1 Kings 22:19 Cross References - Vulgate

¹⁹ ille vero addens ait propterea audi sermonem Domini vidi Dominum sedentem super solium suum et omnem exercitum caeli adsistentem ei a dextris et a sinistris

¹⁸ at ille idcirco ait audite verbum Domini vidi Dominum sedentem in solio suo et omnem exercitum caeli adsistentem ei a dextris et sinistris ¹⁹ et dixit Dominus quis decipiet Ahab regem Israhel ut ascendat et corruat in Ramoth Galaad cumque diceret unus hoc modo et alter alio ²⁰ processit spiritus et stetit coram Domino et ait ego decipiam eum cui Dominus in quo inquit decipies ²¹ at ille respondit egrediar et ero spiritus mendax in ore omnium prophetarum eius dixitque Dominus decipies et praevalebis egredere et fac ita ²² nunc igitur ecce dedit Dominus spiritum mendacii in ore omnium prophetarum tuorum et Dominus locutus est de te mala

⁶ quadam autem die cum venissent filii Dei ut adsisterent coram Domino adfuit inter eos etiam Satan

¹ factum est autem cum quadam die venissent filii Dei et starent coram Domino venisset quoque Satan inter eos et staret in conspectu eius

²⁰ Dominus in caelo stabilivit thronum suum et regnum illius omnium dominatur ²¹ benedicite Domino angeli eius fortes robore facientes verbum eius oboedientes voci sermonis eius

¹⁰ audite verbum Domini principes Sodomorum percipite auribus legem Dei nostri populus Gomorrae

¹ in anno quo mortuus est rex Ozias vidi Dominum sedentem super solium excelsum et elevatum et ea quae sub eo erant implebant templum ² seraphin stabant super illud sex alae uni et sex alae alteri duabus velabant faciem eius et duabus velabant pedes eius et duabus volabant ³ et clamabant alter ad alterum et dicebant sanctus sanctus sanctus Dominus exercituum plena est omnis terra gloria eius

¹⁴ propter hoc audite verbum Domini viri inlusores qui dominamini super populum meum qui est in Hierusalem

⁴ audite verbum Domini domus Iacob et omnes cognationes domus Israhel

²⁰ vos ergo audite verbum Domini omnis transmigratio quam emisi de Hierusalem in Babylonem

¹⁵ propter hoc nunc audite verbum Domini reliquiae Iuda haec dicit Dominus exercituum Deus Israhel si posueritis faciem vestram ut ingrediamini Aegyptum et intraveritis ut ibi habitetis

²⁶ et super firmamentum quod erat inminens capiti eorum quasi aspectus lapidis sapphyri similitudo throni et super similitudinem throni similitudo quasi aspectus hominis desuper ²⁷ et vidi quasi speciem electri velut aspectum ignis intrinsecus eius per circuitum a lumbis eius et desuper et a lumbis eius usque deorsum vidi quasi speciem ignis splendentis in circuitu ²⁸ velut aspectum arcus cum fuerit in nube in die pluviae hic erat aspectus splendoris per gyrum

² fili hominis vaticinare ad prophetas Israhel qui prophetant et dices prophetantibus de corde suo audite verbum Domini

⁹ aspiciebam donec throni positi sunt et antiquus dierum sedit vestimentum eius quasi nix candidum et capilli capitis eius quasi lana munda thronus eius flammae ignis rotae eius ignis accensus ¹⁰ fluvius igneus rapidusque egrediebatur a facie eius milia milium ministrabant ei et decies milies centena milia adsistebant ei iudicium sedit et libri aperti sunt

¹⁶ et nunc audi verbum Domini tu dicis non prophetabis super Israhel et non stillabis super domum idoli

¹⁰ et respondit vir qui stabat inter myrteta et dixit isti sunt quos misit Dominus ut perambularent terram

¹⁰ videte ne contemnatis unum ex his pusillis dico enim vobis quia angeli eorum in caelis semper vident faciem Patris mei qui in caelis est

³¹ cum autem venerit Filius hominis in maiestate sua et omnes angeli cum eo tunc sedebit super sedem maiestatis suae

⁵⁵ cum autem esset plenus Spiritu Sancto intendens in caelum vidit gloriam Dei et Iesum stantem a dextris Dei ⁵⁶ et ait ecce video caelos apertos et Filium hominis a dextris stantem Dei

⁷ et ad angelos quidem dicit qui facit angelos suos spiritus et ministros suos flammam ignis

¹⁴ nonne omnes sunt administratorii spiritus in ministerium missi propter eos qui hereditatem capient salutis

²² sed accessistis ad Sion montem et civitatem Dei viventis Hierusalem caelestem et multorum milium angelorum frequentiae

² statim fui in spiritu et ecce sedis posita erat in caelo et supra sedem sedens ³ et qui sedebat similis erat aspectui lapidis iaspidis et sardini et iris erat in circuitu sedis similis visioni zmaragdinae

¹¹ et vidi et audivi vocem angelorum multorum in circuitu throni et animalium et seniorum et erat numerus eorum milia milium