Job 19 Cross References - Vulgate

¹ respondens autem Iob dixit ² usquequo adfligitis animam meam et adteritis me sermonibus ³ en decies confunditis me et non erubescitis opprimentes me ⁴ nempe et si ignoravi mecum erit ignorantia mea ⁵ at vos contra me erigimini et arguitis me obprobriis meis ⁶ saltim nunc intellegite quia Deus non aequo iudicio adflixerit me et flagellis suis me cinxerit ⁷ ecce clamabo vim patiens et nemo audiet vociferabor et non est qui iudicet ⁸ semitam meam circumsepsit et transire non possum et in calle meo tenebras posuit ⁹ spoliavit me gloria mea et abstulit coronam de capite meo ¹⁰ destruxit me undique et pereo et quasi evulsae arbori abstulit spem meam ¹¹ iratus est contra me furor eius et sic me habuit quasi hostem suum ¹² simul venerunt latrones eius et fecerunt sibi viam per me et obsederunt in gyro tabernaculum meum ¹³ fratres meos longe fecit a me et noti mei quasi alieni recesserunt a me ¹⁴ dereliquerunt me propinqui mei et qui me noverant obliti sunt mei ¹⁵ inquilini domus meae et ancillae meae sicut alienum habuerunt me et quasi peregrinus fui in oculis eorum ¹⁶ servum meum vocavi et non respondit ore proprio deprecabar illum ¹⁷ halitum meum exhorruit uxor mea et orabam filios uteri mei ¹⁸ stulti quoque despiciebant me et cum ab eis recessissem detrahebant mihi ¹⁹ abominati sunt me quondam consiliarii mei et quem maxime diligebam aversatus est me ²⁰ pelli meae consumptis carnibus adhesit os meum et derelicta sunt tantummodo labia circa dentes meos ²¹ miseremini mei miseremini mei saltim vos amici mei quia manus Domini tetigit me ²² quare persequimini me sicut Deus et carnibus meis saturamini ²³ quis mihi tribuat ut scribantur sermones mei quis mihi det ut exarentur in libro ²⁴ stilo ferreo et plumbi lammina vel certe sculpantur in silice ²⁵ scio enim quod redemptor meus vivat et in novissimo de terra surrecturus sim ²⁶ et rursum circumdabor pelle mea et in carne mea videbo Deum ²⁷ quem visurus sum ego ipse et oculi mei conspecturi sunt et non alius reposita est haec spes mea in sinu meo ²⁸ quare ergo nunc dicitis persequamur eum et radicem verbi inveniamus contra eum ²⁹ fugite ergo a facie gladii quoniam ultor iniquitatum gladius est et scitote esse iudicium

¹⁶ cumque molesta ei esset et per multos dies iugiter adhereret spatium ad quietem non tribuens defecit anima eius et ad mortem usque lassata est

² usquequo loqueris talia et spiritus multiplex sermones oris tui

² usque ad quem finem verba iactabitis intellegite prius et sic loquamur

² vivit Deus qui abstulit iudicium meum et Omnipotens qui ad amaritudinem adduxit animam meam

² miserere mei Domine quoniam infirmus sum sana me Domine quoniam conturbata sunt ossa mea ³ et anima mea turbata est valde et tu Domine usquequo

¹ victori canticum David usquequo Domine oblivisceris mei penitus usquequo abscondes faciem tuam a me

¹⁰ cum me interficerent in ossibus meis exprobraverunt mihi hostes mei dicentes tota die ubi est Deus tuus

²¹ nitidius butyro os eius pugnat autem cor illius molliores sermones eius oleo cum sint lanceae

⁷ tu autem Domine deridebis eos subsannabis omnes gentes

³ ut sagittarent in absconditis simplicem

¹⁸ est qui promittit et quasi gladio pungitur conscientiae lingua autem sapientium sanitas est

²¹ mors et vita in manu linguae qui diligunt eam comedent fructus eius

⁶ et lingua ignis est universitas iniquitatis lingua constituitur in membris nostris quae maculat totum corpus et inflammat rotam nativitatis nostrae inflammata a gehenna ⁷ omnis enim natura bestiarum et volucrum et serpentium etiam ceterorum domantur et domita sunt a natura humana ⁸ linguam autem nullus hominum domare potest inquietum malum plena veneno mortifero

⁷ et iustum Loth oppressum a nefandorum iniuria conversatione eruit ⁸ aspectu enim et auditu iustus erat habitans apud eos qui diem de die animam iustam iniquis operibus cruciabant

¹⁰ et clamabant voce magna dicentes usquequo Domine sanctus et verus non iudicas et vindicas sanguinem nostrum de his qui habitant in terra

⁷ sed pater vester circumvenit me et mutavit mercedem meam decem vicibus et tamen non dimisit eum Deus ut noceret mihi

⁷ et agnovisset eos quasi ad alienos durius loquebatur interrogans eos unde venistis qui responderunt de terra Chanaan ut emamus victui necessaria

²⁶ postquam confregero baculum panis vestri ita ut decem mulieres in uno clibano coquant panes et reddant eos ad pondus et comedetis et non saturabimini

²² attamen omnes homines qui viderunt maiestatem meam et signa quae feci in Aegypto et in solitudine et temptaverunt me iam per decem vices nec oboedierunt voci meae

¹² factum est autem venientibus Iudaeis qui habitabant iuxta eos et dicentibus nobis per decem vices ex omnibus locis quibus venerant ad nos

