Job 23 Cross References - Wycliffe

¹ Sotheli Joob answeride, and seide, ² Now also my word is in bitternesse, and the hond of my wounde is agreggid on my weilyng. ³ Who yyueth to me, that Y knowe, and fynde hym, and come `til to his trone? ⁴ Y schal sette doom bifor hym, and Y schal fille my mouth with blamyngis; ⁵ that Y kunne the wordis, whiche he schal answere to me, and that Y vnderstonde, what he schal speke to me. ⁶ Y nyle, that he stryue with me bi greet strengthe, nether oppresse me with the heuynesse of his greetnesse. ⁷ Sette he forth equite ayens me, and my doom come perfitli to victorie. ⁸ If Y go to the eest, God apperith not; if Y go to the west, Y schal not vndurstonde hym; if Y go to the left side, ⁹ what schal Y do? Y schal not take hym; if Y turne me to the riyt side, Y schal not se hym. ¹⁰ But he knowith my weie, and he schal preue me as gold, that passith thorouy fier. ¹¹ My foot suede hise steppis; Y kepte his weie, and Y bowide not awey fro it. ¹² Y yede not awei fro the comaundementis of hise lippis; and Y hidde in my bosum the wordis of his mouth. ¹³ For he is aloone, and no man may turne awei hise thouytis; and what euer thing he wolde, his wille dide this thing. ¹⁴ Whanne he hath fillid his wille in me, also many othere lijk thingis ben redi to hym. ¹⁵ And therfor Y am disturblid of his face, and Y biholdynge hym am anguyschid for drede. ¹⁶ God hath maad neische myn herte, and Almyyti God hath disturblid me. ¹⁷ For Y perischide not for derknessis neiyynge; nethir myist hilide my face.

² Y wolde, that my synnes, bi whiche Y `desseruede ire, and the wretchidnesse which Y suffre, weren peisid in a balaunce. ³ As the grauel of the see, this wretchidnesse schulde appere greuousere; wherfor and my wordis ben ful of sorewe.

¹¹ Wherfor and Y schal not spare my mouth; Y schal speke in the tribulacioun of my spirit, Y schal talke togidere with the bitternesse of my soule.

¹ Yt anoieth my soule of my lijf; Y schal lete my speche ayens me, Y schal speke in the bitternesse of my soule.

⁶ to schewe to thee the priuetees of wisdom, and that his lawe is manyfold, and thou schuldist vndurstonde, that thou art requirid of hym to paie myche lesse thingis, than thi wickidnesse disserueth.

⁴ For the word of the Lord is riytful; and alle hise werkis ben in feithfulnesse.

² I schal opene my mouth in parablis; Y schal speke perfite resouns fro the bigynnyng. ³ Hou grete thingis han we herd, aud we han knowe tho; and oure fadris. telden to vs. ⁴ Tho ben not hid fro the sones of hem; in anothir generacioun. And thei telden the heriyngis of the Lord, and the vertues of hym; and hise merueilis, whyche he dide. ⁵ And he reiside witnessyng in Jacob; and he settide lawe in Israel. Hou grete thingis comaundide he to oure fadris, to make tho knowun to her sones; ⁶ that another generacioun knowe. Sones, that schulen be born, and schulen rise vp; schulen telle out to her sones. ⁷ That thei sette her hope in God, and foryete not the werkis of God; and that thei seke hise comaundementis. ⁸ Lest thei be maad a schrewid generacioun; and terrynge to wraththe, as the fadris of hem. A generacioun that dresside not his herte; and his spirit was not bileued with God. ⁹ The sones of Effraym, bendinge a bouwe and sendynge arowis; weren turned in the dai of batel.

¹⁹ Zai. Haue thou mynde on my pouert and goyng ouer, and on wermod and galle. ²⁰ Zai. Bi mynde Y schal be myndeful; and my soule schal faile in me.

³ But netheles Y schal speke to Almyyti God, and Y coueite to dispute with God;

²¹ and seide, Y yede nakid out of the wombe of my modir, Y schal turne ayen nakid thidur; the Lord yaf, the Lord took awei; as it pleside the Lord, so `it is doon; the name of the Lord be blessid.

²¹ A! my frendis, ful of wordis, myn iye droppith to God.

