Numbers 34 Cross References - Vulgate

¹ locutus est Dominus ad Mosen ² praecipe filiis Israhel et dices ad eos cum ingressi fueritis terram Chanaan et in possessionem vobis sorte ceciderit his finibus terminabitur ³ pars meridiana incipiet a solitudine Sin quae est iuxta Edom et habebit terminos contra orientem mare Salsissimum ⁴ qui circumibunt australem plagam per ascensum Scorpionis ita ut transeant Senna et perveniant in meridiem usque ad Cadesbarne unde egredientur confinia ad villam nomine Addar et tendent usque Asemona ⁵ ibitque per gyrum terminus ab Asemona usque ad torrentem Aegypti et maris Magni litore finietur ⁶ plaga autem occidentalis a mari Magno incipiet et ipso fine cludetur ⁷ porro ad septentrionalem plagam a mari Magno termini incipient pervenientes usque ad montem Altissimum ⁸ a quo venies in Emath usque ad terminos Sedada ⁹ ibuntque confinia usque Zephrona et villam Henan hii erunt termini in parte aquilonis ¹⁰ inde metabuntur fines contra orientalem plagam de villa Henan usque Sephama ¹¹ et de Sephama descendent termini in Rebla contra fontem inde pervenient contra orientem ad mare Chenereth ¹² et tendent usque Iordanem et ad ultimum Salsissimo cludentur mari hanc habebitis terram per fines suos in circuitu ¹³ praecepitque Moses filiis Israhel dicens haec erit terra quam possidebitis sorte et quam iussit dari Dominus novem tribubus et dimidiae tribui ¹⁴ tribus enim filiorum Ruben per familias suas et tribus filiorum Gad iuxta cognationum numerum media quoque tribus Manasse ¹⁵ id est duae semis tribus acceperunt partem suam trans Iordanem contra Hiericho ad orientalem plagam ¹⁶ et ait Dominus ad Mosen ¹⁷ haec sunt nomina virorum qui terram vobis divident Eleazar sacerdos et Iosue filius Nun ¹⁸ et singuli principes de tribubus singulis ¹⁹ quorum ista sunt vocabula de tribu Iuda Chaleb filius Iepphonne ²⁰ de tribu Symeon Samuhel filius Ammiud ²¹ de tribu Beniamin Helidad filius Chaselon ²² de tribu filiorum Dan Bocci filius Iogli ²³ filiorum Ioseph de tribu Manasse Hannihel filius Ephod ²⁴ de tribu Ephraim Camuhel filius Sephtan ²⁵ de tribu Zabulon Elisaphan filius Pharnach ²⁶ de tribu Isachar dux Faltihel filius Ozan ²⁷ de tribu Aser Ahiud filius Salomi ²⁸ de tribu Nepthali Phedahel filius Ameiud ²⁹ hii sunt quibus praecepit Dominus ut dividerent filiis Israhel terram Chanaan

⁶ pertransivit Abram terram usque ad locum Sychem usque ad convallem Inlustrem Chananeus autem tunc erat in terra ⁷ apparuitque Dominus Abram et dixit ei semini tuo dabo terram hanc qui aedificavit ibi altare Domino qui apparuerat ei

¹⁵ omnem terram quam conspicis tibi dabo et semini tuo usque in sempiternum ¹⁶ faciamque semen tuum sicut pulverem terrae si quis potest hominum numerare pulverem semen quoque tuum numerare poterit ¹⁷ surge et perambula terram in longitudine et in latitudine sua quia tibi daturus sum eam

¹⁶ generatione autem quarta revertentur huc necdum enim conpletae sunt iniquitates Amorreorum usque ad praesens tempus ¹⁷ cum ergo occubuisset sol facta est caligo tenebrosa et apparuit clibanus fumans et lampas ignis transiens inter divisiones illas ¹⁸ in die illo pepigit Dominus cum Abram foedus dicens semini tuo dabo terram hanc a fluvio Aegypti usque ad fluvium magnum flumen Eufraten ¹⁹ Cineos et Cenezeos et Cedmoneos ²⁰ et Hettheos et Ferezeos Rafaim quoque ²¹ et Amorreos et Chananeos et Gergeseos et Iebuseos

⁸ daboque tibi et semini tuo terram peregrinationis tuae omnem terram Chanaan in possessionem aeternam eroque Deus eorum

