Jeremiah 32:17 Cross References - Vulgate

¹⁷ heu heu heu Domine Deus ecce tu fecisti caelum et terram in fortitudine tua magna et in brachio tuo extento non erit tibi difficile omne verbum

¹ in principio creavit Deus caelum et terram ² terra autem erat inanis et vacua et tenebrae super faciem abyssi et spiritus Dei ferebatur super aquas ³ dixitque Deus fiat lux et facta est lux ⁴ et vidit Deus lucem quod esset bona et divisit lucem ac tenebras ⁵ appellavitque lucem diem et tenebras noctem factumque est vespere et mane dies unus ⁶ dixit quoque Deus fiat firmamentum in medio aquarum et dividat aquas ab aquis ⁷ et fecit Deus firmamentum divisitque aquas quae erant sub firmamento ab his quae erant super firmamentum et factum est ita ⁸ vocavitque Deus firmamentum caelum et factum est vespere et mane dies secundus ⁹ dixit vero Deus congregentur aquae quae sub caelo sunt in locum unum et appareat arida factumque est ita ¹⁰ et vocavit Deus aridam terram congregationesque aquarum appellavit maria et vidit Deus quod esset bonum ¹¹ et ait germinet terra herbam virentem et facientem semen et lignum pomiferum faciens fructum iuxta genus suum cuius semen in semet ipso sit super terram et factum est ita ¹² et protulit terra herbam virentem et adferentem semen iuxta genus suum lignumque faciens fructum et habens unumquodque sementem secundum speciem suam et vidit Deus quod esset bonum ¹³ factumque est vespere et mane dies tertius ¹⁴ dixit autem Deus fiant luminaria in firmamento caeli ut dividant diem ac noctem et sint in signa et tempora et dies et annos ¹⁵ ut luceant in firmamento caeli et inluminent terram et factum est ita ¹⁶ fecitque Deus duo magna luminaria luminare maius ut praeesset diei et luminare minus ut praeesset nocti et stellas ¹⁷ et posuit eas in firmamento caeli ut lucerent super terram ¹⁸ et praeessent diei ac nocti et dividerent lucem ac tenebras et vidit Deus quod esset bonum ¹⁹ et factum est vespere et mane dies quartus ²⁰ dixit etiam Deus producant aquae reptile animae viventis et volatile super terram sub firmamento caeli ²¹ creavitque Deus cete grandia et omnem animam viventem atque motabilem quam produxerant aquae in species suas et omne volatile secundum genus suum et vidit Deus quod esset bonum ²² benedixitque eis dicens crescite et multiplicamini et replete aquas maris avesque multiplicentur super terram ²³ et factum est vespere et mane dies quintus ²⁴ dixit quoque Deus producat terra animam viventem in genere suo iumenta et reptilia et bestias terrae secundum species suas factumque est ita ²⁵ et fecit Deus bestias terrae iuxta species suas et iumenta et omne reptile terrae in genere suo et vidit Deus quod esset bonum ²⁶ et ait faciamus hominem ad imaginem et similitudinem nostram et praesit piscibus maris et volatilibus caeli et bestiis universaeque terrae omnique reptili quod movetur in terra ²⁷ et creavit Deus hominem ad imaginem suam ad imaginem Dei creavit illum masculum et feminam creavit eos ²⁸ benedixitque illis Deus et ait crescite et multiplicamini et replete terram et subicite eam et dominamini piscibus maris et volatilibus caeli et universis animantibus quae moventur super terram ²⁹ dixitque Deus ecce dedi vobis omnem herbam adferentem semen super terram et universa ligna quae habent in semet ipsis sementem generis sui ut sint vobis in escam ³⁰ et cunctis animantibus terrae omnique volucri caeli et universis quae moventur in terra et in quibus est anima vivens ut habeant ad vescendum et factum est ita ³¹ viditque Deus cuncta quae fecit et erant valde bona et factum est vespere et mane dies sextus

¹⁴ numquid Deo est quicquam difficile iuxta condictum revertar ad te hoc eodem tempore vita comite et habebit Sarra filium

¹¹ sex enim diebus fecit Dominus caelum et terram et mare et omnia quae in eis sunt et requievit in die septimo idcirco benedixit Dominus diei sabbati et sanctificavit eum

¹⁵ et oravit in conspectu eius dicens Domine Deus Israhel qui sedes super cherubin tu es Deus solus regum omnium terrae tu fecisti caelum et terram

⁶ tu ipse Domine solus tu fecisti caelum caelum caelorum et omnem exercitum eorum terram et universa quae in ea sunt maria et omnia quae in eis sunt et tu vivificas omnia haec et exercitus caeli te adorat

² scio quia omnia potes et nulla te latet cogitatio

²⁵ dicam Deus meus ne rapias me in dimidio dierum meorum in generatione generationum anni tui

⁵ qui fecit caelos in sapientia quoniam in aeternum misericordia eius ⁶ qui firmavit terram super aquas quoniam in aeternum misericordia eius ⁷ qui fecit luminaria magna quoniam in aeternum misericordia eius ⁸ solem in potestatem diei quoniam in aeternum misericordia eius ⁹ lunam et stellas in potestatem noctis quoniam in aeternum misericordia eius

⁵ beatus cuius Deus Iacob auxiliator eius spes eius in Domino Deo suo ⁶ qui fecit caelos et terram mare et omnia quae in eis sunt