³⁵ who yyueth an helpere to me, that Almyyti God here my desire? that he that demeth, ³⁶ write a book, that Y bere it in my schuldre, and cumpasse it as a coroun to me? ³⁷ Bi alle my degrees Y schal pronounce it, and Y schal as offre it to the prynce.

¹ Forsothe the Lord answeride to Joob fro the whirlewynd, ² and seide, Girde thou as a man thi leendis, and Y schal axe thee, and schewe thou to me. ³ Whether thou schalt make voide my doom, and schalt condempne me, that thou be maad iust? ⁴ And if thou hast an arm, as God hath, and if thou thundrist with lijk vois, `take thou fairnesse aboute thee, <sup>5</sup> and be thou reisid an hiy, and be thou gloriouse, and be thou clothid `in faire clothis.

⁸ And in the weie of thi domes, Lord, we suffriden thee; thi name, and thi memorial is in desir of soule.

⁶ Seke ye the Lord, while he mai be foundun; clepe ye hym to help, while he is niy. ⁷ An vnfeithful man forsake his weie, and a wickid man forsake hise thouytis; and turne he ayen to the Lord, and he schal haue merci on hym, and to oure God, for he is myche to foryyue.

⁷ If oure wickidnessis answeren to vs, Lord, do thou for thi name, for oure turnyngis awei ben manye; we han synned ayens thee.

¹⁹ And God was in Crist, recounselynge to hym the world, not rettynge to hem her giltes, and puttide in vs the word of recounselyng. ²⁰ Therfor we vsen message for Crist, as if God monestith bi vs; we bisechen for Crist, be ye recounselid to God.

⁶ Therfor for it sueth, that summen schulen entre in to it, and thei to whiche it was teld to bifor, entriden not for her vnbileue.

²⁵ Fer be it fro thee that thou do this thing, and sle a iust man with a wickid man, and that a iust man be maad as a wickid man; this is not thin that demest al erthe; thou schalt not make this doom. ²⁶ And the Lord seide to him, If Y schal fynde in Sodom fifti iust men in the myddis of the citee, Y schal foryyue to al the place for hem. ²⁷ Abraham answerde and seide, For Y bigan onys, Y schal speke to my Lord, sithen Y am dust and aische; ²⁸ what if lesse than fifti iust men bi fyue ben, schalt thou do a wey al the cite for fyue and fourti? And the Lord seide, Y schal not do a wei, if I schal fynde fyue and fourti there. ²⁹ And eft Abraham seide to hym, But if fourti ben there, what schalt thou do? The Lord seide, Y schal not smyte for fourti. ³⁰ Abraham seide, Lord, Y biseche, take thou not to indignacioun, if Y speke; what if thretti be foundun there? The Lord answerde, Y schal not do, if Y schal fynde thretti there. ³¹ Abraham seide, For Y bigan onys, Y schal speke to my Lord; what if twenti be foundun there? The Lord seide, Y schal not sle for twenti. ³² Abraham seide, Lord, Y biseche, be thou not wrooth, if Y speke yit onys; what if ten be founden there? The Lord seide, Y schal not do a wey for ten.

¹² Thou spakist that thou schuldist do wel to me, and shuldist alarge my seed as the grauel of the see, that mai not be noumbrid for mychilnesse.

¹² Y biseche, that Egipcians seie not, he ledde hem out felli, `that he schulde sle in the hillis, and to do awei fro erthe, thin ire ceesse, and be thou quemeful on the wickidnesse of thi puple. ¹³ Haue thou mynde of Abraham, of Ysaac, and of Israel, thi seruauntis, to whiche thou hast swore bi thi silf, and seidist, Y schal multiplie youre seed as the sterris of heuene, and Y schal yyue to youre seed al this lond of which Y spak, and ye schulen welde it euere.

¹³ And Moises seide to the Lord, Egipcians `here not, fro whos myddil thou leddist out this puple, <sup>14</sup> and the dwelleris of this loond, whiche herden that thou, Lord, art in this puple, and art seyn face to face, and that thi cloude defendith hem, and that thou goist bifore hem in a pilere of cloude bi dai, <sup>15</sup> and in a piler of fier bi nyyt, that thou hast slayn so greet a multitude as o man, <sup>16</sup> and seie thei, He myyte not brynge this puple in to the lond for whiche he swoor, therfor he killide hem in wildirnesse; <sup>17</sup> therfor the strengthe of the Lord be magnified, as thou hast swore. And Moises seide, <sup>18</sup> Lord pacient, and of myche mercy, doynge awei wickidnesse and trespassis, and leeuynge no man vngilti, which visitist the synnes of fadris in to sones in to the thridde and fourthe generacioun, Y biseche, <sup>19</sup> foryyue thou the synne of this thi puple, aftir the greetnesse of thi merci, as thou were merciful to men goynge out of Egipt `til to this place.

