Job 29 Cross References - Wycliffe

¹ Also Joob addide, takynge his parable, and seide, ² Who yyueth to me, that I be bisidis the elde monethis, bi the daies in whiche God kepte me? ³ Whanne his lanterne schynede on myn heed, and Y yede in derknessis at his liyt. ⁴ As Y was in the daies of my yongthe, whanne in priuete God was in my tabernacle. ⁵ Whanne Almyyti God was with me, and my children weren in my cumpas; ⁶ whanne Y waischide my feet in botere, and the stoon schedde out to me the stremes of oile; ⁷ whanne Y yede forth to the yate of the citee, and in the street thei maden redi a chaier to me. ⁸ Yonge men, `that is, wantoun, sien me, and weren hid, and elde men risynge vp stoden; <sup>9</sup> princes ceessiden to speke, and puttiden the fyngur on her mouth; <sup>10</sup> duykis refreyneden her vois, and her tunge cleuyde to her throte. <sup>11</sup> An eere herynge blesside me, and an iye seynge yeldide witnessyng to me; <sup>12</sup> for Y hadde delyueride a pore man criynge, and a fadirles child, that hadde noon helpere. <sup>13</sup> The blessyng of a man `to perische cam on me, and Y coumfortide the herte of a widewe. ¹⁴ Y was clothid with riytfulnesse; and Y clothide me as with a cloth, and with my `doom a diademe. <sup>15</sup> Y was iye `to a blynde man, and foot to a crokyd man. ¹⁶ Y was a fadir of pore men; and Y enqueride most diligentli the cause, which Y knew not. ¹⁷ Y al tobrak the grete teeth of the wickid man, and Y took awei prey fro hise teeth. ¹⁸ And Y seide, Y schal die in my nest; and as a palm tre Y schal multiplie daies. ¹⁹ My roote is openyde bisidis watris, and deew schal dwelle in my repyng. ²⁰ My glorie schal euere be renulid, and my bouwe schal be astorid in myn hond. ²¹ Thei, that herden me, abiden my sentence; and thei weren ententif, and weren stille to my counsel. ²² Thei dursten no thing adde to my wordis; and my speche droppide on hem. ²³ Thei abididen me as reyn; and thei openyden her mouth as to the softe reyn `comynge late. ²⁴ If ony tyme Y leiyide to hem, thei bileueden not; and the liyt of my cheer felde not doun in to erthe. ²⁵ If Y wolde go to hem, Y sat the firste; and whanne Y sat as kyng, while the oost stood aboute, netheles Y was comfortour of hem that morenyden.

⁷ And whanne his parable `was takun, he seide, Balaach, the kyng of Moabitis, brouyte me fro Aran, fro the `hillis of the eest; and he seide, Come thou and curse Jacob; haaste thou, and greetli curse thou Israel.

¹² Youre mynde schal be comparisound to aische; and youre nollis schulen be dryuun in to clei.

¹ Also Joob addide, takynge his parable, and seide,

³ so and Y hadde voide monethis, and Y noumbrede trauailous niytes to me.

²⁸ And as Y wakide on hem, to drawe vp bi the roote, and to distrie, and to scatere, and to leese, and to turmente; so Y schal wake on hem, to bilde, and to plaunte, seith the Lord.

¹ Judas, the seruaunt of Jhesu Crist, and brother of James, to these that ben louyd, that ben in God the fadir, and to hem that ben clepid and kept of Jhesu Crist,

¹⁷ And as myddai schynynge it schal reise to thee at euentid; and whanne thou gessist thee wastid, thou schalt rise vp as the dai sterre.

⁶ Liyt schal wexe derke in his tabernacle; and the lanterne, which is on hym, schal be quenchid.

¹⁷ Hou ofte schal the lanterne of wickid men be quenchid, and flowing schal come on hem, and God schal departe the sorewis of his stronge veniaunce?

²⁸ Thou schalt deme a thing, and it schal come to thee; and lyyt schal schyne in thi weies.