⁵¹ praecipe filiis Israhel et dic ad eos quando transieritis Iordanem intrantes terram Chanaan ⁵² disperdite cunctos habitatores regionis illius confringite titulos et statuas comminuite atque omnia excelsa vastate ⁵³ mundantes terram et habitantes in ea ego enim dedi vobis illam in possessionem

⁷ revertimini et venite ad montem Amorreorum et ad cetera quae ei proxima sunt campestria atque montana et humiliora loca contra meridiem et iuxta litus maris terram Chananeorum et Libani usque ad flumen magnum Eufraten ⁸ en inquit tradidi vobis ingredimini et possidete eam super qua iuravit Dominus patribus vestris Abraham et Isaac et Iacob ut daret illam eis et semini eorum post eos

⁵ multiplicabuntur idola eorum post tergum sequentium non litabo libamina eorum de sanguine neque adsumam nomina eorum in labiis meis ⁶ Dominus pars hereditatis meae et calicis mei tu possessor sortis meae

⁵⁴ et temptaverunt et provocaverunt Deum excelsum et testimonia eius non custodierunt ⁵⁵ et aversi sunt et praevaricati sunt ut patres eorum incurvati sunt quasi arcus inutilis

¹¹ et firmavit illud cum Iacob in lege cum Israhel pactum sempiternum

¹⁹ ego autem dixi quomodo ponam te in filiis et tribuam tibi terram desiderabilem hereditatem praeclaram exercituum gentium et dixi patrem vocabis me et post me ingredi non cessabis

¹⁴ possidebitis autem eam singuli aeque ut frater suus quam levavi manum meam ut darem patribus vestris et cadet terra haec vobis in possessionem

²⁶ fecitque ex uno omne genus hominum inhabitare super universam faciem terrae definiens statuta tempora et terminos habitationis eorum

¹⁸ aperire oculos eorum ut convertantur a tenebris ad lucem et de potestate Satanae ad Deum ut accipiant remissionem peccatorum et sortem inter sanctos per fidem quae est in me

¹⁴ qui est pignus hereditatis nostrae in redemptionem adquisitionis in laudem gloriae ipsius

¹⁸ inluminatos oculos cordis vestri ut sciatis quae sit spes vocationis eius quae divitiae gloriae hereditatis eius in sanctis

³ benedictus Deus et Pater Domini nostri Iesu Christi qui secundum magnam misericordiam suam regeneravit nos in spem vivam per resurrectionem Iesu Christi ex mortuis ⁴ in hereditatem incorruptibilem et incontaminatam et inmarcescibilem conservatam in caelis in vobis

³ omnes hii convenerunt in vallem Silvestrem quae nunc est mare Salis

³¹ ponam autem terminos tuos a mari Rubro usque ad mare Palestinorum et a deserto usque ad Fluvium tradam manibus vestris habitatores terrae et eiciam eos de conspectu vestro

¹⁶ steterunt aquae descendentes in uno loco et instar montis intumescentes apparebant procul ab urbe quae vocatur Adom usque ad locum Sarthan quae autem inferiores erant in mare Solitudinis quod nunc vocatur Mortuum descenderunt usquequo omnino deficerent

¹ igitur sors filiorum Iudae per cognationes suas ista fuit a termino Edom desertum Sin contra meridiem et usque ad extremam partem australis plagae ² initium eius a summitate maris Salsissimi et a lingua eius quae respicit meridiem ³ egrediturque contra ascensum Scorpionis et pertransit in Sina ascenditque in Cadesbarne et pervenit in Esrom ascendens Addara et circumiens Caricaa ⁴ atque inde pertransiens in Asemona et perveniens ad torrentem Aegypti eruntque termini eius mare Magnum hic erit finis meridianae plagae ⁵ ab oriente vero erit initium mare Salsissimum usque ad extrema Iordanis et ea quae respiciunt aquilonem a lingua maris usque ad eundem Iordanem fluvium ⁶ ascenditque terminus in Bethagla et transit ab aquilone in Betharaba ascendens ad lapidem Boem filii Ruben ⁷ et tendens usque ad terminos Debera de valle Achor contra aquilonem respiciens Galgala quae est ex adverso ascensionis Adommim ab australi parte torrentis transitque aquas quae vocantur fons Solis et erunt exitus eius ad fontem Rogel ⁸ ascenditque per convallem filii Ennom ex latere Iebusei ad meridiem haec est Hierusalem et inde se erigens ad verticem montis qui est contra Gehennom ad occidentem in summitate vallis Rafaim contra aquilonem ⁹ pertransitque a vertice montis usque ad fontem aquae Nepthoa et pervenit usque ad vicos montis Ephron inclinaturque in Bala quae est Cariathiarim id est urbs Silvarum ¹⁰ et circuit de Bala contra occidentem usque ad montem Seir transitque iuxta latus montis Iarim ad aquilonem in Cheslon et descendit in Bethsames transitque in Thamna ¹¹ et pervenit contra aquilonem partis Accaron ex latere inclinaturque Sechrona et transit montem Baala pervenitque in Iebnehel et maris Magni contra occidentem fine concluditur ¹² hii sunt termini filiorum Iuda per circuitum in cognationibus suis

