Isaiah 56:12 Cross References - Vulgate

¹² venite sumamus vinum et impleamur ebrietate et erit sicut hodie sic et cras et multo amplius

⁶ loquitur in corde suo non movebor in generatione et generatione ero sine malo

³⁵ et dices verberaverunt me sed non dolui traxerunt me et ego non sensi quando evigilabo et rursum vina repperiam

¹ ne glorieris in crastinum ignorans quid superventura pariat dies

⁴ noli regibus o Lamuhel noli regibus dare vinum quia nullum secretum est ubi regnat ebrietas ⁵ ne forte bibat et obliviscatur iudiciorum et mutet causam filiorum pauperis

¹¹ vae qui consurgitis mane ad ebrietatem sectandam et potandum usque ad vesperam ut vino aestuetis

²² vae qui potentes estis ad bibendum vinum et viri fortes ad miscendam ebrietatem

¹³ et ecce gaudium et laetitia occidere vitulos et iugulare arietes comedere carnes et bibere vinum comedamus et bibamus cras enim moriemur ¹⁴ et revelata est in auribus meis Domini exercituum si dimittetur iniquitas haec vobis donec moriamini dicit Dominus Deus exercituum

⁷ verum hii quoque prae vino nescierunt et prae ebrietate erraverunt sacerdos et propheta nescierunt prae ebrietate absorti sunt a vino erraverunt in ebrietate nescierunt videntem ignoraverunt iudicium ⁸ omnes enim mensae repletae sunt vomitu sordiumque ita ut non esset ultra locus

¹⁸ et dixerunt venite et cogitemus contra Hieremiam cogitationes non enim peribit lex a sacerdote neque consilium a sapiente nec sermo a propheta venite et percutiamus eum lingua et non adtendamus ad universos sermones eius

¹¹ fornicatio et vinum et ebrietas aufert cor

³ qui separati estis in diem malum et adpropinquatis solio iniquitatis ⁴ qui dormitis in lectis eburneis et lascivitis in stratis vestris qui comeditis agnum de grege et vitulos de medio armenti ⁵ qui canitis ad vocem psalterii sicut David putaverunt se habere vasa cantici ⁶ bibentes in fialis vinum et optimo unguento delibuti et nihil patiebantur super contritione Ioseph

⁴⁹ et coeperit percutere conservos suos manducet autem et bibat cum ebriis ⁵⁰ veniet dominus servi illius in die qua non sperat et hora qua ignorat ⁵¹ et dividet eum partemque eius ponet cum hypocritis illic erit fletus et stridor dentium

¹⁹ et dicam animae meae anima habes multa bona posita in annos plurimos requiesce comede bibe epulare ²⁰ dixit autem illi Deus stulte hac nocte animam tuam repetunt a te quae autem parasti cuius erunt

⁴⁵ quod si dixerit servus ille in corde suo moram facit dominus meus venire et coeperit percutere pueros et ancillas et edere et bibere et inebriari ⁴⁶ veniet dominus servi illius in die qua non sperat et hora qua nescit et dividet eum partemque eius cum infidelibus ponet

³⁴ adtendite autem vobis ne forte graventur corda vestra in crapula et ebrietate et curis huius vitae et superveniat in vos repentina dies illa

³² si secundum hominem ad bestias pugnavi Ephesi quid mihi prodest si mortui non resurgunt manducemus et bibamus cras enim moriemur

⁷ oportet enim episcopum sine crimine esse sicut Dei dispensatorem non superbum non iracundum non vinolentum non percussorem non turpilucri cupidum