Genesis 20:16 Cross References - Wycliffe

¹⁶ Y yaf a thousand platis of siluer to thi brother; this schal be to thee in to hiling of iyen to al men that ben with thee; and whider euere thou goist, haue thou mynde that thou art takun.

⁵ Whether he seide not to me, Sche is my sistir, and sche seide, He is my brother? In the symplenesse of myn herte, and in the clennesse of myn hondis Y dide this.

⁶⁵ and seide to the child, Who is that man that cometh bi the feeld in to the metyng of vs? And the child seide to hir, He is my lord. And sche took soone a mentil, and hilide hir.

¹¹ and seide, He that touchith the wijf of this man schal die bi deeth.

³ And Joab answeride, The Lord encresse his puple an hundrid fold more than thei ben; my lord the kyng, whether alle ben not thi seruauntis? Whi sekith my lord this thing, that schal be arettid in to synne to Israel? ⁴ But the word of the kyng hadde more the maistrie; and Joab yede out, and cumpasside al Israel, and turnede ayen in to Jerusalem. ⁵ And he yaf to Dauid the noumbre of hem, which he hadde cumpassid; and al the noumbre of Israel was foundun a thousynde thousande, and an hundrid thousynde of men, drawynge out swerd; forsothe of Juda weren thre hundrid thousynde, and seuenti thousynde of werriouris. ⁶ For Joab noumbride not Leuy and Beniamyn, for ayens his wille he dide the comaundement of the kyng.

⁸ Nile thou vndirnyme a scornere; lest he hate thee. Vndirnyme thou a wise man; and he schal loue thee. ⁹ Yyue thou occasioun to a wise man; and wisdom schal be encreessid to hym. Teche thou a iust man; and he schal haste to take.

¹ He that loueth chastisyng, loueth kunnyng; but he that hatith blamyngis, is vnwijs.

¹² A goldun eere ryng, and a schinynge peerle is he, that repreueth a wijs man, and an eere obeiynge.

⁵ Betere is opyn repreuyng, than loue hid.

⁶ And the gouernour cam to him, and seide to hym, Whi art thou cast doun in sleep? rise thou, clepe thi God to help, if perauenture God ayenthenke of vs, and we perische not.

¹⁹ Y repreue, and chastise whom Y loue; therfor sue thou goode men, and do penaunce.