Isaiah 24:20 Cross References - Wycliffe

²⁰ the erthe schal be defoulid with defoulyng, the erthe schal be mouyd with mouyng, the erthe schal be schakun with schakyng, as a drunkun man.

⁴ Myn herte was hoot with ynne me; and fier schal brenne out in my thenkyng.

⁸ And the douytir of Sion, `that is, Jerusalem, schal be forsakun as a schadewynge place in a vyner, and as an hulke in a place where gourdis wexen, and as a citee which is wastid.

²⁸ and God schal al to-breke cursid men and synneris togidere, and thei that forsoken the Lord, schulen be wastid.

⁷ Forsothe the vyner of the Lord of oostis is the hous of Israel, and the men of Juda ben the delitable buriownyng of hym. Y abood, that it schal make doom, and lo! wickidnesse; and that it schulde do riytfulnesse, and lo! cry. ⁸ Wo to you that ioynen hows to hous, and couplen feeld to feeld, `til to the ende of place. Whether ye aloone schulen dwelle in the myddis of the lond? <sup>9</sup> These thingis ben in the eeris of me, the Lord of oostis; if many housis ben not forsakun, grete housis and faire, with outen dwellere, bileue ye not to me. <sup>10</sup> For whi ten acris of vynes schulen make a potel, and thretti buschels of seed schulen make thre buschels. <sup>11</sup> Wo to you that risen togidere eerli to sue drunkennesse, and to drinke `til to euentid, that ye brenne with wyn. ¹² Harpe, and giterne, and tympan, and pipe, and wyn ben in youre feestis; and ye biholden not the werk of the Lord, nether ye biholden the werkis of hise hondis. ¹³ Therfor my puple is led prisoner, for it hadde not kunnyng; and the noble men therof perischiden in hungur, and the multitude therof was drye in thirst. ¹⁴ Therfor helle alargide his soule, and openyde his mouth with outen ony ende; and strong men therof, and the puple therof, and the hiy men, and gloriouse men therof, schulen go doun to it. ¹⁵ And a man schal be bowid doun, and a man of age schal be maad low; and the iyen of hiy men schulen be pressid doun. ¹⁶ And the Lord of oostis schal be enhaunsid in doom, and hooli God schal be halewid in riytfulnesse. ¹⁷ And lambren schulen be fed bi her ordre, and comelyngis schulen ete desert places turned in to plentee. ¹⁸ Wo to you that drawen wickydnesse in the cordis of vanyte, and drawen synne as the boond of a wayn; and ye seien, ¹⁹ The werk of hym haaste, and come soone, that we se; and the counsel of the hooli of Israel neiy, and come, and we schulen knowe it. ²⁰ Wo to you that seien yuel good, and good yuel; and putten derknessis liyt, and liyt derknessis; and putten bittir thing in to swete, and swete thing in to bittir. ²¹ Wo to you that ben wise men in youre iyen, and ben prudent bifor you silf. ²² Wo to you that ben myyti to drynke wyn, and ben stronge to meddle drunkenesse; ²³ and ye iustifien a wickid man for yiftis, and ye taken awei the riytfulnesse of a iust man fro hym. ²⁴ For this thing, as the tunge of fier deuourith stobil, and the heete of flawme brenneth, so the roote of hem schal be as a deed sparcle, and the seed of hem schal stie as dust; for thei castiden awei the lawe of the Lord of oostis, and blasfemyden the speche of the hooli of Israel. ²⁵ Therfor the strong veniaunce of the Lord was wrooth ayens his puple, and he stretchide forth his hond on it, and smoot it; and hillis weren disturblid, and the deed bodies of hem weren maad as a toord in the myddis of stretis. In alle these thingis the stronge vengeaunce of him was not turned awei, but yit his hond was stretchid forth. ²⁶ And he schal reise a signe among naciouns afer, and he schal hisse to hym fro the endis of erthe; and lo! he schal haaste, and schal come swiftli. ²⁷ Noon is failynge nethir trauelynge in that oost; he schal not nappe, nether slepe, nether the girdil of his reynes schal be vndo, nether the lace of his scho schal be brokun. ²⁸ Hise arowis ben scharpe, and alle hise bowis ben bent; the houys of hise horsis ben as a flynt, and hise wheelis ben as the feersnesse of tempest. ²⁹ His roryng schal be as of lioun; he schal rore as the whelpis of liouns; and he schal gnaste, and schal holde prey, and schal biclippe, and noon schal be, that schal delyuere. ³⁰ And he schal sowne on it in that dai, as doith the soun of the see; we schulen biholde in to the erthe, and lo! derknessis of tribulacioun, and liyt is maad derk in the derknesse therof.

