1 דבר יהוה אשׁר היה אל צפניה בן כושׁי בן גדליה בן אמריה בן חזקיה בימי יאשׁיהו בן אמון מלך יהודה׃2 אסף אסף כל מעל פני האדמה נאם יהוה׃3 אסף אדם ובהמה אסף עוף השׁמים ודגי הים והמכשׁלות את הרשׁעים והכרתי את האדם מעל פני האדמה נאם יהוה׃4 ונטיתי ידי על יהודה ועל כל יושׁבי ירושׁלם והכרתי מן המקום הזה את שׁאר הבעל את שׁם הכמרים עם הכהנים׃5 ואת המשׁתחוים על הגגות לצבא השׁמים ואת המשׁתחוים הנשׁבעים ליהוה והנשׁבעים במלכם׃6 ואת הנסוגים מאחרי יהוה ואשׁר לא בקשׁו את יהוה ולא דרשׁהו׃7 הס מפני אדני יהוה כי קרוב יום יהוה כי הכין יהוה זבח הקדישׁ קראיו׃8 והיה ביום זבח יהוה ופקדתי על השׂרים ועל בני המלך ועל כל הלבשׁים מלבושׁ נכרי׃9 ופקדתי על כל הדולג על המפתן ביום ההוא הממלאים בית אדניהם חמס ומרמה׃10 והיה ביום ההוא נאם יהוה קול צעקה משׁער הדגים ויללה מן המשׁנה ושׁבר גדול מהגבעות׃11 הילילו ישׁבי המכתשׁ כי נדמה כל עם כנען נכרתו כל נטילי כסף׃12 והיה בעת ההיא אחפשׂ את ירושׁלם בנרות ופקדתי על האנשׁים הקפאים על שׁמריהם האמרים בלבבם לא ייטיב יהוה ולא ירע׃13 והיה חילם למשׁסה ובתיהם לשׁממה ובנו בתים ולא ישׁבו ונטעו כרמים ולא ישׁתו את יינם׃14 קרוב יום יהוה הגדול קרוב ומהר מאד קול יום יהוה מר צרח שׁם גבור׃15 יום עברה היום ההוא יום צרה ומצוקה יום שׁאה ומשׁואה יום חשׁך ואפלה יום ענן וערפל׃16 יום שׁופר ותרועה על הערים הבצרות ועל הפנות הגבהות׃17 והצרתי לאדם והלכו כעורים כי ליהוה חטאו ושׁפך דמם כעפר ולחמם כגללים׃18 גם כספם גם זהבם לא יוכל להצילם ביום עברת יהוה ובאשׁ קנאתו תאכל כל הארץ כי כלה אך נבהלה יעשׂה את כל ישׁבי הארץ׃
Zephaniah 1 Cross References - HOT
2 Kings 22:1-20
1 בן שׁמנה שׁנה יאשׁיהו במלכו ושׁלשׁים ואחת שׁנה מלך בירושׁלם ושׁם אמו ידידה בת עדיה מבצקת׃2 ויעשׂ הישׁר בעיני יהוה וילך בכל דרך דוד אביו ולא סר ימין ושׂמאול׃3 ויהי בשׁמנה עשׂרה שׁנה למלך יאשׁיהו שׁלח המלך את שׁפן בן אצליהו בן משׁלם הספר בית יהוה לאמר׃4 עלה אל חלקיהו הכהן הגדול ויתם את הכסף המובא בית יהוה אשׁר אספו שׁמרי הסף מאת העם׃5 ויתנה על יד עשׂי המלאכה המפקדים בבית יהוה ויתנו אתו לעשׂי המלאכה אשׁר בבית יהוה לחזק בדק הבית׃6 לחרשׁים ולבנים ולגדרים ולקנות עצים ואבני מחצב לחזק את הבית׃7 אך לא יחשׁב אתם הכסף הנתן על ידם כי באמונה הם עשׂים׃8 ויאמר חלקיהו הכהן הגדול על שׁפן הספר ספר התורה מצאתי בבית יהוה ויתן חלקיה את הספר אל שׁפן ויקראהו׃9 ויבא שׁפן הספר אל המלך וישׁב את המלך דבר ויאמר התיכו עבדיך את הכסף הנמצא בבית ויתנהו על יד עשׂי המלאכה המפקדים בית יהוה׃10 ויגד שׁפן הספר למלך לאמר ספר נתן לי חלקיה הכהן ויקראהו שׁפן לפני המלך׃11 ויהי כשׁמע המלך את דברי ספר התורה ויקרע את בגדיו׃12 ויצו המלך את חלקיה הכהן ואת אחיקם בן שׁפן ואת עכבור בן מיכיה ואת שׁפן הספר ואת עשׂיה עבד המלך לאמר׃13 לכו דרשׁו את יהוה בעדי ובעד העם ובעד כל יהודה על דברי הספר הנמצא הזה כי גדולה חמת יהוה אשׁר היא נצתה בנו על אשׁר לא שׁמעו אבתינו על דברי הספר הזה לעשׂות ככל הכתוב עלינו׃14 וילך חלקיהו הכהן ואחיקם ועכבור ושׁפן ועשׂיה אל חלדה הנביאה אשׁת שׁלם בן תקוה בן חרחס שׁמר הבגדים והיא ישׁבת בירושׁלם במשׁנה וידברו אליה׃15 ותאמר אליהם כה אמר יהוה אלהי ישׂראל אמרו לאישׁ אשׁר שׁלח אתכם אלי׃16 כה אמר יהוה הנני מביא רעה אל המקום הזה ועל ישׁביו את כל דברי הספר אשׁר קרא מלך יהודה׃17 תחת אשׁר עזבוני ויקטרו לאלהים אחרים למען הכעיסני בכל מעשׂה ידיהם ונצתה חמתי במקום הזה ולא תכבה׃18 ואל מלך יהודה השׁלח אתכם לדרשׁ את יהוה כה תאמרו אליו כה אמר יהוה אלהי ישׂראל הדברים אשׁר שׁמעת׃19 יען רך לבבך ותכנע מפני יהוה בשׁמעך אשׁר דברתי על המקום הזה ועל ישׁביו להיות לשׁמה ולקללה ותקרע את בגדיך ותבכה לפני וגם אנכי שׁמעתי נאם יהוה׃20 לכן הנני אספך על אבתיך ונאספת אל קברתיך בשׁלום ולא תראינה עיניך בכל הרעה אשׁר אני מביא על המקום הזה וישׁיבו את המלך דבר׃
2 Chronicles 34:1-33
1 בן שׁמונה שׁנים יאשׁיהו במלכו ושׁלשׁים ואחת שׁנה מלך בירושׁלם׃2 ויעשׂ הישׁר בעיני יהוה וילך בדרכי דויד אביו ולא סר ימין ושׂמאול׃3 ובשׁמונה שׁנים למלכו והוא עודנו נער החל לדרושׁ לאלהי דויד אביו ובשׁתים עשׂרה שׁנה החל לטהר את יהודה וירושׁלם מן הבמות והאשׁרים והפסלים והמסכות׃4 וינתצו לפניו את מזבחות הבעלים והחמנים אשׁר למעלה מעליהם גדע והאשׁרים והפסלים והמסכות שׁבר והדק ויזרק על פני הקברים הזבחים׃5 ועצמות כהנים שׂרף על מזבחותים ויטהר את יהודה ואת ירושׁלם׃6 ובערי מנשׁה ואפרים ושׁמעון ועד נפתלי בהר בתיהם סביב׃7 וינתץ את המזבחות ואת האשׁרים והפסלים כתת להדק וכל החמנים גדע בכל ארץ ישׂראל וישׁב לירושׁלם׃8 ובשׁנת שׁמונה עשׂרה למלכו לטהר הארץ והבית שׁלח את שׁפן בן אצליהו ואת מעשׂיהו שׂר העיר ואת יואח בן יואחז המזכיר לחזק את בית יהוה אלהיו׃9 ויבאו אל חלקיהו הכהן הגדול ויתנו את הכסף המובא בית אלהים אשׁר אספו הלוים שׁמרי הסף מיד מנשׁה ואפרים ומכל שׁארית ישׂראל ומכל יהודה ובנימן וישׁבי ירושׁלם׃10 ויתנו על יד עשׂה המלאכה המפקדים בבית יהוה ויתנו אתו עושׂי המלאכה אשׁר עשׂים בבית יהוה לבדוק ולחזק הבית׃11 ויתנו לחרשׁים ולבנים לקנות אבני מחצב