⁸ My Lord God, what schal Y seie, seynge Israel turnynge the backis to hise enemyes? ⁹ Cananeys, and alle dwelleris of the lond schulen here, and thei schulen be gaderid togidere, and schulen cumpas vs, and schulen do awei oure name fro erthe; and what schalt thou do to thi grete name?

¹⁸ Yf Y schal be demed, Y woot that Y schal be foundun iust.

¹⁹ Schewe thou to vs, what we schulen seie to hym; for we ben wlappid in derknessis.

¹¹ But Y entride in myn innocens; ayenbie thou me, and haue merci on me.

¹ The title of the thre and fourtithe salm. `To victorie, lernyng to the sones of Chore.

²⁶ Brynge me ayen in to mynde, and be we demyd togidere; telle thou, if thou hast ony thing, that thou be iustified.

¹⁸ My God, for thi silf boowe doun thin eere, and here; opene thin iyen, and se oure desolacioun, and the citee, on which thi name is clepid to help. For not in oure iustifiyngis we setten forth mekeli preiers bifor thi face, but in thi many merciful doyngis. ¹⁹ Lord, here thou; Lord, be thou plesid, perseyue thou, and do; my Lord God, tarie thou not, for thi silf, for thi name is clepid to help on the citee, and on thi puple.

² Y schal seie to God, Nyle thou condempne me; schewe thou to me, whi thou demest me so.

²² Clepe thou me, and Y schal answere thee; ethir certis Y schal speke, and thou schalt answere me. ²³ Hou grete synnes and wickidnessis haue Y? Schewe thou to me my felonyes, and trespassis.

² Y woot, that thou maist alle thingis, and no thouyt is hid fro thee [Note: Joob wiste wel, that in remembringe his riytfulnesse he suffride sum stiring of veynglorie, which is wont to come liytly in siche thingis, yhe, in men that ben perfit. in preisinge my riytfulnesse. in enqueringe ouer myche the resouns of Goddis domes. ]. ³ Who is this, that helith counsel with out kunnyng? Therfor Y spak vnwiseli, and tho thingis that passiden ouer mesure my kunnyng. ⁴ Here thou, and Y schal speke; Y schal axe thee, and answere thou to me. ⁵ Bi heryng of eere Y herde thee, but now myn iye seeth thee. ⁶ Therfor Y repreue me, and do penaunce in deed sparcle and aische.

³ And to me it is for the leest thing, that Y be demyd of you, or of mannus dai; but nether Y deme my silf. ⁴ For Y am no thing ouer trowynge to my silf, but not in this thing Y am iustified; for he that demeth me, is the Lord.

⁴ He is wiys in herte, and strong in myyt; who ayenstood hym, and hadde pees?

¹⁹ If strengthe is souyt, `he is moost strong; if equyte of doom is souyt, no man dar yelde witnessynge for me.

³³ `Noon is, that may repreue euer eithir, and sette his hond in bothe. ³⁴ Do he awei his yerde fro me, and his drede make not me aferd.

²¹ Make thin hond fer fro me; and thi drede make not me aferd.

³ Thou hast vndirstonde my thouytis fro fer; thou hast enquerid my path and my corde.

⁴ nyyt and dai Y kepe it, indignacioun is not to me. Who schal yyue me a thorn and brere? In batel Y schal go on it, Y schal brenne it togidere.

⁸ In mesure ayens mesure, whanne it schal be cast awei, he schal deme it; he bithouyte in his hard spirit, bi the dai of heete.

³³ Y lyue, seith the Lord God, for in strong hond, and in arm stretchid forth, and in strong veniaunce sched out, I schal regne on you.

³⁵ And Y schal bringe you in to desert of puplis, and Y schal be demed there with you face to face.