⁶ timor tuus fortitudo tua patientia tua et perfectio viarum tuarum ⁷ recordare obsecro te quis umquam innocens perierit aut quando recti deleti sint ⁸ quin potius vidi eos qui operantur iniquitatem et seminant dolores et metunt eos ⁹ flante Deo perisse et spiritu irae eius esse consumptos ¹⁰ rugitus leonis et vox leaenae et dentes catulorum leonum contriti sunt ¹¹ tigris periit eo quod non haberet praedam et catuli leonis dissipati sunt

³ ego vidi stultum firma radice et maledixi pulchritudini eius statim ⁴ longe fient filii eius a salute et conterentur in porta et non erit qui eruat

⁴ etiam si filii tui peccaverunt ei et dimisit eos in manu iniquitatis suae ⁵ tu tamen si diluculo consurrexeris ad Deum et Omnipotentem fueris deprecatus ⁶ si mundus et rectus incesseris statim evigilabit ad te et pacatum reddet habitaculum iustitiae tuae

³ tibi soli tacebunt homines et cum ceteros inriseris a nullo confutaberis

¹⁴ si iniquitatem quod est in manu tua abstuleris a te et non manserit in tabernaculo tuo iniustitia

⁴ quantum in te est evacuasti timorem et tulisti preces coram Deo ⁵ docuit enim iniquitas tua os tuum et imitaris linguam blasphemantium ⁶ condemnabit te os tuum et non ego et labia tua respondebunt tibi

¹¹ numquid grande est ut consoletur te Deus sed verba tua prava hoc prohibent ¹² quid te elevat cor tuum et quasi magna cogitans adtonitos habes oculos

⁴ qui perdis animam tuam in furore tuo numquid propter te derelinquetur terra et transferentur rupes de loco suo ⁵ nonne lux impii extinguetur nec splendebit flamma ignis eius ⁶ lux obtenebrescet in tabernaculo illius et lucerna quae super eum est extinguetur ⁷ artabuntur gressus virtutis eius et praecipitabit eum consilium suum ⁸ inmisit enim in rete pedes suos et in maculis eius ambulat ⁹ tenebitur planta illius laqueo et exardescet contra eum sitis ¹⁰ abscondita est in terra pedica eius et decipula illius super semitam ¹¹ undique terrebunt eum formidines et involvent pedes eius ¹² adtenuetur fame robur eius et inedia invadat costas illius ¹³ devoret pulchritudinem cutis eius consumat brachia illius primogenita mors ¹⁴ avellatur de tabernaculo suo fiducia eius et calcet super eum quasi rex interitus ¹⁵ habitent in tabernaculo illius socii eius qui non est aspergatur in tabernaculo eius sulphur ¹⁶ deorsum radices eius siccentur sursum autem adteratur messis eius ¹⁷ memoria illius pereat de terra et non celebretur nomen eius in plateis ¹⁸ expellet eum de luce in tenebras et de orbe transferet eum ¹⁹ non erit semen eius neque progenies in populo suo nec ullae reliquiae in regionibus eius ²⁰ in die eius stupebunt novissimi et primos invadet horror ²¹ haec sunt ergo tabernacula iniqui et iste locus eius qui ignorat Deum

¹⁷ halitum meum exhorruit uxor mea et orabam filios uteri mei

⁸ quia zelus domus tuae comedit me et obprobrium exprobrantium tibi cecidit super me

²⁰ et omne verbum sapientiae et intellectus quod sciscitatus est ab eis rex invenit in eis decuplum super cunctos ariolos et magos qui erant in universo regno eius

¹⁷ dixitque David ad Dominum cum vidisset angelum caedentem populum ego sum qui peccavi ego inique egi isti qui oves sunt quid fecerunt vertatur obsecro manus tua contra me et contra domum patris mei

³ tibi soli tacebunt homines et cum ceteros inriseris a nullo confutaberis ⁴ dixisti enim purus est sermo meus et mundus sum in conspectu tuo ⁵ atque utinam Deus loqueretur tecum et aperiret labia sua tibi ⁶ ut ostenderet tibi secreta sapientiae et quod multiplex esset lex eius et intellegeres quod multo minora exigaris a Deo quam meretur iniquitas tua

¹² si sapiens fueris tibimet ipsi eris si inlusor solus portabis malum

⁴ ecce omnes animae meae sunt ut anima patris ita et anima filii mea est anima quae peccaverit ipsa morietur

¹⁰ omnes enim nos manifestari oportet ante tribunal Christi ut referat unusquisque propria corporis prout gessit sive bonum sive malum

⁵ unusquisque enim onus suum portabit

⁶ adfligebat quoque eam aemula eius et vehementer angebat in tantum ut exprobraret quod conclusisset Dominus vulvam eius

³ et dixerunt mihi qui remanserunt et derelicti sunt de captivitate ibi in provincia in adflictione magna sunt et in obprobrio et murus Hierusalem dissipatus est et portae eius conbustae sunt igni

²⁶ confundantur et revereantur pariter qui laetantur in adflictione mea induantur confusione et verecundia qui magnificantur super me

¹⁶ quia dixi ne forte insultent mihi et cum vacillaverint pedes mei super me magnificentur

¹¹ in hoc cognovi quod velis me quia non insultavit inimicus meus mihi

¹² non enim inimicus exprobravit mihi ut sustineam neque is qui me oderat super me magnificatus est ut abscondar ab eo

