Deuteronomy 24:5 Cross References - Vulgate

⁵ cum acceperit homo nuper uxorem non procedet ad bellum nec ei quippiam necessitatis iniungetur publicae sed vacabit absque culpa domui suae ut uno anno laetetur cum uxore sua

²⁴ quam ob rem relinquet homo patrem suum et matrem et adherebit uxori suae et erunt duo in carne una

⁷ quis est homo qui despondit uxorem et non accepit eam vadat et revertatur in domum suam ne forte moriatur in bello et alius homo accipiat eam

¹⁸ sit vena tua benedicta et laetare cum muliere adulescentiae tuae

⁹ perfruere vita cum uxore quam diligis cunctis diebus vitae instabilitatis tuae qui dati sunt tibi sub sole omni tempore vanitatis tuae haec est enim pars in vita et in labore tuo quod laboras sub sole

⁴ qui respondens ait eis non legistis quia qui fecit ab initio masculum et feminam fecit eos ⁵ et dixit propter hoc dimittet homo patrem et matrem et adherebit uxori suae et erunt duo in carne una ⁶ itaque iam non sunt duo sed una caro quod ergo Deus coniunxit homo non separet

⁶ ab initio autem creaturae masculum et feminam fecit eos Deus ⁷ propter hoc relinquet homo patrem suum et matrem et adherebit ad uxorem suam ⁸ et erunt duo in carne una itaque iam non sunt duo sed una caro ⁹ quod ergo Deus iunxit homo non separet

¹⁰ his autem qui matrimonio iuncti sunt praecipio non ego sed Dominus uxorem a viro non discedere ¹¹ quod si discesserit manere innuptam aut viro suo reconciliari et vir uxorem ne dimittat ¹² nam ceteris ego dico non Dominus si quis frater uxorem habet infidelem et haec consentit habitare cum illo non dimittat illam ¹³ et si qua mulier habet virum infidelem et hic consentit habitare cum illa non dimittat virum ¹⁴ sanctificatus est enim vir infidelis in muliere fideli et sanctificata est mulier infidelis per virum fidelem alioquin filii vestri inmundi essent nunc autem sancti sunt ¹⁵ quod si infidelis discedit discedat non est enim servituti subiectus frater aut soror in eiusmodi in pace autem vocavit nos Deus

²⁹ hoc itaque dico fratres tempus breve est reliquum est ut qui habent uxores tamquam non habentes sint

²⁸ ita et viri debent diligere uxores suas ut corpora sua qui suam uxorem diligit se ipsum diligit ²⁹ nemo enim umquam carnem suam odio habuit sed nutrit et fovet eam sicut et Christus ecclesiam

⁴ ut prudentiam doceant adulescentulas ut viros suos ament filios diligant ⁵ prudentes castas domus curam habentes benignas subditas suis viris ut non blasphemetur verbum Dei