Colossians 3:8 Cross References - Wycliffe

⁸ But now putte ye awei alle thingis, wraththe, indignacioun, malice, blasfemye and foule word of youre mouth.

¹¹ and whanne he hadde blasfemyd the name of the Lord, and hadde cursid the Lord, he was brouyt to Moises; forsothe his modir was clepid Salumyth, the douytir of Dabry, of the lynage of Dan; ¹² and thei senten hym to prisoun, til thei wisten what the Lord comaundide. ¹³ And the Lord spak to Moises and seide, ¹⁴ Lede out the blasfemere without the castels, and alle men that herden, sette her hondis on his heed, and al the puple stone hym. ¹⁵ And thou schalt speke to the sones of Israel, A man that cursith his God, ¹⁶ schal bere his synne, and he that blasfemeth the name of the Lord, die bi deeth; al the multitude of the puple schal oppresse hym with stoonus, whether he that blasfemede the name of the Lord is a citeseyn, whether a pilgrym, die he bi deeth.

⁸ For my leendis ben fillid with scornyngis; and helthe is not in my fleisch.

¹⁴ He that leeueth watir, is heed of stryues; and bifor that he suffrith wrong, he forsakith dom.

¹⁹ Forsothe he that is vnpacient, schal suffre harm; and whanne he hath rauyschid, he schal leie to anothir thing.

²² A wrathful man territh chidingis; and he that is liyt to haue indignacioun, schal be more enclynaunt to synnes.

²² But Y seie to you, that ech man that is wrooth to his brothir, schal be gilti to doom; and he that seith to his brother, Fy! schal be gilti to the counseil; but he that seith, Fool, schal be gilti to the fier of helle.

²² fornycaciouns, mansleyingis, theftis, auaricis, wickidnessis, gile, vnchastite, yuel iye, blasfemyes, pride, foli.

¹³ As in dai wandre we onestli, not in superflu feestis and drunkenessis, not in beddis and vnchastitees, not in strijf and in enuye;

³ For while strijf is among you, whether ye ben not fleischli, and ye gon aftir man?

²⁰ But Y drede, lest whanne Y come, Y schal fynde you not suche as Y wole, and Y schal be foundun of you suche as ye wolen not; lest perauenture stryuyngis, enuyes, sturdynessis, dissenciouns and detraccions, preuy spechis of discord, bolnyngis bi pride, debatis ben among you;

¹⁵ And if ye bite, and ete ech othere, se ye, lest ye be wastid ech fro othere.

²⁰ witchecraftis, enmytees, striuyngis, indignaciouns, wraththis, chidingis, discenciouns, sectis, enuyes,

²² Do ye awey bi the elde lyuyng the elde man, that is corrupt bi the desiris of errour;

²⁶ Be ye wrooth, and nyle ye do synne; the sunne falle not doun on youre wraththe.

²⁹ Ech yuel word go not of youre mouth; but if ony is good to the edificacioun of feith, that it yyue grace to men that heren.

³¹ Al bitternesse, and wraththe, and indignacioun, and cry, and blasfemye be takun awey fro you, with al malice; ³² and be ye togidere benygne, merciful, foryyuynge togidere, as also God foryaf to you in Crist.

⁴ ethir filthe, or foli speche, or harlatrye, that perteyneth not to profit, but more doyng of thankyngis.

⁵ Therfor sle ye youre membris, whiche ben on the erthe, fornycacioun, vnclennesse, letcherie, yuel coueitise, and aueryse, which is seruyse of mawmetis;

⁹ Nyle ye lie togidere; spuyle ye you fro the elde man with his dedes, and clothe ye the newe man,

¹³ that first was a blasfeme, and a pursuere, and ful of wrongis. But Y haue getun the merci of God, for Y vnknowinge dide in vnbileue.

²⁰ Of whiche is Ymeneus and Alisaundre, which Y bitook to Sathanas, that thei lerne `to not blasfeme.

²³ And eschewe thou foltische questiouns, and without kunnyng, wytynge that tho gendren chidyngis. ²⁴ But it bihoueth the seruaunt of the Lord to chide not; but to be mylde to alle men, able to teche,

¹ Therfor we that han so greet a cloude of witnessis put to, do we awei al charge, and synne stondinge aboute vs, and bi pacience renne we to the batel purposid to vs,

²⁰ for the wraththe of man worchith not the riytwisnesse of God. ²¹ For which thing caste ye awei al vnclennesse, and plentee of malice, and in myldenesse resseyue ye the word that is plauntid, that may saue youre soulis.

⁷ Whether thei blasfemen not the good name, that is clepid to help on you?

⁴ And lo! schippis, whanne thei ben grete, and ben dryuun of stronge wyndis, yit thei ben borun about of a litil gouernaile, where the meuyng of the gouernour wole. ⁵ So also the tunge is but a litil membre, and reisith grete thingis. Lo! hou litil fier brenneth a ful greet wode. ⁶ And oure tunge is fier, the vniuersite of wickidnesse. The tunge is ordeyned in oure membris, which defoulith al the bodi; and it is enflawmed of helle, and enflawmeth the wheel of oure birthe.

¹⁴ That if ye han bitter enuye, and stryuyngis ben in youre hertis, nyle ye haue glorye, and be lyeris ayens the treuthe. ¹⁵ For this wisdom is not fro aboue comynge doun, but ertheli, and beestli, and feendli. ¹⁶ For where is enuye and strijf, there is vnstidfastnesse and al schrewid werk.

¹ Therfor putte ye awei al malice, and al gile, and feynyngis, and enuyes, and alle bacbityngis;

⁷ and delyuerid the iust Loth, oppressid of the wrong, and of the letcherouse conuersacioun of cursid men;

¹⁸ And thei speken in pryde of vanyte, and disseyuen in desiris of fleisch of letcherie hem, that scapen a litil.

⁸ In lijk maner also these that defoulen the fleisch, and dispisen lordschip, and blasfemen mageste.

¹³ wawis of the woode see, fomynge out her confusiouns; errynge sterris, to whiche the tempest of derknessis is kept with outen ende.

⁹ And men swaliden with greet heete, and blasfemyden the name of God hauynge power on these plagis, nether thei diden penaunce, that thei schulden yyue glorie to hym.