1 Thessalonians 4:3 Cross References - Wycliffe

³ For this is the wille of God, youre holynesse, that ye absteyne you fro fornycacioun.

⁸ He yede with out forth; and spak to the same thing. Alle myn enemyes bacbitiden pryuyli ayens me; ayens me thei thouyten yuels to me.

¹⁰ Which yyuest heelthe to kingis; which ayen bouytist Dauid, thi seruaunt, fro the wickid swerd rauische thou out me.

²¹ Not ech man that seith to me, Lord, Lord, schal entre in to the kyngdom of heuenes; but he that doith the wille of my fadir that is in heuenes, he schal entre in to the kyngdoom of heuenes.

⁵⁰ for who euer doith the wille of my fadir that is in heuenes, he is my brothir, and sistir, and modir.

¹⁹ For of the herte goon out yuele thouytis, mansleyngis, auowtries, fornycaciouns, theftis, fals witnessyngis, blasfemyes.

³⁵ For who that doith the wille of God, he is my brothir, and my sistir, and modir.

³⁴ Jhesus seith to hem, My mete is, that Y do the wille of hym that sente me, that Y perfourme the werk of hym.

¹⁷ If ony man wole do his wille, he schal knowe of the techyng, whethir it be of God, or Y speke of my silf.

¹⁷ Halewe thou hem in treuth; thi word is treuthe. ¹⁸ As thou sentist me in to the world, also Y sente hem `in to the world. ¹⁹ And Y halewe my silf for hem, that also thei ben halewid in treuthe.

²⁰ to be not disesid, but to write to hem, that thei absteyne hem fro defoulingis of maumetis, and fro fornicacioun, and stranglid thingis, and blood.

²⁹ that ye absteyne you fro the offrid thingis of maumetis, and blood stranglid, and fornicacioun. Fro whiche ye kepinge you, schulen do wel. Fare ye wel.

³² And now Y bitake you to God and to the word of his grace, that is myyti to edifie and yyue eritage in alle that ben maad hooli.

¹⁸ to opene the iyen of hem, that thei ben conuertid fro derknesse to liyt, and fro power of Sathnas to God, that thei take remyssioun of synnes, and part among seyntis, bi feith that is in me.

²⁹ malice, fornycacioun, coueitise, weiwardnesse, ful of enuye, mansleyngis, strijf, gile, yuel wille, preuy bacbiteris, detractouris,

²² But now ye delyuered fro synne, and maad seruauntis to God, han your fruyt in to holinesse, and the ende euerlastinge lijf. For the wagis of synne is deth; the grace of God is euerlastynge lijf in Crist Jhesu our Lord.

² And nyle ye be confourmyd to this world, but be ye reformed in newnesse of youre wit, that ye preue which is the wille of God, good, and wel plesynge, and parfit.

³⁰ But of hym ye ben in Crist Jhesu, which is maad of God to vs wisdom, and riytwisnesse, and holynesse, and ayenbiyng; that,

⁹ I wroot to you in a pistle, that ye be not medlid with letchours, ¹⁰ not with letchours of this world, ne coueitous men, ne raueynours, ne with men seruynge to mawmetis, ellis ye schulden haue go out of this world. ¹¹ But now Y wroot to you, that ye be not meynd. But if he that is named a brother among you, and is a letchour, or coueitouse, or seruynge to ydols, or cursere, or ful of drunkenesse, or raueynour, to take no mete with siche.

⁹ Whether ye witen not, that wickid men schulen not welde the kyngdom of God? Nyle ye erre; nethir letchours, nether men that seruen mawmetis, nether auouteris, ¹⁰ nether letchouris ayen kynde, nether thei that doon letcheri with men, nether theues, nether auerouse men, nethir `ful of drunkenesse, nether curseris, nether rauenours, schulen welde the kyngdom of God. ¹¹ And ye weren sum tyme these thingis; but ye ben waischun, but ye ben halewid, but ye ben iustefied in the name of oure Lord Jhesu Crist, and in the spirit of oure God.