ועצים למחברות ולקרות את הבתים אשׁר השׁחיתו מלכי יהודה׃12 והאנשׁים עשׂים באמונה במלאכה ועליהם מפקדים יחת ועבדיהו הלוים מן בני מררי וזכריה ומשׁלם מן בני הקהתים לנצח והלוים כל מבין בכלי שׁיר׃13 ועל הסבלים ומנצחים לכל עשׂה מלאכה לעבודה ועבודה ומהלוים סופרים ושׁטרים ושׁוערים׃14 ובהוציאם את הכסף המובא בית יהוה מצא חלקיהו הכהן את ספר תורת יהוה ביד משׁה׃15 ויען חלקיהו ויאמר אל שׁפן הסופר ספר התורה מצאתי בבית יהוה ויתן חלקיהו את הספר אל שׁפן׃16 ויבא שׁפן את הספר אל המלך וישׁב עוד את המלך דבר לאמר כל אשׁר נתן ביד עבדיך הם עשׂים׃17 ויתיכו את הכסף הנמצא בבית יהוה ויתנוהו על יד המפקדים ועל יד עושׂי המלאכה׃18 ויגד שׁפן הסופר למלך לאמר ספר נתן לי חלקיהו הכהן ויקרא בו שׁפן לפני המלך׃19 ויהי כשׁמע המלך את דברי התורה ויקרע את בגדיו׃20 ויצו המלך את חלקיהו ואת אחיקם בן שׁפן ואת עבדון בן מיכה ואת שׁפן הסופר ואת עשׂיה עבד המלך לאמר׃21 לכו דרשׁו את יהוה בעדי ובעד הנשׁאר בישׂראל וביהודה על דברי הספר אשׁר נמצא כי גדולה חמת יהוה אשׁר נתכה בנו על אשׁר לא שׁמרו אבותינו את דבר יהוה לעשׂות ככל הכתוב על הספר הזה׃22 וילך חלקיהו ואשׁר המלך אל חלדה הנביאה אשׁת שׁלם בן תוקהת בן חסרה שׁומר הבגדים והיא יושׁבת בירושׁלם במשׁנה וידברו אליה כזאת׃23 ותאמר להם כה אמר יהוה אלהי ישׂראל אמרו לאישׁ אשׁר שׁלח אתכם אלי׃24 כה אמר יהוה הנני מביא רעה על המקום הזה ועל יושׁביו את כל האלות הכתובות על הספר אשׁר קראו לפני מלך יהודה׃25 תחת אשׁר עזבוני ויקטירו לאלהים אחרים למען הכעיסני בכל מעשׂי ידיהם ותתך חמתי במקום הזה ולא תכבה׃26 ואל מלך יהודה השׁלח אתכם לדרושׁ ביהוה כה תאמרו אליו כה אמר יהוה אלהי ישׂראל הדברים אשׁר שׁמעת׃27 יען רך לבבך ותכנע מלפני אלהים בשׁמעך את דבריו על המקום הזה ועל ישׁביו ותכנע לפני ותקרע את בגדיך ותבך לפני וגם אני שׁמעתי נאם יהוה׃28 הנני אספך אל אבתיך ונאספת אל קברתיך בשׁלום ולא תראינה עיניך בכל הרעה אשׁר אני מביא על המקום הזה ועל ישׁביו וישׁיבו את המלך דבר׃29 וישׁלח המלך ויאסף את כל זקני יהודה וירושׁלם׃30 ויעל המלך בית יהוה וכל אישׁ יהודה וישׁבי ירושׁלם והכהנים והלוים וכל העם מגדול ועד קטן ויקרא באזניהם את כל דברי ספר הברית הנמצא בית יהוה׃31 ויעמד המלך על עמדו ויכרת את הברית לפני יהוה ללכת אחרי יהוה ולשׁמור את מצותיו ועדותיו וחקיו בכל לבבו ובכל נפשׁו לעשׂות את דברי הברית הכתובים על הספר הזה׃32 ויעמד את כל הנמצא בירושׁלם ובנימן ויעשׂו ישׁבי ירושׁלם כברית אלהים אלהי אבותיהם׃33 ויסר יאשׁיהו את כל התועבות מכל הארצות אשׁר לבני ישׂראל ויעבד את כל הנמצא בישׂראל לעבוד את יהוה אלהיהם כל ימיו לא סרו מאחרי יהוה אלהי אבותיהם׃
Jeremiah 1:2
2 אשׁר היה דבר יהוה אליו בימי יאשׁיהו בן אמון מלך יהודה בשׁלשׁ עשׂרה שׁנה למלכו׃
Jeremiah 25:3
3 מן שׁלשׁ עשׂרה שׁנה ליאשׁיהו בן אמון מלך יהודה ועד היום הזה זה שׁלשׁ ועשׂרים שׁנה היה דבר יהוה אלי ואדבר אליכם אשׁכים ודבר ולא שׁמעתם׃
Ezekiel 1:3
3 היה היה דבר יהוה אל יחזקאל בן בוזי הכהן בארץ כשׂדים על נהר כבר ותהי עליו שׁם יד יהוה׃
Hosea 1:1
1 דבר יהוה אשׁר היה אל הושׁע בן בארי בימי עזיה יותם אחז יחזקיה מלכי יהודה ובימי ירבעם בן יואשׁ מלך ישׂראל׃
Genesis 6:7
7 ויאמר יהוה אמחה את האדם אשׁר בראתי מעל פני האדמה מאדם עד בהמה עד רמשׂ ועד עוף השׁמים כי נחמתי כי עשׂיתם׃
2 Kings 22:16-17
2 Chronicles 36:21
21 למלאות דבר יהוה בפי ירמיהו עד רצתה הארץ את שׁבתותיה כל ימי השׁמה שׁבתה למלאות שׁבעים שׁנה׃
Isaiah 6:11
11 ואמר עד מתי אדני ויאמר עד אשׁר אם שׁאו ערים מאין יושׁב ובתים מאין אדם והאדמה תשׁאה שׁממה׃
Jeremiah 6:8-9
Jeremiah 24:8-10
8 וכתאנים הרעות אשׁר לא תאכלנה מרע כי כה אמר יהוה כן אתן את צדקיהו מלך יהודה ואת שׂריו ואת שׁארית ירושׁלם הנשׁארים בארץ הזאת והישׁבים בארץ מצרים׃9 ונתתים לזועה לרעה לכל ממלכות הארץ לחרפה ולמשׁל לשׁנינה ולקללה בכל המקמות אשׁר אדיחם שׁם׃10 ושׁלחתי בם את החרב את הרעב ואת הדבר עד תמם מעל האדמה אשׁר נתתי להם ולאבותיהם׃
Jeremiah 34:22
22 הנני מצוה נאם יהוה והשׁבתים אל העיר הזאת ונלחמו עליה ולכדוה ושׂרפה באשׁ ואת ערי יהודה אתן שׁממה מאין ישׁב׃
Jeremiah 36:29
29 ועל יהויקים מלך יהודה תאמר כה אמר יהוה אתה שׂרפת את המגלה הזאת לאמר מדוע כתבת עליה לאמר בא יבוא מלך בבל והשׁחית את הארץ הזאת והשׁבית ממנה אדם ובהמה׃
Ezekiel 33:27-29
Micah 7:13
13 והיתה הארץ לשׁממה על ישׁביה מפרי מעלליהם׃
Isaiah 27:9
9 לכן בזאת יכפר עון יעקב וזה כל פרי הסר חטאתו בשׂומו כל אבני מזבח כאבני גר מנפצות לא יקמו אשׁרים וחמנים׃
Jeremiah 4:23-29
23 ראיתי את הארץ והנה תהו ובהו ואל השׁמים ואין אורם׃24 ראיתי ההרים והנה רעשׁים וכל הגבעות התקלקלו׃25 ראיתי והנה אין האדם וכל עוף השׁמים נדדו׃26 ראיתי והנה הכרמל המדבר וכל עריו נתצו מפני יהוה מפני חרון אפו׃27 כי כה אמר יהוה שׁממה תהיה כל הארץ וכלה לא אעשׂה׃28 על זאת תאבל הארץ וקדרו השׁמים ממעל על כי דברתי זמתי ולא נחמתי ולא אשׁוב ממנה׃29 מקול פרשׁ ורמה קשׁת ברחת כל העיר באו בעבים ובכפים עלו כל העיר עזובה ואין יושׁב בהן אישׁ׃
Jeremiah 12:4
