2 Thessalonians 1:8 Cross References - Wycliffe

⁸ in the flawme of fier, that schal yyue veniaunce to hem that knowen not God, and that obeien not to the euangelie of oure Lord Jhesu Crist.

²⁴ And God castide out Adam, and settide bifore paradis of lykyng cherubyn, and a swerd of flawme and turnynge aboute to kepe the weie of the tre of lijf.

² And he answeride, Who is the Lord, that Y here his vois, and delyuere Israel? I knowe not the Lord, and Y schal not delyuere Israel.

¹¹ And ye neiyiden to the `roote of the hille, that brente `til to heuene; and derknessis, and cloude, and myist weren therynne.

³⁰ Aftir that alle thingis han founde thee, that ben biforseid, forsothe in the laste tyme, thou schalt turne ayen to thi Lord God, and thou schalt here his vois.

⁵ Y was recouncelere and mediatour bitwixe God and you in that tyme, that Y schulde telle to you the wordis `of hym, for ye dredden the fier, and `stieden not in to the hil. And `the Lord seide,

³⁵ Veniaunce is myn, and Y schal yelde to hem in tyme, that the foot of hem slide; the dai of perdicioun is nyy, and tymes hasten to be present.

⁴¹ If Y schal whette my swerd as leit, and myn hond schal take doom, Y schal yelde veniaunce to myn enemyes, and Y schal quyte to hem that haten me. ⁴² Y schal fille myn arewis with blood, and my swerd schal deuoure fleischis of the blood of hem that ben slayn, and of the caitifte of the heed of enemyes maad nakid.

¹² Forsothe the sones of Hely weren sones of Belial,

⁹ Thou schalt gouerne hem in an yrun yerde; and thou schalt breke hem as the vessel of a pottere. ¹⁰ And now, ye kyngis, vndurstonde; ye that demen the erthe, be lerud. ¹¹ Serue ye the Lord with drede; and make ye ful ioye to hym with tremblyng. ¹² Take ye lore; lest the Lord be wrooth sumtyme, and lest ye perischen fro iust waie.

⁸ Alle men seynge me scorneden me; thei spaken with lippis, and stiriden the heed. ⁹ He hopide in the Lord, delyuere he hym; make he hym saaf, for he wole hym.

² `whanne Nathan the prophete cam to hym, whanne he entride to Bersabee. ³ God, haue thou merci on me; bi thi greet merci. And bi the mychilnesse of thi merciful doyngis; do thou awei my wickidnesse. ⁴ More waische thou me fro my wickidnesse; and clense thou me fro my synne. ⁵ For Y knouleche my wickidnesse; and my synne is euere ayens me. ⁶ I haue synned to thee aloone, and Y haue do yuel bifor thee; that thou be iustified in thi wordis, and ouercome whanne thou art demed. For lo!

⁶ Hou longe schalt thou feede vs with the breed of teeris; and schalt yyue drynke to vs with teeris in mesure?

¹ The foure and nyntithe salm. Come ye, make we ful out ioie to the Lord; hertli synge we to God, oure heelthe.

¹⁹ If ye wolen, and heren me, ye schulen ete the goodis of erthe.

¹¹ In the drynesse of ripe corn therof wymmen comynge, and thei that techen it, schulen be al to-brokun. Forsothe it is not a wijs puple, therfor he that made it, schal not haue mercy on it; and he that formyde it, schal not spare it.

² and a dai of veniaunce to oure God; that Y schulde coumforte alle that mourenen;

⁴ For whi a dai of veniaunce is in myn herte, and the yeer of my yeldyng cometh. ⁵ I lokide aboute, and noon helpere was; Y souyte, and noon was that helpide; and myn arm sauyde to me, and myn indignacioun, that helpide me. ⁶ And Y defoulide puplis in my stronge veniaunce; and Y made hem drunkun in myn indignacioun, and Y drow doun her vertu in to erthe.

⁶ Thi dwellyng is in the myddis of gile; in gile thei forsoken to knowe me, seith the Lord.

¹⁰ A flood of fier and rennynge faste yede out fro his face, a thousynde thousynde mynistriden to hym, and ten sithis a thousynde sithis an hundrid thousynde stoden niy hym; the dom sat, and bookis weren opened.

⁶ and whiche ben turned awei bihynde the bak of the Lord, and whiche `souyten not the Lord, nether enserchiden hym.

⁴¹ Thanne the kyng schal seie also to hem, that schulen be on his lefthalf, Departe fro me, ye cursid, in to euerlastynge fijr, that is maad redi to the deuel and hise aungels.

⁴⁶ And these schulen goo in to euerlastynge turment; but the iust men schulen go in to euerlastynge lijf.

¹⁹ And this is the dom, for liyt cam in to the world, and men loueden more derknessis than liyt; for her werkes weren yuele.

¹⁹ Therfor thei seiden to hym, Where is thi fadir? Jhesus answeride, Nether ye knowen me, nethir ye knowen my fadir; if ye knewen me, perauenture ye schulden knowe also my fadir.