⁹ And he seide to me, My grace suffisith to thee; for vertu is parfitli maad in infirmyte. Therfor gladli Y schal glorie in myn infirmytees, that the vertu of Crist dwelle in me. ¹⁰ For which thing Y am plesid in myn infirmytees, in dispisyngis, in nedis, in persecuciouns, in anguyschis, for Crist; for whanne Y am sijk, thanne Y am miyti.

¹⁵ Which also schal not answere, thouy Y haue ony thing iust; but Y schal biseche my iuge.

¹⁸ And come ye, and repreue ye me, seith the Lord. Thouy youre synnes ben as blood reed, tho schulen be maad whijt as snow; and thouy tho ben reed as vermylioun, tho schulen be whijt as wolle.

⁵ Whether thou schalt be wrooth with outen ende, ether schalt contynue in to the ende? Lo! thou hast spoke, and hast do yuels, and thou were myyti. And for wordis of penaunce thou blasfemydist bi wordis of pride; and thou fillidist thin yuel thouyt, and schewidist thi strengthe ayens thi hosebonde, that thou maist do that thing that thou tretidist bi word.

¹ Forsothe, Lord, thou art iust; if Y dispute with thee, netheles Y schal speke iust thingis to thee. Whi hath the weie of wickid men prosperite? It is wel to alle men that breken the lawe, and doen wickidli?

¹⁹ And we witen, that what euere thingis the lawe spekith, it spekith to hem that ben in the lawe, that ech mouth be stoppid, and ech world be maad suget to God. ²⁰ For of the werkis of the lawe ech fleisch schal not be iustified bifor hym; for bi the lawe ther is knowyng of synne. ²¹ But now with outen the lawe the riytwisnesse of God is schewid, that is witnessid of the lawe and the profetis. ²² And the riytwisnesse of God is bi the feith of Jhesu Crist in to alle men and on alle men that bileuen in hym; for ther is no departyng.

¹ Therfor now no thing of dampnacioun is to hem that ben in Crist Jhesu, whiche wandren not after the flesch.

³³ Who schal accuse ayens the chosun men of God? It is God that iustifieth, ³⁴ who is it that condempneth? It is Jhesus Crist that was deed, yhe, the which roos ayen, the which is on the riyt half of God, and the which preieth for vs.

¹¹ If he cometh to me, `that is, bi his grace, Y schal not se hym; if he goith awey, `that is, in withdrawynge his grace, Y schal not vndurstonde.

¹⁴ Yhe, whanne thou seist, He biholdith not; be thou demed bifor hym, and abide thou hym.

¹ The title of the tenthe salm. To the victorie of Dauid.

¹ The `title of the threttenthe salm. To the victorie of Dauid. <sup>2</sup> The Lord bihelde fro heuene on the sones of men; that he se, if ony is vndurstondynge, ethir sekynge God. <sup>3</sup> Alle bowiden awei, togidere thei ben maad vnprofitable; noon is that doth good, noon is `til to oon. The throte of hem is an open sepulcre, thei diden gilefuli with her tungis; the venym of snakis is vndur her lippis. Whos mouth is ful of cursyng and bittirnesse; her feet ben swift to schede out blood. Sorewe and cursidnesse is in the weies of hem, and thei knewen not the weie of pees; the drede of God is not bifor her iyen.

¹⁵ Verili thou art God hid, God, the sauyour of Israel.

¹⁶ Which aloone hath vndeedlynesse, and dwellith in liyt, to which no man may come; whom no man say, nether may se; to whom glorie, and honour, and empire be with out ende.

¹⁷ Y schal abide the Lord, that hath hid his face fro the hous of Jacob, and Y schal abide hym.

¹⁹ For Y woot that Abraham schal comaunde hise children, and his hows after hym, that thei kepe the weie of the Lord, and that thei do riytfulnesse and dom, that the Lord bringe for Abraham alle thingis whiche he spak to Abraham.

² And thou schalt haue mynde of al the weie, bi which thi Lord God ledde thee by fourti yeer, bi deseert, that he schulde turmente, and schulde tempte thee; and that tho thingis that weren tretid in `thi soule schulden be knowun, whether thou woldist kepe hise comaundementis, ethir nay.

³ and seide, Y biseche, Lord, haue mynde, hou Y yede bifor thee in treuthe, and in a parfit herte, and Y dide that, that was plesaunt bifor thee. Therfor Ezechie wepte bi greet wepyng.

