Proverbs 7 Cross References - Vulgate

¹ fili mi custodi sermones meos et praecepta mea reconde tibi ² serva mandata mea et vives et legem meam quasi pupillam oculi tui ³ liga eam in digitis tuis scribe illam in tabulis cordis tui ⁴ dic sapientiae soror mea es et prudentiam voca amicam tuam ⁵ ut custodiat te a muliere extranea et ab aliena quae verba sua dulcia facit ⁶ de fenestra enim domus meae per cancellos prospexi ⁷ et video parvulos considero vecordem iuvenem ⁸ qui transit in platea iuxta angulum et propter viam domus illius graditur ⁹ in obscuro advesperascente die in noctis tenebris et caligine ¹⁰ et ecce mulier occurrit illi ornatu meretricio praeparata ad capiendas animas garrula et vaga ¹¹ quietis inpatiens nec valens in domo consistere pedibus suis ¹² nunc foris nunc in plateis nunc iuxta angulos insidians ¹³ adprehensumque deosculatur iuvenem et procaci vultu blanditur dicens ¹⁴ victimas pro salute debui hodie reddidi vota mea ¹⁵ idcirco egressa sum in occursum tuum desiderans te videre et repperi ¹⁶ intexui funibus lectum meum stravi tapetibus pictis ex Aegypto ¹⁷ aspersi cubile meum murra et aloe et cinnamomo ¹⁸ veni inebriemur uberibus donec inlucescat dies et fruamur cupitis amplexibus ¹⁹ non est enim vir in domo sua abiit via longissima ²⁰ sacculum pecuniae secum tulit in die plenae lunae reversurus est domum suam ²¹ inretivit eum multis sermonibus et blanditiis labiorum protraxit illum ²² statim eam sequitur quasi bos ductus ad victimam et quasi agnus lasciviens et ignorans quod ad vincula stultus trahatur ²³ donec transfigat sagitta iecur eius velut si avis festinet ad laqueum et nescit quia de periculo animae illius agitur ²⁴ nunc ergo fili audi me et adtende verba oris mei ²⁵ ne abstrahatur in viis illius mens tua neque decipiaris semitis eius ²⁶ multos enim vulneratos deiecit et fortissimi quique interfecti sunt ab ea ²⁷ viae inferi domus eius penetrantes interiora mortis

²⁸ maledictionem si non audieritis mandata Domini Dei vestri sed recesseritis de via quam ego nunc ostendo vobis et ambulaveritis post deos alienos quos ignoratis

²² suscipe ex ore illius legem et pone sermones eius in corde tuo

⁸ audi fili mi disciplinam patris tui et ne dimittas legem matris tuae

¹ fili mi si susceperis sermones meos et mandata mea absconderis penes te ² ut audiat sapientiam auris tua inclina cor tuum ad noscendam prudentiam ³ si enim sapientiam invocaveris et inclinaveris cor tuum prudentiae ⁴ si quaesieris eam quasi pecuniam et sicut thesauros effoderis illam ⁵ tunc intelleges timorem Domini et scientiam Dei invenies ⁶ quia Dominus dat sapientiam et ex ore eius scientia et prudentia ⁷ custodiet rectorum salutem et proteget gradientes simpliciter

¹ fili mi ne obliviscaris legis meae et praecepta mea custodiat cor tuum

¹⁴ sapientes abscondunt scientiam os autem stulti confusioni proximum est

¹⁵ quod autem in bonam terram hii sunt qui in corde bono et optimo audientes verbum retinent et fructum adferunt in patientia

²⁸ at ille dixit quippini beati qui audiunt verbum Dei et custodiunt

²³ respondit Iesus et dixit ei si quis diligit me sermonem meum servabit et Pater meus diliget eum et ad eum veniemus et mansiones apud eum faciemus

²⁰ mementote sermonis mei quem ego dixi vobis non est servus maior domino suo si me persecuti sunt et vos persequentur si sermonem meum servaverunt et vestrum servabunt

³ beatus qui legit et qui audiunt verba prophetiae et servant ea quae in ea scripta sunt tempus enim prope est

⁹ et dicit mihi vide ne feceris conservus tuus sum et fratrum tuorum prophetarum et eorum qui servant verba libri huius Deum adora

⁵ custodite leges meas atque iudicia quae faciens homo vivet in eis ego Dominus

¹⁰ invenit eum in terra deserta in loco horroris et vastae solitudinis circumduxit eum et docuit et custodivit quasi pupillam oculi sui

⁸ a resistentibus dexterae tuae custodi me quasi pupillam intus in oculo in umbra alarum tuarum protege me