⁷ And the word of the Lord wexide, and the noumbre of the disciplis in Jerusalem was myche multiplied; also myche cumpany of preestis obeiede to the feith.

⁵ bi whom we han resseyued grace and the office of apostle, to obeie to the feith in alle folkis for his name,

²⁸ And as thei preueden that thei hadden not God in knowyng, God bitook hem in to a repreuable wit, that thei do tho thingis that ben not couenable; that thei ben fulfillid with al wickidnesse,

⁷ sotheli to hem that ben bi pacience of good werk, glorie, and onour, and vncorrupcioun, to hem that seken euerlastynge lijf; ⁸ but to hem that ben of strijf, and that assenten not to treuthe, but bileuen to wickidnesse, wraththe and indignacioun, tribulacioun and angwisch,

¹⁶ God forbede. Witen ye not, that to whom ye yyuen you seruauntis to obeie to, ye ben seruauntis of that thing, to which ye han obeschid, ether of synne to deth, ether of obedience to riytwisnesse?

¹⁶ But not alle men obeien to the gospel. For Ysaie seith, Lord, who bileuede to oure heryng?

¹⁸ For Y dar not speke ony thing of tho thingis, whiche Crist doith not bi me, in to obedience of hethene men, in word and dedis,

²⁶ which mysterie is now maad opyn bi scripturis of prophetis, bi the comaundement of God with outen bigynnyng and endyng, to the obedience of feith in alle hethene men, the mysterie

³⁴ Awake ye, iuste men, and nyle ye do synne; for summen han ignoraunce of God, but to reuerence Y speke to you.

⁵ and alle hiynesse that hiyeth it silf ayens the science of God, and dryuen `in to caitifte al vndirstonding in to the seruyce of Crist.

¹ Vnwitti Galathies, tofor whos iyen Jhesu Crist is exilid, and is crucified in you, who hath disseyued you, that ye obeyen not to treuthe?

⁸ But thanne ye vnknowynge God, serueden to hem that in kynde weren not goddis.

⁵ not in passioun of lust, as hethene men that knowen not God.

³ hou schulen we ascape, if we despisen so greet an heelthe? Which, whanne it hadde takun bigynnyng to be teld out by the Lord, of hem that herden is confermyd in to vs.

⁹ and he brouyt to the ende is maad cause of euerlastinge heelthe to alle that obeischen to hym, and is clepid of God a bischop,

²⁷ Forwhi sum abiding of the dom is dreedful, and the suyng of fier, which schal waste aduersaries.

³⁰ For we knowen him that seide, To me veniaunce, and Y schal yelde. And eft, For the Lord schal deme his puple.

⁸ By feith he that is clepid Abraham, obeiede to go out in to a place, whiche he schulde take in to eritage; and he wente out, not witinge whidur he schulde go.

²⁹ For oure God is fier that wastith.

² of Asye, and of Bitynye, bi the `bifor knowyng of God, the fadir, in halewyng of spirit, bi obedience, and springyng of the blood of Jhesu Crist, grace and pees be multiplied to you.

⁶ As Sara obeied to Abraham, and clepide hym lord; of whom ye ben douytris wel doynge, and not dredynge ony perturbacioun.

¹⁷ For tyme is, that doom bigynne at Goddis hous; and if it bigynne first at vs, what ende schal be of hem, that bileuen not to the gospel?

⁷ But the heuenes that now ben, and the erthe, ben kept bi the same word, and ben reseruyd to fier in to the dai of doom and perdicioun of wickid men.

¹⁰ For the dai of the Lord schal come as a theef, in which heuenes with greet bire schulen passe, and elementis schulen be dissoluyd bi heete, and the erthe, and alle the werkis that ben in it, schulen be brent. ¹¹ Therfor whanne alle these thingis schulen be dissolued, what manner men bihoueth it you to be in hooli lyuyngis and pitees, ¹² abidinge and hiyynge in to the comyng of the dai of oure Lord Jhesu Crist, bi whom heuenes brennynge schulen be dissoluyd, and elementis schulen faile bi brennyng of fier.

¹⁰ And thei crieden with a geet vois, and seiden, Hou long thou, Lord, that art hooli and trewe, demest not, and vengest not oure blood of these that dwellen in the erthe?

¹⁶ And thei seien to hillis and to stoonys, Falle ye on vs, and hide ye vs fro the face of hym that sittith on the trone, and fro the wrath of the lomb; ¹⁷ for the greet dai of her wraththe cometh, and who schal mowe stonde?

¹⁰ where bothe the beeste and fals prophetis schulen be turmentid dai and niyt, in to worldis of worldis.

¹⁴ And helle and deth weren sent in to a poole of fier. `This is the secunde deth. ¹⁵ And he that was not foundun writun in the book of lijf, was sent in to the pool of fier.

⁸ But to ferdful men, and vnbileueful, and cursid, and manquelleris, and fornycatouris, and to witchis, and worschiperis of idols, and to alle lieris, the part of hem shal be in the pool brennynge with fier and brymstoon, that is the secounde deth.