Acts 10:36 Cross References - Vulgate

³⁶ verbum misit filiis Israhel adnuntians pacem per Iesum Christum hic est omnium Dominus

⁶ ego autem orditus sum regem meum super Sion montem sanctum suum adnuntiabo Dei praeceptum ⁷ Dominus dixit ad me filius meus es tu ego hodie genui te ⁸ postula a me et dabo tibi gentes hereditatem tuam et possessionem tuam terminos terrae

⁷ levate portae capita vestra et elevamini ianuae sempiternae et ingrediatur rex gloriae ⁸ quis est iste rex gloriae Dominus fortis et potens Dominus fortis in proelio ⁹ levate portae capita vestra et erigite ianuae sempiternae et ingrediatur rex gloriae ¹⁰ quis est iste rex gloriae Dominus exercituum ipse est rex gloriae semper

⁶ thronus tuus Deus in saeculum et in aeternum sceptrum aequitatis sceptrum regni tui

¹¹ et concupiscet rex decorem tuum quia ipse est dominus tuus et adora eum

¹ adsument montes pacem populo et colles iustitiam ² iudicabit pauperes populi salvabit filios pauperis et confringet calumniatorem ³ et timebunt te quamdiu erit sol et ultra lunam in generatione generationum

⁷ ante eum procident Aethiopes et inimici eius pulverem lingent

⁹ verumtamen prope est his qui timent eum salutare eius ut habitet gloria in terra nostra ¹⁰ misericordia et veritas occurrerunt iustitia et pax deosculatae sunt

¹ David canticum dixit Dominus Domino meo sede a dextris meis donec ponam inimicos tuos scabillum pedum tuorum ² virgam fortitudinis tuae emittet Dominus ex Sion dominare in medio inimicorum tuorum

¹⁴ propter hoc dabit Dominus ipse vobis signum ecce virgo concipiet et pariet filium et vocabitis nomen eius Emmanuhel

⁶ parvulus enim natus est nobis filius datus est nobis et factus est principatus super umerum eius et vocabitur nomen eius Admirabilis consiliarius Deus fortis Pater futuri saeculi Princeps pacis

¹⁵ donec effundatur super nos spiritus de excelso et erit desertum in Chermel et Chermel in saltum reputabitur ¹⁶ et habitabit in solitudine iudicium et iustitia in Chermel sedebit ¹⁷ et erit opus iustitiae pax et cultus iustitiae silentium et securitas usque in sempiternum

²¹ adnuntiate et venite et consiliamini simul quis auditum fecit hoc ab initio ex tunc praedixit illud numquid non ego Dominus et non est ultra Deus absque me Deus iustus et salvans non est praeter me ²² convertimini ad me et salvi eritis omnes fines terrae quia ego Deus et non est alius ²³ in memet ipso iuravi egredietur de ore meo iustitiae verbum et non revertetur quia mihi curvabunt omnia genu et iurabit omnis lingua ²⁴ ergo in Domino dicet meae sunt iustitiae et imperium ad eum venient et confundentur omnes qui repugnant ei ²⁵ in Domino iustificabitur et laudabitur omne semen Israhel

¹² quia in laetitia egrediemini et in pace deducemini montes et colles cantabunt coram vobis laudem et omnia ligna regionis plaudent manu

¹⁹ creavi fructum labiorum pacem pacem ei qui longe est et qui prope dixit Dominus et sanavi eum

⁵ ecce dies veniunt ait Dominus et suscitabo David germen iustum et regnabit rex et sapiens erit et faciet iudicium et iustitiam in terra ⁶ in diebus illius salvabitur Iuda et Israhel habitabit confidenter et hoc est nomen quod vocabunt eum Dominus iustus noster

¹³ aspiciebam ergo in visione noctis et ecce cum nubibus caeli quasi filius hominis veniebat et usque ad antiquum dierum pervenit et in conspectu eius obtulerunt eum ¹⁴ et dedit ei potestatem et honorem et regnum et omnes populi tribus ac linguae ipsi servient potestas eius potestas aeterna quae non auferetur et regnum eius quod non corrumpetur

⁷ et domui Iuda miserebor et salvabo eos in Domino Deo suo et non salvabo eos in arcu et gladio et in bello et in equis et in equitibus

² et tu Bethleem Ephrata parvulus es in milibus Iuda ex te mihi egredietur qui sit dominator in Israhel et egressus eius ab initio a diebus aeternitatis

¹ ecce ego mittam angelum meum et praeparabit viam ante faciem meam et statim veniet ad templum suum dominator quem vos quaeritis et angelus testamenti quem vos vultis ecce venit dicit Dominus exercituum

