1 John 4:7 Cross References - Wycliffe

⁷ Moost dere britheren, loue we togidere, for charite is of God; and ech that loueth his brother, is borun of God, and knowith God.

⁶ Thi Lord God schal circumcide thin herte, and the herte of thi seed, that thou loue thi Lord God in al thin herte and in al thi soule, and maist liue.

³ And this is euerlastynge lijf, that thei knowe thee very God aloone, and whom thou hast sent, Jhesu Crist.

⁶ For God, that seide liyt to schyne of derknessis, he hath youe liyt in oure hertis, to the liytnyng of the science of the clerenesse of God, in the face of Jhesu Crist.

⁹ But now whanne ye han knowe God, and ben knowun of God, hou ben ye turned eftsoone to the febil and nedi elementis, to the whiche ye wolen eft serue?

²² But the fruyt of the spirit is charite, ioye, pees, pacience, long abidyng,

⁹ But of the charite of britherhed we hadden no nede to write to you; ye silf han lerud of God, that ye loue togidere; ¹⁰ for ye don that in to alle britheren in al Macedonye. And, britheren, we preyen you, that ye abounde more; and taken kepe, that ye be quyet;

⁷ For whi God yaf not to vs the spirit of drede, but of vertu, and of loue, and of sobrenesse.

²² And make ye chast youre soulis in obedience of charite, in loue of britherhod; of simple herte loue ye togidre more bisili.

¹⁰ He that loueth his brothir, dwellith in liyt, and sclaundre is not in hym.

²⁹ If ye witen that he is iust, wite ye that also ech that doith riytwisnesse, is borun of hym.

¹⁰ In this thing the sones of God ben knowun, and the sones of the feend. Ech man that is not iust, is not of God, and he that loueth not his brothir. ¹¹ For this is the tellyng, that ye herden at the bigynnyng, that ye loue ech othere; ¹² not as Caym, that was of the yuele, and slouy his brother. And for what thing slouy he him? for hise werkis weren yuele, and hise brotheris iust. ¹³ Britheren, nyle ye wondre, if the world hatith you. ¹⁴ We witen, that we ben translatid fro deeth to lijf, for we louen britheren. He that loueth not, dwellith in deth. ¹⁵ Ech man that hatith his brother, is a man sleere; and ye witen, that ech mansleere hath not euerlastinge lijf dwellinge in hym. ¹⁶ In this thing we han knowe the charite of God, for he puttide his lijf for vs, and we owen to putte oure lyues for oure britheren. ¹⁷ He that hath the catel of this world, and seeth that his brothir hath nede, and closith his entrailis fro hym, hou dwellith the charite of God in hym? ¹⁸ Mi litle sones, loue we not in word, nethir in tunge, but in werk and treuthe. ¹⁹ In this thing we knowen, that we ben of treuthe, and in his siyt we monesten oure hertis. ²⁰ For if oure herte repreueth vs, God is more than oure hert, and knowith alle thingis. ²¹ Moost dere britheren, if oure herte repreueth not vs, we han trust to God; ²² and what euer we schulen axe, we schulen resseyue of hym, for we kepen hise comaundementis, and we don tho thingis that ben plesaunt bifor hym. ²³ And this is the comaundement of God, that we bileue in the name of his sone Jhesu Crist, and that we loue ech othere, as he yaf heeste to vs.

⁸ He that loueth not, knowith not God; for God is charite.

¹² No man say euer God; if we louen togidre, God dwellith in vs, and the charite of hym is perfit in vs.

²⁰ If ony man seith, that `Y loue God, and hatith his brother, he is a liere. For he that loueth not his brothir, which he seeth, hou mai he loue God, whom he seeth not?