Matthew 12:50 Cross References - Vulgate

⁵⁰ quicumque enim fecerit voluntatem Patris mei qui in caelis est ipse meus et frater et soror et mater est

²² narrabo nomen tuum fratribus meis in medio ecclesiae laudabo te

⁹ vulnerasti cor meum soror mea sponsa vulnerasti cor meum in uno oculorum tuorum et in uno crine colli tui ¹⁰ quam pulchrae sunt mammae tuae soror mea sponsa pulchriora ubera tua vino et odor unguentorum tuorum super omnia aromata

¹² hortus conclusus soror mea sponsa hortus conclusus fons signatus

¹ veniat dilectus meus in hortum suum et comedat fructum pomorum suorum veni in hortum meum soror mea sponsa messui murram meam cum aromatibus meis comedi favum cum melle meo bibi vinum meum cum lacte meo comedite amici bibite et inebriamini carissimi ² ego dormio et cor meum vigilat vox dilecti mei pulsantis aperi mihi soror mea amica mea columba mea inmaculata mea quia caput meum plenum est rore et cincinni mei guttis noctium

²⁰ igitur ex fructibus eorum cognoscetis eos ²¹ non omnis qui dicit mihi Domine Domine intrabit in regnum caelorum sed qui facit voluntatem Patris mei qui in caelis est ipse intrabit in regnum caelorum

⁵ adhuc eo loquente ecce nubes lucida obumbravit eos et ecce vox de nube dicens hic est Filius meus dilectus in quo mihi bene conplacuit ipsum audite

⁴⁰ et respondens rex dicet illis amen dico vobis quamdiu fecistis uni de his fratribus meis minimis mihi fecistis

⁴⁵ tunc respondebit illis dicens amen dico vobis quamdiu non fecistis uni de minoribus his nec mihi fecistis

¹⁰ tunc ait illis Iesus nolite timere ite nuntiate fratribus meis ut eant in Galilaeam ibi me videbunt

³⁵ qui enim fecerit voluntatem Dei hic frater meus et soror mea et mater est

²¹ qui respondens dixit ad eos mater mea et fratres mei hii sunt qui verbum Dei audiunt et faciunt

²⁷ factum est autem cum haec diceret extollens vocem quaedam mulier de turba dixit illi beatus venter qui te portavit et ubera quae suxisti ²⁸ at ille dixit quippini beati qui audiunt verbum Dei et custodiunt

²⁹ respondit Iesus et dixit eis hoc est opus Dei ut credatis in eum quem misit ille

⁴⁰ haec est enim voluntas Patris mei qui misit me ut omnis qui videt Filium et credit in eum habeat vitam aeternam et resuscitabo ego eum in novissimo die

¹⁴ vos amici mei estis si feceritis quae ego praecipio vobis

²⁶ cum vidisset ergo Iesus matrem et discipulum stantem quem diligebat dicit matri suae mulier ecce filius tuus ²⁷ deinde dicit discipulo ecce mater tua et ex illa hora accepit eam discipulus in sua

¹⁷ dicit ei Iesus noli me tangere nondum enim ascendi ad Patrem meum vade autem ad fratres meos et dic eis ascendo ad Patrem meum et Patrem vestrum et Deum meum et Deum vestrum

²² Moses quidem dixit quia prophetam vobis suscitabit Dominus Deus vester de fratribus vestris tamquam me ipsum audietis iuxta omnia quaecumque locutus fuerit vobis ²³ erit autem omnis anima quae non audierit prophetam illum exterminabitur de plebe

³⁰ et producens eos foras ait domini quid me oportet facere ut salvus fiam ³¹ at illi dixerunt crede in Domino Iesu et salvus eris tu et domus tua

³⁰ et tempora quidem huius ignorantiae despiciens Deus nunc adnuntiat hominibus ut omnes ubique paenitentiam agant

²⁰ sed his qui sunt Damasci primum et Hierosolymis et in omnem regionem Iudaeae et gentibus adnuntiabam ut paenitentiam agerent et converterentur ad Deum digna paenitentiae opera facientes

²⁹ nam quos praescivit et praedestinavit conformes fieri imaginis Filii eius ut sit ipse primogenitus in multis fratribus

⁵ numquid non habemus potestatem sororem mulierem circumducendi sicut et ceteri apostoli et fratres Domini et Cephas

² aemulor enim vos Dei aemulatione despondi enim vos uni viro virginem castam exhibere Christo

⁶ nam in Christo Iesu neque circumcisio aliquid valet neque praeputium sed fides quae per caritatem operatur

¹⁵ in Christo enim Iesu neque circumcisio aliquid valet neque praeputium sed nova creatura

²⁵ viri diligite uxores sicut et Christus dilexit ecclesiam et se ipsum tradidit pro ea ²⁶ ut illam sanctificaret mundans lavacro aquae in verbo ²⁷ ut exhiberet ipse sibi gloriosam ecclesiam non habentem maculam aut rugam aut aliquid eiusmodi sed ut sit sancta et inmaculata

¹¹ ubi non est gentilis et Iudaeus circumcisio et praeputium barbarus et Scytha servus et liber sed omnia et in omnibus Christus

² anus ut matres iuvenculas ut sorores in omni castitate

¹¹ qui enim sanctificat et qui sanctificantur ex uno omnes propter quam causam non confunditur fratres eos vocare dicens ¹² nuntiabo nomen tuum fratribus meis in medio ecclesiae laudabo te ¹³ et iterum ego ero fidens in eum et iterum ecce ego et pueri mei quos mihi dedit Deus ¹⁴ quia ergo pueri communicaverunt sanguini et carni et ipse similiter participavit hisdem ut per mortem destrueret eum qui habebat mortis imperium id est diabolum ¹⁵ et liberaret eos qui timore mortis per totam vitam obnoxii erant servituti ¹⁶ nusquam enim angelos adprehendit sed semen Abrahae adprehendit ¹⁷ unde debuit per omnia fratribus similare ut misericors fieret et fidelis pontifex ad Deum ut repropitiaret delicta populi

⁹ et consummatus factus est omnibus obtemperantibus sibi causa salutis aeternae

²¹ propter quod abicientes omnem inmunditiam et abundantiam malitiae in mansuetudine suscipite insitum verbum quod potest salvare animas vestras ²² estote autem factores verbi et non auditores tantum fallentes vosmet ipsos

² ut iam non hominum desideriis sed voluntate Dei quod reliquum est in carne vivat temporis

¹⁷ et mundus transit et concupiscentia eius qui autem facit voluntatem Dei manet in aeternum

²³ et hoc est mandatum eius ut credamus in nomine Filii eius Iesu Christi et diligamus alterutrum sicut dedit mandatum nobis ²⁴ et qui servat mandata eius in illo manet et ipse in eo et in hoc scimus quoniam manet in nobis de Spiritu quem nobis dedit

¹⁴ beati qui lavant stolas suas ut sit potestas eorum in ligno vitae et portis intrent in civitatem