⁶ sed potius ite ad oves quae perierunt domus Israhel

²⁷ omnia mihi tradita sunt a Patre meo et nemo novit Filium nisi Pater neque Patrem quis novit nisi Filius et cui voluerit Filius revelare

⁴⁴ dixit Dominus Domino meo sede a dextris meis donec ponam inimicos tuos scabillum pedum tuorum ⁴⁵ si ergo David vocat eum Dominum quomodo filius eius est ⁴⁶ et nemo poterat respondere ei verbum neque ausus fuit quisquam ex illa die eum amplius interrogare

¹⁸ et accedens Iesus locutus est eis dicens data est mihi omnis potestas in caelo et in terra

¹⁰ et dixit illis angelus nolite timere ecce enim evangelizo vobis gaudium magnum quod erit omni populo ¹¹ quia natus est vobis hodie salvator qui est Christus Dominus in civitate David ¹² et hoc vobis signum invenietis infantem pannis involutum et positum in praesepio ¹³ et subito facta est cum angelo multitudo militiae caelestis laudantium Deum et dicentium ¹⁴ gloria in altissimis Deo et in terra pax in hominibus bonae voluntatis

⁴⁷ et praedicari in nomine eius paenitentiam et remissionem peccatorum in omnes gentes incipientibus ab Hierosolyma

³⁵ Pater diligit Filium et omnia dedit in manu eius ³⁶ qui credit in Filium habet vitam aeternam qui autem incredulus est Filio non videbit vitam sed ira Dei manet super eum

²³ ut omnes honorificent Filium sicut honorificant Patrem qui non honorificat Filium non honorificat Patrem qui misit illum ²⁴ amen amen dico vobis quia qui verbum meum audit et credit ei qui misit me habet vitam aeternam et in iudicium non venit sed transit a morte in vitam ²⁵ amen amen dico vobis quia venit hora et nunc est quando mortui audient vocem Filii Dei et qui audierint vivent ²⁶ sicut enim Pater habet vitam in semet ipso sic dedit et Filio vitam habere in semet ipso ²⁷ et potestatem dedit ei et iudicium facere quia Filius hominis est ²⁸ nolite mirari hoc quia venit hora in qua omnes qui in monumentis sunt audient vocem eius ²⁹ et procedent qui bona fecerunt in resurrectionem vitae qui vero mala egerunt in resurrectionem iudicii

³⁶ certissime ergo sciat omnis domus Israhel quia et Dominum eum et Christum Deus fecit hunc Iesum quem vos crucifixistis

³⁸ Petrus vero ad illos paenitentiam inquit agite et baptizetur unusquisque vestrum in nomine Iesu Christi in remissionem peccatorum vestrorum et accipietis donum Sancti Spiritus ³⁹ vobis enim est repromissio et filiis vestris et omnibus qui longe sunt quoscumque advocaverit Dominus Deus noster

²⁵ vos estis filii prophetarum et testamenti quod disposuit Deus ad patres vestros dicens ad Abraham et in semine tuo benedicentur omnes familiae terrae ²⁶ vobis primum Deus suscitans Filium suum misit eum benedicentem vobis ut convertat se unusquisque a nequitia sua

³¹ hunc Deus principem et salvatorem exaltavit dextera sua ad dandam paenitentiam Israhel et remissionem peccatorum

¹⁹ et illi quidem qui dispersi fuerant a tribulatione quae facta fuerat sub Stephano perambulaverunt usque Foenicen et Cyprum et Antiochiam nemini loquentes verbum nisi solis Iudaeis

³² et nos vobis adnuntiamus ea quae ad patres nostros repromissio facta est

⁴⁶ tunc constanter Paulus et Barnabas dixerunt vobis oportebat primum loqui verbum Dei sed quoniam repellitis illud et indignos vos iudicastis aeternae vitae ecce convertimur ad gentes

¹¹ dicit enim scriptura omnis qui credit in illum non confundetur ¹² non enim est distinctio Iudaei et Graeci nam idem Dominus omnium dives in omnes qui invocant illum ¹³ omnis enim quicumque invocaverit nomen Domini salvus erit

⁹ in hoc enim Christus et mortuus est et revixit ut et mortuorum et vivorum dominetur

²⁷ omnia subiecta sunt sine dubio praeter eum qui subiecit ei omnia

⁴⁷ primus homo de terra terrenus secundus homo de caelo caelestis

¹⁸ omnia autem ex Deo qui reconciliavit nos sibi per Christum et dedit nobis ministerium reconciliationis ¹⁹ quoniam quidem Deus erat in Christo mundum reconcilians sibi non reputans illis delicta ipsorum et posuit in nobis verbum reconciliationis ²⁰ pro Christo ergo legationem fungimur tamquam Deo exhortante per nos obsecramus pro Christo reconciliamini Deo ²¹ eum qui non noverat peccatum pro nobis peccatum fecit ut nos efficeremur iustitia Dei in ipso