⁵ `ellis sende thin hond, and touche his boon and fleisch, and thanne thou schalt se, that he schal curse thee in the face. <sup>6</sup> Therfor the Lord seide to Sathan, Lo! he is in `thin hond; netheles kepe thou his lijf.

⁵ Bi heryng of eere Y herde thee, but now myn iye seeth thee. ⁶ Therfor Y repreue me, and do penaunce in deed sparcle and aische. ⁷ Forsothe aftir that the Lord spak these wordis to Joob, he seide to Eliphat Themanytes, My stronge veniaunce is wrooth ayens thee, and ayens thi twey frendis [Note: God seith not ayenus Helyu, ether ayenus Joob; for whi to do synne bi presumpcioun, ether bi vnwar speking, as Helyu and Joob diden, is not so greuouse synne as to do synne bi afermyng of falsnesse, which bifelde to these thre men. for he synnede liytly, and dide penaunce therfor perfitly. ]; for ye `spaken not bifor me riytful thing, as my seruaunt Joob dide. <sup>8</sup> Therfor take ye to you seuene bolis, and seuene rammes; and go ye to my seruaunt Joob, and offre ye brent sacrifice for you. Forsothe Joob, my seruaunt, schal preie for you; Y schal resseyue his face, that foli be not arettid to you [Note: to euerlastinge peyne. ]; for ye `spaken not bifor me riytful thing, as my seruaunt Joob dide.

⁶ For the Lord knowith the weie of iust men; and the weie of wickid men schal perische.

³ Mi God is myn helpere; and Y schal hope in to hym. My defendere, and the horn of myn helthe; and myn vptakere.

¹ The `title of the hundrid and nyne and thrittithe `salm. To victorie, the salm of Dauith. ² Lord, delyuere thou me fro an yuel man; delyuere thou me fro a wickid man. ³ Whiche thouyten wickidnesses in the herte; al dai thei ordeyneden batels.

³ As siluer is preued bi fier, and gold is preued bi a chymnei, so the Lord preueth hertis.

⁹ And Y schal lede the thridde part bi fier, and Y schal brenne hem, as siluer is brent, and Y schal preue hem, as gold is preuyd. He schal clepe to help my name, and Y schal graciously here him; and Y schal seie, Thou art my puple, and he schal seie, Thou art my Lord God.

² and who schal mowe thenke the dai of his comyng? and who schal stonde for to se hym? For he schal be as fier wellynge togidere, and as erbe of fulleris; ³ and he schal sitte wellynge togidere and clensynge siluer, and he schal purge the sones of Leuy; and he schal purge hem as gold and as siluer, and thei schulen be offrynge to the Lord sacrifices in riytfulnesse.

¹⁷ He seith to him the thridde tyme, Simount of Joon, louest thou me? Petre was heuy, for he seith to hym the thridde tyme, Louest thou me, and he seith to him, Lord, thou knowist alle thingis; thou woost that Y loue thee. Jhesus seith to hym, Fede my scheep.

¹⁹ But the sad foundement of God stondith, hauynge this marke, The Lord knowith whiche ben hise, and, Ech man that nameth the name of the Lord, departith fro wickidnesse.

¹⁷ Bi feith Abraham offride Ysaac, whanne he was temptid; and he offride the oon bigetun, whych had takun the biheestis;

² My britheren, deme ye al ioye, whanne ye fallen in to diuerse temptaciouns, witynge, ³ that the preuyng of youre feith worchith pacience; ⁴ and pacience hath a perfit werk, that ye be perfit and hole, and faile in no thing.

¹² Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.

⁷ that the preuyng of youre feith be myche more preciouse than gold, that is preuyd bi fier; and be foundun in to heriyng, and glorie, and onour, in the reuelacioun of Jhesu Crist.

² and now the king goith bifor you. Sotheli Y wexide eld and hoor; forsothe my sones ben with you; therfor Y lyuyde bifor you fro my yong wexynge age `til to this dai. And lo! <sup>3</sup> Y am redi; speke ye to me bifor the Lord, and bifor `the crist of hym; whether Y took `the oxe of ony man, ether the asse; if Y falsly chalengide ony mon; yf Y oppresside ony man; if Y took yifte of `the hond of ony man; and Y schal `dispise it to dai, and Y schal restore to you. <sup>4</sup> And thei seiden, Thou hast not falsly chalengid vs, nether hast oppressid vs, nether hast take ony thing of `the hond of ony man. ⁵ And he seide to hem, The Lord is witnesse ayens you, and his crist is witnesse in this day; for ye han not founde ony thing in myn hond. And thei seiden, Witnesse.