¹ et adprehendent septem mulieres virum unum in die illa dicentes panem nostrum comedemus et vestimentis nostris operiemur tantummodo vocetur nomen tuum super nos aufer obprobrium nostrum

⁸ ne laeteris inimica mea super me quia cecidi consurgam cum sedero in tenebris Dominus lux mea est

¹⁰ hoc eis eveniet pro superbia sua quia blasphemaverunt et magnificati sunt super populum Domini exercituum

⁷ et salvabit Dominus tabernacula Iuda sicut in principio ut non magnifice glorietur domus David et gloria habitantium Hierusalem contra Iudam

²⁵ quia sic mihi fecit Dominus in diebus quibus respexit auferre obprobrium meum inter homines

² et respondens dixit illis putatis quod hii Galilaei prae omnibus Galilaeis peccatores fuerunt quia talia passi sunt ³ non dico vobis sed nisi paenitentiam habueritis omnes similiter peribitis ⁴ sicut illi decem et octo supra quos cecidit turris in Siloam et occidit eos putatis quia et ipsi debitores fuerunt praeter omnes homines habitantes in Hierusalem

² et interrogaverunt eum discipuli sui rabbi quis peccavit hic aut parentes eius ut caecus nasceretur

³⁴ responderunt et dixerunt ei in peccatis natus es totus et tu doces nos et eiecerunt eum foras

²⁰ peccavi quid faciam tibi o custos hominum quare posuisti me contrarium tibi et factus sum mihimet ipsi gravis

¹¹ conclusit me Deus apud iniquum et manibus impiorum me tradidit ¹² ego ille quondam opulentus repente contritus sum tenuit cervicem meam confregit me et posuit sibi quasi in signum ¹³ circumdedit me lanceis suis convulneravit lumbos meos non pepercit et effudit in terra viscera mea ¹⁴ concidit me vulnere super vulnus inruit in me quasi gigans

⁸ inmisit enim in rete pedes suos et in maculis eius ambulat ⁹ tenebitur planta illius laqueo et exardescet contra eum sitis ¹⁰ abscondita est in terra pedica eius et decipula illius super semitam

⁹ in Domino gaudebimus tota die et in nomine tuo in aeternum confitebimur semper ¹⁰ verum tu proiecisti et confudisti nos et non egredieris in exercitibus nostris ¹¹ vertisti terga nostra hosti et qui oderant nos diripuerunt nos ¹² dedisti nos quasi gregem ad vorandum et in gentibus dispersisti nos ¹³ vendidisti populum tuum sine pretio nec grandis fuit commutatio eorum ¹⁴ posuisti nos obprobrium vicinis nostris subsannationem et inrisum his qui erant in circuitu nostro

¹⁰ introduxisti nos in obsidione posuisti stridorem in dorso nostro ¹¹ inposuisti homines super caput nostrum transivimus per ignem et aquam et eduxisti nos in refrigerium ¹² ingrediar domum tuam in holocaustis reddam tibi vota mea

¹² LAMED o vos omnes qui transitis per viam adtendite et videte si est dolor sicut dolor meus quoniam vindemiavit me ut locutus est Dominus in die irae furoris sui ¹³ MEM de excelso misit ignem in ossibus meis et erudivit me expandit rete pedibus meis convertit me retrorsum posuit me desolatam tota die maerore confectam

¹³ et extendam rete meum super illum et capietur in sagena mea et adducam eum in Babylonem in terram Chaldeorum et ipsam non videbit ibique morietur

³ propterea haec dicit Dominus Deus expandam super te rete meum in multitudine populorum multorum et extrahent te in sagena mea

¹² et cum profecti fuerint expandam super eos rete meum quasi volucrem caeli detraham eos caedam eos secundum auditionem coetus eorum

²⁴ terra data est in manu impii vultum iudicum eius operit quod si non ille est quis ergo est

³² neque enim viro qui similis mei est respondebo nec qui mecum in iudicio ex aequo possit audiri

³ numquid bonum tibi videtur si calumnieris et opprimas me opus manuum tuarum et consilium impiorum adiuves

¹⁵ et si impius fuero vae mihi est et si iustus non levabo caput saturatus adflictione et miseria ¹⁶ et propter superbiam quasi leaenam capies me reversusque mirabiliter me crucias ¹⁷ instauras testes tuos contra me et multiplicas iram tuam adversum me et poenae militant in me

¹⁵ etiam si occiderit me in ipso sperabo verumtamen vias meas in conspectu eius arguam ¹⁶ et ipse erit salvator meus non enim veniet in conspectu eius omnis hypocrita ¹⁷ audite sermonem meum et enigmata percipite auribus vestris ¹⁸ si fuero iudicatus scio quod iustus inveniar ¹⁹ quis est qui iudicetur mecum veniat quare tacens consumor ²⁰ duo tantum ne facias mihi et tunc a facie tua non abscondar ²¹ manum tuam longe fac a me et formido tua non me terreat ²² et voca me et respondebo tibi aut certe loquar et tu responde mihi ²³ quantas habeo iniquitates et peccata scelera mea et delicta ostende mihi

¹⁷ haec passus sum absque iniquitate manus meae cum haberem mundas ad Deum preces ¹⁸ terra ne operias sanguinem meum neque inveniat locum in te latendi clamor meus ¹⁹ ecce enim in caelo testis meus et conscius meus in excelsis

²¹ atque utinam sic iudicaretur vir cum Deo quomodo iudicatur filius hominis cum collega suo

