Job 16:7 Cross References - Vulgate

⁷ nunc autem oppressit me dolor meus et in nihili redacti sunt omnes artus mei

¹⁵ et inruerunt Sabei tuleruntque omnia et pueros percusserunt gladio et evasi ego solus ut nuntiarem tibi ¹⁶ cumque adhuc ille loqueretur venit alter et dixit ignis Dei cecidit e caelo et tactas oves puerosque consumpsit et effugi ego solus ut nuntiarem tibi ¹⁷ sed et illo adhuc loquente venit alius et dixit Chaldei fecerunt tres turmas et invaserunt camelos et tulerunt eos necnon et pueros percusserunt gladio et ego fugi solus ut nuntiarem tibi ¹⁸ loquebatur ille et ecce alius intravit et dixit filiis tuis et filiabus vescentibus et bibentibus vinum in domo fratris sui primogeniti ¹⁹ repente ventus vehemens inruit a regione deserti et concussit quattuor angulos domus quae corruens oppressit liberos tuos et mortui sunt et effugi ego solus ut nuntiarem tibi

¹⁷ ibi impii cessaverunt a tumultu et ibi requieverunt fessi robore

³ sic et ego habui menses vacuos et noctes laboriosas enumeravi mihi

¹⁶ desperavi nequaquam ultra iam vivam parce mihi nihil enim sunt dies mei

¹ taedet animam meam vitae meae dimittam adversum me eloquium meum loquar in amaritudine animae meae

⁵ quando erat Omnipotens mecum et in circuitu meo pueri mei ⁶ quando lavabam pedes meos butyro et petra fundebat mihi rivos olei ⁷ quando procedebam ad portam civitatis et in platea parabant cathedram mihi ⁸ videbant me iuvenes et abscondebantur et senes adsurgentes stabant ⁹ principes cessabant loqui et digitum superponebant ori suo ¹⁰ vocem suam cohibebant duces et lingua eorum gutturi suo adherebat ¹¹ auris audiens beatificabat me et oculus videns testimonium reddebat mihi ¹² quod liberassem pauperem vociferantem et pupillum cui non esset adiutor ¹³ benedictio perituri super me veniebat et cor viduae consolatus sum ¹⁴ iustitia indutus sum et vestivit me sicut vestimento et diademate iudicio meo ¹⁵ oculus fui caeco et pes claudo ¹⁶ pater eram pauperum et causam quam nesciebam diligentissime investigabam ¹⁷ conterebam molas iniqui et de dentibus illius auferebam praedam ¹⁸ dicebamque in nidulo meo moriar et sicut palma multiplicabo dies ¹⁹ radix mea aperta est secus aquas et ros morabitur in messione mea ²⁰ gloria mea semper innovabitur et arcus meus in manu mea instaurabitur ²¹ qui me audiebant expectabant sententiam et intenti tacebant ad consilium meum ²² verbis meis addere nihil audebant et super illos stillabat eloquium meum ²³ expectabant me sicut pluviam et os suum aperiebant quasi ad imbrem serotinum ²⁴ si quando ridebam ad eos non credebant et lux vultus mei non cadebat in terram ²⁵ si voluissem ire ad eos sedebam primus cumque sederem quasi rex circumstante exercitu eram tamen maerentium consolator

⁶ laboravi in gemitu meo natare faciam tota nocte lectulum meum lacrimis meis stratum meum rigabo ⁷ caligavit prae amaritudine oculus meus consumptus sum ab universis hostibus meis

¹¹ disciplinam Domini fili mi ne abicias nec deficias cum ab eo corriperis ¹² quem enim diligit Dominus corripit et quasi pater in filio conplacet sibi

⁴ Dominus dedit mihi linguam eruditam ut sciam sustentare eum qui lassus est verbo erigit mane mane erigit mihi aurem ut audiam quasi magistrum

¹³ et ego ergo coepi percutere te perditione super peccatis tuis