¹³ Mete to the wombe, and the wombe to metis; and God schal distruye bothe this and that. And the bodi not to fornycacioun, but to the Lord, and the Lord to the bodi. ¹⁴ For God reiside the Lord, and schal reise vs bi his vertu. ¹⁵ Witen ye not, that youre bodies ben membris of Crist? Schal Y thanne take the membris of Crist, and schal Y make the membris of an hoore? God forbede. ¹⁶ Whether ye witen not, that he that cleueth to an hoore, is maad o bodi? For he seith, Ther schulen be tweyne in o fleisch. ¹⁷ And he that cleueth to the Lord, is o spirit. ¹⁸ Fle ye fornycacioun; al synne what euere synne a man doith, is with out the bodi; but he that doith fornycacioun, synneth ayens his bodi.

² But for fornycacioun eche man haue his owne wijf, and ech womman haue hir owne hosebonde.

²¹ and lest eftsoone whanne Y come, God make me low anentis you, and Y biweile many of hem, that bifor synneden, and diden not penaunce on the vnclennesse, and fornicacioun, and vnchastite, that thei han don.

¹⁹ And werkis of the fleisch ben opyn, whiche ben fornicacioun, vnclennes, vnchastite, letcherie, seruice of false goddis,

³ And fornycacioun, and al vnclennesse, or aueryce, be not named among you, as it bicometh holi men; ⁴ ethir filthe, or foli speche, or harlatrye, that perteyneth not to profit, but more doyng of thankyngis. ⁵ For wite ye this, and vndurstonde, that ech letchour, or vnclene man, or coueytouse, that serueth to mawmetis, hath not eritage in the kingdom of Crist and of God.

¹⁷ Therfor nyle ye be maad vnwise, but vndurstondynge which is the wille of God.

²⁶ and clenside it with the waisching of watir, in the word of lijf, ²⁷ to yyue the chirche gloriouse to hym silf, that it hadde no wem, ne ryueling, or ony siche thing, but that it be hooli and vndefoulid.

⁶ not seruynge at the iye, as plesinge to men, but as seruauntis of Crist; doynge the wille of God bi discrecioun,

⁹ Therfor we fro the dai in which we herden, ceessen not to preye for you, and to axe, that ye be fillid with the knowing of his wille in al wisdom and goostli vndurstondyng;

⁵ Therfor sle ye youre membris, whiche ben on the erthe, fornycacioun, vnclennesse, letcherie, yuel coueitise, and aueryse, which is seruyse of mawmetis;

¹² Epafras, that is of you, the seruaunt of Jhesu Crist, gretith you wel; euere bisi for you in preyeris, that ye stonde perfit and ful in al the wille of God.

⁴ That ech of you kunne welde his vessel in holynesse, and onour;

¹⁸ For this is the wille of God in Crist Jhesu, in alle you.

²³ And God hym silf of pees make you hooli bi alle thingis, that youre spirit be kept hool, and soule, and bodi, without pleynt, in the comyng of oure Lord Jhesu Crist.

¹³ in which also he clepide you bi oure gospel, in to geting of the glorie of oure Lord Jhesu Crist. ¹⁴ that yaf hym silf for vs, to ayenbie vs fro al wickidnesse, and make clene to hym silf a puple acceptable, and suere of good werkis.

³⁶ For pacience is nedeful to you, that ye do the wille of God, and bringe ayen the biheest.

¹⁶ that no man be letchour, ether vnhooli, as Esau, which for o mete seelde hise firste thingis.

⁴ `Wedding is in alle thingis onourable, and bed vnwemmed; for God schal deme fornicatouris and auouteris.

²¹ schape you in al good thing, that ye do the wille of hym; and he do in you that thing that schal plese bifor hym, bi Jhesu Crist, to whom be glorie in to worldis of worldis. Amen.

² of Asye, and of Bitynye, bi the `bifor knowyng of God, the fadir, in halewyng of spirit, bi obedience, and springyng of the blood of Jhesu Crist, grace and pees be multiplied to you.

² that that is left now in fleisch lyue not now to the desiris of men, but to the wille of God.

¹⁷ And the world schal passe, and the coueitise of it; but he that doith the wille of God, dwellith with outen ende.

⁸ But to ferdful men, and vnbileueful, and cursid, and manquelleris, and fornycatouris, and to witchis, and worschiperis of idols, and to alle lieris, the part of hem shal be in the pool brennynge with fier and brymstoon, that is the secounde deth.

¹⁵ For with outen forth houndis, and witchis, and unchast men, and manquelleris, and seruynge to idols, and ech that loueth and makith leesyng.