⁴ et docebat me atque dicebat suscipiat verba mea cor tuum custodi praecepta mea et vives

¹³ tene disciplinam ne dimittas eam custodi illam quia ipsa est vita tua

³ inclinate aurem vestram et venite ad me audite et vivet anima vestra et feriam vobis pactum sempiternum misericordias David fideles

⁸ quia haec dicit Dominus exercituum post gloriam misit me ad gentes quae spoliaverunt vos qui enim tetigerit vos tangit pupillam oculi eius

⁴⁹ quia ego ex me ipso non sum locutus sed qui misit me Pater ipse mihi mandatum dedit quid dicam et quid loquar ⁵⁰ et scio quia mandatum eius vita aeterna est quae ergo ego loquor sicut dixit mihi Pater sic loquor

²¹ qui habet mandata mea et servat ea ille est qui diligit me qui autem diligit me diligetur a Patre meo et ego diligam eum et manifestabo ei me ipsum

¹⁴ vos amici mei estis si feceritis quae ego praecipio vobis

³ et in hoc scimus quoniam cognovimus eum si mandata eius observemus ⁴ qui dicit se nosse eum et mandata eius non custodit mendax est in hoc veritas non est

¹ omnis qui credit quoniam Iesus est Christus ex Deo natus est et omnis qui diligit eum qui genuit diligit eum qui natus est ex eo ² in hoc cognoscimus quoniam diligimus natos Dei cum Deum diligamus et mandata eius faciamus ³ haec est enim caritas Dei ut mandata eius custodiamus et mandata eius gravia non sunt

¹⁴ beati qui lavant stolas suas ut sit potestas eorum in ligno vitae et portis intrent in civitatem

⁸ et ligabis ea quasi signum in manu tua eruntque et movebuntur inter oculos tuos ⁹ scribesque ea in limine et ostiis domus tuae

¹⁸ ponite haec verba mea in cordibus et in animis vestris et suspendite ea pro signo in manibus et inter vestros oculos conlocate ¹⁹ docete filios vestros ut illa meditentur quando sederis in domo tua et ambulaveris in via et accubueris atque surrexeris ²⁰ scribes ea super postes et ianuas domus tuae

³ misericordia et veritas non te deserant circumda eas gutturi tuo et describe in tabulis cordis tui

²¹ liga ea in corde tuo iugiter et circumda gutturi tuo

⁸ nunc ingressus scribe eis super buxum et in libro diligenter exara illud et erit in die novissimo in testimonium usque ad aeternum

¹ peccatum Iuda scriptum est stilo ferreo in ungue adamantino exaratum super latitudinem cordis eorum et in cornibus ararum eorum

³³ sed hoc erit pactum quod feriam cum domo Israhel post dies illos dicit Dominus dabo legem meam in visceribus eorum et in corde eorum scribam eam et ero eis in Deum et ipsi erunt mihi in populum

³ manifestati quoniam epistula estis Christi ministrata a nobis et scripta non atramento sed Spiritu Dei vivi non in tabulis lapideis sed in tabulis cordis carnalibus

¹⁴ putredini dixi pater meus es mater mea et soror mea vermibus

² ut audiat sapientiam auris tua inclina cor tuum ad noscendam prudentiam ³ si enim sapientiam invocaveris et inclinaveris cor tuum prudentiae ⁴ si quaesieris eam quasi pecuniam et sicut thesauros effoderis illam

⁶ ne dimittas eam et custodiet te dilige eam et servabit te ⁷ principium sapientiae posside sapientiam et in omni possessione tua adquire prudentiam ⁸ arripe illam et exaltabit te glorificaberis ab ea cum eam fueris amplexatus

¹ quis mihi det te fratrem meum sugentem ubera matris meae ut inveniam te foris et deosculer et iam me nemo despiciat

⁴⁹ et extendens manum in discipulos suos dixit ecce mater mea et fratres mei ⁵⁰ quicumque enim fecerit voluntatem Patris mei qui in caelis est ipse meus et frater et soror et mater est

²⁷ factum est autem cum haec diceret extollens vocem quaedam mulier de turba dixit illi beatus venter qui te portavit et ubera quae suxisti ²⁸ at ille dixit quippini beati qui audiunt verbum Dei et custodiunt

¹⁶ ut eruaris a muliere aliena et ab extranea quae mollit sermones suos

³ favus enim stillans labia meretricis et nitidius oleo guttur eius

²⁴ ut custodiant te a muliere mala et a blanda lingua extraneae

⁸ cumque pertransissent dies plurimi et ibi demoraretur prospiciens Abimelech Palestinorum rex per fenestram vidit eum iocantem cum Rebecca uxore sua

