2 Corinthians 8:5 Cross References - Wycliffe

⁵ And not as we hopiden, but thei yauen hem silf first to the Lord, aftirward to vs bi the wille of God.

²⁸ therfor Y haue youe hym to the Lord `in alle daies, in whiche he is youun to the Lord. And thei worschypiden there the Lord.

¹⁸ Forsothe the spirit clothide Amasay, the prynce among thritti, and he seide, A! Dauid, we ben thin, and thou, sone of Ysai, we schulen be with thee; pees, pees to thee, and pees to thin helperis, for thi Lord God helpith thee. Therfor Dauid resseyuede hem, and made princes of the cumpeny.

⁸ Nyle ye make hard youre nollis, as youre fadris diden; yyue ye hondis to the Lord, and come ye to his seyntuarie, which he halewide withouten ende; serue ye the Lord God of youre fadris, and the ire of his strong veniaunce schal `be turned awey fro you.

¹² Forsothe the hond of the Lord was maad in Juda, that he yaf to hem oon herte, and that thei diden the word of the Lord, bi the comaundement of the kyng and of the princes.

³ For Y schal schede out watris on the thirsti, and floodis on the dry lond; Y schal schede out my spirit on thi seed, and my blessyng on thi generacioun. ⁴ And thei schulen buriowne among erbis, as salewis bisidis rennynge watris. ⁵ This man schal seie, Y am of the Lord, and he schal clepe in the name of Jacob; and this man schal write with his hoond to the Lord, and schal be licned in the name of Israel.

³³ But this schal be the couenaunte, which Y schal smyte with the hous of Israel aftir tho daies, seith the Lord; Y schal yyue my lawe in the entrails of hem, and Y schal write it in the herte of hem, and Y schal be in to God to hem, and thei schulen be in to a puple to me.

⁹ And Y schal lede the thridde part bi fier, and Y schal brenne hem, as siluer is brent, and Y schal preue hem, as gold is preuyd. He schal clepe to help my name, and Y schal graciously here him; and Y schal seie, Thou art my puple, and he schal seie, Thou art my Lord God.

¹³ Nether yyue ye youre membris armuris of wickidnesse to synne, but yyue ye you silf to God, as thei that lyuen of deed men, and youre membris armuris of riytwisnesse to God.

¹ Therfore, britheren, Y biseche you bi the mercy of God, that ye yyue youre bodies a lyuynge sacrifice, hooli, plesynge to God, and youre seruyse resonable.

⁷ For no man of vs lyueth to hymsilf, and no man dieth to hymself. ⁸ For whether we lyuen, we lyuen to the Lord; and whethir we dien, we dien to the Lord. Therfor whethir we lyuen or dien, we ben of the Lord. ⁹ For whi for this thing Crist was deed, and roos ayen, that he be Lord bothe of quyke and of deed men.

¹⁹ Whether ye witen not, that youre membris ben the temple of the Hooli Goost, that is in you, whom ye han of God, and ye ben not youre owne? ²⁰ For ye ben bouyt with greet prijs. Glorifie ye, and bere ye God in youre bodi.

⁵ But we prechen not vs silf, but oure Lord Jhesu Crist; and vs youre seruauntis bi Jhesu.

¹⁴ For the charite of Crist dryueth vs; gessynge this thing, that if oon died for alle, thanne alle weren deed. ¹⁵ And Crist diede for alle, that thei that lyuen, lyue not now to hem silf, but to hym that diede for hem, and roos ayen.

¹ But, britheren, we maken knowun to you the grace of God, that is youun in the chirchis of Macedonye,