²⁷ certe novi cogitationes vestras et sententias contra me iniquas

³ quis mihi tribuat ut cognoscam et inveniam illum et veniam usque ad solium eius ⁴ ponam coram eo iudicium et os meum replebo increpationibus ⁵ ut sciam verba quae mihi respondeat et intellegam quid loquatur mihi ⁶ nolo multa fortitudine contendat mecum nec magnitudinis suae mole me premat ⁷ proponat aequitatem contra me et perveniat ad victoriam iudicium meum

²⁰ clamo ad te et non exaudis me sto et non respicis me

³⁵ quis mihi tribuat auditorem ut desiderium meum Omnipotens audiat et librum scribat ipse qui iudicat ³⁶ ut in umero meo portem illum et circumdem illum quasi coronam mihi

⁵ quia dixit Iob iustus sum et Deus subvertit iudicium meum

⁸ numquid irritum facies iudicium meum et condemnabis me ut tu iustificeris

² Deus meus clamabo per diem et non exaudies et nocte nec est silentium mihi

⁸ quia iam olim loquor vociferans iniquitatem et vastitatem clamito et factus est mihi sermo Domini in obprobrium et in derisum tota die

⁸ GIMEL sed et cum clamavero et rogavero exclusit orationem meam

² usquequo Domine clamabo et non exaudies vociferabor ad te vim patiens et non salvabis ³ quare ostendisti mihi iniquitatem et laborem videre praeda et iniustitia contra me et factum est iudicium et contradictio potentior

⁷ clamaverunt autem ad Dominum filii Israhel qui posuit tenebras inter vos et Aegyptios et adduxit super eos mare et operuit illos viderunt oculi vestri cuncta quae in Aegypto fecerim et habitastis in solitudine multo tempore

²³ viro cuius abscondita est via et circumdedit eum Deus tenebris

²⁶ expectabam bona et venerunt mihi mala praestolabar lucem et eruperunt tenebrae

⁸ longe fecisti notos meos a me posuisti me abominationem eis clausum et non prodeuntem

¹⁹ via impiorum tenebrosa nesciunt ubi corruant

¹⁰ quis ex vobis timens Dominum audiens vocem servi sui qui ambulavit in tenebris et non est lumen ei speret in nomine Domini et innitatur super Deum suum

¹⁶ date Domino Deo vestro gloriam antequam contenebrescat et antequam offendant pedes vestri ad montes caligosos expectabitis lucem et ponet eam in umbram mortis et in caliginem

¹² idcirco via eorum erit quasi lubricum in tenebris inpellentur enim et corruent in ea adferam enim super eos mala annum visitationis eorum ait Dominus

⁷ GIMEL circumaedificavit adversum me ut non egrediar adgravavit conpedem meam

⁹ GIMEL conclusit vias meas lapidibus quadris semitas meas subvertit

⁶ propter hoc ecce ego sepiam viam tuam spinis et sepiam eam maceria et semitas suas non inveniet

¹² iterum ergo locutus est eis Iesus dicens ego sum lux mundi qui sequitur me non ambulabit in tenebris sed habebit lucem vitae

¹⁷ adducit consiliarios in stultum finem et iudices in stuporem

⁷ quando procedebam ad portam civitatis et in platea parabant cathedram mihi ⁸ videbant me iuvenes et abscondebantur et senes adsurgentes stabant ⁹ principes cessabant loqui et digitum superponebant ori suo ¹⁰ vocem suam cohibebant duces et lingua eorum gutturi suo adherebat ¹¹ auris audiens beatificabat me et oculus videns testimonium reddebat mihi ¹² quod liberassem pauperem vociferantem et pupillum cui non esset adiutor ¹³ benedictio perituri super me veniebat et cor viduae consolatus sum ¹⁴ iustitia indutus sum et vestivit me sicut vestimento et diademate iudicio meo

²⁰ gloria mea semper innovabitur et arcus meus in manu mea instaurabitur ²¹ qui me audiebant expectabant sententiam et intenti tacebant ad consilium meum

¹ nunc autem derident me iuniores tempore quorum non dignabar patres ponere cum canibus gregis mei

¹⁶ noli timere cum ditatus fuerit vir cum multiplicata fuerit gloria domus eius ¹⁷ neque enim moriens tollet omnia nec descendet post eum gloria eius

³⁹ adtenuasti pactum servi tui profanasti in terra diadema eius

⁴⁴ quiescere fecisti munditiam eius et thronum illius in terram detraxisti

⁶ vos autem sacerdotes Domini vocabimini ministri Dei nostri dicetur vobis fortitudinem gentium comedetis et in gloria earum superbietis

¹⁶ cecidit corona capitis nostri vae nobis quia peccavimus

¹¹ Ephraim quasi avis avolavit gloria eorum a partu et ab utero et a conceptu

¹³ cum autem quadam die filii et filiae eius comederent et biberent vinum in domo fratris sui primogeniti ¹⁴ nuntius venit ad Iob qui diceret boves arabant et asinae pascebantur iuxta eos ¹⁵ et inruerunt Sabei tuleruntque omnia et pueros percusserunt gladio et evasi ego solus ut nuntiarem tibi ¹⁶ cumque adhuc ille loqueretur venit alter et dixit ignis Dei cecidit e caelo et tactas oves puerosque consumpsit et effugi ego solus ut nuntiarem tibi ¹⁷ sed et illo adhuc loquente venit alius et dixit Chaldei fecerunt tres turmas et invaserunt camelos et tulerunt eos necnon et pueros percusserunt gladio et ego fugi solus ut nuntiarem tibi ¹⁸ loquebatur ille et ecce alius intravit et dixit filiis tuis et filiabus vescentibus et bibentibus vinum in domo fratris sui primogeniti ¹⁹ repente ventus vehemens inruit a regione deserti et concussit quattuor angulos domus quae corruens oppressit liberos tuos et mortui sunt et effugi ego solus ut nuntiarem tibi