²⁸ per fenestram prospiciens ululabat mater eius et de cenaculo loquebatur cur moratur regredi currus eius quare tardaverunt pedes quadrigarum illius

¹⁶ cumque intrasset arca Domini civitatem David Michol filia Saul prospiciens per fenestram vidit regem David subsilientem atque saltantem coram Domino et despexit eum in corde suo

⁷ lex Domini inmaculata convertens animam testimonium Domini fidele sapientiam praestans parvulis

¹³⁰ ostium sermonum tuorum lucidum doce parvulos

⁴ ut detur parvulis astutia adulescenti scientia et intellectus

²² usquequo parvuli diligitis infantiam et stulti ea quae sibi sunt noxia cupiunt et inprudentes odibunt scientiam

³² aversio parvulorum interficiet eos et prosperitas stultorum perdet illos

³² qui autem adulter est propter cordis inopiam perdet animam suam

⁵ intellegite parvuli astutiam et insipientes animadvertite

⁴ si quis est parvulus veniat ad me et insipientibus locuta est

¹⁶ quis est parvulus declinet ad me et vecordi locuta est

¹³ in labiis sapientis invenietur sapientia et virga in dorso eius qui indiget corde

¹¹ qui operatur terram suam saturabitur panibus qui autem sectatur otium stultissimus est

¹⁵ innocens credit omni verbo astutus considerat gressus suos

¹⁸ possidebunt parvuli stultitiam et astuti expectabunt scientiam

² ubi non est scientia animae non est bonum et qui festinus est pedibus offendit

²⁵ pestilente flagellato stultus sapientior erit sin autem corripueris sapientem intelleget disciplinam

³ callidus vidit malum et abscondit se innocens pertransiit et adflictus est damno

³⁰ per agrum hominis pigri transivi et per vineam viri stulti

¹² astutus videns malum absconditus est parvuli transeuntes sustinuere dispendia

²² quia stultus populus meus me non cognovit filii insipientes sunt et vecordes sapientes sunt ut faciant mala bene autem facere nescierunt

¹⁶ at ille dixit adhuc et vos sine intellectu estis

¹⁸ huiusmodi enim Christo Domino nostro non serviunt sed suo ventri et per dulces sermones et benedictiones seducunt corda innocentium ¹⁹ vestra enim oboedientia in omnem locum divulgata est gaudeo igitur in vobis sed volo vos sapientes esse in bono et simplices in malo

¹ abiit quoque in Gazam et vidit ibi meretricem mulierem ingressusque est ad eam

² dum haec agerentur accidit ut surgeret David de stratu suo post meridiem et deambularet in solario domus regiae viditque mulierem se lavantem ex adverso super solarium suum erat autem mulier pulchra valde ³ misit ergo rex et requisivit quae esset mulier nuntiatumque ei est quod ipsa esset Bethsabee filia Heliam uxor Uriae Hetthei

¹⁴ ne delecteris semitis impiorum nec tibi placeat malorum via ¹⁵ fuge ab ea ne transeas per illam declina et desere eam

⁸ longe fac ab ea viam tuam et ne adpropinques foribus domus eius

¹² nunc foris nunc in plateis nunc iuxta angulos insidians

¹⁸ fugite fornicationem omne peccatum quodcumque fecerit homo extra corpus est qui autem fornicatur in corpus suum peccat

²² iuvenilia autem desideria fuge sectare vero iustitiam fidem caritatem pacem cum his qui invocant Dominum de corde puro

²³ illos vero salvate de igne rapientes aliis autem miseremini in timore odientes et eam quae carnalis est maculatam tunicam

¹¹ accidit autem ut quadam die intraret Ioseph domum et operis quippiam absque arbitris faceret

⁶ et servabitis eum usque ad quartamdecimam diem mensis huius immolabitque eum universa multitudo filiorum Israhel ad vesperam

¹³ ipsi fuerunt rebelles luminis nescierunt vias eius nec reversi sunt per semitas illius ¹⁴ mane primo consurgit homicida interficit egenum et pauperem per noctem vero erit quasi fur ¹⁵ oculus adulteri observat caliginem dicens non me videbit oculus et operiet vultum suum

¹² nox praecessit dies autem adpropiavit abiciamus ergo opera tenebrarum et induamur arma lucis ¹³ sicut in die honeste ambulemus non in comesationibus et ebrietatibus non in cubilibus et inpudicitiis non in contentione et aemulatione ¹⁴ sed induite Dominum Iesum Christum et carnis curam ne feceritis in desideriis