4 עד מתי תאבל הארץ ועשׂב כל השׂדה ייבשׁ מרעת ישׁבי בה ספתה בהמות ועוף כי אמרו לא יראה את אחריתנו׃
Ezekiel 7:19
19 כספם בחוצות ישׁליכו וזהבם לנדה יהיה כספם וזהבם לא יוכל להצילם ביום עברת יהוה נפשׁם לא ישׂבעו ומעיהם לא ימלאו כי מכשׁול עונם היה׃
Ezekiel 14:3-7
3 בן אדם האנשׁים האלה העלו גלוליהם על לבם ומכשׁול עונם נתנו נכח פניהם האדרשׁ אדרשׁ׃4 לכן דבר אותם ואמרת אליהם כה אמר אדני יהוה אישׁ אישׁ מבית ישׂראל אשׁר יעלה את גלוליו אל לבו ומכשׁול עונו ישׂים נכח פניו ובא אל הנביא אני יהוה נעניתי לו בה ברב גלוליו׃5 למען תפשׂ את בית ישׂראל בלבם אשׁר נזרו מעלי בגלוליהם כלם׃6 לכן אמר אל בית ישׂראל כה אמר אדני יהוה שׁובו והשׁיבו מעל גלוליכם ומעל כל תועבתיכם השׁיבו פניכם׃7 כי אישׁ אישׁ מבית ישׂראל ומהגר אשׁר יגור בישׂראל וינזר מאחרי ויעל גלוליו אל לבו ומכשׁול עונו ישׂים נכח פניו ובא אל הנביא לדרשׁ לו בי אני יהוה נענה \'ec\'e5
Ezekiel 14:13-21
13 בן אדם ארץ כי תחטא לי למעל מעל ונטיתי ידי עליה ושׁברתי לה מטה לחם והשׁלחתי בה רעב והכרתי ממנה אדם ובהמה׃14 והיו שׁלשׁת האנשׁים האלה בתוכה נח דנאל ואיוב המה בצדקתם ינצלו נפשׁם נאם אדני יהוה׃15 לו חיה רעה אעביר בארץ ושׁכלתה והיתה שׁממה מבלי עובר מפני החיה׃16 שׁלשׁת האנשׁים האלה בתוכה חי אני נאם אדני יהוה אם בנים ואם בנות יצילו המה לבדם ינצלו והארץ תהיה שׁממה׃17 או חרב אביא על הארץ ההיא ואמרתי חרב תעבר בארץ והכרתי ממנה אדם ובהמה׃18 ושׁלשׁת האנשׁים האלה בתוכה חי אני נאם אדני יהוה לא יצילו בנים ובנות כי הם לבדם ינצלו׃19 או דבר אשׁלח אל הארץ ההיא ושׁפכתי חמתי עליה בדם להכרית ממנה אדם ובהמה׃20 ונח דנאל ואיוב בתוכה חי אני נאם אדני יהוה אם בן אם בת יצילו המה בצדקתם יצילו נפשׁם׃21 כי כה אמר אדני יהוה אף כי ארבעת שׁפטי הרעים חרב ורעב וחיה רעה ודבר שׁלחתי אל ירושׁלם להכרית ממנה אדם ובהמה׃
Ezekiel 15:6-8
Ezekiel 44:12
12 יען אשׁר ישׁרתו אותם לפני גלוליהם והיו לבית ישׂראל למכשׁול עון על כן נשׂאתי ידי עליהם נאם אדני יהוה ונשׂאו עונם׃
Hosea 4:3
3 על כן תאבל הארץ ואמלל כל יושׁב בה בחית השׂדה ובעוף השׁמים וגם דגי הים יאספו׃
Hosea 14:3
3 (14:4) אשׁור לא יושׁיענו על סוס לא נרכב ולא נאמר עוד אלהינו למעשׂה ידינו אשׁר בך ירחם יתום׃
Hosea 14:8
8 (14:9) אפרים מה לי עוד לעצבים אני עניתי ואשׁורנו אני כברושׁ רענן ממני פריך נמצא׃
Micah 5:11-14
Zechariah 13:2
2 והיה ביום ההוא נאם יהוה צבאות אכרית את שׁמות העצבים מן הארץ ולא יזכרו עוד וגם את הנביאים ואת רוח הטמאה אעביר מן הארץ׃
Exodus 15:12
12 נטית ימינך תבלעמו ארץ׃
2 Kings 21:13
13 ונטיתי על ירושׁלם את קו שׁמרון ואת משׁקלת בית אחאב ומחיתי את ירושׁלם כאשׁר ימחה את הצלחת מחה והפך על פניה׃
2 Kings 23:4-5
4 ויצו המלך את חלקיהו הכהן הגדול ואת כהני המשׁנה ואת שׁמרי הסף להוציא מהיכל יהוה את כל הכלים העשׂוים לבעל ולאשׁרה ולכל צבא השׁמים וישׂרפם מחוץ לירושׁלם בשׁדמות קדרון ונשׂא את עפרם בית אל׃5 והשׁבית את הכמרים אשׁר נתנו מלכי יהודה ויקטר בבמות בערי יהודה ומסבי ירושׁלם ואת המקטרים לבעל לשׁמשׁ ולירח ולמזלות ולכל צבא השׁמים׃
2 Chronicles 34:4
4 וינתצו לפניו את מזבחות הבעלים והחמנים אשׁר למעלה מעליהם גדע והאשׁרים והפסלים והמסכות שׁבר והדק ויזרק על פני הקברים הזבחים׃
Isaiah 14:26-27
Jeremiah 6:12
12 ונסבו בתיהם לאחרים שׂדות ונשׁים יחדו כי אטה את ידי על ישׁבי הארץ נאם יהוה׃
Hosea 10:5
5 לעגלות בית און יגורו שׁכן שׁמרון כי אבל עליו עמו וכמריו עליו יגילו על כבודו כי גלה ממנו׃
Micah 5:13
13 (5:12) והכרתי פסיליך ומצבותיך מקרבך ולא תשׁתחוה עוד למעשׂה ידיך׃
Deuteronomy 10:20
20 את יהוה אלהיך תירא אתו תעבד ובו תדבק ובשׁמו תשׁבע׃
Joshua 23:7
7 לבלתי בוא בגוים האלה הנשׁארים האלה אתכם ובשׁם אלהיהם לא תזכירו ולא תשׁביעו ולא תעבדום ולא תשׁתחוו׃
1 Kings 11:5
5 וילך שׁלמה אחרי עשׁתרת אלהי צדנים ואחרי מלכם שׁקץ עמנים׃
1 Kings 11:33
33 יען אשׁר עזבוני וישׁתחוו לעשׁתרת אלהי צדנין לכמושׁ אלהי מואב ולמלכם אלהי בני עמון ולא הלכו בדרכי לעשׂות הישׁר בעיני וחקתי ומשׁפטי כדוד אביו׃
1 Kings 18:21
21 ויגשׁ אליהו אל כל העם ויאמר עד מתי אתם פסחים על שׁתי הסעפים אם יהוה האלהים לכו אחריו ואם הבעל לכו אחריו ולא ענו העם אתו דבר׃
2 Kings 17:33
33 את יהוה היו יראים ואת אלהיהם היו עבדים כמשׁפט הגוים אשׁר הגלו אתם משׁם׃
2 Kings 17:41
41 ויהיו הגוים האלה יראים את יהוה ואת פסיליהם היו עבדים גם בניהם ובני בניהם כאשׁר עשׂו אבתם הם עשׂים עד היום הזה׃
2 Kings 23:12
12 ואת המזבחות אשׁר על הגג עלית אחז אשׁר עשׂו מלכי יהודה ואת המזבחות אשׁר עשׂה מנשׁה בשׁתי חצרות בית יהוה נתץ המלך וירץ משׁם והשׁליך את עפרם אל נחל קדרון׃
Isaiah 44:5
5 זה יאמר ליהוה אני וזה יקרא בשׁם יעקב וזה יכתב ידו ליהוה ובשׁם ישׂראל יכנה׃
Isaiah 45:23
23 בי נשׁבעתי יצא מפי צדקה דבר ולא ישׁוב כי לי תכרע כל ברך תשׁבע כל לשׁון׃
Isaiah 48:1
1 שׁמעו זאת בית יעקב הנקראים בשׁם ישׂראל וממי יהודה יצאו הנשׁבעים בשׁם יהוה ובאלהי ישׂראל יזכירו לא באמת ולא בצדקה׃
Jeremiah 4:2
2 ונשׁבעת חי יהוה באמת במשׁפט ובצדקה והתברכו בו גוים ובו יתהללו׃
