Deuteronomy 1:16 Cross References - Vulgate

¹⁶ praecepique eis dicens audite illos et quod iustum est iudicate sive civis sit ille sive peregrinus

²¹ advenam non contristabis neque adfliges eum advenae enim et ipsi fuistis in terra Aegypti

² non sequeris turbam ad faciendum malum nec in iudicio plurimorum adquiesces sententiae ut a vero devies ³ pauperis quoque non misereberis in negotio

⁷ mendacium fugies insontem et iustum non occides quia aversor impium ⁸ nec accipias munera quae excaecant etiam prudentes et subvertunt verba iustorum ⁹ peregrino molestus non eris scitis enim advenarum animas quia et ipsi peregrini fuistis in terra Aegypti

¹⁵ non facies quod iniquum est nec iniuste iudicabis nec consideres personam pauperis nec honores vultum potentis iuste iudica proximo tuo

²² aequum iudicium sit inter vos sive peregrinus sive civis peccaverit quia ego sum Dominus Deus vester

¹⁹ qui stabit coram Eleazaro sacerdote et omni multitudine

¹⁸ facit iudicium pupillo et viduae amat peregrinum et dat ei victum atque vestitum ¹⁹ et vos ergo amate peregrinos quia et ipsi fuistis advenae in terra Aegypti

¹⁸ iudices et magistros constitues in omnibus portis tuis quas Dominus Deus tuus dederit tibi per singulas tribus tuas ut iudicent populum iusto iudicio ¹⁹ nec in alteram partem declinent non accipies personam nec munera quia munera excaecant oculos sapientium et mutant verba iustorum

¹⁴ non negabis mercedem indigentis et pauperis fratris tui sive advenae qui tecum moratur in terra et intra portas tuas est

¹¹ praecepitque Moses populo in die illo dicens

¹⁴ et ait Dominus ad Mosen ecce prope sunt dies mortis tuae voca Iosue et state in tabernaculo testimonii ut praecipiam ei abierunt ergo Moses et Iosue et steterunt in tabernaculo testimonii

³ dixit Deus Israhel mihi locutus est Fortis Israhel dominator hominum iustus dominator in timore Dei

⁶ et praecipiens iudicibus videte ait quid faciatis non enim hominis exercetis iudicium sed Domini et quodcumque iudicaveritis in vos redundabit ⁷ sit timor Domini vobiscum et cum diligentia cuncta facite non est enim apud Dominum Deum nostrum iniquitas nec personarum acceptio nec cupido munerum ⁸ in Hierusalem quoque constituit Iosaphat Levitas et sacerdotes et principes familiarum ex Israhel ut iudicium et causam Domini iudicarent habitatoribus eius ⁹ praecepitque eis dicens sic agetis in timore Dei fideliter et corde perfecto ¹⁰ omnem causam quae venerit ad vos fratrum vestrorum qui habitant in urbibus suis inter cognationem et cognationem ubicumque quaestio est de lege de mandato de caerimoniis de iustificationibus ostendite eis ut non peccent in Dominum et ne veniat ira super vos et super fratres vestros sic ergo agetis et non peccabitis

¹ etenim in corde iniquitates operamini in terra iniquitatis manus vestras adpendite

²⁴ nolite iudicare secundum faciem sed iustum iudicium iudicate

¹¹ sicut scitis qualiter unumquemque vestrum tamquam pater filios suos

²¹ testor coram Deo et Christo Iesu et electis angelis ut haec custodias sine praeiudicio nihil faciens in aliam partem declinando

¹⁷ divitibus huius saeculi praecipe non sublime sapere neque sperare in incerto divitiarum sed in Deo qui praestat nobis omnia abunde ad fruendum