¹¹ et nolite communicare operibus infructuosis tenebrarum magis autem et redarguite

¹ sed et serpens erat callidior cunctis animantibus terrae quae fecerat Dominus Deus qui dixit ad mulierem cur praecepit vobis Deus ut non comederetis de omni ligno paradisi

¹⁴ quae depositis viduitatis vestibus adsumpsit theristrum et mutato habitu sedit in bivio itineris quod ducit Thamnam eo quod crevisset Sela et non eum accepisset maritum ¹⁵ quam cum vidisset Iudas suspicatus est esse meretricem operuerat enim vultum suum ne cognosceretur

²² cumque vidisset Ioram Hieu dixit pax est Hieu at ille respondit quae pax adhuc fornicationes Hiezabel matris tuae et veneficia eius multa vigent

³⁰ venit Hieu Hiezrahel porro Hiezabel introitu eius audito depinxit oculos suos stibio et ornavit caput suum et respexit per fenestram

¹⁶ et dixit Dominus pro eo quod elevatae sunt filiae Sion et ambulaverunt extento collo et nutibus oculorum ibant et plaudebant ambulabant et in pedibus suis conposito gradu incedebant ¹⁷ decalvabit Dominus verticem filiarum Sion et Dominus crinem earum nudabit ¹⁸ in die illa auferet Dominus ornatum calciamentorum et lunulas ¹⁹ et torques et monilia et armillas et mitras ²⁰ discriminalia et periscelidas et murenulas et olfactoriola et inaures ²¹ et anulos et gemmas in fronte pendentes ²² et mutatoria et pallia et linteamina et acus ²³ et specula et sindones et vittas et theristra ²⁴ et erit pro suavi odore fetor et pro zona funiculus et pro crispanti crine calvitium et pro fascia pectorali cilicium

¹⁶ sume citharam circui civitatem meretrix oblivioni tradita bene cane frequenta canticum ut memoria tui sit

³⁰ tu autem vastata quid facies cum vestieris te coccino cum ornata fueris monili aureo et pinxeris stibio oculos tuos frustra conponeris contempserunt te amatores tui animam tuam quaerent

² aemulor enim vos Dei aemulatione despondi enim vos uni viro virginem castam exhibere Christo ³ timeo autem ne sicut serpens Evam seduxit astutia sua ita corrumpantur sensus vestri et excidant a simplicitate quae est in Christo

⁹ similiter et mulieres in habitu ornato cum verecundia et sobrietate ornantes se non in tortis crinibus aut auro aut margaritis vel veste pretiosa

³ et abstulit me in desertum in spiritu et vidi mulierem sedentem super bestiam coccineam plenam nominibus blasphemiae habentem capita septem et cornua decem ⁴ et mulier erat circumdata purpura et coccino et inaurata auro et lapide pretioso et margaritis habens poculum aureum in manu sua plenum abominationum et inmunditia fornicationis eius ⁵ et in fronte eius nomen scriptum mysterium Babylon magna mater fornicationum et abominationum terrae

⁹ cumque comedissent dixerunt ad eum ubi est Sarra uxor tua ille respondit ecce in tabernaculo est

¹³ mulier stulta et clamosa plenaque inlecebris et nihil omnino sciens

²⁴ melius est sedere in angulo domatis quam cum muliere litigiosa et in domo communi

¹⁴ qui benedicit proximo suo voce grandi de nocte consurgens maledicenti similis erit ¹⁵ tecta perstillantia in die frigoris et litigiosa mulier conparantur

¹⁰ aleph mulierem fortem quis inveniet procul et de ultimis finibus pretium eius ¹¹ beth confidit in ea cor viri sui et spoliis non indigebit ¹² gimel reddet ei bonum et non malum omnibus diebus vitae suae ¹³ deleth quaesivit lanam et linum et operata est consilio manuum suarum ¹⁴ he facta est quasi navis institoris de longe portat panem suum ¹⁵ vav et de nocte surrexit deditque praedam domesticis suis et cibaria ancillis suis ¹⁶ zai consideravit agrum et emit eum de fructu manuum suarum plantavit vineam ¹⁷ heth accinxit fortitudine lumbos suos et roboravit brachium suum ¹⁸ teth gustavit quia bona est negotiatio eius non extinguetur in nocte lucerna illius ¹⁹ ioth manum suam misit ad fortia et digiti eius adprehenderunt fusum ²⁰ caph manum suam aperuit inopi et palmas suas extendit ad pauperem ²¹ lameth non timebit domui suae a frigoribus nivis omnes enim domestici eius vestiti duplicibus ²² mem stragulam vestem fecit sibi byssus et purpura indumentum eius ²³ nun nobilis in portis vir eius quando sederit cum senatoribus terrae ²⁴ samech sindonem fecit et vendidit et cingulum tradidit Chananeo ²⁵ ain fortitudo et decor indumentum eius et ridebit in die novissimo ²⁶ phe os suum aperuit sapientiae et lex clementiae in lingua eius ²⁷ sade considerat semitas domus suae et panem otiosa non comedet ²⁸ coph surrexerunt filii eius et beatissimam praedicaverunt vir eius et laudavit eam ²⁹ res multae filiae congregaverunt divitias tu supergressa es universas ³⁰ sin fallax gratia et vana est pulchritudo mulier timens Dominum ipsa laudabitur ³¹ thau date ei de fructu manuum suarum et laudent eam in portis opera eius