⁹ And a iust man schal holde his weie, and he schal adde strengthe to clene hondis.

⁵ The sorewis of deth cumpassiden me; and the strondis of wickidnesse disturbliden me.

³ Hope thou in the Lord, and do thou goodnesse; and enhabite thou the lond, and thou schalt be fed with hise richessis.

¹⁸ Lord, thei schulen be myndeful of thi name; in ech generacioun, and in to generacioun. Therfor puplis schulen knouleche to thee withouten ende; and in to the world of world.

⁵ Thei that sowen in teeris; schulen repe in ful out ioiyng.

⁶ and whiche ben turned awei bihynde the bak of the Lord, and whiche `souyten not the Lord, nether enserchiden hym.

¹³ But thei that fel on a stoon, ben these that whanne thei han herd, resseyuen the word with ioye. And these han not rootis; for at a tyme thei bileuen, and in tyme of temptacioun thei goen awei. ¹⁴ But that that fel among thornes, ben these that herden, and of bisynessis, and ritchessis, and lustis of lijf thei gon forth, and ben stranglid, and bryngen forth no fruyt. ¹⁵ But that that fel in to good erthe, ben these that, in a good herte, and best heren the word, and holdun, and brengen forth fruyt in pacience.

¹⁸ And whanne thei camen to hym, and weren togidir, he seide to hem, Ye witen fro the firste dai, in which Y cam in to Asie, hou with you bi eche tyme Y was, ¹⁹ seruynge to the Lord with al mekenesse, and mildnesse, and teeris, and temptaciouns, that felden to me of aspiyngis of Jewis;

³³ And of no man Y coueitide siluer, and gold, ether cloth, as you silf witen; ³⁴ for to tho thingis that weren nedeful to me, and to these that ben with me, these hoondis mynystriden.

⁷ sotheli to hem that ben bi pacience of good werk, glorie, and onour, and vncorrupcioun, to hem that seken euerlastynge lijf;

¹² For oure glorie is this, the witnessyng of oure conscience, that in symplenesse and clennesse of God, and not in fleischli wisdom, but in the grace of God, we lyueden in this world, but more plenteuousli to you.

¹⁰ God and ye ben witnessis, hou holili, and iustli, and with outen pleynt, we weren to you that bileueden.

²⁰ For if men forsaken the vnclennessis of the world, bi the knowyng of oure Lord and sauyour Jhesu Crist, and eftsone ben wlappid in these, and ben ouercomun, the lattere thingis ben maad to hem worse than the formere. ²¹ For it was betere to hem to not knowe the weie of riytwisnesse, than to turne ayen aftir the knowyng, fro that hooli maundement that was bitakun to hem. ²² For thilke very prouerb bifelde to hem, The hound turnede ayen to his castyng, and a sowe is waischun in walwyng in fenne.

¹⁰ And `this be coumfort to me, that he turmente me with sorewe, and spare not, and that Y ayenseie not the wordis of the hooli.

²² Take thou the lawe of his mouth, and sette thou hise wordis in thin herte.

⁹ Thei ben boundun, and felden doun; but we han rise, and ben reisid. ¹⁰ Lord, make thou saaf the kyng; and here thou vs in the dai in which we inwardli clepen thee.

¹⁶ Thi wordis ben foundun, and Y eet tho; and thi word was maad to me in to ioye, and in to gladnesse of myn herte; for thi name, Lord God of oostis, is clepid to help on me.

⁴² And the Lord seide, Who, gessist thou, is a trewe dispendere, and a prudent, whom the lord hath ordeyned on his meyne, to yyue hem in tyme mesure of whete?

⁴⁶ the lord of that seruaunt schal come, in the dai that he hopith not, and the our that he woot not; and schal departe hym, and putte his part with vnfeithful men.

³² But he seide to hem, Y haue mete to ete, that ye knowen not.

³⁴ Jhesus seith to hem, My mete is, that Y do the wille of hym that sente me, that Y perfourme the werk of hym.