⁸ et ait ad me aquae istae quae egrediuntur ad tumulos sabuli orientalis et descendunt ad plana deserti intrabunt mare et exibunt et sanabuntur aquae

¹³ haec dicit Dominus Deus hic est terminus in quo possidebitis terram in duodecim tribubus Israhel quia Ioseph duplicem funiculum habet

¹⁸ porro plaga orientalis de medio Auran et de medio Damasci et de medio Galaad et de medio terrae Israhel Iordanis disterminans ad mare orientale metiemini etiam plagam orientalem ¹⁹ plaga autem australis meridiana a Thamar usque ad aquas Contradictionis Cades et torrens usque ad mare magnum et plaga ad meridiem australis ²⁰ et plaga maris mare magnum a confinio per directum donec venias Emath haec est plaga maris ²¹ et dividetis terram istam vobis per tribus Israhel ²² et mittetis eam in hereditatem vobis et advenis qui accesserint ad vos qui genuerint filios in medio vestrum et erunt vobis sicut indigenae inter filios Israhel vobiscum divident possessionem in medio tribuum Israhel ²³ in tribu autem quacumque fuerit advena ibi dabitis possessionem illi ait Dominus Deus

²¹ cumque ascendissent exploraverunt terram a deserto Sin usque Roob intrantibus Emath

²⁶ venerunt ad Mosen et Aaron et ad omnem coetum filiorum Israhel in desertum Pharan quod est in Cades locutique eis et omni multitudini ostenderunt fructus terrae

¹ veneruntque filii Israhel et omnis multitudo in desertum Sin mense primo et mansit populus in Cades mortuaque est ibi Maria et sepulta in eodem loco

⁸ nonne ita egerunt patres vestri quando misi de Cadesbarne ad explorandam terram

³⁶ inde profecti venerunt in desertum Sin haec est Cades ³⁷ egressique de Cades castrametati sunt in monte Hor in extremis finibus terrae Edom

³ pars meridiana incipiet a solitudine Sin quae est iuxta Edom et habebit terminos contra orientem mare Salsissimum

³ egrediturque contra ascensum Scorpionis et pertransit in Sina ascenditque in Cadesbarne et pervenit in Esrom ascendens Addara et circumiens Caricaa ⁴ atque inde pertransiens in Asemona et perveniens ad torrentem Aegypti eruntque termini eius mare Magnum hic erit finis meridianae plagae

³⁶ fuit autem terminus Amorrei ab ascensu Scorpionis Petra et superiora loca

¹⁸ in die illo pepigit Dominus cum Abram foedus dicens semini tuo dabo terram hanc a fluvio Aegypti usque ad fluvium magnum flumen Eufraten

⁶ plaga autem occidentalis a mari Magno incipiet et ipso fine cludetur ⁷ porro ad septentrionalem plagam a mari Magno termini incipient pervenientes usque ad montem Altissimum

⁴ atque inde pertransiens in Asemona et perveniens ad torrentem Aegypti eruntque termini eius mare Magnum hic erit finis meridianae plagae

⁴⁷ Azotus cum vicis et villulis suis Gaza cum viculis et villulis suis usque ad torrentem Aegypti mare Magnum terminus eius

⁶⁵ fecit ergo Salomon in tempore illo festivitatem celebrem et omnis Israhel cum eo multitudo magna ab introitu Emath usque ad rivum Aegypti coram Domino Deo nostro septem diebus et septem diebus id est quattuordecim diebus

¹² et erit in die illa percutiet Dominus ab alveo Fluminis usque ad torrentem Aegypti et vos congregabimini unus et unus filii Israhel

⁴ a deserto et Libano usque ad fluvium magnum Eufraten omnis terra Hettheorum usque ad mare Magnum contra solis occasum erit terminus vester

¹ quibus auditis cuncti reges trans Iordanem qui versabantur in montanis et in campestribus in maritimis ac litore maris Magni hii quoque qui habitabant iuxta Libanum Hettheus et Amorreus et Chananeus Ferezeus et Eveus et Iebuseus

¹² hii sunt termini filiorum Iuda per circuitum in cognationibus suis

⁴ et nunc quia vobis sorte divisit omnem terram ab orientali parte Iordanis usque ad mare Magnum multaeque adhuc supersunt nationes

¹⁰ vivent et stabunt super illa piscatores ab Engaddi usque ad Engallim siccatio sagenarum erunt plurimae species erunt piscium eius sicut pisces maris magni multitudinis nimiae

¹⁵ hic est autem terminus terrae ad plagam septentrionalem a mari magno via Bethalon venientibus Sadada

²⁰ et plaga maris mare magnum a confinio per directum donec venias Emath haec est plaga maris

³⁷ egressique de Cades castrametati sunt in monte Hor in extremis finibus terrae Edom

⁶ plaga autem occidentalis a mari Magno incipiet et ipso fine cludetur

⁹ ibuntque confinia usque Zephrona et villam Henan hii erunt termini in parte aquilonis ¹⁰ inde metabuntur fines contra orientalem plagam de villa Henan usque Sephama

¹⁵ hic est autem terminus terrae ad plagam septentrionalem a mari magno via Bethalon venientibus Sadada ¹⁶ Emath Berotha Sabarim quae est inter terminum Damasci et confinium Emath domus Atticon quae est iuxta terminos Auran ¹⁷ et erit terminus a mari usque ad atrium Aenon terminus Damasci et ab aquilone ad aquilonem et terminus Emath plaga autem septentrionalis

⁵ eiusque confinia Libani quoque regio contra orientem a Baalgad sub monte Hermon donec ingrediaris Emath ⁶ omnium qui habitant in monte a Libano usque ad aquas Masrefoth universique Sidonii ego sum qui delebo eos a facie filiorum Israhel veniat ergo in parte hereditatis Israhel sicut praecepi tibi

⁹ audivit autem Thou rex Emath quod percussisset David omne robur Adadezer

²⁵ ipse restituit terminos Israhel ab introitu Emath usque ad mare Solitudinis iuxta sermonem Domini Dei Israhel quem locutus est per servum suum Ionam filium Amathi prophetam qui erat de Geth quae est in Opher

⁵ persecutus est autem eos exercitus Chaldeorum et conprehenderunt Sedeciam in campo solitudinis hiericuntinae et captum adduxerunt ad Nabuchodonosor regem Babylonis in Reblatha quae est in terra Emath et locutus est ad eum iudicia

¹⁵ hic est autem terminus terrae ad plagam septentrionalem a mari magno via Bethalon venientibus Sadada ¹⁶ Emath Berotha Sabarim quae est inter terminum Damasci et confinium Emath domus Atticon quae est iuxta terminos Auran ¹⁷ et erit terminus a mari usque ad atrium Aenon terminus Damasci et ab aquilone ad aquilonem et terminus Emath plaga autem septentrionalis ¹⁸ porro plaga orientalis de medio Auran et de medio Damasci et de medio Galaad et de medio terrae Israhel Iordanis disterminans ad mare orientale metiemini etiam plagam orientalem ¹⁹ plaga autem australis meridiana a Thamar usque ad aquas Contradictionis Cades et torrens usque ad mare magnum et plaga ad meridiem australis ²⁰ et plaga maris mare magnum a confinio per directum donec venias Emath haec est plaga maris

¹⁷ et erit terminus a mari usque ad atrium Aenon terminus Damasci et ab aquilone ad aquilonem et terminus Emath plaga autem septentrionalis

¹⁷ et planitiem solitudinis atque Iordanem et terminos Chenereth usque ad mare Deserti quod est Salsissimum ad radices montis Phasga contra orientem