¹³ simul autem et otiosae discunt circumire domos non solum otiosae sed et verbosae et curiosae loquentes quae non oportet ¹⁴ volo ergo iuveniores nubere filios procreare matres familias esse nullam occasionem dare adversario maledicti gratia

⁵ prudentes castas domus curam habentes benignas subditas suis viris ut non blasphemetur verbum Dei

¹⁴ sedit in foribus domus suae super sellam in excelso urbis loco

²⁸ insidiatur in via quasi latro et quos incautos viderit interficit

²⁰ a saeculo confregisti iugum meum rupisti vincula mea et dixisti non serviam in omni enim colle sublimi et sub omni ligno frondoso tu prosternebaris meretrix

³³ quid niteris bonam ostendere viam tuam ad quaerendam dilectionem quae insuper et malitias tuas docuisti vias tuas

³⁶ quam vilis es facta nimis iterans vias tuas et ab Aegypto confunderis sicut confusa es ab Assur

² leva oculos tuos in directum et vide ubi non prostrata sis in viis sedebas expectans eos quasi latro in solitudine et polluisti terram in fornicationibus tuis et in malitiis tuis

²⁴ et aedificasti tibi lupanar et fecisti tibi prostibulum in cunctis plateis ²⁵ ad omne caput viae aedificasti signum prostitutionis tuae et abominabilem fecisti decorem tuum et divisisti pedes tuos omni transeunti et multiplicasti fornicationes tuas

³¹ quia fabricasti lupanar tuum in capite omnis viae et excelsum tuum fecisti in omni platea nec facta es quasi meretrix fastidio augens pretium

³ quia de ira fornicationis eius biberunt omnes gentes et reges terrae cum illa fornicati sunt et mercatores terrae de virtute deliciarum eius divites facti sunt

²³ et lux lucernae non lucebit tibi amplius et vox sponsi et sponsae non audietur adhuc in te quia mercatores tui erant principes terrae quia in veneficiis tuis erraverunt omnes gentes

⁷ post multos itaque dies iecit domina oculos suos in Ioseph et ait dormi mecum

¹² et illa adprehensa lacinia vestimenti eius diceret dormi mecum qui relicto in manu illius pallio fugit et egressus est foras

¹ morabatur autem eo tempore Israhel in Setthim et fornicatus est populus cum filiabus Moab

⁶ et ecce unus de filiis Israhel intravit coram fratribus suis ad scortum madianitin vidente Mose et omni turba filiorum Israhel qui flebant ante fores tabernaculi ⁷ quod cum vidisset Finees filius Eleazari filii Aaron sacerdotis surrexit de medio multitudinis et arrepto pugione ⁸ ingressus est post virum israhelitem in lupanar et perfodit ambos simul virum scilicet et mulierem in locis genitalibus cessavitque plaga a filiis Israhel

¹⁶ nonne istae sunt quae deceperunt filios Israhel ad suggestionem Balaam et praevaricari vos fecerunt in Domino super peccato Phogor unde et percussus est populus

²⁹ vir impius procaciter obfirmat vultum suum qui autem rectus est corrigit viam suam

⁷ Dominus Deus auxiliator meus ideo non sum confusus ideo posui faciem meam ut petram durissimam et scio quoniam non confundar

⁴ et filii dura facie et indomabili corde sunt ad quos ego mitto te et dices ad eos haec dicit Dominus Deus

⁶ tu ergo fili hominis ne timeas eos neque sermones eorum metuas quoniam increduli et subversores sunt tecum et cum scorpionibus habitas verba eorum ne timeas et vultus eorum ne formides quia domus exasperans est

