Song of Songs 7:12 Cross References - HOT

12 (7:13) נשׁכימה לכרמים נראה אם פרחה הגפן פתח הסמדר הנצו הרמונים שׁם אתן את דדי׃

Exodus 25:22

22 ונועדתי לך שׁם ודברתי אתך מעל הכפרת מבין שׁני הכרבים אשׁר על ארון העדת את כל אשׁר אצוה אותך אל בני ישׂראל׃

Psalms 43:4

4 ואבואה אל מזבח אלהים אל אל שׂמחת גילי ואודך בכנור אלהים אלהי׃

Psalms 63:3-8

3 (63:4) כי טוב חסדך מחיים שׂפתי ישׁבחונך׃4 (63:5) כן אברכך בחיי בשׁמך אשׂא כפי׃5 (63:6) כמו חלב ודשׁן תשׂבע נפשׁי ושׂפתי רננות יהלל פי׃6 (63:7) אם זכרתיך על יצועי באשׁמרות אהגה׃7 (63:8) כי היית עזרתה לי ובצל כנפיך ארנן׃8 (63:9) דבקה נפשׁי אחריך בי תמכה ימינך׃

Psalms 73:25

25 מי לי בשׁמים ועמך לא חפצתי בארץ׃

Psalms 122:5

5 כי שׁמה ישׁבו כסאות למשׁפט כסאות לבית דויד׃

Proverbs 8:17

17 אני אהביה אהב ומשׁחרי ימצאנני׃

Proverbs 24:30-31

30 על שׂדה אישׁ עצל עברתי ועל כרם אדם חסר לב׃31 והנה עלה כלו קמשׂנים כסו פניו חרלים וגדר אבניו נהרסה׃

Ecclesiastes 9:10

10 כל אשׁר תמצא ידך לעשׂות בכחך עשׂה כי אין מעשׂה וחשׁבון ודעת וחכמה בשׁאול אשׁר אתה הלך שׁמה׃

Song of Songs 2:13

13 התאנה חנטה פגיה והגפנים סמדר נתנו ריח קומי לכי רעיתי יפתי ולכי׃

Song of Songs 2:15

15 אחזו לנו שׁועלים שׁועלים קטנים מחבלים כרמים וכרמינו סמדר׃

Song of Songs 4:16

16 עורי צפון ובואי תימן הפיחי גני יזלו בשׂמיו יבא דודי לגנו ויאכל פרי מגדיו׃

Song of Songs 6:11

11 אל גנת אגוז ירדתי לראות באבי הנחל לראות הפרחה הגפן הנצו הרמנים׃

Song of Songs 7:6

6 (7:7) מה יפית ומה נעמת אהבה בתענוגים׃

Isaiah 18:5

5 כי לפני קציר כתם פרח ובסר גמל יהיה נצה וכרת הזלזלים במזמרות ואת הנטישׁות הסיר התז׃

Ezekiel 20:40-41

40 כי בהר קדשׁי בהר מרום ישׂראל נאם אדני יהוה שׁם יעבדני כל בית ישׂראל כלה בארץ שׁם ארצם ושׁם אדרושׁ את תרומתיכם ואת ראשׁית משׂאותיכם בכל קדשׁיכם׃41 בריח ניחח ארצה אתכם בהוציאי אתכם מן העמים וקבצתי אתכם מן הארצות אשׁר נפצתם בם ונקדשׁתי בכם לעיני הגוים׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.