Luke 24:49 Cross References - WestSaxon990

⁴⁹ & ic sende on eow mines fæder behät; Sitte ge on ceastre oð ge syn ufene gescrydde;

¹⁶ & ic bidde fæder & he sylþ eow oðerne frefriend þt beo æfre mid eow; ¹⁷ Soðfæstnysse gast þe ðes middan-eard ne mæg under-fon; He ne cann hyne forðam þe he ne gesyhþ hyne; Ge hyne cunnon forþam he wunað mid eow. & bið on eow;

²⁶ Se haliga frofre gast þe fæder sent on minum naman eow lærð ealle þing. & he lærð eow ealle þa þing þe ic eow secge;

²⁶ [Note: Ðys gebyrað on sunnan dæg ofer ascensio domini. Cum autem uenerit paraclitus. A. ...nerit paraclitus [ue]ritatis quem ego ...a patre. B. ] Ðonne se frefriend cymð þe ic eow sende fram fæder soðfæstnysse gast þe cymð fram fæder. he cyð gewitnesse be me.

⁷ Ac ic [eow] secge soðfæstnysse. eow fremað þt ic fare; Gif ic ne fare. ne cymð se frefriend to eow; Witodlice gif ic fare. ic hyne sende to eow. ⁸ & þonne he cymð he þywþ þysne middan-eard be synne. & be rihtwisnysse & be dome; ⁹ Be synne forþam hi ne gelyfdon on me. ¹⁰ be rihtwisnysse forþam ic fare to fæder & ge me ne geseoð; ¹¹ Be döme. forþam þyses middan-eardes ealdur ys gedemed; ¹² Gyt ic hæbbe eow fela to secgenne ac ge hyt ne magun nü acuman; ¹³ Ðonne þære soþfæstnysse gast cymð. he lærð eow ealle soþfæstnysse; Ne sprycð he of him sylfon. ac he sprycð þa þing þe he gehyrð. & cyð eow ða þing þe towearde synt. ¹⁴ he me geswutelað for-þam he nimð of mïnum & cyð eow; ¹⁵ Ealle þa þing þe min fæder hæfð synt mïne. forþig ic cwæð þt he nimð of minum & cyþ eow; ¹⁶ [Note: Ðys godspel gebyrað ofer eastron twa wucan on sunnan dæg. Modicum & iam non uidebitis me. A. Modicum & non uidebitis me. & modicum & uide[bitis]. B. ] Nu ymbe alytel ge me ne geseoð. & eft embe lytel ge me geseoþ forþam þe ic fare to fæder;