James 3:17 Cross References - Vulgate

¹⁷ quae autem desursum est sapientia primum quidem pudica est deinde pacifica modesta suadibilis plena misericordia et fructibus bonis non iudicans sine simulatione

³⁸ locutusque est ad eos num invenire poterimus talem virum qui spiritu Dei plenus sit ³⁹ dixit ergo ad Ioseph quia ostendit Deus tibi omnia quae locutus es numquid sapientiorem et similem tui invenire potero

² cumque vocasset eos Moses et omnem eruditum virum cui dederat Deus sapientiam et qui sponte sua obtulerant se ad faciendum opus

⁹ dabis ergo servo tuo cor docile ut iudicare possit populum tuum et discernere inter malum et bonum quis enim potest iudicare populum istum populum tuum hunc multum

¹² ecce feci tibi secundum sermones tuos et dedi tibi cor sapiens et intellegens in tantum ut nullus ante te similis tui fuerit nec post te surrecturus sit

²⁸ audivit itaque omnis Israhel iudicium quod iudicasset rex et timuerunt regem videntes sapientiam Dei esse in eo ad faciendum iudicium

⁹ filius qui nascetur tibi et erit vir quietissimus faciam enim eum requiescere ab omnibus inimicis suis per circuitum et ob hanc causam pacificus vocabitur et pacem et otium dabo in Israhel cunctis diebus eius

¹² det quoque tibi Dominus prudentiam et sensum ut regere possis Israhel et custodire legem Domini Dei tui

¹² sapientia vero ubi invenitur et quis est locus intellegentiae

²³ Deus intellegit viam eius et ipse novit locum illius

²⁸ et dixit homini ecce timor Domini ipsa est sapientia et recedere a malo intellegentia

⁶ quia Dominus dat sapientiam et ex ore eius scientia et prudentia

⁴ et iudicabit gentes et arguet populos multos et conflabunt gladios suos in vomeres et lanceas suas in falces non levabit gens contra gentem gladium nec exercebuntur ultra ad proelium

⁶ parvulus enim natus est nobis filius datus est nobis et factus est principatus super umerum eius et vocabitur nomen eius Admirabilis consiliarius Deus fortis Pater futuri saeculi Princeps pacis ⁷ multiplicabitur eius imperium et pacis non erit finis super solium David et super regnum eius ut confirmet illud et corroboret in iudicio et iustitia amodo et usque in sempiternum zelus Domini exercituum faciet hoc

² et requiescet super eum spiritus Domini spiritus sapientiae et intellectus spiritus consilii et fortitudinis spiritus scientiae et pietatis ³ et replebit eum spiritus timoris Domini non secundum visionem oculorum iudicabit neque secundum auditum aurium arguet ⁴ sed iudicabit in iustitia pauperes et arguet in aequitate pro mansuetis terrae et percutiet terram virga oris sui et spiritu labiorum suorum interficiet impium ⁵ et erit iustitia cingulum lumborum eius et fides cinctorium renis eius ⁶ habitabit lupus cum agno et pardus cum hedo accubabit vitulus et leo et ovis simul morabuntur et puer parvulus minabit eos ⁷ vitulus et ursus pascentur simul requiescent catuli eorum et leo quasi bos comedet paleas ⁸ et delectabitur infans ab ubere super foramine aspidis et in caverna reguli qui ablactatus fuerit manum suam mittet ⁹ non nocebunt et non occident in universo monte sancto meo quia repleta est terra scientia Domini sicut aquae maris operientes

⁶ stultus enim fatua loquetur et cor eius faciet iniquitatem ut perficiat simulationem et loquatur ad Dominum fraudulenter et vacuefaciat animam esurientis et potum sitienti auferat

¹⁵ donec effundatur super nos spiritus de excelso et erit desertum in Chermel et Chermel in saltum reputabitur ¹⁶ et habitabit in solitudine iudicium et iustitia in Chermel sedebit ¹⁷ et erit opus iustitiae pax et cultus iustitiae silentium et securitas usque in sempiternum

¹¹ sicut pastor gregem suum pascet in brachio suo congregabit agnos et in sinu suo levabit fetas ipse portabit

¹⁷ pueris autem his dedit Deus scientiam et disciplinam in omni libro et sapientia Daniheli autem intellegentiam omnium visionum et somniorum

⁹ propter quod et ego dedi vos contemptibiles et humiles omnibus populis sicut non servastis vias meas et accepistis faciem in lege

³ et sedebit conflans et emundans argentum et purgabit filios Levi et colabit eos quasi aurum et quasi argentum et erunt Domino offerentes sacrificia in iustitia

⁸ beati mundo corde quoniam ipsi Deum videbunt

²⁸ sic et vos a foris quidem paretis hominibus iusti intus autem pleni estis hypocrisi et iniquitate

