Genesis 39:12 Cross References - Wycliffe

¹² And sche took `the hem of his clooth, and sche seide, Slepe thou with me; and he lefte the mentil in hir hoond, and he fledde, and yede out.

⁸ which assentide not to the vnleueful werk, and seide to hir, Lo! while alle thingis ben bitakun to me, my lord woot not what he hath in his hows,

¹⁰ Thei spaken siche wordis `bi alle daies, and the womman was diseseful to the yong waxynge man, and he forsook auoutrie.

²⁷ And Samuel turnede to go a wey; sotheli Saul took the ende of the mentil of Samuel, which also was to-rent.

¹⁵ my sone, go thou not with hem; forbede thi foot fro the pathis of hem.

⁸ Make fer thi weie fro hir, and neiye thou not to the doris of hir hous.

⁵ Be thou rauyschid as a doo fro the hond; and as a bridde fro aspiyngis of the foulere.

¹³ And sche takith, and kissith the yong man; and flaterith with wowynge cheer, and seith, Y ouyte sacrifices for heelthe; ¹⁴ to dai Y haue yolde my vowis. ¹⁵ Therfor Y yede out in to thi meetyng, and Y desiride to se thee; and Y haue founde thee. ¹⁶ Y haue maad my bed with coordis, Y haue arayed with tapetis peyntid of Egipt; ¹⁷ Y haue bispreynt my bed with myrre, and aloes, and canel. ¹⁸ Come thou, be we fillid with tetis, and vse we collyngis that ben coueitid; til the dai bigynne to be cleer. ¹⁹ For myn hosebonde is not in his hows; he is goon a ful long weie. ²⁰ He took with hym a bagge of money; he schal turne ayen in to his hous in the dai of ful moone. ²¹ Sche boonde hym with many wordis; and sche drow forth hym with flateryngis of lippis. ²² Anoon he as an oxe led to slayn sacrifice sueth hir, and as a ioli lomb and vnkunnynge; and the fool woot not, that he is drawun to bondys, ²³ til an arowe perse his mawe. As if a brid hastith to the snare; and woot not, that it is don of the perel of his lijf. ²⁴ Now therfor, my sone, here thou me; and perseyue the wordis of my mouth. ²⁵ Lest thi soule be drawun awei in the weies of hir; nether be thou disseyued in the pathis of hir. ²⁶ For sche castide doun many woundid men; and alle strongeste men weren slayn of hir. ²⁷ The weies of helle is hir hous; and persen in to ynnere thingis of deeth.

²⁶ I cumpasside alle thingis in my soule, to kunne, and biholde, and seke wisdom and resoun, and to knowe the wickidnesse of a fool, and the errour of vnprudent men.

³⁰ In what thing schal Y clense thin herte, seith the Lord God, whanne thou doist alle these werkis of a womman an hoore, and gredi axere? ³¹ For thou madist thi bordel hous in `the heed of ech weie, and thou madist thin hiy place in ech street; and thou were not maad as an hoore ful of anoiyng,

⁵¹ But a yong man, clothid with lynnun cloth on the bare, suede hym; and thei helden hym. ⁵² And he lefte the lynnyn clothing, and fleiy nakid awei fro hem.

³³ Nyle ye be disseyued; for yuel spechis distrien good thewis.

²² And fle thou desiris of yongthe, but sue thou riytwisnesse, feith, charite, pees, with hem that inwardli clepen the Lord of a clene herte.

¹¹ Moost dere, Y biseche you, as comelyngis and pilgrymys, to absteine you fro fleischli desiris, that fiyten ayens the soule;