John 9:27 Cross References - ManxGaelic

²⁷ Dreggyr eshyn ad, Ta mee er n'insh diu hannah, as cha dug shiu geill: cre'n-fa bailliu y chlashtyn reesht eh? vel shiuish myrgeddin son goaill-rish yn ynsagh echeysyn?

⁶⁷ Gra, Nee oo yn Creest? insh dooin. As dooyrt eh roo, My inshym diu, cha jean shiu credjal.

¹⁰ Shen y fa dooyrt aa rish, Kys va dty hooillyn er nyn vosley? ¹¹ Dreggyr eshyn as dooyrt eh, Ren dooinney va enmyssit Yeesey, cray, as hug eh rish my hooillyn eh, as dooyrt eh rhym, Immee gys poyll Siloam, as oolee oo hene: as hie mee, as doonlee mee mee-hene, as hooar mee my hoilshey. ¹² Eisht dooyrt ad rish, Cre vel eh? Dooyrt eshyn, Cha s'aym. ¹³ Hug ad lhieu gys ny Phariseeyn eshyn va roish shen doal. ¹⁴ As she er y doonaght va Yeesey er n'yannoo yn chray, as er vosley ny sooillyn echey. ¹⁵ Eisht denee ny Phariseeyn jeh reesht, kys v'eh er gheddyn e hoilshey. Dooyrt eh roo, Hug eh cray er my hooillyn, as doonlee mee, as ta mee fakin.