Deuteronomy 24:16 Cross References - Wycliffe

¹⁶ The fadris schulen not be slayn for the sones, nether the sones for the fadris, but ech man schal die for hys owne synne.

⁵ And whanne he hadde gete the rewme, he smoot hise seruauntis, that hadden killid the kyng, his fadir; ⁶ but he killide not the sones of hem that hadden slayn `the kyng, bi that that is writun in the book of the lawe of Moyses, as the Lord comaundide to Moises, and seide, Fadris schulen not die for the sones, nethir the sones for the fadris, but eche man schal die in his owne synne.

⁴ but he killide not the sones of hem; as it is writun in the book of the lawe of Moises, where the Lord comaundide, seiynge, Fadris schulen not be slayn for the sones, nether the sones for her fadris; but ech man schal die in his owne synne.

²⁹ In tho daies thei schulen no more seie, The fadres eeten a sour grape, and the teeth of sones weren astonyed; but ech man schal die in his wickidnesse, ³⁰ ech man that etith a sour grape, hise teeth schulen be astonyed.

²⁰ Thilke soule that doith synne, schal die; the sone schal not bere the wickidnesse of the fadir, and the fadir schal not bere the wickednesse of the sone; the riytfulnesse of a iust man schal be on hym, and the wickidnesse of a wickid man schal be on hym.