Jeremiah 5:7
7 אי לזאת אסלוח לך בניך עזבוני וישׁבעו בלא אלהים ואשׂבע אותם וינאפו ובית זונה יתגדדו׃
Jeremiah 19:13
13 והיו בתי ירושׁלם ובתי מלכי יהודה כמקום התפת הטמאים לכל הבתים אשׁר קטרו על גגתיהם לכל צבא השׁמים והסך נסכים לאלהים אחרים׃
Jeremiah 32:29
29 ובאו הכשׂדים הנלחמים על העיר הזאת והציתו את העיר הזאת באשׁ ושׂרפוה ואת הבתים אשׁר קטרו על גגותיהם לבעל והסכו נסכים לאלהים אחרים למען הכעסני׃
Hosea 4:15
15 אם זנה אתה ישׂראל אל יאשׁם יהודה ואל תבאו הגלגל ואל תעלו בית און ואל תשׁבעו חי יהוה׃
Amos 5:26
26 ונשׂאתם את סכות מלככם ואת כיון צלמיכם כוכב אלהיכם אשׁר עשׂיתם׃
1 Samuel 15:11
11 נחמתי כי המלכתי את שׁאול למלך כי שׁב מאחרי ואת דברי לא הקים ויחר לשׁמואל ויזעק אל יהוה כל הלילה׃
Psalms 10:4
4 רשׁע כגבה אפו בל ידרשׁ אין אלהים כל מזמותיו׃
Psalms 14:2-3
Psalms 36:3
3 (36:4) דברי פיו און ומרמה חדל להשׂכיל להיטיב׃
Psalms 125:5
5 והמטים עקלקלותם יוליכם יהוה את פעלי האון שׁלום על ישׂראל׃
Isaiah 1:4
4 הוי גוי חטא עם כבד עון זרע מרעים בנים משׁחיתים עזבו את יהוה נאצו את קדושׁ ישׂראל נזרו אחור׃
Isaiah 9:13
13 (9:12) והעם לא שׁב עד המכהו ואת יהוה צבאות לא דרשׁו׃
Isaiah 43:22
22 ולא אתי קראת יעקב כי יגעת בי ישׂראל׃
Jeremiah 2:13
13 כי שׁתים רעות עשׂה עמי אתי עזבו מקור מים חיים לחצב להם בארות בארת נשׁברים אשׁר לא יכלו המים׃
Jeremiah 2:17
17 הלוא זאת תעשׂה לך עזבך את יהוה אלהיך בעת מוליכך בדרך׃
Jeremiah 3:10
10 וגם בכל זאת לא שׁבה אלי בגודה אחותה יהודה בכל לבה כי אם בשׁקר נאם יהוה׃
Jeremiah 15:6
6 את נטשׁת אתי נאם יהוה אחור תלכי ואט את ידי עליך ואשׁחיתך נלאיתי הנחם׃
Ezekiel 3:20
20 ובשׁוב צדיק מצדקו ועשׂה עול ונתתי מכשׁול לפניו הוא ימות כי לא הזהרתו בחטאתו ימות ולא תזכרן צדקתו אשׁר עשׂה ודמו מידך אבקשׁ׃
Hosea 4:15-16
Hosea 7:7
7 כלם יחמו כתנור ואכלו את שׁפטיהם כל מלכיהם נפלו אין קרא בהם אלי׃
Hosea 11:7
7 ועמי תלואים למשׁובתי ואל על יקראהו יחד לא ירומם׃
1 Samuel 2:9-10
1 Samuel 16:5
5 ויאמר שׁלום לזבח ליהוה באתי התקדשׁו ובאתם אתי בזבח ויקדשׁ את ישׁי ואת בניו ויקרא להם לזבח׃
1 Samuel 20:26
26 ולא דבר שׁאול מאומה ביום ההוא כי אמר מקרה הוא בלתי טהור הוא כי לא טהור׃
Job 40:4-5
Psalms 46:10
10 (46:11) הרפו ודעו כי אנכי אלהים ארום בגוים ארום בארץ׃
Psalms 76:8-9
Proverbs 9:1-6
Isaiah 2:12
12 כי יום ליהוה צבאות על כל גאה ורם ועל כל נשׂא ושׁפל׃
Isaiah 6:5
5 ואמר אוי לי כי נדמיתי כי אישׁ טמא שׂפתים אנכי ובתוך עם טמא שׂפתים אנכי יושׁב כי את המלך יהוה צבאות ראו עיני׃
Isaiah 13:6
6 הילילו כי קרוב יום יהוה כשׁד משׁדי יבוא׃
Isaiah 34:6
6 חרב ליהוה מלאה דם הדשׁנה מחלב מדם כרים ועתודים מחלב כליות אילים כי זבח ליהוה בבצרה וטבח גדול בארץ אדום׃
Jeremiah 46:10
10 והיום ההוא לאדני יהוה צבאות יום נקמה להנקם מצריו ואכלה חרב ושׂבעה ורותה מדמם כי זבח לאדני יהוה צבאות בארץ צפון אל נהר פרת׃
Ezekiel 7:7
7 באה הצפירה אליך יושׁב הארץ בא העת קרוב היום מהומה ולא הד הרים׃
Ezekiel 7:10
10 הנה היום הנה באה יצאה הצפרה צץ המטה פרח הזדון׃
Ezekiel 39:17-20
17 ואתה בן אדם כה אמר אדני יהוה אמר לצפור כל כנף ולכל חית השׂדה הקבצו ובאו האספו מסביב על זבחי אשׁר אני זבח לכם זבח גדול על הרי ישׂראל ואכלתם בשׂר ושׁתיתם דם׃18 בשׂר גבורים תאכלו ודם נשׂיאי הארץ תשׁתו אילים כרים ועתודים פרים מריאי בשׁן כלם׃19 ואכלתם חלב לשׂבעה ושׁתיתם דם לשׁכרון מזבחי אשׁר זבחתי׃20 ושׂבעתם על שׁלחני סוס ורכב גבור וכל אישׁ מלחמה נאם אדני יהוה׃
Joel 2:1-2
Joel 2:11
11 ויהוה נתן קולו לפני חילו כי רב מאד מחנהו כי עצום עשׂה דברו כי גדול יום יהוה ונורא מאד ומי יכילנו׃
Joel 2:31
31 (3:4) השׁמשׁ יהפך לחשׁך והירח לדם לפני בוא יום יהוה הגדול והנורא׃
Amos 5:18-20
Amos 6:10
10 ונשׂאו דודו ומסרפו להוציא עצמים מן הבית ואמר לאשׁר בירכתי הבית העוד עמך ואמר אפס ואמר הס כי לא להזכיר בשׁם יהוה׃
Habakkuk 2:20
20 ויהוה בהיכל קדשׁו הס מפניו כל הארץ׃
Zephaniah 1:14
14 קרוב יום יהוה הגדול קרוב ומהר מאד קול יום יהוה מר צרח שׁם גבור׃
Zechariah 2:13
13 (2:17) הס כל בשׂר מפני יהוה כי נעור ממעון קדשׁו׃
Malachi 4:1
1 (3:19) כי הנה היום בא בער כתנור והיו כל זדים וכל עשׂה רשׁעה קשׁ ולהט אתם היום הבא אמר יהוה צבאות אשׁר לא יעזב להם שׁרשׁ וענף׃
Deuteronomy 22:5
5 לא יהיה כלי גבר על אשׁה ולא ילבשׁ גבר שׂמלת אשׁה כי תועבת יהוה אלהיך כל עשׂה אלה׃
2 Kings 10:22
22 ויאמר לאשׁר על המלתחה הוצא לבושׁ לכל עבדי הבעל ויצא להם המלבושׁ׃
2 Kings 23:30-34
30 וירכבהו עבדיו מת ממגדו ויבאהו ירושׁלם ויקברהו בקברתו ויקח עם הארץ את יהואחז בן יאשׁיהו וימשׁחו אתו וימליכו אתו תחת אביו׃31 בן עשׂרים ושׁלשׁ שׁנה יהואחז במלכו ושׁלשׁה חדשׁים מלך בירושׁלם ושׁם אמו חמוטל בת ירמיהו מלבנה׃32 ויעשׂ הרע בעיני יהוה ככל אשׁר עשׂו אבתיו׃33 ויאסרהו פרעה נכה ברבלה בארץ חמת במלך בירושׁלם ויתן ענשׁ על הארץ מאה ככר כסף וככר זהב׃34 וימלך פרעה נכה את אליקים בן יאשׁיהו תחת יאשׁיהו אביו ויסב את שׁמו יהויקים ואת יהואחז לקח ויבא מצרים וימת שׁם׃