⁷ egressus igitur Satan a facie Domini percussit Iob ulcere pessimo a planta pedis usque ad verticem eius

¹¹ quae est enim fortitudo mea ut sustineam aut quis finis meus ut patienter agam

⁶ dies mei velocius transierunt quam a texente tela succiditur et consumpti sunt absque ulla spe

¹³ sic viae omnium qui obliviscuntur Deum et spes hypocritae peribit ¹⁴ non ei placebit vecordia sua et sicut tela aranearum fiducia eius ¹⁵ innitetur super domum suam et non stabit fulciet eam et non consurget ¹⁶ humectus videtur antequam veniat sol et in horto suo germen eius egreditur ¹⁷ super acervum petrarum radices eius densabuntur et inter lapides commorabitur ¹⁸ si absorbuerit eum de loco suo negabit eum et dicet non novi te

¹⁴ si destruxerit nemo est qui aedificet et si incluserit hominem nullus est qui aperiat

¹¹ dies mei transierunt cogitationes meae dissipatae sunt torquentes cor meum

¹⁵ ubi est ergo nunc praestolatio mea et patientiam meam quis considerat

²⁰ obliviscatur eius misericordia dulcedo illius vermes non sit in recordatione sed conteratur quasi lignum infructuosum

³⁵ res vidi impium robustum et fortissimum sicut indigenam virentem ³⁶ et transivi et ecce non erat et quaesivi eum et non est inventus

¹³ ego autem ad te Domine clamavi et mane oratio mea praeveniet te ¹⁴ quare Domine abicis animam meam abscondis faciem tuam a me ¹⁵ pauper ego et aerumnosus ab adulescentia portavi furorem tuum et conturbatus sum ¹⁶ per me transierunt irae tuae terrores tui oppresserunt me ¹⁷ circumdederunt me quasi aquae tota die vallaverunt me pariter ¹⁸ longe fecisti a me amicum et sodalem notos meos abstulisti

¹¹ a facie indignationis et irae tuae quia elevasti me et adlisisti me

⁵ HE factus est Dominus velut inimicus praecipitavit Israhel praecipitavit omnia moenia eius dissipavit munitiones eius et replevit in filia Iuda humiliatum et humiliatam ⁶ VAV et dissipavit quasi hortum tentorium suum demolitus est tabernaculum suum oblivioni tradidit Dominus in Sion festivitatem et sabbatum et obprobrio in indignatione furoris sui regem et sacerdotem

⁸ in omnibus tribulationem patimur sed non angustiamur aporiamur sed non destituimur ⁹ persecutionem patimur sed non derelinquimur deicimur sed non perimus

²² ignis succensus est in furore meo et ardebit usque ad inferni novissima devorabitque terram cum germine suo et montium fundamenta conburet

²⁴ cur faciem tuam abscondis et arbitraris me inimicum tuum

⁹ collegit furorem suum in me et comminans mihi infremuit contra me dentibus suis hostis meus terribilibus oculis me intuitus est

¹⁰ quia querellas in me repperit ideo arbitratus est me inimicum sibi

⁴⁶ usquequo Domine absconderis in finem succendetur quasi ignis indignatio tua

⁷ consumpti enim sumus in furore tuo et in indignatione tua conturbati sumus

⁵ HE factus est Dominus velut inimicus praecipitavit Israhel praecipitavit omnia moenia eius dissipavit munitiones eius et replevit in filia Iuda humiliatum et humiliatam

¹¹ conclusit me Deus apud iniquum et manibus impiorum me tradidit

¹³ circumdedit me lanceis suis convulneravit lumbos meos non pepercit et effudit in terra viscera mea

¹² ad dexteram orientis calamitatis meae ilico surrexerunt pedes meos subverterunt et oppresserunt quasi fluctibus semitis suis

⁵ vae Assur virga furoris mei et baculus ipse in manu eorum indignatio mea ⁶ ad gentem fallacem mittam eum et contra populum furoris mei mandabo illi ut auferat spolia et diripiat praedam et ponat illum in conculcationem quasi lutum platearum

²³ et ponam illud in manu eorum qui te humiliaverunt et dixerunt animae tuae incurvare ut transeamus et posuisti ut terram corpus tuum et quasi viam transeuntibus

²¹ nunc venistis et modo videntes plagam meam timetis ²² numquid dixi adferte mihi et de substantia vestra donate mihi ²³ vel liberate me de manu hostis et de manu robustorum eruite me

⁷ nunc autem oppressit me dolor meus et in nihili redacti sunt omnes artus mei

¹¹ apud omnes hostes meos factus sum obprobrium et vicinis meis nimis et timor notis meis qui videbant me in plateis fugiebant me

¹¹ cari mei et amici mei quasi contra lepram meam steterunt et vicini mei longe steterunt

²⁰ et dederunt in esca mea fel et in siti mea potaverunt me aceto

¹⁸ longe fecisti a me amicum et sodalem notos meos abstulisti

⁵⁶ hoc autem totum factum est ut implerentur scripturae prophetarum tunc discipuli omnes relicto eo fugerunt

