Job 34:5 Cross References - Haitian

⁵ Jòb pretann li nan dwa li, se Bondye ki derefize rann li jistis.

¹⁷ Li rete konsa li kraze m' pou anyen. Li blese m' nan tout kò m', san m' pa fè anyen.

⁷ Ou konnen m' pa antò. Pa gen moun ki ka sove m' anba men ou!

⁴ Ou pretann sa ou di a se verite. Pou ou, ou san repwòch devan Bondye!

¹⁷ Men, mwen konnen mwen pa fè ankenn moun mechanste. Mwen lapriyè Bondye ak tout kè m'.

² -Mwen fè sèman, mwen pran Bondye vivan an pou temwen, Bondye ki gen tout pouvwa a, li menm ki refize rann mwen jistis la, li menm ki ban m' degoutans ak lavi a,

¹⁴ Mwen te toujou fè sa ki dwat. Mwen pa t' janm nan patipri.

¹ Jòb te sitèlman sèten li te inonsan, twa mesye yo kite sa, yo pa chache reponn li ankò.

⁹ Mwen menm, mwen inonsan. M' pa fè ankenn peche! M' pa gen anyen sou konsyans mwen.