2 Kings 24:12-13
2 Kings 25:6-7
2 Kings 25:19-21
Isaiah 3:18-24
18 ביום ההוא יסיר אדני את תפארת העכסים והשׁביסים והשׂהרנים׃19 הנטיפות והשׁירות והרעלות׃20 הפארים והצעדות והקשׁרים ובתי הנפשׁ והלחשׁים׃21 הטבעות ונזמי האף׃22 המחלצות והמעטפות והמטפחות והחריטים׃23 והגלינים והסדינים והצניפות והרדידים׃24 והיה תחת בשׂם מק יהיה ותחת חגורה נקפה ותחת מעשׂה מקשׁה קרחה ותחת פתיגיל מחגרת שׂק כי תחת יפי׃
Isaiah 10:12
12 והיה כי יבצע אדני את כל מעשׂהו בהר ציון ובירושׁלם אפקד על פרי גדל לבב מלך אשׁור ועל תפארת רום עיניו׃
Isaiah 24:21
21 והיה ביום ההוא יפקד יהוה על צבא המרום במרום ועל מלכי האדמה על האדמה׃
Isaiah 39:7
7 ומבניך אשׁר יצאו ממך אשׁר תוליד יקחו והיו סריסים בהיכל מלך בבל׃
Jeremiah 22:11-19
11 כי כה אמר יהוה אל שׁלם בן יאשׁיהו מלך יהודה המלך תחת יאשׁיהו אביו אשׁר יצא מן המקום הזה לא ישׁוב שׁם עוד׃12 כי במקום אשׁר הגלו אתו שׁם ימות ואת הארץ הזאת לא יראה עוד׃13 הוי בנה ביתו בלא צדק ועליותיו בלא משׁפט ברעהו יעבד חנם ופעלו לא יתן׃14 האמר אבנה לי בית מדות ועליות מרוחים וקרע לו חלוני וספון בארז ומשׁוח בשׁשׁר׃15 התמלך כי אתה מתחרה בארז אביך הלוא אכל ושׁתה ועשׂה משׁפט וצדקה אז טוב׃16 דן דין עני ואביון אז טוב הלוא היא הדעת אתי נאם יהוה׃17 כי אין עיניך ולבך כי אם על בצעך ועל דם הנקי לשׁפוך ועל העשׁק ועל המרוצה לעשׂות׃18 לכן כה אמר יהוה אל יהויקים בן יאשׁיהו מלך יהודה לא יספדו לו הוי אחי והוי אחות לא יספדו לו הוי אדון והוי הדה׃19 קבורת חמור יקבר סחוב והשׁלך מהלאה לשׁערי ירושׁלם׃
Jeremiah 22:24-30
24 חי אני נאם יהוה כי אם יהיה כניהו בן יהויקים מלך יהודה חותם על יד ימיני כי משׁם אתקנך׃25 ונתתיך ביד מבקשׁי נפשׁך וביד אשׁר אתה יגור מפניהם וביד נבוכדראצר מלך בבל וביד הכשׂדים׃26 והטלתי אתך ואת אמך אשׁר ילדתך על הארץ אחרת אשׁר לא ילדתם שׁם ושׁם תמותו׃27 ועל הארץ אשׁר הם מנשׂאים את נפשׁם לשׁוב שׁם שׁמה לא ישׁובו׃28 העצב נבזה נפוץ האישׁ הזה כניהו אם כלי אין חפץ בו מדוע הוטלו הוא וזרעו והשׁלכו על הארץ אשׁר לא ידעו׃29 ארץ ארץ ארץ שׁמעי דבר יהוה׃30 כה אמר יהוה כתבו את האישׁ הזה ערירי גבר לא יצלח בימיו כי לא יצלח מזרעו אישׁ ישׁב על כסא דוד ומשׁל עוד ביהודה׃
Jeremiah 39:6-7
1 Samuel 2:15-16
1 Samuel 5:5
5 על כן לא ידרכו כהני דגון וכל הבאים בית דגון על מפתן דגון באשׁדוד עד היום הזה׃
2 Kings 5:20-27
20 ויאמר גיחזי נער אלישׁע אישׁ האלהים הנה חשׂך אדני את נעמן הארמי הזה מקחת מידו את אשׁר הביא חי יהוה כי אם רצתי אחריו ולקחתי מאתו מאומה׃21 וירדף גיחזי אחרי נעמן ויראה נעמן רץ אחריו ויפל מעל המרכבה לקראתו ויאמר השׁלום׃22 ויאמר שׁלום אדני שׁלחני לאמר הנה עתה זה באו אלי שׁני נערים מהר אפרים מבני הנביאים תנה נא להם ככר כסף ושׁתי חלפות בגדים׃23 ויאמר נעמן הואל קח ככרים ויפרץ בו ויצר ככרים כסף בשׁני חרטים ושׁתי חלפות בגדים ויתן אל שׁני נעריו וישׂאו לפניו׃24 ויבא אל העפל ויקח מידם ויפקד בבית וישׁלח את האנשׁים וילכו׃25 והוא בא ויעמד אל אדניו ויאמר אליו אלישׁע מאן גחזי ויאמר לא הלך עבדך אנה ואנה׃26 ויאמר אליו לא לבי הלך כאשׁר הפך אישׁ מעל מרכבתו לקראתך העת לקחת את הכסף ולקחת בגדים וזיתים וכרמים וצאן ובקר ועבדים ושׁפחות׃27 וצרעת נעמן תדבק בך ובזרעך לעולם ויצא מלפניו מצרע כשׁלג׃
Nehemiah 5:15
15 והפחות הראשׁנים אשׁר לפני הכבידו על העם ויקחו מהם בלחם ויין אחר כסף שׁקלים ארבעים גם נעריהם שׁלטו על העם ואני לא עשׂיתי כן מפני יראת אלהים׃
Proverbs 29:12
12 משׁל מקשׁיב על דבר שׁקר כל משׁרתיו רשׁעים׃
Amos 3:10
10 ולא ידעו עשׂות נכחה נאם יהוה האוצרים חמס ושׁד בארמנותיהם׃
2 Samuel 5:7
7 וילכד דוד את מצדת ציון היא עיר דוד׃
2 Samuel 5:9
9 וישׁב דוד במצדה ויקרא לה עיר דוד ויבן דוד סביב מן המלוא וביתה׃
2 Kings 22:14
14 וילך חלקיהו הכהן ואחיקם ועכבור ושׁפן ועשׂיה אל חלדה הנביאה אשׁת שׁלם בן תקוה בן חרחס שׁמר הבגדים והיא ישׁבת בירושׁלם במשׁנה וידברו אליה׃
2 Chronicles 3:1
1 ויחל שׁלמה לבנות את בית יהוה בירושׁלם בהר המוריה אשׁר נראה לדויד אביהו אשׁר הכין במקום דויד בגרן ארנן היבוסי׃
2 Chronicles 32:22
22 ויושׁע יהוה את יחזקיהו ואת ישׁבי ירושׁלם מיד סנחריב מלך אשׁור ומיד כל וינהלם מסביב׃
2 Chronicles 33:14
14 ואחרי כן בנה חומה חיצונה לעיר דויד מערבה לגיחון בנחל ולבוא בשׁער הדגים וסבב לעפל ויגביהה מאד וישׂם שׂרי חיל בכל הערים הבצרות ביהודה׃
Nehemiah 3:3
3 ואת שׁער הדגים בנו בני הסנאה המה קרוהו ויעמידו דלתתיו מנעוליו ובריחיו׃
Isaiah 22:4-5
Isaiah 59:11
11 נהמה כדבים כלנו וכיונים הגה נהגה נקוה למשׁפט ואין לישׁועה רחקה ממנו׃
Jeremiah 4:19-21
Jeremiah 4:31
31 כי קול כחולה שׁמעתי צרה כמבכירה קול בת ציון תתיפח תפרשׂ כפיה אוי נא לי כי עיפה נפשׁי להרגים׃
Jeremiah 39:2
2 בעשׁתי עשׂרה שׁנה לצדקיהו בחדשׁ הרביעי בתשׁעה לחדשׁ הבקעה העיר׃
Amos 8:3
3 והילילו שׁירות היכל ביום ההוא נאם אדני יהוה רב הפגר בכל מקום השׁליך הס׃
Zephaniah 1:7
7 הס מפני אדני יהוה כי קרוב יום יהוה כי הכין יהוה זבח הקדישׁ קראיו׃
Zephaniah 1:15
