבתי ותכסה בושׁה האמרה אלי איו יהוה אלהיך עיני תראינה בה עתה תהיה למרמס כטיט חוצות׃
Nahum 1:9-13
Psalms 50:3-5
Psalms 90:2
2 בטרם הרים ילדו ותחולל ארץ ותבל ומעולם עד עולם אתה אל׃
Psalms 102:12
12 (102:13) ואתה יהוה לעולם תשׁב וזכרך לדר ודר׃
Psalms 102:24-27
Psalms 103:19
19 יהוה בשׁמים הכין כסאו ומלכותו בכל משׁלה׃
Genesis 18:25
25 חללה לך מעשׂת כדבר הזה להמית צדיק עם רשׁע והיה כצדיק כרשׁע חללה לך השׁפט כל הארץ לא יעשׂה משׁפט׃
Psalms 50:6
6 ויגידו שׁמים צדקו כי אלהים שׁפט הוא סלה׃
Psalms 94:15
15 כי עד צדק ישׁוב משׁפט ואחריו כל ישׁרי לב׃
Psalms 99:4
4 ועז מלך משׁפט אהב אתה כוננת מישׁרים משׁפט וצדקה ביעקב אתה עשׂית׃
Isaiah 11:4-5
Deuteronomy 33:27
27 מענה אלהי קדם ומתחת זרעת עולם ויגרשׁ מפניך אויב ויאמר השׁמד׃
Psalms 18:2
2 (18:3) יהוה סלעי ומצודתי ומפלטי אלי צורי אחסה בו מגני וקרן ישׁעי משׂגבי׃
Psalms 20:1
1 למנצח מזמור לדוד׃ (20:2) יענך יהוה ביום צרה ישׂגבך שׁם אלהי יעקב׃
Psalms 32:7
7 אתה סתר לי מצר תצרני רני פלט תסובבני סלה׃
Psalms 37:39
39 ותשׁועת צדיקים מיהוה מעוזם בעת צרה׃
Psalms 46:1
1 למנצח לבני קרח על עלמות שׁיר׃ (46:2) אלהים לנו מחסה ועז עזרה בצרות נמצא מאד׃
Psalms 46:7
7 (46:8) יהוה צבאות עמנו משׂגב לנו אלהי יעקב סלה׃
Psalms 48:3
3 (48:4) אלהים בארמנותיה נודע למשׂגב׃
Psalms 50:15
15 וקראני ביום צרה אחלצך ותכבדני׃
Psalms 62:8
8 (62:9) בטחו בו בכל עת עם שׁפכו לפניו לבבכם אלהים מחסה לנו סלה׃
Psalms 77:1-2
Psalms 91:1-2
Psalms 108:12
12 (108:13) הבה לנו עזרת מצר ושׁוא תשׁועת אדם׃
Psalms 142:4
4 (142:5) הביט ימין וראה ואין לי מכיר אבד מנוס ממני אין דורשׁ לנפשׁי׃
Proverbs 18:10
10 מגדל עז שׁם יהוה בו ירוץ צדיק ונשׂגב׃
Isaiah 4:5-6
Isaiah 8:14
14 והיה למקדשׁ ולאבן נגף ולצור מכשׁול לשׁני בתי ישׂראל לפח ולמוקשׁ ליושׁב ירושׁלם׃
Isaiah 32:2
2 והיה אישׁ כמחבא רוח וסתר זרם כפלגי מים בציון כצל סלע כבד בארץ עיפה׃
Nahum 1:7
7 טוב יהוה למעוז ביום צרה וידע חסי׃
Exodus 34:5-7
1 Chronicles 28:9
9 ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃
Psalms 37:28
28 כי יהוה אהב משׁפט ולא יעזב את חסידיו לעולם נשׁמרו וזרע רשׁעים נכרת׃
Psalms 57:1
1 למנצח אל תשׁחת לדוד מכתם בברחו מפני שׁאול במערה׃ (57:2) חנני אלהים חנני כי בך חסיה נפשׁי ובצל כנפיך אחסה עד יעבר הוות׃
Psalms 91:14
14 כי בי חשׁק ואפלטהו אשׂגבהו כי ידע שׁמי׃
Psalms 105:3-4
Psalms 146:5-6