⁶⁶ And he seide, Therfor Y seide to you, that no man may come to me, but it were youun to hym of my fadir. ⁶⁷ Fro this tyme many of hise disciplis wenten abak, and wenten not now with hym. ⁶⁸ Therfor Jhesus seide to the twelue, Whether ye wolen also go awei? ⁶⁹ And Symount Petre answeride to hym, Lord, to whom schulen we gon? Thou hast wordis of euerlastynge lijf;

³¹ Therfor Jhesus seide to the Jewis, that bileueden in hym, If ye dwellen in my word, verili ye schulen be my disciplis;

²² And whanne thei hadden ordeined prestis to hem bi alle citees, and hadden preied with fastyngis, thei bitoken hem to the Lord, in whom thei bileueden.

³⁸ For my iust man lyueth of feith; that if he withdrawith hym silf, he schal not plese to my soule. ³⁹ But we ben not the sones of withdrawing awei in to perdicioun, but of feith in to getynge of soule.

² as now borun yonge children, resonable, with out gile, coueite ye mylk, that in it ye wexe in to helthe; if netheles ye han tastid,

¹⁹ Thei wenten forth fro vs, but thei weren not of vs; for if thei hadden be of vs, thei hadden dwelte with vs; but that thei be knowun, that thei ben not of vs.

¹⁹ that he lye, nethir he is as the sone of a man, that he be chaungid; therfor he seide, and schal he not do? he spak, and schal he not fulfille? ²⁰ Y am brouyt to blesse, Y may not forbede blessyng.

¹² If he axith sodeynli, who schal answere to hym? ethir who may seie to hym, Whi doist thou so? ¹³ `God is he, whos wraththe no man may withstonde; and vndur whom thei ben bowid, that beren the world.

¹⁰ If he distrieth alle thingis, ethir dryueth streitli `in to oon, who schal ayenseie hym? Ethir who may seie to hym, Whi doest thou so?

¹⁴ If he distrieth, no man is that bildith; if he schittith in a man, `noon is that openith.

²⁹ For whanne he grauntith pees, who is that condempneth? Sithen he hidith his cheer, who is that seeth hym? And on folkis and on alle men `he hath power `to do siche thingis.

³ What schal Y yelde to the Lord; for alle thingis which he yeldide to me?

⁶ Which made stidefast erthe on watris.

²¹ Many thouytis ben in the herte of a man; but the wille of the Lord schal dwelle.

¹⁵ Weiward men ben amendid of hard; and the noumbre of foolis is greet with outen ende.

¹⁴ I haue lerned that alle werkis, whiche God made, lasten stidfastli `til in to with outen ende; we moun not adde ony thing to tho, nether take awei fro tho thingis, whiche God made, that he be dred.

²⁴ The Lord of oostis swoor, seiynge, Whether it schal not be so, as Y gesside, and it schal bifalle so, as Y tretide in soule? ²⁵ That Y al to-breke the kyng of Assiriens in my lond, and that Y defoule hym in myn hillis; and his yok schal be takun awei fro hem, and his birthun schal be takun awei fro the schuldur of hem. ²⁶ This is the councel which Y thouyte on al the lond, and this is the hond stretchid forth on alle folkis. ²⁷ For whi the Lord of oostis hath demed, and who mai make vnstidfaste? and his hond is stretchid forth, and who schal turne it awei?

¹⁰ And Y telle fro the bigynnyng the laste thing, and fro the bigynnyng tho thingis that ben not maad yit; and Y seie, My councel schal stonde, and al my wille schal be don.

¹⁹ Thanne seist thou to me, What is souyt yit? for who withstondith his wille?

⁹ to make knowun to vs the sacrament of his wille, bi the good plesaunce of hym; the which sacrament he purposide in ¹⁰ hym in the dispensacioun of plente of tymes to enstore alle thingis in Crist, whiche ben in heuenes, and whiche ben in erthe, in hym. ¹¹ In whom we ben clepid bi sort, bifor ordeyned bi the purpos of hym that worchith alle thingis bi the counsel of his wille;

¹⁷ Ech good yifte, and ech perfit yifte is from aboue, and cometh doun fro the fadir of liytis, anentis whom is noon other chaungyng, ne ouerschadewyng of reward.

³ so and Y hadde voide monethis, and Y noumbrede trauailous niytes to me.