²⁶ levate in excelsum oculos vestros et videte quis creavit haec qui educit in numero militiam eorum et omnes ex nomine vocat prae multitudine fortitudinis et roboris virtutisque eius neque unum reliquum fuit ²⁷ quare dicis Iacob et loqueris Israhel abscondita est via mea a Domino et a Deo meo iudicium meum transibit ²⁸ numquid nescis aut non audisti Deus sempiternus Dominus qui creavit terminos terrae non deficiet neque laborabit nec est investigatio sapientiae eius

⁵ haec dicit Dominus Deus creans caelos et extendens eos firmans terram et quae germinant ex ea dans flatum populo qui est super eam et spiritum calcantibus eam

²⁴ haec dicit Dominus redemptor tuus et formator tuus ex utero ego sum Dominus faciens omnia extendens caelos solus stabiliens terram et nullus mecum

¹² ego feci terram et hominem super eam creavi ego manus meae tetenderunt caelos et omni militiae eorum mandavi

⁹ recordamini prioris saeculi quoniam ego sum Deus et non est ultra Deus nec est similis mei ¹⁰ adnuntians ab exordio novissimum et ab initio quae necdum facta sunt dicens consilium meum stabit et omnis voluntas mea fiet

¹² audi me Iacob et Israhel quem ego voco ego ipse ego primus et ego novissimus ¹³ manus quoque mea fundavit terram et dextera mea mensa est caelos ego vocabo eos et stabunt simul

⁶ et dixi a a a Domine Deus ecce nescio loqui quia puer ego sum

¹⁰ et dixi heu heu heu Domine Deus ergone decepisti populum istum et Hierusalem dicens pax erit vobis et ecce pervenit gladius usque ad animam

¹¹ sic ergo dicetis eis dii qui caelos et terram non fecerunt pereant de terra et de his quae sub caelis sunt ¹² qui facit terram in fortitudine sua praeparat orbem in sapientia sua et prudentia sua extendit caelos

¹³ et dixi a a a Domine Deus prophetae dicunt eis non videbitis gladium et famis non erit in vobis sed pacem veram dabit vobis in loco isto

⁵ ego feci terram et hominem et iumenta quae sunt super faciem terrae in fortitudine mea magna et in brachio meo extento et dedi eam ei qui placuit in oculis meis

²⁷ ecce ego Dominus Deus universae carnis numquid mihi difficile erit omne verbum

¹⁵ qui fecit terram in fortitudine sua praeparavit orbem in sapientia sua et prudentia sua extendit caelos

¹⁹ non sicut haec pars Iacob quia qui fecit omnia ipse est et Israhel sceptrum hereditatis eius Dominus exercituum nomen eius

⁸ et caede conpleta remansi ego ruique super faciem meam et clamans aio heu heu heu Domine Deus ergone disperdes omnes reliquias Israhel effundens furorem tuum super Hierusalem

¹³ et factum est cum prophetarem Pheltias filius Banaiae mortuus est et cecidi in faciem meam clamans voce magna et dixi heu heu heu Domine Deus consummationem tu facis reliquiarum Israhel

²² ipse revelat profunda et abscondita et novit in tenebris constituta et lux cum eo est

¹ onus verbi Domini super Israhel dixit Dominus extendens caelum et fundans terram et fingens spiritum hominis in eo

²⁶ aspiciens autem Iesus dixit illis apud homines hoc inpossibile est apud Deum autem omnia possibilia sunt

³⁷ quia non erit inpossibile apud Deum omne verbum

²⁷ ait illis quae inpossibilia sunt apud homines possibilia sunt apud Deum

¹ in principio erat Verbum et Verbum erat apud Deum et Deus erat Verbum ² hoc erat in principio apud Deum ³ omnia per ipsum facta sunt et sine ipso factum est nihil quod factum est

⁴⁹ caelum mihi sedis est terra autem scabillum pedum meorum quam domum aedificabitis mihi dicit Dominus aut quis locus requietionis meae est ⁵⁰ nonne manus mea fecit haec omnia

¹⁵ et dicentes viri quid haec facitis et nos mortales sumus similes vobis homines adnuntiantes vobis ab his vanis converti ad Deum vivum qui fecit caelum et terram et mare et omnia quae in eis sunt

¹⁸ notum a saeculo est Domino opus suum

²⁴ Deus qui fecit mundum et omnia quae in eo sunt hic caeli et terrae cum sit Dominus non in manufactis templis inhabitat

⁹ et inluminare omnes quae sit dispensatio sacramenti absconditi a saeculis in Deo qui omnia creavit ¹⁰ ut innotescat principibus et potestatibus in caelestibus per ecclesiam multiformis sapientia Dei ¹¹ secundum praefinitionem saeculorum quam fecit in Christo Iesu Domino nostro

¹⁵ qui est imago Dei invisibilis primogenitus omnis creaturae ¹⁶ quia in ipso condita sunt universa in caelis et in terra visibilia et invisibilia sive throni sive dominationes sive principatus sive potestates omnia per ipsum et in ipso creata sunt

² novissime diebus istis locutus est nobis in Filio quem constituit heredem universorum per quem fecit et saecula ³ qui cum sit splendor gloriae et figura substantiae eius portansque omnia verbo virtutis suae purgationem peccatorum faciens sedit ad dexteram Maiestatis in excelsis

¹⁰ et tu in principio Domine terram fundasti et opera manuum tuarum sunt caeli ¹¹ ipsi peribunt tu autem permanebis et omnes ut vestimentum veterescent ¹² et velut amictum involves eos et mutabuntur tu autem idem es et anni tui non deficient

¹¹ dignus es Domine et Deus noster accipere gloriam et honorem et virtutem quia tu creasti omnia et propter voluntatem tuam erant et creata sunt