¹⁴ The Lord meddlid a spirit of errour in the myddis therof; and thei maden Egipt for to erre in al his werk, as a drunkun man and spuynge errith.

⁹ Be ye astonyed, and wondre; wake ye, and douyte ye; be ye drunken, and not of wyn; be ye moued, and not with drunkenesse.

¹² My generacioun is takun awei, and is foldid togidere fro me, as the tabernacle of scheepherdis is foldid togidere. Mi lijf is kit doun as of a webbe; he kittide doun me, the while Y was wouun yit. Fro the morewtid `til to the euentid thou schalt ende me;

²⁷ Thi firste fadir synnede, and thin interpretours trespassiden ayens me.

⁴ And thou schalt seie to hem, The Lord seith these thingis, Whether he that schal falle, schal not rise ayen? and whether he that is turned awei, schal not turne ayen?

²⁷ And thou schalt seie to hem, The Lord of oostis, God of Israel, seith these thingis, Drynke ye, and be ye drunkun, and spue ye, and falle ye doun, and nyle ye rise fro the face of swerd which Y schal sende among you.

¹⁴ Nun. The yok of my wickidnessis wakide in the hond of hym, tho ben foldid togidere, and put on my necke; my vertu is maad feble; the Lord yaf me in the hond, fro which Y schal not mowe rise.

¹⁹ And he schal turne his face to the lordschip of his loond, and he schal snapere, and falle doun, and he schal not be foundun.

¹ Sones of Israel, here ye the word of the Lord, for whi doom is to the Lord with the dwelleris of erthe; for whi trewthe is not, and merci is not, and kunnyng of the Lord is not in erthe. ² Curs, and leesyng, and manquelling, and thefte, and auowtrie flowiden, and blood touchide blood. ³ For this thing the erthe schal mourne, and ech that dwellith in that lond, schal be sijk, in the beeste of the feeld, and in the brid of the eir; but also the fischis of the see schulen be gaderid togidere. ⁴ Netheles ech man deme not, and a man be not repreuyd; for thi puple is as thei that ayen seien the prest. ⁵ And thou schalt falle to dai, and the profete also schal falle with thee; in the niyt Y made thi modir to be stille.

¹⁴ and seien, Dan, thi god lyueth, and the weie of Bersabee lyueth; and thei schulen falle, and thei schulen no more rise ayen.

⁵ And the aungel wente out, that spak in me, and seide to me, Reyse thin iyen, and se, what this thing is, that goith out. ⁶ And Y seide, What is it? And he seide, This is a pot goyng out. And he seide, This is the iye of hem in al erthe. ⁷ And lo! a talent of leed was borun; and lo! a womman sittynge in myddil of the pot. ⁸ And he seide, This is vnpite, ether vnfeithfulnesse. And he castide doun hir in myddil of the pot, and sente a gobet of leed in to the mouth therof.

³⁵ that al the iust blood come on you, that was sched on the erthe, fro the blood of iust Abel to the blood of Zacarie, the sone of Barachie, whom ye slowen bitwixe the temple and the auter. ³⁶ Treuli Y seie to you, alle these thingis schulen come on this generacioun.

²¹ And o stronge aungel took vp a stoon, as a greet mylne stoon, and keste in to the see, and seide, In this bire thilke greet citee Babiloyn schal be sent, and now it schal no more be foundun.