¹⁹ And thei spaken yuel of God; thei seiden, Whether God may make redi a bord in desert?

² The Lord hath maad knowun his heelthe; in the siyt of hethene men he hath schewid his riytfulnesse.

²⁷ Whi seist thou, Jacob, and spekist thou, Israel, My weie is hid fro the Lord, and my doom passide fro my God? ²⁸ Whether thou knowist not, ether herdist thou not? God, euerlastynge Lord, that made of nouyt the endis of erthe, schal not faile, nether schal trauele, nether enserchyng of his wisdom is.

⁹ The vois of the Lord crieth to the citee, and heelthe schal be to alle men dredynge thi name. Ye lynagis, here; and who schal approue it?

³³ O! the heiynesse of the ritchessis of the wisdom and of the kunnyng of God; hou incomprehensible ben hise domes, and hise weies ben vnserchable.

³ that no man be mouyd in these tribulaciouns. For ye silf witen, that in this this thing we ben set.

⁹ For God puttide not vs in to wraththe, but in to the purchasing of heelthe bi oure Lord Jhesu Crist, that was deed for vs;

⁸ and stoon of sclaundre, to hem that offenden to the word, nethir bileuen it, in which thei ben set.

¹⁵ And if Y was wickid, wo is to me; and if Y was iust, Y fillid with turment and wretchidnesse `schal not reise the heed.

³ Who yyueth to me, that Y knowe, and fynde hym, and come `til to his trone?

²³ For euere Y dredde God, as wawis wexynge gret on me; and `Y myyte not bere his birthun.

³ Hou grete thingis han we herd, aud we han knowe tho; and oure fadris. telden to vs.

¹⁶ Y herde, and my wombe is troblid togidere; my lippis trembliden togidere of the vois. Rot entre in my boonys, and sprenge vndur me; that Y reste ayen in the dai of tribulacioun, and Y schal stie vp to oure puple gird togidere.

³ Thou, Israel, here to dai, ye han batel ayens youre enemyes; youre herte drede not, `nyle ye drede; nyle ye yyue stede, drede ye not hem;

²⁰ To whiche sche seide, Clepe ye not me Noemy, that is, fair, but `clepe ye me Mara, that is, bittere; for Almyyti God hath fillid me greetli with bitternesse.

² God lyueth, that hath take awey my doom, and Almyyti God, that hath brouyt my soule to bitternesse.

¹⁶ blessid is the puple that kan hertli song. Lord, thei schulen go in the liyt of thi cheer;

⁵ And Y seide, Wo to me, for Y was stille; for Y am a man defoulid in lippis, and Y dwelle in the myddis of the puple hauynge defoulid lippis, and Y siy with myn iyen the kyng Lord of oostis.

¹⁶ For Y schal not stryue with outen ende, nether Y schal be wrooth `til to the ende; for whi a spirit schal go out fro my face, and Y schal make blastis.

⁴⁶ and lest perauenture youre herte wexe neische, and lest ye dreden the heryng, that schal be herd in the lond; and heryng schal come in a yeer, and aftir this yeer schal come heryng and wickidnesse in the lond, and a lord on a lord.

¹⁵ A! A! to the dai; for the dai of the Lord is niy, and schal come as a tempest fro the myyti.

²⁰ herfor Y schal gadere thee to thi fadris, and thou schalt be gaderid to thi sepulcre in pees; that thin iyen se not alle the yuelis, whiche Y schal brynge yn on this place.

⁹ And he that bigan, al to-breke me; releesse he his hond, and kitte me doun?

²² He bileueth not that he may turne ayen fro derknessis to liyt; and biholdith aboute on ech side a swerd.

⁶ Liyt schal wexe derke in his tabernacle; and the lanterne, which is on hym, schal be quenchid.

¹⁸ He schal put hym out fro `liyt in to derknessis; and he schal bere hym ouer fro the world.

⁸ He bisette aboute my path, and Y may not go; and he settide derknessis in my weie.

¹¹ And thou gessidist, that thou schuldist not se derknessis; and that thou schuldist not be oppressid with the fersnesse of watris flowyng.

¹ A iust man perischith, and noon is, that thenkith in his herte; and men of merci ben gaderid togidere, for noon is that vndurstondith; for whi a iust man is gaderid fro the face of malice.