⁷ domus autem Israhel nolent audire te quia nolunt audire me omnis quippe domus Israhel adtrita fronte est et duro corde ⁸ ecce dedi faciem tuam valentiorem faciebus eorum et frontem tuam duriorem frontibus eorum ⁹ ut adamantem et ut silicem dedi faciem tuam ne timeas eos neque metuas a facie eorum quia domus exasperans est

³³ omnibus meretricibus dantur mercedes tu autem dedisti mercedes cunctis amatoribus tuis et donabas eis ut intrarent ad te undique ad fornicandum tecum

²⁰ sed habeo adversus te quia permittis mulierem Hiezabel quae se dicit propheten docere et seducere servos meos fornicari et manducare de idolothytis

¹¹ haec est lex hostiae pacificorum quae offertur Domino

¹⁵ cuius carnes eadem comedentur die nec remanebit ex eis quicquam usque mane ¹⁶ si voto vel sponte quisquam obtulerit hostiam eadem similiter edetur die sed et si quid in crastinum remanserit vesci licitum est

⁶ et offeretis in illo loco holocausta et victimas vestras decimas et primitias manuum vestrarum et vota atque donaria primogenita boum et ovium ⁷ et comedetis ibi in conspectu Domini Dei vestri ac laetabimini in cunctis ad quae miseritis manum vos et domus vestrae in quibus benedixerit vobis Dominus Deus vester

⁷ post quattuor autem annos dixit Absalom ad regem vadam et reddam vota mea quae vovi Domino in Hebron ⁸ vovens enim vovit servus tuus cum esset in Gessur Syriae dicens si reduxerit me Dominus in Hierusalem sacrificabo Domino ⁹ dixitque ei rex vade in pace et surrexit et abiit in Hebron

⁹ litterarum autem erat ista sententia praedicate ieiunium et sedere facite Naboth inter primos populi ¹⁰ et submittite duos viros filios Belial contra eum et falsum testimonium dicant benedixit Deum et regem et educite eum et lapidate sicque moriatur

⁸ victimae impiorum abominabiles Domino vota iustorum placabilia

¹ melior est buccella sicca cum gaudio quam domus plena victimis cum iurgio

²⁷ hostiae impiorum abominabiles quia offeruntur ex scelere

²⁸ adducunt ergo Iesum a Caiapha in praetorium erat autem mane et ipsi non introierunt in praetorium ut non contaminarentur sed manducarent pascha

²⁸ et educebantur equi Salomoni de Aegypto et de Coa negotiatores enim regis emebant de Coa et statuto pretio perducebant

²² mem stragulam vestem fecit sibi byssus et purpura indumentum eius

¹⁶ ecce tu pulcher es dilecte mi et decorus lectulus noster floridus

⁷ en lectulum Salomonis sexaginta fortes ambiunt ex fortissimis Israhel ⁸ omnes tenentes gladios et ad bella doctissimi uniuscuiusque ensis super femur suum propter timores nocturnos ⁹ ferculum fecit sibi rex Salomon de lignis Libani ¹⁰ columnas eius fecit argenteas reclinatorium aureum ascensum purpureum media caritate constravit propter filias Hierusalem

⁹ confundentur qui operabantur linum pectentes et texentes subtilia

⁷ byssus varia de Aegypto texta est tibi in velum ut poneretur in malo hyacinthus et purpura de insulis Elisa facta sunt operimentum tuum

²² ecce mitto eam in lectum et qui moechantur cum ea in tribulationem maximam nisi paenitentiam egerint ab operibus eius

²³ dicens sume tibi aromata prima et zmyrnae electae quingentos siclos et cinnamomi medium id est ducentos quinquaginta calami similiter ducentos quinquaginta

⁸ zmyrna et stacte et cassia in cunctis vestimentis tuis de domibus eburneis quibus laetificaverunt te

⁶ quae est ista quae ascendit per desertum sicut virgula fumi ex aromatibus murrae et turis et universi pulveris pigmentarii

¹³ emissiones tuae paradisus malorum punicorum cum pomorum fructibus cypri cum nardo ¹⁴ nardus et crocus fistula et cinnamomum cum universis lignis Libani murra et aloe cum omnibus primis unguentis

⁷ super montem excelsum et sublimem posuisti cubile tuum et illuc ascendisti ut immolares hostias ⁸ et post ostium et retro postem posuisti memoriale tuum quia iuxta me discoperuisti et suscepisti adulterum dilatasti cubile tuum et pepigisti cum eis dilexisti stratum eorum manu aperta ⁹ et ornasti te regi unguento et multiplicasti pigmenta tua misisti legatos tuos procul et humiliata es usque ad inferos

