Psalms 34:19 Cross References - Vulgate

¹⁹ multae tribulationes iusti et ex omnibus illis liberabit eum Dominus

¹⁹ in sex tribulationibus liberabit te et in septima non tanget te malum

⁹ nunc in eorum canticum versus sum et factus sum eis proverbium ¹⁰ abominantur me et longe fugiunt a me et faciem meam conspuere non verentur ¹¹ faretram enim suam aperuit et adflixit me et frenum posuit in os meum ¹² ad dexteram orientis calamitatis meae ilico surrexerunt pedes meos subverterunt et oppresserunt quasi fluctibus semitis suis ¹³ dissipaverunt itinera mea insidiati sunt mihi et praevaluerunt et non fuit qui ferret auxilium ¹⁴ quasi rupto muro et aperta ianua inruerunt super me et ad meas miserias devoluti sunt ¹⁵ redactus sum in nihili abstulisti quasi ventus desiderium meum et velut nubes pertransiit salus mea ¹⁶ nunc autem in memet ipso marcescit anima mea et possident me dies adflictionis ¹⁷ nocte os meum perforatur doloribus et qui me comedunt non dormiunt ¹⁸ in multitudine eorum consumitur vestimentum meum et quasi capitio tunicae sic cinxerunt me ¹⁹ conparatus sum luto et adsimilatus favillae et cineri ²⁰ clamo ad te et non exaudis me sto et non respicis me ²¹ mutatus es mihi in crudelem et in duritia manus tuae adversaris mihi ²² elevasti me et quasi super ventum ponens elisisti me valide ²³ scio quia morti tradas me ubi constituta domus est omni viventi ²⁴ verumtamen non ad consumptionem eorum emittis manum tuam et si corruerint ipse salvabis ²⁵ flebam quondam super eum qui adflictus erat et conpatiebatur anima mea pauperi ²⁶ expectabam bona et venerunt mihi mala praestolabar lucem et eruperunt tenebrae ²⁷ interiora mea efferbuerunt absque ulla requie praevenerunt me dies adflictionis ²⁸ maerens incedebam sine furore consurgens in turba clamavi ²⁹ frater fui draconum et socius strutionum ³⁰ cutis mea denigrata est super me et ossa mea aruerunt prae caumate ³¹ versa est in luctum cithara mea et organum meum in vocem flentium

¹² Dominus autem benedixit novissimis Iob magis quam principio eius et facta sunt ei quattuordecim milia ovium et sex milia camelorum et mille iuga boum et mille asinae

⁴ quaesivi Dominum et exaudivit me et de omnibus angustiis meis liberavit me

⁶ hic pauper clamavit et Dominus exaudivit de omnibus tribulationibus salvabit eum

¹⁷ clamaverunt et Dominus exaudivit et ex omnibus tribulationibus eorum liberavit eos

²⁰ multiplicabis magnitudinem meam et conversus consolaberis me

¹⁶ septies enim cadet iustus et resurget impii autem corruent in malum

³³ haec locutus sum vobis ut in me pacem habeatis in mundo pressuram habetis sed confidite ego vici mundum

²² confirmantes animas discipulorum exhortantes ut permanerent in fide et quoniam per multas tribulationes oportet nos intrare in regnum Dei

⁷ habemus autem thesaurum istum in vasis fictilibus ut sublimitas sit virtutis Dei et non ex nobis ⁸ in omnibus tribulationem patimur sed non angustiamur aporiamur sed non destituimur ⁹ persecutionem patimur sed non derelinquimur deicimur sed non perimus ¹⁰ semper mortificationem Iesu in corpore nostro circumferentes ut et vita Iesu in corporibus nostris manifestetur ¹¹ semper enim nos qui vivimus in mortem tradimur propter Iesum ut et vita Iesu manifestetur in carne nostra mortali ¹² ergo mors in nobis operatur vita autem in vobis

¹⁷ id enim quod in praesenti est momentaneum et leve tribulationis nostrae supra modum in sublimitatem aeternum gloriae pondus operatur nobis

²³ ministri Christi sunt minus sapiens dico plus ego in laboribus plurimis in carceribus abundantius in plagis supra modum in mortibus frequenter ²⁴ a Iudaeis quinquies quadragenas una minus accepi ²⁵ ter virgis caesus sum semel lapidatus sum ter naufragium feci nocte et die in profundo maris fui ²⁶ in itineribus saepe periculis fluminum periculis latronum periculis ex genere periculis ex gentibus periculis in civitate periculis in solitudine periculis in mari periculis in falsis fratribus ²⁷ in labore et aerumna in vigiliis multis in fame et siti in ieiuniis multis in frigore et nuditate

³ ut nemo moveatur in tribulationibus istis ipsi enim scitis quod in hoc positi sumus ⁴ nam et cum apud vos essemus praedicebamus vobis passuros nos tribulationes sicut et factum est et scitis

¹¹ persecutiones passiones qualia mihi facta sunt Antiochiae Iconii Lystris quales persecutiones sustinui et ex omnibus me eripuit Dominus ¹² et omnes qui volunt pie vivere in Christo Iesu persecutionem patientur

³³ qui per fidem devicerunt regna operati sunt iustitiam adepti sunt repromissiones obturaverunt ora leonum ³⁴ extinxerunt impetum ignis effugerunt aciem gladii convaluerunt de infirmitate fortes facti sunt in bello castra verterunt exterorum ³⁵ acceperunt mulieres de resurrectione mortuos suos alii autem distenti sunt non suscipientes redemptionem ut meliorem invenirent resurrectionem ³⁶ alii vero ludibria et verbera experti insuper et vincula et carceres ³⁷ lapidati sunt secti sunt temptati sunt in occisione gladii mortui sunt circumierunt in melotis in pellibus caprinis egentes angustiati adflicti ³⁸ quibus dignus non erat mundus in solitudinibus errantes et montibus et speluncis et in cavernis terrae

¹⁰ exemplum accipite fratres laboris et patientiae prophetas qui locuti sunt in nomine Domini ¹¹ ecce beatificamus qui sustinuerunt sufferentiam Iob audistis et finem Domini vidistis quoniam misericors est Dominus et miserator

¹² carissimi nolite peregrinari in fervore qui ad temptationem vobis fit quasi novi aliquid vobis contingat ¹³ sed communicantes Christi passionibus gaudete ut et in revelatione gloriae eius gaudeatis exultantes

¹⁴ et dixi illi domine mi tu scis et dixit mihi hii sunt qui veniunt de tribulatione magna et laverunt stolas suas et dealbaverunt eas in sanguine agni ¹⁵ ideo sunt ante thronum Dei et serviunt ei die ac nocte in templo eius et qui sedet in throno habitabit super illos ¹⁶ non esurient neque sitient amplius neque cadet super illos sol neque ullus aestus ¹⁷ quoniam agnus qui in medio throni est reget illos et deducet eos ad vitae fontes aquarum et absterget Deus omnem lacrimam ex oculis eorum