⁶ Sacrifie ye `the sacrifice of riytfulnesse, and hope ye in the Lord; many seien, Who schewide goodis to vs?

⁴ The innocent in hondis, and in cleene herte; whiche took not his soule in veyn, nether swoor in gile to his neiybore.

¹ The title of the seuen and twentithe salm. To Dauid. Lord, Y schal crye to thee; my God, be thou not stille fro me, be thou not stille `ony tyme fro me; and Y schal be maad lijk to hem, that goen doun in to the lake.

¹¹ Merci and treuthe metten hem silf; riytwisnesse and pees weren kissid.

⁹ The liyt of iust men makith glad; but the lanterne of wickid men schal be quenchid.

²⁰ The liyt of hym that cursith his fadir and modir, schal be quenchid in the myddis of derknessis.

²⁰ For whi yuele men han not hope of thingis to comynge, and the lanterne of wickid men schal be quenchid.

⁴ And he schal deme hethene men, and he schal repreue many puplis; and thei schulen welle togidere her swerdes in to scharris, and her speris in to sikelis, ether sithes; folk schal no more reise swerd ayens folk, and thei schulen no more be exercisid to batel.

¹² Therfor eft Jhesus spak to hem, and seide, Y am the liyt of the world; he that sueth me, walkith not in derknessis, but schal haue the liyt of lijf.

⁴⁶ Y liyt cam in to the world, that ech that bileueth in me, dwelle not in derknessis.

⁸ For ye weren sum tyme derknessis, but now `ye ben liyt in the Lord. Walke ye as the sones of liyt.

¹⁴ For which thing he seith, Rise thou that slepist, and rise vp fro deth, and Crist schal liytne thee.

⁸ Whether thou herdist the counsel of God, and his wisdom is lower than thou?

⁵ For thei vndurstoden not the werkis of the Lord, and bi the werkis of hise hondis thou schalt destrie hem; and thou schalt not bilde hem.

¹ The `title of the oon and nyntithe salm. `The salm of `song, in the dai of sabath.

³² For ech disseyuer is abhomynacioun of the Lord; and his speking is with simple men.

³ For ye ben deed, and youre lijf is hid with Crist in God.

²⁷ His dwellynge place is aboue, and armes euerlastynge ben bynethe; he schal caste out fro thi face the enemy, and he schal seie, Be thou al to-brokun. ²⁸ Israel schal dwelle trustili and aloone; the iye of Jacob in the lond of whete, and of wyn; and heuenes schulen be derk with dew. ²⁹ Blessed art thou, Israel; thou puple that art saued in the Lord, who is lijk thee? The scheld of thin help and the swerd of thi glorie is thi God; thin enemyes schulen denye thee, and thou schalt trede her neckis.

⁹ Lo! Y comaunde to thee; be thou coumfortid, and be thou strong; nyle thou drede `withoutforth, and nyle thou drede withynne; for thi Lord God is with thee in alle thingis, to whiche thou goost.

¹² that he schulde fle Madian, an aungel of the Lord apperide to hym, and seide, The Lord be with thee, thou strongeste of men. ¹³ And Gedeon seide to hym, My lord, Y biseche, if the Lord is with vs, whi therfor han alle these yuels take vs? Where ben the merueils of hym, whiche oure fadris telden, and seiden, The Lord ledde vs out of Egipt? `Now forsothe he hath forsake vs, and hath bitake vs in the hond of Madian.

³ Who yyueth to me, that Y knowe, and fynde hym, and come `til to his trone?

⁸ If Y go to the eest, God apperith not; if Y go to the west, Y schal not vndurstonde hym; if Y go to the left side, ⁹ what schal Y do? Y schal not take hym; if Y turne me to the riyt side, Y schal not se hym. ¹⁰ But he knowith my weie, and he schal preue me as gold, that passith thorouy fier.