15 יום עברה היום ההוא יום צרה ומצוקה יום שׁאה ומשׁואה יום חשׁך ואפלה יום ענן וערפל׃
Nehemiah 3:31-32
Jeremiah 4:8
8 על זאת חגרו שׂקים ספדו והילילו כי לא שׁב חרון אף יהוה ממנו׃
Jeremiah 25:34
34 הילילו הרעים וזעקו והתפלשׁו אדירי הצאן כי מלאו ימיכם לטבוח ותפוצותיכם ונפלתם ככלי חמדה׃
Ezekiel 21:12
12 (21:17) זעק והילל בן אדם כי היא היתה בעמי היא בכל נשׂיאי ישׂראל מגורי אל חרב היו את עמי לכן ספק אל ירך׃
Hosea 9:6
6 כי הנה הלכו משׁד מצרים תקבצם מף תקברם מחמד לכספם קמושׂ יירשׁם חוח באהליהם׃
Hosea 12:7-8
Joel 1:5
5 הקיצו שׁכורים ובכו והיללו כל שׁתי יין על עסיס כי נכרת מפיכם׃
Joel 1:13
13 חגרו וספדו הכהנים הילילו משׁרתי מזבח באו לינו בשׂקים משׁרתי אלהי כי נמנע מבית אלהיכם מנחה ונסך׃
Zechariah 11:2-3
Job 21:15
15 מה שׁדי כי נעבדנו ומה נועיל כי נפגע׃
Psalms 10:11-13
Psalms 14:1
1 למנצח לדוד אמר נבל בלבו אין אלהים השׁחיתו התעיבו עלילה אין עשׂה טוב׃
Psalms 94:7
7 ויאמרו לא יראה יה ולא יבין אלהי יעקב׃
Isaiah 5:19
19 האמרים ימהר יחישׁה מעשׂהו למען נראה ותקרב ותבואה עצת קדושׁ ישׂראל ונדעה׃
Jeremiah 10:5
5 כתמר מקשׁה המה ולא ידברו נשׂוא ינשׂוא כי לא יצעדו אל תיראו מהם כי לא ירעו וגם היטיב אין אותם׃
Jeremiah 16:16-17
Jeremiah 48:11
11 שׁאנן מואב מנעוריו ושׁקט הוא אל שׁמריו ולא הורק מכלי אל כלי ובגולה לא הלך על כן עמד טעמו בו וריחו לא נמר׃
Ezekiel 8:12
12 ויאמר אלי הראית בן אדם אשׁר זקני בית ישׂראל עשׂים בחשׁך אישׁ בחדרי משׂכיתו כי אמרים אין יהוה ראה אתנו עזב יהוה את הארץ׃
Ezekiel 9:9
9 ויאמר אלי עון בית ישׂראל ויהודה גדול במאד מאד ותמלא הארץ דמים והעיר מלאה מטה כי אמרו עזב יהוה את הארץ ואין יהוה ראה׃
Amos 6:1
1 הוי השׁאננים בציון והבטחים בהר שׁמרון נקבי ראשׁית הגוים ובאו להם בית ישׂראל׃
Amos 9:1-3
Obadiah 1:6
6 איך נחפשׂו עשׂו נבעו מצפניו׃
Malachi 3:14-15
Deuteronomy 28:30
30 אשׁה תארשׂ ואישׁ אחר ישׁגלנה בית תבנה ולא תשׁב בו כרם תטע ולא תחללנו׃
Deuteronomy 28:39
39 כרמים תטע ועבדת ויין לא תשׁתה ולא תאגר כי תאכלנו התלעת׃
Deuteronomy 28:51
51 ואכל פרי בהמתך ופרי אדמתך עד השׁמדך אשׁר לא ישׁאיר לך דגן תירושׁ ויצהר שׁגר אלפיך ועשׁתרת צאנך עד האבידו אתך׃
Isaiah 5:8-9
Isaiah 24:1-3
Isaiah 65:21-22
Jeremiah 4:7
7 עלה אריה מסבכו ומשׁחית גוים נסע יצא ממקמו לשׂום ארצך לשׁמה עריך תצינה מאין יושׁב׃
Jeremiah 4:20
20 שׁבר על שׁבר נקרא כי שׁדדה כל הארץ פתאם שׁדדו אהלי רגע יריעתי׃
Jeremiah 5:17
17 ואכל קצירך ולחמך יאכלו בניך ובנותיך יאכל צאנך ובקרך יאכל גפנך ותאנתך ירשׁשׁ ערי מבצריך אשׁר אתה בוטח בהנה בחרב׃
Jeremiah 9:11
11 (9:10) ונתתי את ירושׁלם לגלים מעון תנים ואת ערי יהודה אתן שׁממה מבלי יושׁב׃
Jeremiah 9:19
19 (9:18) כי קול נהי נשׁמע מציון איך שׁדדנו בשׁנו מאד כי עזבנו ארץ כי השׁליכו משׁכנותינו׃
Jeremiah 12:10-13
Jeremiah 15:13
13 חילך ואוצרותיך לבז אתן לא במחיר ובכל חטאותיך ובכל גבוליך׃
Ezekiel 7:21
21 ונתתיו ביד הזרים לבז ולרשׁעי הארץ לשׁלל וחללה׃
Ezekiel 22:31
31 ואשׁפך עליהם זעמי באשׁ עברתי כליתים דרכם בראשׁם נתתי נאם אדני יהוה׃
Amos 5:11
11 לכן יען בושׁסכם על דל ומשׂאת בר תקחו ממנו בתי גזית בניתם ולא תשׁבו בם כרמי חמד נטעתם ולא תשׁתו את יינם׃
Micah 3:12
12 לכן בגללכם ציון שׂדה תחרשׁ וירושׁלם עיין תהיה והר הבית לבמות יער׃
Micah 6:15
15 אתה תזרע ולא תקצור אתה תדרך זית ולא תסוך שׁמן ותירושׁ ולא תשׁתה יין׃
Zephaniah 1:9
9 ופקדתי על כל הדולג על המפתן ביום ההוא הממלאים בית אדניהם חמס ומרמה׃
Isaiah 15:4
4 ותזעק חשׁבון ואלעלה עד יהץ נשׁמע קולם על כן חלצי מואב יריעו נפשׁו ירעה׃
Isaiah 33:7
7 הן אראלם צעקו חצה מלאכי שׁלום מר יבכיון׃
Isaiah 66:6
6 קול שׁאון מעיר קול מהיכל קול יהוה משׁלם גמול לאיביו׃
Jeremiah 25:36
36 קול צעקת הרעים ויללת אדירי הצאן כי שׁדד יהוה את מרעיתם׃
Jeremiah 30:7
7 הוי כי גדול היום ההוא מאין כמהו ועת צרה היא ליעקב וממנה יושׁע׃
Jeremiah 48:41
41 נלכדה הקריות והמצדות נתפשׂה והיה לב גבורי מואב ביום ההוא כלב אשׁה מצרה׃
Ezekiel 7:6-7
Ezekiel 7:12
12 בא העת הגיע היום הקונה אל ישׂמח והמוכר אל יתאבל כי חרון אל כל המונה׃
Ezekiel 12:23
23 לכן אמר אליהם כה אמר אדני יהוה השׁבתי את המשׁל הזה ולא ימשׁלו אתו עוד בישׂראל כי אם דבר אליהם קרבו הימים ודבר כל חזון׃
Ezekiel 30:3
3 כי קרוב יום וקרוב יום ליהוה יום ענן עת גוים יהיה׃
Joel 1:15
15 אהה ליום כי קרוב יום יהוה וכשׁד משׁדי יבוא׃
Joel 2:1
1 תקעו שׁופר בציון והריעו בהר קדשׁי ירגזו כל ישׁבי הארץ כי בא יום יהוה כי קרוב׃
Joel 3:16
16 (4:16) ויהוה מציון ישׁאג ומירושׁלם יתן קולו ורעשׁו שׁמים וארץ ויהוה מחסה לעמו ומעוז לבני ישׂראל׃
Amos 8:2
2 ויאמר מה אתה ראה עמוס ואמר כלוב קיץ ויאמר יהוה אלי בא הקץ אל עמי ישׂראל לא אוסיף עוד עבור׃
Zephaniah 1:10
10 והיה ביום ההוא נאם יהוה קול צעקה משׁער הדגים ויללה מן המשׁנה ושׁבר גדול מהגבעות׃
Malachi 4:5
5 (3:23) הנה אנכי שׁלח לכם את אליה הנביא לפני בוא יום יהוה הגדול והנורא׃
Job 3:4-8
Isaiah 22:5
5 כי יום מהומה ומבוסה ומבוכה לאדני יהוה צבאות בגיא חזיון מקרקר קר ושׁוע אל ההר׃
