1 Timothy 6:4 Cross References - Wycliffe

⁴ he is proud, and kan no thing, but langwischith aboute questiouns and stryuyng of wordis, of the whiche ben brouyt forth enuyes, stryues, blasfemyes, yuele suspiciouns, fiytingis of men,

⁷ A man is as riche, whanne he hath no thing; and a man is as pore, whanne he is in many richessis.

¹⁴ A cloude and wind, and reyn not suynge, is a gloriouse man, and not fillynge biheestis.

¹² Thou hast seyn a man seme wijs to hym silf; an vnkunnyng man schal haue hope more than he.

⁴ Lo! ye fasten to chidyngis and stryuyngis, and smyten with the fist wickidli. Nyl ye fast, as `til to this dai, that youre cry be herd an hiy.

⁹ Therfor greet ioye was maad in that citee. But there was a man in that citee, whos name was Symount, a witche, that hadde disseyued the folc of Samarie, seiynge, that him silf was sum greet man.

²¹ Ther is no part, ne sort to thee, in this word, for thin herte is not riytful bifor God. ²² Therfor do thou penaunce for this wickidnesse of thee, and preie God, if perauenture this thouyt of thin herte be foryouun to thee. ²³ For Y se that thou art in the gall of bitternesse and in the boond of wickidnesse.

² Therfor whanne ther was maad not a litil discencioun to Poul and Barnabas ayens hem, thei ordeyneden, that Poul and Barnabas, and summe othere of hem, schulden go vp to the apostlis and preestis in Jerusalem, on this questioun.

¹⁵ but if questiouns ben of the word, and of names of youre lawe, bisee you silf; Y wole not be domesman of these thingis.

⁸ but to hem that ben of strijf, and that assenten not to treuthe, but bileuen to wickidnesse, wraththe and indignacioun, tribulacioun and angwisch,

¹⁶ Fele ye the same thing togidere; not sauerynge heiy thingis, but consentynge to meke thingis. Nile ye be prudent anentis you silf;

¹³ As in dai wandre we onestli, not in superflu feestis and drunkenessis, not in beddis and vnchastitees, not in strijf and in enuye;

¹ But take ye a sijk man in bileue, not in demyngis of thouytis.

³ For while strijf is among you, whether ye ben not fleischli, and ye gon aftir man?

¹⁸ No man disseyue hym silf. If ony man among you is seyn to be wiys in this world, be he maad a fool, that he be wijs.

¹ But of these thingis that ben sacrified to ydols, we witen, for alle we han kunnyng. But kunnyng blowith, charite edefieth. ² But if ony man gessith, that he kan ony thing, he hath not yit knowe hou it bihoueth hym to kunne.

¹⁶ But if ony man is seyn to be ful of strijf, we han noon siche custom, nethir the chirche of God.

¹⁸ First for whanne ye comen togidere in to the chirche, Y here that discenciouns ben, and in parti Y bileue.

²⁰ For ye susteynen, if ony man dryueth you in to seruage, if ony man deuourith, if ony man takith, if ony man is enhaunsid, if ony man smytith you on the face.

¹⁵ And if ye bite, and ete ech othere, se ye, lest ye be wastid ech fro othere.

²⁰ witchecraftis, enmytees, striuyngis, indignaciouns, wraththis, chidingis, discenciouns, sectis, enuyes, ²¹ manslauytris, dronkennessis, vnmesurable etyngis, and thingis lijk to these, whiche Y seie to you, as Y haue told to you `to fore, for thei that doon suche thingis, schulen not haue the kyngdom of God.

³ For who that trowith that he be ouyt, whanne he is nouyt, he bigilith him silf.

¹⁵ But summe for enuye and strijf, summe for good wille, prechen Crist;

³ no thing bi strijf, nether by veyn glorie, but in mekenesse, demynge eche othere to be heiyer than hym silf;

¹⁴ And do ye alle thingis with out grutchingis and doutyngis;

¹⁸ No man disseyue you, willynge to teche in mekenesse, and religioun of aungelis, tho thingis whiche he hath not seyn, walkinge veynli, bolnyd with wit of his fleisch,

⁴ that is aduersarie, and is enhaunsid ouer `al thing that is seid God, or that is worschipid, so that he sitte in the temple of God, and schewe hym silf as if he were God.

⁴ nether yyue tent to fablis and genologies that ben vncerteyn, whiche yyuen questiouns, more than edificacioun of God, that is in the feith.

⁷ and willith to be techeris of the lawe, and vndurstonden not what thingis thei speken, nether of what thingis thei affermen.

⁶ lest he be borun vp in to pride, and falle in to doom of the deuel.

¹⁴ Teche thou these thingis, witnessinge bifore God. Nyle thou stryue in wordis; for to no thing it is profitable, but to the subuerting of men that heren.

²³ And eschewe thou foltische questiouns, and without kunnyng, wytynge that tho gendren chidyngis.

⁴ with out benygnyte, traitouris, ouerthwert, bollun with proude thouytis, blynde, loueris of lustis more than of God,

⁹ And eschewe thou foltische questiouns, and genologies, and stryues, and fiytyngis of the lawe; for tho ben vnprofitable and veyn.

¹⁹ Wite ye, my britheren moost loued, be ech man swift to here, but slow to speke, and slow to wraththe;

¹⁴ Mi britheren, what schal it profite, if ony man seie that he hath feith, but he hath not the werkis? whether feith schal mowe saue hym? ¹⁵ And if a brother ethir sister be nakid, and han nede of ech daies lyuelode, ¹⁶ and if ony of you seie to hem, Go ye in pees, be ye maad hoot, and be ye fillid; but if ye yyuen not to hem tho thingis that ben necessarie to bodi, what schal it profite? ¹⁷ So also feith, if it hath not werkis, is deed in it silf. ¹⁸ But summan schal seie, Thou hast feith, and Y haue werkis; schewe thou to me thi feith with out werkis, and Y schal schewe to thee my feith of werkis.

¹ Wherof ben batelis and cheestis among you? Whether not of youre coueitisis, that fiyten in youre membris? ² Ye coueiten, and ye han not; ye sleen, and ye han enuye, and ye moun not gete. Ye chiden, and maken batel; and ye han not, for ye axen not.

⁵ Whether ye gessen, that the scripture seith veynli, The spirit that dwellith in you, coueitith to enuye? ⁶ But he yyueth the more grace; for which thing he seith, God withstondith proude men, but to meke men he yyueth grace.

¹ Therfor putte ye awei al malice, and al gile, and feynyngis, and enuyes, and alle bacbityngis; ² as now borun yonge children, resonable, with out gile, coueite ye mylk, that in it ye wexe in to helthe; if netheles ye han tastid,

¹² But these ben as vnresonable beestis, kyndli in to takyng, and in to deth, blasfemynge in these thingis that thei knowen not, and schulen perische in her corrupcioun,

¹⁸ And thei speken in pryde of vanyte, and disseyuen in desiris of fleisch of letcherie hem, that scapen a litil.

¹⁰ But these men blasfemen, what euer thingis thei knowen not. For what euer thingis thei knowen kyndli as doumbe beestis, in these thei ben corupt.

¹⁶ These ben grutcheris ful of pleyntis, wandrynge aftir her desiris; and the mouth of hem spekith pride, worschipinge persoones, bi cause of wynnyng.

¹⁷ For thou seist, That Y am riche, and ful of goodis, and Y haue nede of no thing; and thou wost not, that thou art a wretche, and wretcheful, `and pore, and blynde, and nakid.