¹³ And he hadde seuene sones [Note: the formere sones and douytris weren in the weye of saluacioun, and so not deed outirly. ], and thre douytris; and he clepide the name of o douytir Dai, and the name of the secounde douytir Cassia, and the name of the thridde douytir `An horn of wymmens oynement. <sup>14</sup> `Sotheli no wymmen weren foundun so faire in al erthe, as the douytris of Joob; and her fadir yaf eritage to hem among her britheren. ¹⁵ Forsothe Joob lyuede aftir these betyngis an hundrid and fourti yeer, and `siy hise sones, and the sones of hise sones, `til to the fourthe generacioun; and he was deed eld, and ful of daies.

⁷ Thou hatist hem that kepen vanytees superfluli.

² God, we herden with oure eeris; oure fadris telden to vs. The werk, which thou wrouytist in the daies of hem; and in elde daies.

⁸ Thou louedist riytfulnesse, and hatidist wickidnesse; therfor thou, God, thi God, anoyntide thee with the oile of gladnesse, more than thi felowis. ⁹ Mirre, and gumme, and cassia, of thi clothis, of the `housis yuer;

³ Thi wijf as a plenteous vyne; in the sidis of thin hous. Thi sones as the newe sprenges of olyue trees; in the cumpas of thi bord. ⁴ Lo! so a man schal be blessid; that dredith the Lord. ⁵ The Lord blesse thee fro Syon; and se thou the goodis of Jerusalem in alle the daies of thi lijf.

³ Synneris forgeden on my bak; thei maden long her wickidnesse.

⁶ The coroun of elde men is the sones of sones; and the glorie of sones is the fadris of hem.

⁴ The king ledde me in to the wyn celer; he ordeynede charite in me.

¹ In my litle bed Y souyte hym bi niytis, whom my soule loueth; Y souyte hym, and Y foond not. ² I shal rise, and Y schal cumpasse the citee, bi litle stretis and large stretis; Y schal seke hym, whom my soule loueth; I souyte hym, and Y foond not.

⁸ Thou abidyng of Israel, the sauyour therof in the tyme of tribulacioun,

¹⁵ And Jhesus seide to hem, Whether the sones of the spouse moun morne, as long as the spouse is with hem? But daies schulen come, whanne the spouse schal be takun a wei fro hem, and thanne thei schulen faste.

¹¹ and he schal tye his colt at the vyner, and his femal asse at the vyne; A! my sone, he schal waische his stoole in wyn, and his mentil in the blood of grape;

¹³ The Lord ordeynede hym on an hiy lond, that he schulde ete the fruytis of feeldis, that he schulde souke hony of a stoon, and oile of the hardeste roche; ¹⁴ botere of the droue, and mylke of scheep, with the fatnesse of lambren and of rammes, of the sones of Basan; and that he schulde ete kydis with the merowe of wheete, and schulde drynke the cleereste blood of grape.

²⁴ Also he seide to Aser, Aser, be blessid in sones, and plese he hise britheren; dippe he his foot in oile.

¹⁷ Se he not the stremys of the flood of the stronde, of hony, and of botere.

¹⁸ Thou schalt ordeyne `iugis, and maystris, in alle thi yatis whiche thi Lord God schal yyue to thee, bi ech of thi lynagis, that thei deme the puple bi iust doom,

¹⁹ and dispisith to obei, thei schulen take hym, and schulen lede to the eldre men of that citee, and to the yate of doom;

¹ Therfor Booz stiede to the yate, and sat there; and whanne he hadde seyn the kynesman passe forth, of whom the word was had, Booz seide to hym, Bowe thou a litil, and sitte here; and he clepide hym bi his name. And he turnede, and sat. ² Forsothe Booz took ten `men of the eldere men of the citee, and seide to hem, Sitte ye here.

¹¹ Al the puple, that was in the yate, answeride, and the grettere men in birthe answeriden, We ben witnessis; the Lord make this womman, that entrith in to thin hows, as Rachel and Lia, that bildiden the hows of Israel, that sche be ensaumple of vertu in Effrata, and haue a solempne name in Bethleem;

²¹ if Y reiside myn hond on a fadirles child, yhe, whanne Y siy me the hiyere in the yate;

¹⁶ Therfor these ben the wordis whiche ye schulen do; speke ye treuthe, ech man with his neiybore; deme ye treuthe and dom of pees in youre yatis;

³² Rise thou bifor an hoor heed, and onoure thou the persoone of an eld man, and drede thou thi Lord God; Y am the Lord.