Isaiah 26:3-4
Isaiah 45:19
19 לא בסתר דברתי במקום ארץ חשׁך לא אמרתי לזרע יעקב תהו בקשׁוני אני יהוה דבר צדק מגיד מישׁרים׃
Isaiah 46:3-4
Isaiah 55:6-7
Jeremiah 29:13
13 ובקשׁתם אתי ומצאתם כי תדרשׁני בכל לבבכם׃
Psalms 33:1-3
Psalms 47:6-7
Psalms 66:2
2 זמרו כבוד שׁמו שׂימו כבוד תהלתו׃
Psalms 66:5
5 לכו וראו מפעלות אלהים נורא עלילה על בני אדם׃
Psalms 76:2
2 (76:3) ויהי בשׁלם סכו ומעונתו בציון׃
Psalms 78:68
68 ויבחר את שׁבט יהודה את הר ציון אשׁר אהב׃
Psalms 96:1-2
Psalms 96:10
10 אמרו בגוים יהוה מלך אף תכון תבל בל תמוט ידין עמים במישׁרים׃
Psalms 105:1-2
Psalms 107:22
22 ויזבחו זבחי תודה ויספרו מעשׂיו ברנה׃
Psalms 118:17
17 לא אמות כי אחיה ואספר מעשׂי יה׃
Psalms 132:13-14
Psalms 148:1-5
Psalms 148:13-14
Isaiah 12:4-6
Isaiah 14:32
32 ומה יענה מלאכי גוי כי יהוה יסד ציון ובה יחסו עניי עמו׃
Genesis 9:5
5 ואך את דמכם לנפשׁתיכם אדרשׁ מיד כל חיה אדרשׁנו ומיד האדם מיד אישׁ אחיו אדרשׁ את נפשׁ האדם׃
Exodus 3:7
7 ויאמר יהוה ראה ראיתי את עני עמי אשׁר במצרים ואת צעקתם שׁמעתי מפני נגשׂיו כי ידעתי את מכאביו׃
Exodus 3:9
9 ועתה הנה צעקת בני ישׂראל באה אלי וגם ראיתי את הלחץ אשׁר מצרים לחצים אתם׃
Judges 10:16
16 ויסירו את אלהי הנכר מקרבם ויעבדו את יהוה ותקצר נפשׁו בעמל ישׂראל׃
2 Kings 24:4
4 וגם דם הנקי אשׁר שׁפך וימלא את ירושׁלם דם נקי ולא אבה יהוה לסלח׃
Psalms 10:14
14 ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃
Psalms 10:17
17 תאות ענוים שׁמעת יהוה תכין לבם תקשׁיב אזנך׃
Psalms 22:24
24 (22:25) כי לא בזה ולא שׁקץ ענות עני ולא הסתיר פניו ממנו ובשׁועו אליו שׁמע׃
Psalms 34:6
6 (34:7) זה עני קרא ויהוה שׁמע ומכל צרותיו הושׁיעו׃
Psalms 102:17
17 (102:18) פנה אל תפלת הערער ולא בזה את תפלתם׃
Isaiah 26:21
21 כי הנה יהוה יצא ממקומו לפקד עון ישׁב הארץ עליו וגלתה הארץ את דמיה ולא תכסה עוד על הרוגיה׃
Nehemiah 9:32
32 ועתה אלהינו האל הגדול הגבור והנורא שׁומר הברית והחסד אל ימעט לפניך את כל התלאה אשׁר מצאתנו למלכינו לשׂרינו ולכהנינו ולנביאנו ולאבתינו ולכל עמך מימי מלכי אשׁור עד היום הזה׃
Psalms 13:3
3 (13:4) הביטה ענני יהוה אלהי האירה עיני פן אישׁן המות׃
Psalms 25:19
19 ראה אויבי כי רבו ושׂנאת חמס שׂנאוני׃
Psalms 30:3
3 (30:4) יהוה העלית מן שׁאול נפשׁי חייתני מיורדי בור׃
Psalms 38:19
19 (38:20) ואיבי חיים עצמו ורבו שׂנאי שׁקר׃
Psalms 51:1