¹¹ et accipientes murmurabant adversus patrem familias

⁴³ illud autem scitote quoniam si sciret pater familias qua hora fur venturus esset vigilaret utique et non sineret perfodiri domum suam

⁴⁸ si autem dixerit malus servus ille in corde suo moram facit dominus meus venire

³⁴ sicut homo qui peregre profectus reliquit domum suam et dedit servis suis potestatem cuiusque operis et ianitori praecipiat ut vigilet ³⁵ vigilate ergo nescitis enim quando dominus domus veniat sero an media nocte an galli cantu an mane ³⁶ ne cum venerit repente inveniat vos dormientes

³⁹ hoc autem scitote quia si sciret pater familias qua hora fur veniret vigilaret utique et non sineret perfodiri domum suam

⁴⁵ quod si dixerit servus ille in corde suo moram facit dominus meus venire et coeperit percutere pueros et ancillas et edere et bibere et inebriari ⁴⁶ veniet dominus servi illius in die qua non sperat et hora qua nescit et dividet eum partemque eius cum infidelibus ponet

⁴ sic fac mecum ut aedificem domum nomini Domini Dei mei et consecrem eam ad adolendum incensum coram illo et fumiganda aromata et ad propositionem panum sempiternam et holocaustomata mane et vespere sabbatis quoque et neomeniis et sollemnitatibus Domini Dei nostri in sempiternum quae mandata sunt Israheli

¹⁵ dixitque ad eum Dalila quomodo dicis quod ames me cum animus tuus non sit mecum per tres vices mentitus es mihi et noluisti dicere in quo sit tua maxima fortitudo ¹⁶ cumque molesta ei esset et per multos dies iugiter adhereret spatium ad quietem non tribuens defecit anima eius et ad mortem usque lassata est ¹⁷ tunc aperiens veritatem rei dixit ad eam ferrum numquam ascendit super caput meum quia nazareus id est consecratus Deo sum de utero matris meae si rasum fuerit caput meum recedet a me fortitudo mea et deficiam eroque ut ceteri homines

²³ qui rennuit et ait non comedam coegerunt autem eum servi sui et mulier et tandem audita voce eorum surrexit de terra et sedit super lectum

⁸ facta est autem quaedam dies et transiebat Heliseus per Sunam erat autem ibi mulier magna quae tenuit eum ut comederet panem cumque frequenter inde transiret devertebat ad eam ut comederet panem

² frustra loquuntur unusquisque proximo suo labium subdolum in corde et corde locuti sunt

⁵ ut custodiat te a muliere extranea et ab aliena quae verba sua dulcia facit

²³ et ait dominus servo exi in vias et sepes et conpelle intrare ut impleatur domus mea

²⁹ et coegerunt illum dicentes mane nobiscum quoniam advesperascit et inclinata est iam dies et intravit cum illis

¹⁵ cum autem baptizata esset et domus eius deprecata est dicens si iudicastis me fidelem Domino esse introite in domum meam et manete et coegit nos

¹⁴ caritas enim Christi urget nos aestimantes hoc quoniam si unus pro omnibus mortuus est ergo omnes mortui sunt

²⁷ posuisti in nervo pedem meum et observasti omnes semitas meas et vestigia pedum meorum considerasti

² et percussit Phassur Hieremiam prophetam et misit eum in nervum quod erat in porta Beniamin superiori in domo Domini

¹³ sacerdos quoque Iovis qui erat ante civitatem tauros et coronas ante ianuas adferens cum populis volebat sacrificare

²⁴ qui cum tale praeceptum accepisset misit eos in interiorem carcerem et pedes eorum strinxit in ligno

⁸ ingressus est post virum israhelitem in lupanar et perfodit ambos simul virum scilicet et mulierem in locis genitalibus cessavitque plaga a filiis Israhel ⁹ et occisi sunt viginti quattuor milia homines

¹⁷ frustra autem iacitur rete ante oculos pinnatorum

¹⁸ et ignoravit quod gigantes ibi sint et in profundis inferni convivae eius

¹² nescit homo finem suum sed sicut pisces capiuntur hamo et sicut aves conprehenduntur laqueo sic capiuntur homines tempore malo cum eis extemplo supervenerit

¹ audite filii disciplinam patris et adtendite ut sciatis prudentiam

⁷ nunc ergo fili audi me et ne recedas a verbis oris mei

³² nunc ergo filii audite me beati qui custodiunt vias meas ³³ audite disciplinam et estote sapientes et nolite abicere eam

¹⁴ non ut confundam vos haec scribo sed ut filios meos carissimos moneo ¹⁵ nam si decem milia pedagogorum habeatis in Christo sed non multos patres nam in Christo Iesu per evangelium ego vos genui