³¹ A coroun of dignyte is eelde, that schal be foundun in the weies of riytfulnesse.

⁸ A king that sittith in the seete of doom, distrieth al yuel bi his lokyng.

³ For princes ben not to the drede of good work, but of yuel. But wilt thou, that thou drede not power? Do thou good thing, and thou schalt haue preisyng of it; ⁴ for he is the mynystre of God to thee in to good. But if thou doist yuel, drede thou; for not with outen cause he berith the swerd, for he is the mynystre of God, vengere in to wraththe to hym that doith yuel.

⁷ Therfor yelde ye to alle men dettis, to whom tribut, tribut, to whom tol, tol, to whom drede, drede, to whom onour, onour.

¹ Amoneste hem to be sugetis to prynces, and to poweris; to obeische to that that is seid, and to be redi to al good werk;

¹⁷ Onoure ye alle men, loue ye brithirhod, drede ye God, onoure ye the king.

⁵ Also, ye yonge men, be ye suget to eldre men, and alle schewe ye togidere mekenesse; for the Lord withstondith proude men, but he yyueth grace to meke men.

¹⁹ To whom thei answeriden, Be thou stille, and putte the fyngur on thi mouth, and come with vs, that we haue thee fadir and preest. What is betere to thee, that thou be preest in the hows of o man, whether in o lynage and meynee in Israel?

² If we bigynnen to speke to thee, in hap thou schalt take it heuyli; but who may holde a word conseyued?

¹¹ Wherfor and Y schal not spare my mouth; Y schal speke in the tribulacioun of my spirit, Y schal talke togidere with the bitternesse of my soule.

⁵ Perseyue ye me, and be ye astonyed; and sette ye fyngur on youre mouth.

⁴ And if thou hast an arm, as God hath, and if thou thundrist with lijk vois, `take thou fairnesse aboute thee,

¹⁹ Synne schal not faile in myche spekyng; but he that mesurith hise lippis, is moost prudent.

³² He that apperith a fool, aftir that he is reisid an hiy; for if he hadde vndurstonde, he hadde sett hond on his mouth.

¹⁹ Wite ye, my britheren moost loued, be ech man swift to here, but slow to speke, and slow to wraththe;

⁶ For the Lord is hiy, and biholdith meke thingis; and knowith afer hiy thingis.

²⁶ And Y schal make thi tunge to cleue to the roof of thi mouth, and thou schalt be doumbe, and thou schalt not be as a man rebuykinge; for it is an hous terrynge to wraththe.

²⁰ if hise sidis blessiden not me, and was not maad hoot of the fleeces of my scheep;

² The comynalte schal be glad in the multipliyng of iust men; whanne wickid men han take prinshod, the puple schal weyle.

²² And alle men yauen witnessyng to hym, and wondriden in the wordis of grace, that camen forth of his mouth. And thei seiden, Whether this is not the sone of Joseph?

²⁷ And it was don, whanne he hadde seid these thingis, a womman of the cumpanye reride hir vois, and seide to hym, Blessid be the wombe that bare thee, and blessid be the tetis that thou hast soken.

²² Ye schulen not anoye a widewe, and a fadirles ethir modirles child. ²³ If ye hirten hem, thei schulen crye to me, and Y schal here the cry of hem, ²⁴ and my greet veniaunce schal haue indignacioun, and Y schal smyte you with swerd, and youre wyues schulen be widewis, and youre sones schulen be fadirles.

¹⁸ He makith doom to the fadirles, and modirles, and to the widewe; he loueth a pilgrym, and yyueth to hym lyiflode and clothing.

² And there weren that seiden, Oure sones and oure douytris ben ful manye; take we wheete for the prijs of hem, and ete we, and lyue. ³ And there weren that seiden, