Numbers 5:22 Cross References - Vulgate

²² ingrediantur aquae maledictae in ventrem tuum et utero tumescente putrescat femur et respondebit mulier amen amen

²⁷ quas cum biberit si polluta est et contempto viro adulterii rea pertransibunt eam aquae maledictionis et inflato ventre conputrescet femur eritque mulier in maledictionem et in exemplum omni populo

¹⁵ maledictus homo qui facit sculptile et conflatile abominationem Domini opus manuum artificum ponetque illud in abscondito et respondebit omnis populus et dicet amen ¹⁶ maledictus qui non honorat patrem suum et matrem et dicet omnis populus amen ¹⁷ maledictus qui transfert terminos proximi sui et dicet omnis populus amen ¹⁸ maledictus qui errare facit caecum in itinere et dicet omnis populus amen ¹⁹ maledictus qui pervertit iudicium advenae pupilli et viduae et dicet omnis populus amen ²⁰ maledictus qui dormit cum uxore patris sui et revelat operimentum lectuli eius et dicet omnis populus amen ²¹ maledictus qui dormit cum omni iumento et dicet omnis populus amen ²² maledictus qui dormit cum sorore sua filia patris sui sive matris suae et dicet omnis populus amen ²³ maledictus qui dormit cum socru sua et dicet omnis populus amen ²⁴ maledictus qui clam percusserit proximum suum et dicet omnis populus amen ²⁵ maledictus qui accipit munera ut percutiat animam sanguinis innocentis et dicet omnis populus amen ²⁶ maledictus qui non permanet in sermonibus legis huius nec eos opere perficit et dicet omnis populus amen

²¹ si levavi super pupillum manum meam etiam cum viderem me in porta superiorem ²² umerus meus a iunctura sua cadat et brachium meum cum suis ossibus confringatur

³⁹ si fructus eius comedi absque pecunia et animam agricolarum eius adflixi ⁴⁰ pro frumento oriatur mihi tribulus et pro hordeo spina finita sunt verba Iob

⁴ si reddidi retribuentibus mihi malum et dimisi hostes meos vacuos ⁵ persequatur inimicus animam meam et adprehendat et conculcet in terra vitam meam et gloriam meam in pulverem conlocet semper

¹³ benedictus Dominus Deus Israhel a saeculo et usque in saeculum amen amen

¹⁹ canticum Asaph attamen bonus est Israhel Deus his qui mundo sunt corde

⁵² benedictus Dominus in sempiternum amen et amen

¹⁸ et dilexit maledictionem quae veniet ei et noluit benedictionem quae elongabitur ab eo et indutus est maledictione quasi vestimento suo et ingredietur quasi aqua in viscera eius et quasi oleum in ossa eius

³¹ comedent igitur fructus viae suae suisque consiliis saturabuntur

³ et dixit ad me fili hominis venter tuus comedet et viscera tua conplebuntur volumine isto quod ego do tibi et comedi illud et factum est in ore meo sicut mel dulce

³ respondit Iesus et dixit ei amen amen dico tibi nisi quis natus fuerit denuo non potest videre regnum Dei

¹¹ amen amen dico tibi quia quod scimus loquimur et quod vidimus testamur et testimonium nostrum non accipitis

²⁴ amen amen dico vobis quia qui verbum meum audit et credit ei qui misit me habet vitam aeternam et in iudicium non venit sed transit a morte in vitam ²⁵ amen amen dico vobis quia venit hora et nunc est quando mortui audient vocem Filii Dei et qui audierint vivent

⁵³ dixit ergo eis Iesus amen amen dico vobis nisi manducaveritis carnem Filii hominis et biberitis eius sanguinem non habetis vitam in vobis