1 למנצח מזמור לדוד׃ (51:2) בבוא אליו נתן הנביא כאשׁר בא אל בת\'ceשׁבע׃ (51:3) חנני אלהים כחסדך כרב רחמיך מחה פשׁעי׃
Psalms 56:13
13 (56:14) כי הצלת נפשׁי ממות הלא רגלי מדחי להתהלך לפני אלהים באור החיים׃
Psalms 86:13
13 כי חסדך גדול עלי והצלת נפשׁי משׁאול תחתיה׃
Psalms 107:18
18 כל אכל תתעב נפשׁם ויגיעו עד שׁערי מות׃
Psalms 116:3-4
Psalms 119:132
132 פנה אלי וחנני כמשׁפט לאהבי שׁמך׃
Psalms 119:153
153 ראה עניי וחלצני כי תורתך לא שׁכחתי׃
Psalms 142:6
6 (142:7) הקשׁיבה אל רנתי כי דלותי מאד הצילני מרדפי כי אמצו ממני׃
Isaiah 38:10
10 אני אמרתי בדמי ימי אלכה בשׁערי שׁאול פקדתי יתר שׁנותי׃
Lamentations 1:9
9 טמאתה בשׁוליה לא זכרה אחריתה ותרד פלאים אין מנחם לה ראה יהוה את עניי כי הגדיל אויב׃
Lamentations 1:11
11 כל עמה נאנחים מבקשׁים לחם נתנו מחמודיהם באכל להשׁיב נפשׁ ראה יהוה והביטה כי הייתי זוללה׃
1 Samuel 2:1
1 ותתפלל חנה ותאמר עלץ לבי ביהוה רמה קרני ביהוה רחב פי על אויבי כי שׂמחתי בישׁועתך׃
Psalms 13:5
5 (13:6) ואני בחסדך בטחתי יגל לבי בישׁועת׃
Psalms 20:5
5 (20:6) נרננה בישׁועתך ובשׁם אלהינו נדגל ימלא יהוה כל משׁאלותיך׃
Psalms 21:1
1 למנצח מזמור לדוד׃ (21:2) יהוה בעזך ישׂמח מלך ובישׁועתך מה יגיל מאד׃
Psalms 22:22
22 (22:23) אספרה שׁמך לאחי בתוך קהל אהללך׃
Psalms 22:25
25 (22:26) מאתך תהלתי בקהל רב נדרי אשׁלם נגד יראיו׃
Psalms 35:9
9 ונפשׁי תגיל ביהוה תשׂישׂ בישׁועתו׃
Psalms 35:18
18 אודך בקהל רב בעם עצום אהללך׃
Psalms 42:4
4 (42:5) אלה אזכרה ואשׁפכה עלי נפשׁי כי אעבר בסך אדדם עד בית אלהים בקול רנה ותודה המון חוגג׃
Psalms 51:12
12 (51:14) השׁיבה לי שׂשׂון ישׁעך ורוח נדיבה תסמכני׃
Psalms 79:13
13 ואנחנו עמך וצאן מרעיתך נודה לך לעולם לדר ודר נספר תהלתך׃
Psalms 109:30-31
Psalms 116:18-19
Psalms 118:19-20
Psalms 149:1-2
Isaiah 12:3
3 ושׁאבתם מים בשׂשׂון ממעיני הישׁועה׃
Isaiah 37:22
22 זה הדבר אשׁר דבר יהוה עליו בזה לך לעגה לך בתולת בת ציון אחריך ראשׁ הניעה בת ירושׁלם׃
Isaiah 62:11
11 הנה יהוה השׁמיע אל קצה הארץ אמרו לבת ציון הנה ישׁעך בא הנה שׂכרו אתו ופעלתו לפניו׃
Micah 4:13
13 קומי ודושׁי בת ציון כי קרנך אשׂים ברזל ופרסתיך אשׂים נחושׁה והדקות עמים רבים והחרמתי ליהוה בצעם וחילם לאדון כל הארץ׃
Habakkuk 3:18
18 ואני ביהוה אעלוזה אגילה באלהי ישׁעי׃
Psalms 7:15-16
Psalms 35:8
8 תבואהו שׁואה לא ידע ורשׁתו אשׁר טמן תלכדו בשׁואה יפל׃
Psalms 37:15
15 חרבם תבוא בלבם וקשׁתותם תשׁברנה׃