Joel 2:2
2 יום חשׁך ואפלה יום ענן וערפל כשׁחר פרשׂ על ההרים עם רב ועצום כמהו לא נהיה מן העולם ואחריו לא יוסף עד שׁני דור ודור׃
Zephaniah 1:18
18 גם כספם גם זהבם לא יוכל להצילם ביום עברת יהוה ובאשׁ קנאתו תאכל כל הארץ כי כלה אך נבהלה יעשׂה את כל ישׁבי הארץ׃
Zephaniah 2:2
2 בטרם לדת חק כמץ עבר יום בטרם לא יבוא עליכם חרון אף יהוה בטרם לא יבוא עליכם יום אף יהוה׃
Psalms 48:12-13
Isaiah 2:12-15
Isaiah 32:14
14 כי ארמון נטשׁ המון עיר עזב עפל ובחן היה בעד מערות עד עולם משׂושׂ פראים מרעה עדרים׃
Isaiah 59:10
10 נגשׁשׁה כעורים קיר וכאין עינים נגשׁשׁה כשׁלנו בצהרים כנשׁף באשׁמנים כמתים׃
Jeremiah 4:19-20
Jeremiah 6:1
1 העזו בני בנימן מקרב ירושׁלם ובתקוע תקעו שׁופר ועל בית הכרם שׂאו משׂאת כי רעה נשׁקפה מצפון ושׁבר גדול׃
Jeremiah 8:16
16 מדן נשׁמע נחרת סוסיו מקול מצהלות אביריו רעשׁה כל הארץ ויבואו ויאכלו ארץ ומלואה עיר וישׁבי׃
Hosea 5:8
8 תקעו שׁופר בגבעה חצצרה ברמה הריעו בית און אחריך בנימין׃
Hosea 8:1
1 אל חכך שׁפר כנשׁר על בית יהוה יען עברו בריתי ועל תורתי פשׁעו׃
Amos 3:6
6 אם יתקע שׁופר בעיר ועם לא יחרדו אם תהיה רעה בעיר ויהוה לא עשׂה׃
Habakkuk 1:6-10
6 כי הנני מקים את הכשׂדים הגוי המר והנמהר ההולך למרחבי ארץ לרשׁת משׁכנות לא׃7 אים ונורא הוא ממנו משׁפטו ושׂאתו יצא׃8 וקלו מנמרים סוסיו וחדו מזאבי ערב ופשׁו פרשׁיו ופרשׁיו מרחוק יבאו יעפו כנשׁר חשׁ לאכול׃9 כלה לחמס יבוא מגמת פניהם קדימה ויאסף כחול שׁבי׃10 והוא במלכים יתקלס ורזנים משׂחק לו הוא לכל מבצר ישׂחק ויצבר עפר וילכדה׃
Habakkuk 3:6
6 עמד וימדד ארץ ראה ויתר גוים ויתפצצו הררי עד שׁחו גבעות עולם הליכות עולם׃
Deuteronomy 28:28-29
2 Kings 9:33-37
33 ויאמר שׁמטהו וישׁמטוה ויז מדמה אל הקיר ואל הסוסים וירמסנה׃34 ויבא ויאכל וישׁת ויאמר פקדו נא את הארורה הזאת וקברוה כי בת מלך היא׃35 וילכו לקברה ולא מצאו בה כי אם הגלגלת והרגלים וכפות הידים׃36 וישׁבו ויגידו לו ויאמר דבר יהוה הוא אשׁר דבר ביד עבדו אליהו התשׁבי לאמר בחלק יזרעאל יאכלו הכלבים את בשׂר איזבל׃37 והית נבלת איזבל כדמן על פני השׂדה בחלק יזרעאל אשׁר לא יאמרו זאת איזבל׃
Psalms 79:2-3
Psalms 83:10
10 (83:11) נשׁמדו בעין דאר היו דמן לאדמה׃
Isaiah 24:5-6
Isaiah 29:10
10 כי נסך עליכם יהוה רוח תרדמה ויעצם את עיניכם את הנביאים ואת ראשׁיכם החזים כסה׃
Isaiah 50:1
1 כה אמר יהוה אי זה ספר כריתות אמכם אשׁר שׁלחתיה או מי מנושׁי אשׁר מכרתי אתכם לו הן בעונתיכם נמכרתם ובפשׁעיכם שׁלחה אמכם׃
Isaiah 59:9-10
Isaiah 59:12-15
Jeremiah 2:19
19 תיסרך רעתך ומשׁבותיך תוכחך ודעי וראי כי רע ומר עזבך את יהוה אלהיך ולא פחדתי אליך נאם אדני יהוה צבאות׃
Jeremiah 4:18
18 דרכך ומעלליך עשׂו אלה לך זאת רעתך כי מר כי נגע עד לבך׃
Jeremiah 9:21-22
Jeremiah 10:18
18 כי כה אמר יהוה הנני קולע את יושׁבי הארץ בפעם הזאת והצרותי להם למען ימצאו׃
Jeremiah 15:3
3 ופקדתי עליהם ארבע משׁפחות נאם יהוה את החרב להרג ואת הכלבים לסחב ואת עוף השׁמים ואת בהמת הארץ לאכל ולהשׁחית׃
Jeremiah 16:4-6
4 ממותי תחלאים ימתו לא יספדו ולא יקברו לדמן על פני האדמה יהיו ובחרב וברעב יכלו והיתה נבלתם למאכל לעוף השׁמים ולבהמת הארץ׃5 כי כה אמר יהוה אל תבוא בית מרזח ואל תלך לספוד ואל תנד להם כי אספתי את שׁלומי מאת העם הזה נאם יהוה את החסד ואת הרחמים׃6 ומתו גדלים וקטנים בארץ הזאת לא יקברו ולא יספדו להם ולא יתגדד ולא יקרח להם׃
Jeremiah 18:21
21 לכן תן את בניהם לרעב והגרם על ידי חרב ותהינה נשׁיהם שׁכלות ואלמנות ואנשׁיהם יהיו הרגי מות בחוריהם מכי חרב במלחמה׃
Lamentations 1:8
8 חטא חטאה ירושׁלם על כן לנידה היתה כל מכבדיה הזילוה כי ראו ערותה גם היא נאנחה ותשׁב אחור׃
Lamentations 1:14
14 נשׂקד על פשׁעי בידו ישׂתרגו עלו על צוארי הכשׁיל כחי נתנני אדני בידי לא אוכל קום׃
Lamentations 1:18
18 צדיק הוא יהוה כי פיהו מריתי שׁמעו נא כל עמים וראו מכאבי בתולתי ובחורי הלכו בשׁבי׃
Lamentations 2:21
21 שׁכבו לארץ חוצות נער וזקן בתולתי ובחורי נפלו בחרב הרגת ביום אפך טבחת לא חמלת׃
Lamentations 4:13-15
Lamentations 5:16-17
Ezekiel 22:25-31
25 קשׁר נביאיה בתוכה כארי שׁואג טרף טרף נפשׁ אכלו חסן ויקר יקחו אלמנותיה הרבו בתוכה׃26 כהניה חמסו תורתי ויחללו קדשׁי בין קדשׁ לחל לא הבדילו ובין הטמא לטהור לא הודיעו ומשׁבתותי העלימו עיניהם ואחל בתוכם׃27 שׂריה בקרבה כזאבים טרפי טרף לשׁפך דם לאבד נפשׁות למען בצע בצע׃28 ונביאיה טחו להם תפל חזים שׁוא וקסמים להם כזב אמרים כה אמר אדני יהוה ויהוה לא דבר׃29 עם הארץ עשׁקו עשׁק וגזלו גזל ועני ואביון הונו ואת הגר עשׁקו בלא משׁפט׃30 ואבקשׁ מהם אישׁ גדר גדר ועמד בפרץ לפני בעד הארץ לבלתי שׁחתה ולא מצאתי׃31 ואשׁפך עליהם זעמי באשׁ עברתי כליתים דרכם בראשׁם נתתי נאם אדני יהוה׃
Daniel 9:5-19
