Ruth 1:14 Cross References - ManxGaelic

³⁷ Eshyn ta ny s'graihee er ayr ny moir na orrym's, cha vel eh feeu jee'm: as eshyn ta ny s'graihee er mac ny inneen na orrym's cha vel eh feeu jee'm.

²⁴ Eisht dooyrt Yeesey rish e ostyllyn My ta dooinney erbee aggindagh geiyrt orrym's, lhig da eh-hene y obbal, as e chrosh y hroggal, as geiyrt orrym.

²² Agh tra cheayll yn dooinney aeg yn raa shen, hie eh ersooyl dy trimshagh: son va state mooar hallooin echey.

²¹ Eisht Yeesey, jeeaghyn dy ennoil er dooyrt rish, Ta un red ort foast dy yannoo immee royd, as creck ny t'ayd, as cur eh da ny boghtyn, as bee berchys ayd ayns niau; as tar, trog y chrosh, as eiyr orrym's. ²² As v'eh trimshagh ec y raa shen, as hie eh ersooyl: son va cummallyn mooarey echey.

⁶⁶ Veih yn traa shen hie ymmodee jeh e eiyrtee back, as cha huill ad arragh marish. ⁶⁷ Eisht dooyrt Yeesey rish y daa ostyl yeig, Jed shiuish myrgeddin reue? ⁶⁸ Eisht dreggyr Simon Peddyr eh, Hiarn, quoi gys hem mayd? ayd's ta goan y vea veayn. ⁶⁹ As ta shin credjal, as shickyr jeh dy nee uss yn Creest, Mac y Jee bio.