Psalms 57:6
6 (57:7) רשׁת הכינו לפעמי כפף נפשׁי כרו לפני שׁיחה נפלו בתוכה סלה׃
Psalms 94:23
23 וישׁב עליהם את אונם וברעתם יצמיתם יצמיתם יהוה אלהינו׃
Proverbs 5:22
22 עוונותיו ילכדנו את הרשׁע ובחבלי חטאתו יתמך׃
Proverbs 22:8
8 זורע עולה יקצור און ושׁבט עברתו יכלה׃
Exodus 7:5
5 וידעו מצרים כי אני יהוה בנטתי את ידי על מצרים והוצאתי את בני ישׂראל מתוכם׃
Exodus 14:4
4 וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשׂו כן׃
Exodus 14:10
10 ופרעה הקריב וישׂאו בני ישׂראל את עיניהם והנה מצרים נסע אחריהם וייראו מאד ויצעקו בני ישׂראל אל יהוה׃
Exodus 14:31
31 וירא ישׂראל את היד הגדלה אשׁר עשׂה יהוה במצרים וייראו העם את יהוה ויאמינו ביהוה ובמשׁה עבדו׃
Deuteronomy 29:22-28
22 (29:21) ואמר הדור האחרון בניכם אשׁר יקומו מאחריכם והנכרי אשׁר יבא מארץ רחוקה וראו את מכות הארץ ההוא ואת תחלאיה אשׁר חלה יהוה׃23 (29:22) גפרית ומלח שׂרפה כל ארצה לא תזרע ולא תצמח ולא יעלה בה כל עשׂב כמהפכת סדם ועמרה אדמה וצביים אשׁר הפך יהוה באפו ובחמתו׃24 (29:23) ואמרו כל הגוים על מה עשׂה יהוה ככה לארץ הזאת מה חרי האף הגדול הזה׃25 (29:24) ואמרו על אשׁר עזבו את ברית יהוה אלהי אבתם אשׁר כרת עמם בהוציאו אתם מארץ מצרים׃26 (29:25) וילכו ויעבדו אלהים אחרים וישׁתחוו להם אלהים אשׁר לא ידעום ולא חלק׃27 (29:26) ויחר אף יהוה בארץ ההוא להביא עליה את כל הקללה הכתובה בספר הזה׃28 (29:27) ויתשׁם יהוה מעל אדמתם באף ובחמה ובקצף גדול וישׁלכם אל ארץ אחרת כיום הזה׃
Joshua 2:10-11
Judges 1:7
7 ויאמר אדני בזק שׁבעים מלכים בהנות ידיהם ורגליהם מקצצים היו מלקטים תחת שׁלחני כאשׁר עשׂיתי כן שׁלם לי אלהים ויביאהו ירושׁלם וימת שׁם׃
1 Samuel 6:19-20
1 Samuel 17:46
46 היום הזה יסגרך יהוה בידי והכיתך והסרתי את ראשׁך מעליך ונתתי פגר מחנה פלשׁתים היום הזה לעוף השׁמים ולחית הארץ וידעו כל הארץ כי ישׁ אלהים לישׂראל׃
2 Kings 19:19
19 ועתה יהוה אלהינו הושׁיענו נא מידו וידעו כל ממלכות הארץ כי אתה יהוה אלהים לבדך׃
2 Kings 19:34-35
Psalms 5:1
1 למנצח אל הנחילות מזמור לדוד׃ (5:2) אמרי האזינה יהוה בינה הגיגי׃
Psalms 11:6
6 ימטר על רשׁעים פחים אשׁ וגפרית ורוח זלעפות מנת כוסם׃
Psalms 19:14
14 (19:15) יהיו לרצון אמרי פי והגיון לבי לפניך יהוה צורי וגאלי׃
Psalms 48:11
11 (48:12) ישׂמח הר ציון תגלנה בנות יהודה למען משׁפטיך׃
Psalms 58:10-11
Psalms 83:17-18
Psalms 92:3
3 (92:4) עלי עשׂור ועלי נבל עלי הגיון בכנור׃
