Job 11:12 Cross References - Vulgate

¹² vir vanus in superbiam erigitur et tamquam pullum onagri se liberum natum putat

¹³ qui adprehendit sapientes in astutia eorum et consilium pravorum dissipat

⁵ numquid rugiet onager cum habuerit herbam aut mugiet bos cum ante praesepe plenum steterit

² ergo vos estis soli homines et vobiscum morietur sapientia ³ et mihi est cor sicut et vobis nec inferior vestri sum quis enim haec quae nostis ignorat

¹⁴ quid est homo ut inmaculatus sit et ut iustus appareat natus de muliere

²⁸ et dixit homini ecce timor Domini ipsa est sapientia et recedere a malo intellegentia

⁵ quis dimisit onagrum liberum et vincula eius quis solvit ⁶ cui dedi in solitudine domum et tabernacula eius in terra salsuginis ⁷ contemnit multitudinem civitatis clamorem exactoris non audit ⁸ circumspicit montes pascuae suae et virentia quaeque perquirit

⁵ ecce in iniquitate conceptus sum et in peccato peperit me mater mea

⁹ nolite confidere in calumnia et in rapina ne frustremini divitiae si fluxerint ne adponatis cor ¹⁰ unum locutus est Deus duo haec audivi quia imperium Dei est

²² et tenebas manum dexteram meam in consilium tuum deduces me et postea in gloria suscipies me

⁶ vir insipiens non cognoscet et stultus non intelleget istud

² stultissimus sum virorum et sapientia hominum non est mecum ³ non didici sapientiam et non novi sanctorum scientiam ⁴ quis ascendit in caelum atque descendit quis continuit spiritum manibus suis quis conligavit aquas quasi in vestimento quis suscitavit omnes terminos terrae quod nomen eius et quod nomen filii eius si nosti

¹⁸ dixi in corde meo de filiis hominum ut probaret eos Deus et ostenderet similes esse bestiis

²⁴ onager adsuetus in solitudine in desiderio animae suae adtraxit ventum amoris sui nullus avertet eam omnes qui quaerunt eam non deficient in menstruis eius invenient eam

²² dicentes enim se esse sapientes stulti facti sunt

¹⁶ id ipsum invicem sentientes non alta sapientes sed humilibus consentientes nolite esse prudentes apud vosmet ipsos

¹⁸ nemo se seducat si quis videtur inter vos sapiens esse in hoc saeculo stultus fiat ut sit sapiens ¹⁹ sapientia enim huius mundi stultitia est apud Deum scriptum est enim conprehendam sapientes in astutia eorum ²⁰ et iterum Dominus novit cogitationes sapientium quoniam vanae sunt

³ in quibus et nos omnes aliquando conversati sumus in desideriis carnis nostrae facientes voluntates carnis et cogitationum et eramus natura filii irae sicut et ceteri

²⁰ vis autem scire o homo inanis quoniam fides sine operibus otiosa est

¹³ quis sapiens et disciplinatus inter vos ostendat ex bona conversatione operationem suam in mansuetudine sapientiae ¹⁴ quod si zelum amarum habetis et contentiones in cordibus vestris nolite gloriari et mendaces esse adversus veritatem ¹⁵ non est ista sapientia desursum descendens sed terrena animalis diabolica ¹⁶ ubi enim zelus et contentio ibi inconstantia et omne opus pravum ¹⁷ quae autem desursum est sapientia primum quidem pudica est deinde pacifica modesta suadibilis plena misericordia et fructibus bonis non iudicans sine simulatione