¹⁹ filioli mei quos iterum parturio donec formetur Christus in vobis

¹ filioli mei haec scribo vobis ut non peccetis sed et si quis peccaverit advocatum habemus apud Patrem Iesum Christum iustum

¹⁷⁶ erravi quasi ovis perdita quaere servum tuum quia mandatorum tuorum non sum oblitus

²³ ipse morietur quia non habuit disciplinam et multitudine stultitiae suae decipietur

²⁵ non concupiscat pulchritudinem eius cor tuum nec capiaris nutibus illius

³¹ ne intuearis vinum quando flavescit cum splenduerit in vitro color eius ingreditur blande ³² sed in novissimo mordebit ut coluber et sicut regulus venena diffundet ³³ oculi tui videbunt extraneas et cor tuum loquetur perversa

⁶ omnes nos quasi oves erravimus unusquisque in viam suam declinavit et Dominus posuit in eo iniquitatem omnium nostrum

²⁸ ego autem dico vobis quoniam omnis qui viderit mulierem ad concupiscendum eam iam moechatus est eam in corde suo

²¹ quem cum adprehendissent Philisthim statim eruerunt oculos eius et duxerunt Gazam vinctum catenis et clausum in carcere molere fecerunt

⁶ cum ergo esset proelium inter domum Saul et domum David Abner filius Ner regebat domum Saul ⁷ fuerat autem Sauli concubina nomine Respha filia Ahia dixitque Hisboseth ad Abner ⁸ quare ingressus es ad concubinam patris mei qui iratus nimis propter verba Hisboseth ait numquid caput canis ego sum adversum Iuda hodie qui fecerim misericordiam super domum Saul patris tui et super fratres et proximos eius et non tradidi te in manu David et tu requisisti in me quod argueres pro muliere hodie

²⁷ cumque redisset Abner in Hebron seorsum abduxit eum Ioab ad medium portae ut loqueretur ei in dolo et percussit illum ibi in inguine et mortuus est in ultionem sanguinis Asahel fratris eius

⁹ quare ergo contempsisti verbum Domini ut faceres malum in conspectu meo Uriam Hettheum percussisti gladio et uxorem illius accepisti uxorem et interfecisti eum gladio filiorum Ammon ¹⁰ quam ob rem non recedet gladius de domo tua usque in sempiternum eo quod despexeris me et tuleris uxorem Uriae Hetthei ut esset uxor tua ¹¹ itaque haec dicit Dominus ecce ego suscitabo super te malum de domo tua et tollam uxores tuas in oculis tuis et dabo proximo tuo et dormiet cum uxoribus tuis in oculis solis huius

¹ rex autem Salomon amavit mulieres alienigenas multas filiam quoque Pharaonis et Moabitidas et Ammanitidas Idumeas et Sidonias et Chettheas ² de gentibus super quibus dixit Dominus filiis Israhel non ingrediemini ad eas neque de illis ingredientur ad vestras certissimo enim avertent corda vestra ut sequamini deos earum his itaque copulatus est Salomon ardentissimo amore

²⁶ numquid non in huiuscemodi re peccavit Salomon rex Israhel et certe in gentibus multis non erat rex similis ei et dilectus Deo suo erat et posuit eum Deus regem super omnem Israhel et ipsum ergo ad peccatum duxerunt mulieres alienigenae

³³ turpitudinem et ignominiam congregat sibi et obprobrium illius non delebitur

⁸ neque fornicemur sicut quidam ex ipsis fornicati sunt et ceciderunt una die viginti tria milia

²¹ ne iterum cum venero humiliet me Deus apud vos et lugeam multos ex his qui ante peccaverunt et non egerunt paenitentiam super inmunditia et fornicatione et inpudicitia quam gesserunt

¹¹ carissimi obsecro tamquam advenas et peregrinos abstinere vos a carnalibus desideriis quae militant adversus animam

¹⁸ et pacti Dei sui oblita est inclinata est enim ad mortem domus eius et ad impios semitae ipsius ¹⁹ omnes qui ingrediuntur ad eam non revertentur nec adprehendent semitas vitae

⁵ pedes eius descendunt in mortem et ad inferos gressus illius penetrant

²⁶ et inveni amariorem morte mulierem quae laqueus venatorum est et sagena cor eius vincula sunt manus illius qui placet Deo effugiet eam qui autem peccator est capietur ab illa

¹⁵ foris canes et venefici et inpudici et homicidae et idolis servientes et omnis qui amat et facit mendacium