³⁶ estote ergo misericordes sicut et Pater vester misericors est

¹ multis autem turbis circumstantibus ita ut se invicem conculcarent coepit dicere ad discipulos suos adtendite a fermento Pharisaeorum quae est hypocrisis ² nihil autem opertum est quod non reveletur neque absconditum quod non sciatur

¹⁵ ego enim dabo vobis os et sapientiam cui non poterunt resistere et contradicere omnes adversarii vestri

¹⁴ et Verbum caro factum est et habitavit in nobis et vidimus gloriam eius gloriam quasi unigeniti a Patre plenum gratiae et veritatis

⁴⁷ vidit Iesus Nathanahel venientem ad se et dicit de eo ecce vere Israhelita in quo dolus non est

³⁶ in Ioppe autem fuit quaedam discipula nomine Tabitas quae interpretata dicitur Dorcas haec erat plena operibus bonis et elemosynis quas faciebat

²⁴ quia erat vir bonus et plenus Spiritu Sancto et fide et adposita est turba multa Domino

⁹ dilectio sine simulatione odientes malum adherentes bono

¹⁸ si fieri potest quod ex vobis est cum omnibus hominibus pacem habentes

¹⁴ certus sum autem fratres mei et ego ipse de vobis quoniam et ipsi pleni estis dilectione repleti omni scientia ita ut possitis alterutrum monere

⁶ sapientiam autem loquimur inter perfectos sapientiam vero non huius saeculi neque principum huius saeculi qui destruuntur ⁷ sed loquimur Dei sapientiam in mysterio quae abscondita est quam praedestinavit Deus ante saecula in gloriam nostram

⁸ alii quidem per Spiritum datur sermo sapientiae alii autem sermo scientiae secundum eundem Spiritum

⁴ caritas patiens est benigna est caritas non aemulatur non agit perperam non inflatur ⁵ non est ambitiosa non quaerit quae sua sunt non inritatur non cogitat malum ⁶ non gaudet super iniquitatem congaudet autem veritati ⁷ omnia suffert omnia credit omnia sperat omnia sustinet

¹⁰ qui autem administrat semen seminanti et panem ad manducandum praestabit et multiplicabit semen vestrum et augebit incrementa frugum iustitiae vestrae

¹ ipse autem ego Paulus obsecro vos per mansuetudinem et modestiam Christi qui in facie quidem humilis inter vos absens autem confido in vobis

²² fructus autem Spiritus est caritas gaudium pax longanimitas bonitas benignitas ²³ fides modestia continentia adversus huiusmodi non est lex

⁹ fructus enim lucis est in omni bonitate et iustitia et veritate

¹¹ repleti fructu iustitiae per Christum Iesum in gloriam et laudem Dei

⁸ de cetero fratres quaecumque sunt vera quaecumque pudica quaecumque iusta quaecumque sancta quaecumque amabilia quaecumque bonae famae si qua virtus si qua laus haec cogitate

¹⁰ ut ambuletis digne Deo per omnia placentes in omni opere bono fructificantes et crescentes in scientia Dei

⁷ cum possimus oneri esse ut Christi apostoli sed facti sumus lenes in medio vestrum tamquam si nutrix foveat filios suos

²¹ testor coram Deo et Christo Iesu et electis angelis ut haec custodias sine praeiudicio nihil faciens in aliam partem declinando

²⁴ servum autem Domini non oportet litigare sed mansuetum esse ad omnes docibilem patientem

¹⁵ omnia munda mundis coinquinatis autem et infidelibus nihil mundum sed inquinatae sunt eorum et mens et conscientia

² neminem blasphemare non litigiosos esse modestos omnem ostendentes mansuetudinem ad omnes homines

¹¹ omnis autem disciplina in praesenti quidem videtur non esse gaudii sed maeroris postea autem fructum pacatissimum exercitatis per eam reddit iustitiae

¹⁴ pacem sequimini cum omnibus et sanctimoniam sine qua nemo videbit Dominum

⁵ si quis autem vestrum indiget sapientiam postulet a Deo qui dat omnibus affluenter et non inproperat et dabitur ei

¹⁷ omne datum optimum et omne donum perfectum desursum est descendens a Patre luminum apud quem non est transmutatio nec vicissitudinis obumbratio

⁴ nonne iudicatis apud vosmet ipsos et facti estis iudices cogitationum iniquarum

¹⁵ non est ista sapientia desursum descendens sed terrena animalis diabolica

⁸ adpropiate Domino et adpropinquabit vobis emundate manus peccatores et purificate corda duplices animo

²² animas vestras castificantes in oboedientia caritatis in fraternitatis amore simplici ex corde invicem diligite adtentius

¹ deponentes igitur omnem malitiam et omnem dolum et simulationes et invidias et omnes detractiones

³ et omnis qui habet spem hanc in eo sanctificat se sicut et ille sanctus est

¹⁸ filioli non diligamus verbo nec lingua sed opere et veritate