¹⁶ in prima mea defensione nemo mihi adfuit sed omnes me dereliquerunt non illis reputetur

²³ consilium autem Ahitofel quod dabat in diebus illis quasi si quis consuleret Deum sic erat omne consilium Ahitofel et cum esset cum David et cum esset cum Absalom

¹² non enim inimicus exprobravit mihi ut sustineam neque is qui me oderat super me magnificatus est ut abscondar ab eo ¹³ sed tu homo unianimis meus dux meus et notus meus ¹⁴ qui simul habuimus dulce secretum in domo Dei ambulavimus in terrore

²⁴ vir amicalis ad societatem magis amicus erit quam frater

¹⁰ audivi enim contumelias multorum et terrorem in circuitu persequimini et persequamur eum ab omnibus viris qui erant pacifici mei et custodientes latus meum si quo modo decipiatur et praevaleamus adversus eum et consequamur ultionem ex eo

⁵ nolite credere amico et nolite confidere in duce ab ea quae dormit in sinu tuo custodi claustra oris tui ⁶ quia filius contumeliam facit patri filia consurgit adversus matrem suam nurus contra socrum suam inimici hominis domestici eius

²¹ tradet autem frater fratrem in mortem et pater filium et insurgent filii in parentes et morte eos adficient

¹⁸ non de omnibus vobis dico ego scio quos elegerim sed ut impleatur scriptura qui manducat mecum panem levavit contra me calcaneum suum

³¹ si non dixerunt viri tabernaculi mei quis det de carnibus eius ut saturemur ³² foris non mansit peregrinus ostium meum viatori patuit

³ miserere nostri Domine miserere nostri quoniam multum repleti sumus despectione

¹⁵ et inruerunt Sabei tuleruntque omnia et pueros percusserunt gladio et evasi ego solus ut nuntiarem tibi ¹⁶ cumque adhuc ille loqueretur venit alter et dixit ignis Dei cecidit e caelo et tactas oves puerosque consumpsit et effugi ego solus ut nuntiarem tibi ¹⁷ sed et illo adhuc loquente venit alius et dixit Chaldei fecerunt tres turmas et invaserunt camelos et tulerunt eos necnon et pueros percusserunt gladio et ego fugi solus ut nuntiarem tibi

¹⁹ repente ventus vehemens inruit a regione deserti et concussit quattuor angulos domus quae corruens oppressit liberos tuos et mortui sunt et effugi ego solus ut nuntiarem tibi

⁹ dixit autem illi uxor sua adhuc tu permanes in simplicitate tua benedic Deo et morere ¹⁰ qui ait ad illam quasi una de stultis locuta es si bona suscepimus de manu Domini quare mala non suscipiamus in omnibus his non peccavit Iob labiis suis

¹ spiritus meus adtenuabitur dies mei breviabuntur et solum mihi superest sepulchrum

²³ ascendit autem inde Bethel cumque ascenderet per viam pueri parvi egressi sunt de civitate et inludebant ei dicentes ascende calve ascende calve

⁵ et inruet populus vir ad virum unusquisque ad proximum suum tumultuabitur puer contra senem et ignobilis contra nobilem

¹⁴ qui tollit ab amico suo misericordiam timorem Domini derelinquit ¹⁵ fratres mei praeterierunt me sicut torrens qui raptim transit in convallibus

⁹ sed et homo pacificus meus in quo habui fiduciam qui manducabat panem meum levavit contra me plantam

²⁰ extendit manum suam ad pacifica sua contaminabit pactum suum

⁴ pro eo quod eos diligebam adversabantur mihi ego autem orabam ⁵ et posuerunt contra me malum pro bono et odium pro dilectione mea

⁴⁸ Iesus autem dixit ei Iuda osculo Filium hominis tradis

⁴ cui respondens Satan ait pellem pro pelle et cuncta quae habet homo dabit pro anima sua ⁵ alioquin mitte manum tuam et tange os eius et carnem et tunc videbis quod in facie benedicat tibi ⁶ dixit ergo Dominus ad Satan ecce in manu tua est verumtamen animam illius serva

⁵ induta est caro mea putredine et sordibus pulveris cutis mea aruit et contracta est

³⁰ cutis mea denigrata est super me et ossa mea aruerunt prae caumate

¹⁹ increpat quoque per dolorem in lectulo et omnia ossa eius marcescere facit ²⁰ abominabilis ei fit in vita sua panis et animae illius cibus ante desiderabilis ²¹ tabescet caro eius et ossa quae tecta fuerant nudabuntur ²² adpropinquabit corruptioni anima eius et vita illius mortiferis

¹⁴ sicut aqua effusus sum et separata sunt omnia ossa mea factum est cor meum sicut cera liquefacta in medio ventris mei ¹⁵ aruit velut testa fortitudo mea et lingua mea adhesit palato meo et in pulverem mortis detraxisti me ¹⁶ circumdederunt me venatores concilium pessimorum vallavit me vinxerunt manus meas et pedes meos ¹⁷ numeravi omnia ossa mea quae ipsi respicientes viderunt in me

³ quia tacui adtrita sunt ossa mea in rugitu meo tota die ⁴ die enim et nocte gravatur super me manus tua versatus sum in miseria mea cum exardesceret messis iugiter

³ non est sanitas in carne mea a facie indignationis tuae non est pax ossibus meis a facie peccati mei