5 חטאנו ועוינו והרשׁענו ומרדנו וסור ממצותך וממשׁפטיך׃6 ולא שׁמענו אל עבדיך הנביאים אשׁר דברו בשׁמך אל מלכינו שׂרינו ואבתינו ואל כל עם הארץ׃7 לך אדני הצדקה ולנו בשׁת הפנים כיום הזה לאישׁ יהודה וליושׁבי ירושׁלם ולכל ישׂראל הקרבים והרחקים בכל הארצות אשׁר הדחתם שׁם במעלם אשׁר מעלו׃8 יהוה לנו בשׁת הפנים למלכינו לשׂרינו ולאבתינו אשׁר חטאנו׃9 לאדני אלהינו הרחמים והסלחות כי מרדנו׃10 ולא שׁמענו בקול יהוה אלהינו ללכת בתורתיו אשׁר נתן לפנינו ביד עבדיו הנביאים׃11 וכל ישׂראל עברו את תורתך וסור לבלתי שׁמוע בקלך ותתך עלינו האלה והשׁבעה אשׁר כתובה בתורת משׁה עבד האלהים כי חטאנו׃12 ויקם את דבריו אשׁר דבר עלינו ועל שׁפטינו אשׁר שׁפטונו להביא עלינו רעה גדלה אשׁר לא נעשׂתה תחת כל השׁמים כאשׁר נעשׂתה בירושׁלם׃13 כאשׁר כתוב בתורת משׁה את כל הרעה הזאת באה עלינו ולא חלינו את פני יהוה אלהינו לשׁוב מעוננו ולהשׂכיל באמתך׃14 וישׁקד יהוה על הרעה ויביאה עלינו כי צדיק יהוה אלהינו על כל מעשׂיו אשׁר עשׂה ולא שׁמענו בקלו׃15 ועתה אדני אלהינו אשׁר הוצאת את עמך מארץ מצרים ביד חזקה ותעשׂ לך שׁם כיום הזה חטאנו רשׁענו׃16 אדני ככל צדקתך ישׁב נא אפך וחמתך מעירך ירושׁלם הר קדשׁך כי בחטאינו ובעונות אבתינו ירושׁלם ועמך לחרפה לכל סביבתינו׃17 ועתה שׁמע אלהינו אל תפלת עבדך ואל תחנוניו והאר פניך על מקדשׁך השׁמם למען אדני׃18 הטה אלהי אזנך ושׁמע פקחה עיניך וראה שׁממתינו והעיר אשׁר נקרא שׁמך עליה כי לא על צדקתינו אנחנו מפילים תחנונינו לפניך כי על רחמיך הרבים׃19 אדני שׁמעה אדני סלחה אדני הקשׁיבה ועשׂה אל תאחר למענך אלהי כי שׁמך נקרא על עירך ועל עמך׃
Amos 4:10
10 שׁלחתי בכם דבר בדרך מצרים הרגתי בחרב בחוריכם עם שׁבי סוסיכם ואעלה באשׁ מחניכם ובאפכם ולא שׁבתם עדי נאם יהוה׃
Micah 3:9-12
Leviticus 26:33-35
Deuteronomy 29:20-28
20 (29:19) לא יאבה יהוה סלח לו כי אז יעשׁן אף יהוה וקנאתו באישׁ ההוא ורבצה בו כל האלה הכתובה בספר הזה ומחה יהוה את שׁמו מתחת השׁמים׃21 (29:20) והבדילו יהוה לרעה מכל שׁבטי ישׂראל ככל אלות הברית הכתובה בספר התורה הזה׃22 (29:21) ואמר הדור האחרון בניכם אשׁר יקומו מאחריכם והנכרי אשׁר יבא מארץ רחוקה וראו את מכות הארץ ההוא ואת תחלאיה אשׁר חלה יהוה׃23 (29:22) גפרית ומלח שׂרפה כל ארצה לא תזרע ולא תצמח ולא יעלה בה כל עשׂב כמהפכת סדם ועמרה אדמה וצביים אשׁר הפך יהוה באפו ובחמתו׃24 (29:23) ואמרו כל הגוים על מה עשׂה יהוה ככה לארץ הזאת מה חרי האף הגדול הזה׃25 (29:24) ואמרו על אשׁר עזבו את ברית יהוה אלהי אבתם אשׁר כרת עמם בהוציאו אתם מארץ מצרים׃26 (29:25) וילכו ויעבדו אלהים אחרים וישׁתחוו להם אלהים אשׁר לא ידעום ולא חלק׃27 (29:26) ויחר אף יהוה בארץ ההוא להביא עליה את כל הקללה הכתובה בספר הזה׃28 (29:27) ויתשׁם יהוה מעל אדמתם באף ובחמה ובקצף גדול וישׁלכם אל ארץ אחרת כיום הזה׃
Deuteronomy 31:17
17 וחרה אפי בו ביום ההוא ועזבתים והסתרתי פני מהם והיה לאכל ומצאהו רעות רבות וצרות ואמר ביום ההוא הלא על כי אין אלהי בקרבי מצאוני הרעות האלה׃
Deuteronomy 32:21-25
1 Kings 14:22
22 ויעשׂ יהודה הרע בעיני יהוה ויקנאו אתו מכל אשׁר עשׂו אבתם בחטאתם אשׁר חטאו׃
Job 21:30
30 כי ליום איד יחשׂך רע ליום עברות יובלו׃
Psalms 49:6-9
Psalms 52:5-7
Psalms 78:58
58 ויכעיסוהו בבמותם ובפסיליהם יקניאוהו׃
Psalms 79:5
5 עד מה יהוה תאנף לנצח תבער כמו אשׁ קנאתך׃
Proverbs 11:4
4 לא יועיל הון ביום עברה וצדקה תציל ממות׃
Proverbs 18:11
11 הון עשׁיר קרית עזו וכחומה נשׂגבה במשׂכיתו׃
Isaiah 1:24
24 לכן נאם האדון יהוה צבאות אביר ישׂראל הוי אנחם מצרי ואנקמה מאויבי׃
Isaiah 2:20-21
Isaiah 24:1-12
1 הנה יהוה בוקק הארץ ובולקה ועוה פניה והפיץ ישׁביה׃2 והיה כעם ככהן כעבד כאדניו כשׁפחה כגברתה כקונה כמוכר כמלוה כלוה כנשׁה כאשׁר נשׁא׃3 הבוק תבוק הארץ והבוז תבוז כי יהוה דבר את הדבר הזה׃4 אבלה נבלה הארץ אמללה נבלה תבל אמללו מרום עם הארץ׃5 והארץ חנפה תחת ישׁביה כי עברו תורת חלפו חק הפרו ברית עולם׃6 על כן אלה אכלה ארץ ויאשׁמו ישׁבי בה על כן חרו ישׁבי ארץ ונשׁאר אנושׁ מזער׃7 אבל תירושׁ אמללה גפן נאנחו כל שׂמחי לב׃8 שׁבת משׂושׂ תפים חדל שׁאון עליזים שׁבת משׂושׂ כנור׃9 בשׁיר לא ישׁתו יין ימר שׁכר לשׁתיו׃10 נשׁברה קרית תהו סגר כל בית מבוא׃11 צוחה על היין בחוצות ערבה כל שׂמחה גלה משׂושׂ הארץ׃12 נשׁאר בעיר שׁמה ושׁאיה יכת שׁער׃
Jeremiah 7:20
20 לכן כה אמר אדני יהוה הנה אפי וחמתי נתכת אל המקום הזה על האדם ועל הבהמה ועל עץ השׂדה ועל פרי האדמה ובערה ולא תכבה׃
Jeremiah 7:34
34 והשׁבתי מערי יהודה ומחצות ירושׁלם קול שׂשׂון וקול שׂמחה קול חתן וקול כלה כי לחרבה תהיה הארץ׃
Jeremiah 9:23-24
Ezekiel 8:3-5
3 וישׁלח תבנית יד ויקחני בציצת ראשׁי ותשׂא אתי רוח בין הארץ ובין השׁמים ותבא אתי ירושׁלמה במראות אלהים אל פתח שׁער הפנימית הפונה צפונה אשׁר שׁם מושׁב סמל הקנאה המקנה׃4 והנה שׁם כבוד אלהי ישׂראל כמראה אשׁר ראיתי בבקעה׃5 ויאמר אלי בן אדם שׂא נא עיניך דרך צפונה ואשׂא עיני דרך צפונה והנה מצפון לשׁער המזבח סמל הקנאה הזה בבאה׃
Ezekiel 16:38
38 ושׁפטתיך משׁפטי נאפות ושׁפכת דם ונתתיך דם חמה וקנאה׃
Ezekiel 36:5-6
Zephaniah 1:2-3
Zephaniah 1:11
11 הילילו ישׁבי המכתשׁ כי נדמה כל עם כנען נכרתו כל נטילי כסף׃
Zephaniah 3:8
8 לכן חכו לי נאם יהוה ליום קומי לעד כי משׁפטי לאסף גוים לקבצי ממלכות לשׁפך עליהם זעמי כל חרון אפי כי באשׁ קנאתי תאכל כל הארץ׃