1 Corinthians 3:17 Cross References - Wycliffe

¹⁷ And if ony defoulith the temple of God, God schal leese hym; for the temple of God is hooli, which ye ben.

¹⁷ And he seide dredynge, Hou worschipful is this place! Here is noon other thing no but the hows of God, and the yate of heuene.

⁵ And the Lord seide, Neiye thou not hidur, but vnbynde thou the scho of thi feet, for the place in which thou stondist is hooli lond.

³¹ This is the lawe of hym that suffrith fletyng out of seed, and which is defoulid with fleischly couplyng,

³ And Y schal sette faste my face ayens hym, and Y schal kitte awei him fro the myddis of my puple, for he yaf of his seed to Moloch, and defoulide my seyntuarie, and defoulide myn hooli name.

²⁰ If ony man is not clensid bi this custom, the soule of hym schal perische fro the myddis of the chirche; for he defoulith the `seyntuarie of the Lord, and is not spreynt with the watir of clensyng.

³ And ouer these thingis Y yyue gold and siluer in to the temple of my God, whiche Y offride of my propir catel in to the hows of my God, outakun these thingis whiche Y made redi in to the hooli hows,

³ We schulen telle thi merueilis; whanne Y schal take tyme, Y schal deme riytfulnesses.

¹ The title of the nyne and seuentithe salm. To victorie; this salm is witnessing of Asaph for lilies.

⁵ Lord, thei han maad lowe thi puple; and thei han disesid thin eritage.

¹¹ the hous of oure halewyng and of oure glorie, where oure fadris herieden thee, is maad in to brennyng of fier; and alle oure desirable thingis ben turned in to fallyngis.

¹¹ Therfor Y lyue, seith the Lord God, no but for that that thou defoulidist myn hooli thing in alle thin offenciouns, and in alle thin abhomynaciouns; and Y schal breke, and myn iye schal not spare, and Y schal not do merci.

²² And Y schal turne awei my face fro hem, and thei schulen defoule my priuyte; and harlotis schulen entre in to it, and schulen defoule it.

³⁸ But also thei diden this to me, thei defouleden my seyntuarie in that dai, and maden vnhooli my sabatis. ³⁹ And whanne thei sacrifisiden her sones to her idols, and entriden in to my seyntuarie in that dai, that thei schulden defoule it, thei diden also these thingis in the myddis of myn hous.

¹² This is the lawe of the hous, in the hiynesse of the hil; alle the coostis therof in cumpas is the hooli of hooli thingis; therfor this is the lawe of the hous.

⁴ Profetis therof weren woode, vnfeithful men; prestis therof defouliden hooli thing, thei diden vniustli ayens the lawe.

¹⁸ Fle ye fornycacioun; al synne what euere synne a man doith, is with out the bodi; but he that doith fornycacioun, synneth ayens his bodi. ¹⁹ Whether ye witen not, that youre membris ben the temple of the Hooli Goost, that is in you, whom ye han of God, and ye ben not youre owne? ²⁰ For ye ben bouyt with greet prijs. Glorifie ye, and bere ye God in youre bodi.