³ ne abscondas faciem tuam a me in die tribulationis meae inclina ad me aurem tuam in quacumque die invocavero velociter exaudi me

⁵ percussum est quasi faenum et arefactum est cor meum quia oblitus sum comedere panem meum

⁴ BETH vetustam fecit pellem meam et carnem meam contrivit ossa mea

⁸ HETH denigrata est super carbones facies eorum et non sunt cogniti in plateis adhesit cutis eorum ossibus aruit et facta est quasi lignum

¹⁰ pellis nostra quasi clibanus exusta est a facie tempestatum famis

¹¹ sed extende paululum manum tuam et tange cuncta quae possidet nisi in facie tua benedixerit tibi

⁵ alioquin mitte manum tuam et tange os eius et carnem et tunc videbis quod in facie benedicat tibi

¹⁰ qui ait ad illam quasi una de stultis locuta es si bona suscepimus de manu Domini quare mala non suscipiamus in omnibus his non peccavit Iob labiis suis

⁴ quia sagittae Domini in me sunt quarum indignatio ebibit spiritum meum et terrores Domini militant contra me

¹⁴ qui tollit ab amico suo misericordiam timorem Domini derelinquit

² quia sagittae tuae infixae sunt mihi et tetigit me manus tua

¹⁵ gaudere cum gaudentibus flere cum flentibus

²⁶ et si quid patitur unum membrum conpatiuntur omnia membra sive gloriatur unum membrum congaudent omnia membra

³ mementote vinctorum tamquam simul vincti et laborantium tamquam et ipsi in corpore morantes

¹⁶ et propter superbiam quasi leaenam capies me reversusque mirabiliter me crucias

²⁵ contra folium quod vento rapitur ostendis potentiam tuam et stipulam siccam persequeris

³¹ si non dixerunt viri tabernaculi mei quis det de carnibus eius ut saturemur

²⁶ da iniquitatem super iniquitatem eorum et non veniant in iustitia tua

³ qui comederunt carnem populi mei et pellem eorum desuper excoriaverunt et ossa eorum confregerunt et conciderunt sicut in lebete et quasi carnem in medio ollae

³⁵ quis mihi tribuat auditorem ut desiderium meum Omnipotens audiat et librum scribat ipse qui iudicat

¹ et dixit Dominus ad me sume tibi librum grandem et scribe in eo stilo hominis Velociter spolia detrahe Cito praedare

⁸ nunc ingressus scribe eis super buxum et in libro diligenter exara illud et erit in die novissimo in testimonium usque ad aeternum

¹¹ opere sculptoris et celatura gemmarii sculpes eos nominibus filiorum Israhel inclusos auro atque circumdatos ¹² et pones in utroque latere superumeralis memoriale filiis Israhel portabitque Aaron nomina eorum coram Domino super utrumque umerum ob recordationem

²¹ habebuntque nomina filiorum Israhel duodecim nominibus celabuntur singuli lapides nominibus singulorum per duodecim tribus

¹⁶ et factas opere Dei scriptura quoque Dei erat sculpta in tabulis

² cumque transieritis Iordanem in terram quam Dominus Deus tuus dabit tibi eriges ingentes lapides et calce levigabis eos ³ ut possis in eis scribere omnia verba legis huius Iordane transmisso ut introeas terram quam Dominus Deus tuus dabit tibi terram lacte et melle manantem sicut iuravit patribus tuis

⁸ et scribes super lapides omnia verba legis huius plane et lucide

¹ peccatum Iuda scriptum est stilo ferreo in ungue adamantino exaratum super latitudinem cordis eorum et in cornibus ararum eorum

¹⁵ inimicitias ponam inter te et mulierem et semen tuum et semen illius ipsa conteret caput tuum et tu insidiaberis calcaneo eius

¹⁸ et benedicentur in semine tuo omnes gentes terrae quia oboedisti voci meae

¹⁹ ecce enim in caelo testis meus et conscius meus in excelsis

²³ si fuerit pro eo angelus loquens unum de milibus ut adnuntiet hominis aequitatem ²⁴ miserebitur eius et dicet libera eum et non descendat in corruptionem inveni in quo ei propitier

¹⁴ sint placentes sermones oris mei meditatio cordis mei in conspectu tuo Domine fortitudo mea et redemptor meus

³⁵ cor autem eorum non erat firmum cum eo nec permanserunt in pacto eius

¹¹ propinquus enim eorum Fortis est et ipse iudicabit contra te causam illorum

¹⁴ haec dicit Dominus redemptor vester Sanctus Israhel propter vos emisi Babylonem et detraxi vectes universos et Chaldeos in navibus suis gloriantes

⁵ quia dominabitur tui qui fecit te Dominus exercituum nomen eius et redemptor tuus Sanctus Israhel Deus omnis terrae vocabitur

²⁰ et venerit Sion redemptor et eis qui redeunt ab iniquitate in Iacob dicit Dominus ²¹ hoc foedus meum cum eis dicit Dominus spiritus meus qui est in te et verba mea quae posui in ore tuo non recedent de ore tuo et de ore seminis tui et de ore seminis seminis tui dixit Dominus amodo et usque in sempiternum

³⁴ redemptor eorum Fortis Dominus exercituum nomen eius iudicio defendet causam eorum ut exterreat terram et commoveat habitatores Babylonis