² ad reges quoque aquilonis qui habitabant in montanis et in planitie contra meridiem Cheneroth in campestribus quoque et in regionibus Dor iuxta mare

²⁷ in valle quoque Betharaam et Bethnemra et Soccoth et Saphon reliquam partem regni Seon regis Esebon huius quoque Iordanis finis est usque ad extremam partem maris Chenereth trans Iordanem ad orientalem plagam

³⁵ civitates munitissimae Aseddim Ser et Ammath et Recchath Chenereth

³³ vinxitque eum Pharao Necho in Rebla quae est in terra Emath ne regnaret in Hierusalem et inposuit multam terrae centum talentis argenti et talento auri

⁶ adprehensum ergo regem duxerunt ad regem Babylonis in Reblatha qui locutus est cum eo iudicium

⁵ persecutus est autem eos exercitus Chaldeorum et conprehenderunt Sedeciam in campo solitudinis hiericuntinae et captum adduxerunt ad Nabuchodonosor regem Babylonis in Reblatha quae est in terra Emath et locutus est ad eum iudicia ⁶ et occidit rex Babylonis filios Sedeciae in Reblatha in oculis eius et omnes nobiles Iuda occidit rex Babylonis

¹⁰ et iugulavit rex Babylonis filios Sedeciae in oculis eius sed et omnes principes Iudae occidit in Reblatha

²⁶ tulit autem eos Nabuzardan magister militiae et duxit eos ad regem Babylonis in Reblatha ²⁷ et percussit eos rex Babylonis et interfecit eos in Reblatha in terra Emath et translatus est Iuda de terra sua

³⁴ et cum transfretassent venerunt in terram Gennesar

¹ factum est autem cum turbae inruerent in eum ut audirent verbum Dei et ipse stabat secus stagnum Gennesareth

¹ post haec abiit Iesus trans mare Galilaeae quod est Tiberiadis

¹⁰ elevatis itaque Loth oculis vidit omnem circa regionem Iordanis quae universa inrigabatur antequam subverteret Dominus Sodomam et Gomorram sicut paradisus Domini et sicut Aegyptus venientibus in Segor

²⁴ igitur Dominus pluit super Sodomam et Gomorram sulphur et ignem a Domino de caelo ²⁵ et subvertit civitates has et omnem circa regionem universos habitatores urbium et cuncta terrae virentia ²⁶ respiciensque uxor eius post se versa est in statuam salis

¹ locutus est Dominus ad Mosen

¹ hoc est quod possederunt filii Israhel in terra Chanaan quam dederunt eis Eleazar sacerdos et Iosue filius Nun et principes familiarum per tribus Israhel ² sorte omnia dividentes sicut praeceperat Dominus in manu Mosi novem tribubus et dimidiae tribui ³ duabus enim tribubus et dimidiae dederat Moses trans Iordanem possessionem absque Levitis qui nihil terrae acceperunt inter fratres suos ⁴ sed in eorum successerant locum filii Ioseph in duas divisi tribus Manasse et Ephraim nec acceperunt Levitae aliam in terra partem nisi urbes ad habitandum et suburbana earum ad alenda iumenta et pecora sua ⁵ sicut praecepit Dominus Mosi ita fecerunt filii Israhel et diviserunt terram

²³ sin autem quod dicitis non feceritis nulli dubium quin peccetis in Dominum et scitote quoniam peccatum vestrum adprehendet vos

³³ dedit itaque Moses filiis Gad et Ruben et dimidiae tribui Manasse filii Ioseph regnum Seon regis Amorrei et regnum Og regis Basan et terram eorum cum urbibus suis per circuitum

¹² terramque possedimus in tempore illo ab Aroer quae est super ripam torrentis Arnon usque ad mediam partem montis Galaad et civitates illius dedi Ruben et Gad ¹³ reliquam autem partem Galaad et omnem Basan regni Og tradidi mediae tribui Manasse omnem regionem Argob cuncta Basan vocatur terra gigantum ¹⁴ Iair filius Manasse possedit omnem regionem Argob usque ad terminos Gesuri et Machathi vocavitque ex nomine suo Basan Avothiair id est villas Iair usque in praesentem diem ¹⁵ Machir quoque dedi Galaad ¹⁶ et tribubus Ruben et Gad dedi terram Galaad usque ad torrentem Arnon medium torrentis et finium usque ad torrentem Ieboc qui est terminus filiorum Ammon ¹⁷ et planitiem solitudinis atque Iordanem et terminos Chenereth usque ad mare Deserti quod est Salsissimum ad radices montis Phasga contra orientem

