Matthew 24:42 Cross References - WestSaxon990

⁴² [Note: Ðys godspel sceal to mænies confessores mæsse-dæge. ] Wacigeað [Note: The capital W is written as Ð. ] witodlice forþam þe ge nyton on hwylcyre tide eower hlaford cuman wyle;

³⁶ Nat nan mann be þam dæge ne be þære tide ne furðun englas buton fæder äna;

⁴⁴ & for-þam beo gë gearwe. forþam ðe mannes sunnu (sic) wyle cuman on þære tide þe ge nyton;

¹³ Witodlice waciað forþam ðe ge nyton ne þone dæg ne þa tide;

³⁸ Ða sæde se hælynd heom. unrot ys min sawl oþ deað; Gebïdað her & waciað mid me. ³⁹ & þa he wæs lyt-hwon þanon agän. he afeoll on hys ansyne & hyne gebæd & þus cwæð; Fæder min gyf hyt beon mæge. gewïte þes calic fram me. þeah-hwæþere na swa swa ic wylle ac swa swa þu wylt; ⁴⁰ & he com to hys leorning-cnihtum. & he gemette hig slæpende; & he sæde petre swa. ne mihton gë nü wacian äne tid mid me ⁴¹ waciaþ & gebiddað eow þt ge in ne gän on costunge; Witudlice se gast is hræd & þæt flæsc ys untrum;

³³ Warniað & waciað & gebiddaþ eow. ge nyton hwænne seo tid ys; ³⁴ Swa se man ælþeodilice ferde forlet his hus & sealde his þeowum þæne anwald gehwylces weorces. & beode þam dure-wearde þt he wacige; ³⁵ Eornostlice wacigeað ge nyton hwænne þæs huses hlaford cymð; þe on æfen þe on midre nihte. þe on hancrede. þe on mergen. ³⁶ þe læs he eow slapende gemëte þonne he færinga cymð; ³⁷ Soðlice þt ic eow secge eallum ic hit secge waciað.

³⁵ [Note: Ðis god-spel ge-byrað to mæniges confessores mæsse-dæge. Sint lumbi uestri precincti. A. ] Sin eower lendenu begyrde & leoht-fatu byrnende. ³⁶ & beo gelice þam mannum þe hyra hlafordes abidað hwænne he sy fram gyftum gecyrred. þt hig him sona ontynon þonne he cymð & cnucað; ³⁷ Eadige synt þa þeowas þe se hlaford wæccende gemet þonne he cymð; Soðlice ic eow secge þt he begyrt hine & deð þt hig sittað. & gangende him þenað; ³⁸ And gif he cymð on þære æfteran wæccan. oððe on þære þriddan & þus gemet. eadige synt þa þeowas; ³⁹ Witað þt gif se hiredes ealdor wiste hwænne se þeof cuman wolde. witodlice he wacude & ne geþafude þt man his hus under-dulfe; ⁴⁰ And beo ge wære forþam þe mannes sunu cymð þære tïde þe ge ne wenað;

³⁶ Waciað on ælcere tïde & bidað þt ge wurðe syn. þt ge þas towerdan þing for-fleon. & standan beforan mannes suna;