²⁰ quam operatus est in Christo suscitans illum a mortuis et constituens ad dexteram suam in caelestibus ²¹ supra omnem principatum et potestatem et virtutem et dominationem et omne nomen quod nominatur non solum in hoc saeculo sed et in futuro ²² et omnia subiecit sub pedibus eius et ipsum dedit caput supra omnia ecclesiae ²³ quae est corpus ipsius plenitudo eius qui omnia in omnibus adimpletur

¹³ nunc autem in Christo Iesu vos qui aliquando eratis longe facti estis prope in sanguine Christi ¹⁴ ipse est enim pax nostra qui fecit utraque unum et medium parietem maceriae solvens inimicitiam in carne sua ¹⁵ legem mandatorum decretis evacuans ut duos condat in semet ipsum in unum novum hominem faciens pacem ¹⁶ et reconciliet ambos in uno corpore Deo per crucem interficiens inimicitiam in semet ipso ¹⁷ et veniens evangelizavit pacem vobis qui longe fuistis et pacem his qui prope ¹⁸ quoniam per ipsum habemus accessum ambo in uno Spiritu ad Patrem

⁵ unus Dominus una fides unum baptisma ⁶ unus Deus et Pater omnium qui super omnes et per omnia et in omnibus nobis ⁷ unicuique autem nostrum data est gratia secundum mensuram donationis Christi ⁸ propter quod dicit ascendens in altum captivam duxit captivitatem dedit dona hominibus ⁹ quod autem ascendit quid est nisi quia et descendit primum in inferiores partes terrae ¹⁰ qui descendit ipse est et qui ascendit super omnes caelos ut impleret omnia ¹¹ et ipse dedit quosdam quidem apostolos quosdam autem prophetas alios vero evangelistas alios autem pastores et doctores ¹² ad consummationem sanctorum in opus ministerii in aedificationem corporis Christi

¹¹ et omnis lingua confiteatur quia Dominus Iesus Christus in gloria est Dei Patris

¹⁵ qui est imago Dei invisibilis primogenitus omnis creaturae ¹⁶ quia in ipso condita sunt universa in caelis et in terra visibilia et invisibilia sive throni sive dominationes sive principatus sive potestates omnia per ipsum et in ipso creata sunt ¹⁷ et ipse est ante omnes et omnia in ipso constant ¹⁸ et ipse est caput corporis ecclesiae qui est principium primogenitus ex mortuis ut sit in omnibus ipse primatum tenens

²⁰ et per eum reconciliare omnia in ipsum pacificans per sanguinem crucis eius sive quae in terris sive quae in caelis sunt

² novissime diebus istis locutus est nobis in Filio quem constituit heredem universorum per quem fecit et saecula

⁶ et cum iterum introducit primogenitum in orbem terrae dicit et adorent eum omnes angeli Dei ⁷ et ad angelos quidem dicit qui facit angelos suos spiritus et ministros suos flammam ignis ⁸ ad Filium autem thronus tuus Deus in saeculum saeculi et virga aequitatis virga regni tui ⁹ dilexisti iustitiam et odisti iniquitatem propterea unxit te Deus Deus tuus oleo exultationis prae participibus tuis ¹⁰ et tu in principio Domine terram fundasti et opera manuum tuarum sunt caeli ¹¹ ipsi peribunt tu autem permanebis et omnes ut vestimentum veterescent ¹² et velut amictum involves eos et mutabuntur tu autem idem es et anni tui non deficient

² cui decimas omnium divisit Abraham primum quidem qui interpretatur rex iustitiae deinde autem et rex Salem quod est rex pacis ³ sine patre sine matre sine genealogia neque initium dierum neque finem vitae habens adsimilatus autem Filio Dei manet sacerdos in perpetuum

²⁰ Deus autem pacis qui eduxit de mortuis pastorem magnum ovium in sanguine testamenti aeterni Dominum nostrum Iesum

²² qui est in dextera Dei profectus in caelum subiectis sibi angelis et potestatibus et virtutibus

⁵ et ab Iesu Christo qui est testis fidelis primogenitus mortuorum et princeps regum terrae qui dilexit nos et lavit nos a peccatis nostris in sanguine suo

¹⁸ et vivus et fui mortuus et ecce sum vivens in saecula saeculorum et habeo claves mortis et inferni

¹⁴ hii cum agno pugnabunt et agnus vincet illos quoniam Dominus dominorum est et rex regum et qui cum illo sunt vocati et electi et fideles

¹⁶ et habet in vestimento et in femore suo scriptum rex regum et Dominus dominantium