Psalms 140:9
9 (140:10) ראשׁ מסבי עמל שׂפתימו יכסומו׃
Proverbs 6:2
2 נוקשׁת באמרי פיך נלכדת באמרי פיך׃
Proverbs 12:13
13 בפשׁע שׂפתים מוקשׁ רע ויצא מצרה צדיק׃
Isaiah 8:15
15 וכשׁלו בם רבים ונפלו ונשׁברו ונוקשׁו ונלכדו׃
Isaiah 28:13
13 והיה להם דבר יהוה צו לצו צו לצו קו לקו קו לקו זעיר שׁם זעיר שׁם למען ילכו וכשׁלו אחור ונשׁברו ונוקשׁו ונלכדו׃
Job 8:13
13 כן ארחות כל שׁכחי אל ותקות חנף תאבד׃
Psalms 44:17
17 (44:18) כל זאת באתנו ולא שׁכחנוך ולא שׁקרנו בבריתך׃
Psalms 44:20
20 (44:21) אם שׁכחנו שׁם אלהינו ונפרשׂ כפינו לאל זר׃
Psalms 49:14
14 (49:15) כצאן לשׁאול שׁתו מות ירעם וירדו בם ישׁרים לבקר וצירם לבלות שׁאול מזבל׃
Psalms 50:22
22 בינו נא זאת שׁכחי אלוה פן אטרף ואין מציל׃
Psalms 106:13
13 מהרו שׁכחו מעשׂיו לא חכו לעצתו׃
Proverbs 14:32
32 ברעתו ידחה רשׁע וחסה במותו צדיק׃
Isaiah 3:11
11 אוי לרשׁע רע כי גמול ידיו יעשׂה׃
Isaiah 5:14
14 לכן הרחיבה שׁאול נפשׁה ופערה פיה לבלי חק וירד הדרה והמונה ושׁאונה ועלז׃
Jeremiah 2:32
32 התשׁכח בתולה עדיה כלה קשׁריה ועמי שׁכחוני ימים אין מספר׃
Jeremiah 3:21
21 קול על שׁפיים נשׁמע בכי תחנוני בני ישׂראל כי העוו את דרכם שׁכחו את יהוה אלהיהם׃
Jeremiah 13:25
25 זה גורלך מנת מדיך מאתי נאם יהוה אשׁר שׁכחת אותי ותבטחי בשׁקר׃
Jeremiah 18:15
15 כי שׁכחני עמי לשׁוא יקטרו ויכשׁלום בדרכיהם שׁבילי עולם ללכת נתיבות דרך לא סלולה׃
Hosea 2:13
13 (2:15) ופקדתי עליה את ימי הבעלים אשׁר תקטיר להם ותעד נזמה וחליתה ותלך אחרי מאהביה ואתי שׁכחה נאם יהוה׃
Psalms 9:12
12 (9:13) כי דרשׁ דמים אותם זכר לא שׁכח צעקת עניים׃
Psalms 12:5
5 (12:6) משׁד עניים מאנקת אביונים עתה אקום יאמר יהוה אשׁית בישׁע יפיח׃
Psalms 71:5
5 כי אתה תקותי אדני יהוה מבטחי מנעורי׃
Psalms 72:4
4 ישׁפט עניי עם יושׁיע לבני אביון וידכא עושׁק׃
Psalms 72:12-14
Psalms 102:20
20 (102:21) לשׁמע אנקת אסיר לפתח בני תמותה׃
Psalms 109:31
31 כי יעמד לימין אביון להושׁיע משׁפטי נפשׁו׃
Proverbs 23:18
18 כי אם ישׁ אחרית ותקותך לא תכרת׃
Proverbs 24:14
14 כן דעה חכמה לנפשׁך אם מצאת וישׁ אחרית ותקותך לא תכרת׃
Genesis 32:28
28 (32:29) ויאמר לא יעקב יאמר עוד שׁמך כי אם ישׂראל כי שׂרית עם אלהים ועם אנשׁים ותוכל׃
1 Samuel 2:9
9 רגלי חסידו ישׁמר ורשׁעים בחשׁך ידמו כי לא בכח יגבר אישׁ׃
2 Chronicles 14:11
