Numbers 20:28 Cross References - Vulgate

²⁸ cumque Aaron spoliasset vestibus suis induit eis Eleazarum filium eius illo mortuo in montis supercilio descendit cum Eleazaro

²⁹ vestem autem sanctam qua utitur Aaron habebunt filii eius post eum ut unguantur in ea et consecrentur manus eorum ³⁰ septem diebus utetur illa qui pontifex pro eo fuerit constitutus de filiis eius et qui ingredietur tabernaculum testimonii ut ministret in sanctuario

²⁶ cumque nudaveris patrem veste sua indues ea Eleazarum filium eius et Aaron colligetur et morietur ibi

¹⁶ provideat Dominus Deus spirituum omnis carnis hominem qui sit super multitudinem hanc ¹⁷ et possit exire et intrare ante eos et educere illos vel introducere ne sit populus Domini sicut oves absque pastore ¹⁸ dixitque Dominus ad eum tolle Iosue filium Nun virum in quo est spiritus et pone manum tuam super eum ¹⁹ qui stabit coram Eleazaro sacerdote et omni multitudine ²⁰ et dabis ei praecepta cunctis videntibus et partem gloriae tuae ut audiat eum omnis synagoga filiorum Israhel ²¹ pro hoc si quid agendum erit Eleazar sacerdos consulet Dominum ad verbum eius egredietur et ingredietur ipse et omnes filii Israhel cum eo et cetera multitudo ²² fecit Moses ut praeceperat Dominus cumque tulisset Iosue statuit eum coram Eleazaro sacerdote et omni frequentia populi ²³ et inpositis capiti eius manibus cuncta replicavit quae mandaverat Dominus

³⁸ ascenditque Aaron sacerdos montem Hor iubente Domino et ibi mortuus est anno quadragesimo egressionis filiorum Israhel ex Aegypto mense quinto prima die mensis ³⁹ cum esset annorum centum viginti trium ⁴⁰ audivitque Chananeus rex Arad qui habitabat ad meridiem in terra Chanaan venisse filios Israhel ⁴¹ et profecti de monte Hor castrametati sunt in Salmona ⁴² unde egressi venerunt in Phinon ⁴³ profectique de Phinon castrametati sunt in Oboth ⁴⁴ et de Oboth venerunt in Ieabarim quae est in finibus Moabitarum ⁴⁵ profectique de Ieabarim fixere tentoria in Dibongad ⁴⁶ unde egressi castrametati sunt in Elmondeblathaim ⁴⁷ egressi de Elmondeblathaim venerunt ad montes Abarim contra Nabo ⁴⁸ profectique de montibus Abarim transierunt ad campestria Moab super Iordanem contra Hiericho ⁴⁹ ibique castrametati sunt de Bethsimon usque ad Belsattim in planioribus locis Moabitarum

⁶ filii autem Israhel castra moverunt ex Beroth filiorum Iacan in Musera ubi Aaron mortuus ac sepultus est pro quo sacerdotio functus est filius eius Eleazar

⁷ vocavitque Moses Iosue et dixit ei coram omni Israhel confortare et esto robustus tu enim introduces populum istum in terram quam daturum se patribus eorum iuravit Dominus et tu eam sorte divides ⁸ et Dominus qui ductor vester est ipse erit tecum non dimittet nec derelinquet te noli timere nec paveas

⁴⁹ ascende in montem istum Abarim id est transituum in montem Nebo qui est in terra Moab contra Hiericho et vide terram Chanaan quam ego tradam filiis Israhel obtinendam et morere in monte ⁵⁰ quem conscendens iungeris populis tuis sicut mortuus est Aaron frater tuus in monte Hor et adpositus populis suis

⁵ mortuusque est ibi Moses servus Domini in terra Moab iubente Domino

⁹ Iosue vero filius Nun repletus est spiritu sapientiae quia Moses posuit super eum manus suas et oboedierunt ei filii Israhel feceruntque sicut praecepit Dominus Mosi

¹¹ nunc ergo fili mi sit Dominus tecum et prosperare et aedifica domum Domino Deo tuo sicut locutus est de te ¹² det quoque tibi Dominus prudentiam et sensum ut regere possis Israhel et custodire legem Domini Dei tui

¹⁷ praecepit quoque David cunctis principibus Israhel ut adiuvarent Salomonem filium suum

⁵ sed et de filiis meis filios enim multos dedit mihi Dominus elegit Salomonem filium meum ut sederet in throno regni Domini super Israhel ⁶ dixitque mihi Salomon filius tuus aedificabit domum meam et atria mea ipsum enim elegi mihi in filium et ego ero ei in patrem ⁷ et firmabo regnum eius usque in aeternum si perseveraverit facere praecepta mea et iudicia sicut et hodie ⁸ nunc igitur coram universo coetu Israhel audiente Deo nostro custodite et perquirite cuncta mandata Domini Dei nostri ut possideatis terram bonam et relinquatis eam filiis vestris post vos usque in sempiternum ⁹ tu autem Salomon fili mi scito Deum patris tui et servi ei corde perfecto et animo voluntario omnia enim corda scrutatur Dominus et universas mentium cogitationes intellegit si quaesieris eum invenies si autem dereliqueris illum proiciet te in aeternum

²⁵ et nunc ecce ego scio quia amplius non videbitis faciem meam vos omnes per quos transivi praedicans regnum Dei ²⁶ quapropter contestor vos hodierna die quia mundus sum a sanguine omnium ²⁷ non enim subterfugi quo minus adnuntiarem omne consilium Dei vobis ²⁸ adtendite vobis et universo gregi in quo vos Spiritus Sanctus posuit episcopos regere ecclesiam Dei quam adquisivit sanguine suo ²⁹ ego scio quoniam intrabunt post discessionem meam lupi graves in vos non parcentes gregi

²⁴ hic autem eo quod maneat in aeternum sempiternum habet sacerdotium ²⁵ unde et salvare in perpetuo potest accedentes per semet ipsum ad Deum semper vivens ad interpellandum pro eis

¹⁵ dabo autem operam et frequenter habere vos post obitum meum ut horum memoriam faciatis