²² neque enim Pater iudicat quemquam sed iudicium omne dedit Filio ²³ ut omnes honorificent Filium sicut honorificant Patrem qui non honorificat Filium non honorificat Patrem qui misit illum ²⁴ amen amen dico vobis quia qui verbum meum audit et credit ei qui misit me habet vitam aeternam et in iudicium non venit sed transit a morte in vitam ²⁵ amen amen dico vobis quia venit hora et nunc est quando mortui audient vocem Filii Dei et qui audierint vivent ²⁶ sicut enim Pater habet vitam in semet ipso sic dedit et Filio vitam habere in semet ipso ²⁷ et potestatem dedit ei et iudicium facere quia Filius hominis est ²⁸ nolite mirari hoc quia venit hora in qua omnes qui in monumentis sunt audient vocem eius ²⁹ et procedent qui bona fecerunt in resurrectionem vitae qui vero mala egerunt in resurrectionem iudicii

⁷ in quo habemus redemptionem per sanguinem eius remissionem peccatorum secundum divitias gratiae eius

¹⁴ prophetavit autem et his septimus ab Adam Enoc dicens ecce venit Dominus in sanctis milibus suis

⁹ proponebam in conspectu meo semper quia a dextris meis est ne commovear

¹¹ non enim derelinques animam meam in inferno nec dabis sanctum tuum videre corruptionem ostendes mihi semitam vitae plenitudinem laetitiarum ante vultum tuum decores in dextera tua aeternos

¹⁵ ego in iustitia videbo faciem tuam implebor cum evigilavero similitudine tua

⁸ beati mundo corde quoniam ipsi Deum videbunt

¹² videmus nunc per speculum in enigmate tunc autem facie ad faciem nunc cognosco ex parte tunc autem cognoscam sicut et cognitus sum

⁵³ oportet enim corruptibile hoc induere incorruptelam et mortale hoc induere inmortalitatem

²¹ qui reformabit corpus humilitatis nostrae configuratum corpori claritatis suae secundum operationem qua possit etiam subicere sibi omnia

² carissimi nunc filii Dei sumus et nondum apparuit quid erimus scimus quoniam cum apparuerit similes ei erimus quoniam videbimus eum sicuti est

⁷ ecce venit cum nubibus et videbit eum omnis oculus et qui eum pupugerunt et plangent se super eum omnes tribus terrae etiam amen

¹⁷ videbo eum sed non modo intuebor illum sed non prope orietur stella ex Iacob et consurget virga de Israhel et percutiet duces Moab vastabitque omnes filios Seth

²⁶ mihi autem adpropinquare Deo bonum est posui in Domino Deo spem meam ut narrem omnes adnuntiationes tuas

¹⁹ vivent mortui tui interfecti mei resurgent expergiscimini et laudate qui habitatis in pulvere quia ros lucis ros tuus et terram gigantum detrahes in ruinam

¹³ et planget eum omnis Israhel et sepeliet iste enim solus infertur de Hieroboam in sepulchrum quia inventus est super eo sermo bonus ad Dominum Deum Israhel in domo Hieroboam

²² quare persequimini me sicut Deus et carnibus meis saturamini

⁷ numquid Deus indiget vestro mendacio ut pro illo loquamini dolos ⁸ numquid faciem eius accipitis et pro Deo iudicare nitimini ⁹ aut placebit ei quem celare nihil potest aut decipietur ut homo vestris fraudulentiis ¹⁰ ipse vos arguet quoniam in abscondito faciem eius accipitis ¹¹ statim ut se commoverit turbabit vos et terror eius inruet super vos

²² non credit quod reverti possit de tenebris circumspectans undique gladium

⁴ numquid timens arguet te et veniet tecum in iudicium

⁵ propterea non resurgent impii in iudicio neque peccatores in congregatione iustorum

⁷ Dominus autem in sempiternum sedebit stabilivit ad iudicandum solium suum

¹⁰ et dicet homo vere fructus est iusto vere est Deus iudicans in terra ¹¹ victori ut non disperdas David humilem et simplicem quando misit Saul et custodierunt domum ut occiderent eum erue me de inimicis meis Deus meus et a resistentibus mihi protege me

⁹ laetare ergo iuvenis in adulescentia tua et in bono sit cor tuum in diebus iuventutis tuae et ambula in viis cordis tui et in intuitu oculorum tuorum et scito quod pro omnibus his adducet te Deus in iudicium

¹⁴ et cuncta quae fiunt adducet Deus in iudicium pro omni errato sive bonum sive malum sit

¹ nolite iudicare ut non iudicemini ² in quo enim iudicio iudicaveritis iudicabimini et in qua mensura mensi fueritis metietur vobis

¹ omnis anima potestatibus sublimioribus subdita sit non est enim potestas nisi a Deo quae autem sunt a Deo ordinatae sunt ² itaque qui resistit potestati Dei ordinationi resistit qui autem resistunt ipsi sibi damnationem adquirunt ³ nam principes non sunt timori boni operis sed mali vis autem non timere potestatem bonum fac et habebis laudem ex illa ⁴ Dei enim minister est tibi in bonum si autem male feceris time non enim sine causa gladium portat Dei enim minister est vindex in iram ei qui malum agit

¹¹ nolite detrahere de alterutrum fratres qui detrahit fratri aut qui iudicat fratrem suum detrahit legi et iudicat legem si autem iudicas legem non es factor legis sed iudex ¹² unus est legislator et iudex qui potest perdere et liberare tu autem quis es qui iudicas proximum