11 (14:10) ויקרא אסא אל יהוה אלהיו ויאמר יהוה אין עמך לעזור בין רב לאין כח עזרנו יהוה אלהינו כי עליך נשׁענו ובשׁמך באנו על ההמון הזה יהוה אלהינו אתה אל יעצר עמך אנושׁ׃
Psalms 2:1-3
Psalms 3:7
7 (3:8) קומה יהוה הושׁיעני אלהי כי הכית את כל איבי לחי שׁני רשׁעים שׁברת׃
Psalms 7:6
6 (7:7) קומה יהוה באפך הנשׂא בעברות צוררי ועורה אלי משׁפט צוית׃
Psalms 10:12
12 קומה יהוה אל נשׂא ידך אל תשׁכח עניים׃
Psalms 44:23
23 (44:24) עורה למה תישׁן אדני הקיצה אל תזנח לנצח׃
Psalms 44:26
26 (44:27) קומה עזרתה לנו ופדנו למען חסדך׃
Psalms 74:22-23
Psalms 76:8-9
Psalms 79:6
6 שׁפך חמתך אל הגוים אשׁר לא ידעוך ועל ממלכות אשׁר בשׁמך לא קראו׃
Psalms 80:2
2 (80:3) לפני אפרים ובנימן ומנשׁה עוררה את גבורתך ולכה לישׁעתה׃
Isaiah 42:13-14
Isaiah 51:9
9 עורי עורי לבשׁי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃
Jeremiah 10:25
25 שׁפך חמתך על הגוים אשׁר לא ידעוך ועל משׁפחות אשׁר בשׁמך לא קראו כי אכלו את יעקב ואכלהו ויכלהו ואת נוהו השׁמו׃
Joel 3:12
12 (4:12) יעורו ויעלו הגוים אל עמק יהושׁפט כי שׁם אשׁב לשׁפט את כל הגוים מסביב׃
Micah 5:15
15 (5:14) ועשׂיתי באף ובחמה נקם את הגוים אשׁר לא שׁמעו׃
Zephaniah 3:8
8 לכן חכו לי נאם יהוה ליום קומי לעד כי משׁפטי לאסף גוים לקבצי ממלכות לשׁפך עליהם זעמי כל חרון אפי כי באשׁ קנאתי תאכל כל הארץ׃
Zechariah 14:18
18 ואם משׁפחת מצרים לא תעלה ולא באה ולא עליהם תהיה המגפה אשׁר יגף יהוה את הגוים אשׁר לא יעלו לחג את חג הסכות׃
Exodus 23:27
27 את אימתי אשׁלח לפניך והמתי את כל העם אשׁר תבא בהם ונתתי את כל איביך אליך ערף׃
Deuteronomy 2:25
25 היום הזה אחל תת פחדך ויראתך על פני העמים תחת כל השׁמים אשׁר ישׁמעון שׁמעך ורגזו וחלו מפניך׃
Psalms 62:9
9 (62:10) אך הבל בני אדם כזב בני אישׁ במאזנים לעלות המה מהבל יחד׃
Psalms 76:12
12 (76:13) יבצר רוח נגידים נורא למלכי ארץ׃
Psalms 82:6-7
Isaiah 31:3
3 ומצרים אדם ולא אל וסוסיהם בשׂר ולא רוח ויהוה יטה ידו וכשׁל עוזר ונפל עזר ויחדו כלם יכליון׃
Jeremiah 32:40
40 וכרתי להם ברית עולם אשׁר לא אשׁוב מאחריהם להיטיבי אותם ואת יראתי אתן בלבבם לבלתי סור מעלי׃
Ezekiel 28:2
2 בן אדם אמר לנגיד צר כה אמר אדני יהוה יען גבה לבך ותאמר אל אני מושׁב אלהים ישׁבתי בלב ימים ואתה אדם ולא אל ותתן לבך כלב אלהים׃
Ezekiel 28:9
9 האמר תאמר אלהים אני לפני הרגך ואתה אדם ולא אל ביד מחלליך׃
Ezekiel 30:13
13 כה אמר אדני יהוה והאבדתי גלולים והשׁבתי אלילים מנף ונשׂיא מארץ מצרים לא יהיה עוד ונתתי יראה בארץ מצרים׃