⁸ cum qua Ruben et Gad possederunt terram quam tradidit eis Moses famulus Domini trans fluenta Iordanis ad orientalem plagam ⁹ ab Aroer quae sita est in ripa torrentis Arnon et in vallis medio universaque campestria Medaba usque Dibon ¹⁰ et cunctas civitates Seon regis Amorrei qui regnavit in Esebon usque ad terminos filiorum Ammon ¹¹ et Galaad ac terminum Gesuri et Machathi omnemque montem Hermon et universam Basan usque Saleca ¹² omne regnum Og in Basan qui regnavit in Astharoth et Edraim ipse fuit de reliquiis Rafaim percussitque eos Moses atque delevit

² sorte omnia dividentes sicut praeceperat Dominus in manu Mosi novem tribubus et dimidiae tribui ³ duabus enim tribubus et dimidiae dederat Moses trans Iordanem possessionem absque Levitis qui nihil terrae acceperunt inter fratres suos

³² ipsi armati pergemus coram Domino in terram Chanaan et possessionem iam suscepisse nos confitemur trans Iordanem

⁸ de tribu Ephraim Osee filium Nun

¹⁶ haec sunt nomina virorum quos misit Moses ad considerandam terram vocavitque Osee filium Nun Iosue

¹ hoc est quod possederunt filii Israhel in terra Chanaan quam dederunt eis Eleazar sacerdos et Iosue filius Nun et principes familiarum per tribus Israhel

⁵¹ hae sunt possessiones quas sorte diviserunt Eleazar sacerdos et Iosue filius Nun et principes familiarum ac tribuum filiorum Israhel in Silo coram Domino ad ostium tabernaculi testimonii partitique sunt terram

⁴ eruntque vobiscum principes tribuum ac domorum in cognationibus suis ⁵ quorum ista sunt nomina de Ruben Elisur filius Sedeur ⁶ de Symeon Salamihel filius Surisaddai ⁷ de Iuda Naasson filius Aminadab ⁸ de Isachar Nathanahel filius Suar ⁹ de Zabulon Heliab filius Helon ¹⁰ filiorum autem Ioseph de Ephraim Helisama filius Ammiud de Manasse Gamalihel filius Phadassur ¹¹ de Beniamin Abidan filius Gedeonis ¹² de Dan Ahiezer filius Amisaddai ¹³ de Aser Phegihel filius Ochran ¹⁴ de Gad Heliasaph filius Duhel ¹⁵ de Nepthali Ahira filius Henan ¹⁶ hii nobilissimi principes multitudinis per tribus et cognationes suas et capita exercitus Israhel

³⁵ quarto concepit et peperit filium et ait modo confitebor Domino et ob hoc vocavit eum Iudam cessavitque parere

³⁰ inter haec Chaleb conpescens murmur populi qui oriebatur contra Mosen ait ascendamus et possideamus terram quoniam poterimus obtinere eam

⁶ at vero Iosue filius Nun et Chaleb filius Iepphonne qui et ipsi lustraverant terram sciderunt vestimenta sua

²⁴ servum meum Chaleb qui plenus alio spiritu secutus est me inducam in terram hanc quam circuivit et semen eius possidebit eam

³⁰ non intrabitis terram super quam levavi manum meam ut habitare vos facerem praeter Chaleb filium Iepphonne et Iosue filium Nun

³⁸ Iosue autem filius Nun et Chaleb filius Iepphonne vixerunt ex omnibus qui perrexerant ad considerandam terram

⁶⁵ praedixerat enim Dominus quod omnes morerentur in solitudine nullusque remansit ex eis nisi Chaleb filius Iepphonne et Iosue filius Nun

⁷ haec est Iudae benedictio audi Domine vocem Iudae et ad populum suum introduc eum manus eius pugnabunt pro eo et adiutor illius contra adversarios eius erit

⁵ Symeon et Levi fratres vasa iniquitatis bellantia

²⁷ Beniamin lupus rapax mane comedet praedam et vespere dividet spolia

²⁷ praecepit Deus tuus de fortitudine tua conforta Deus hoc quod operatus es nobis

¹⁸ et singuli principes de tribubus singulis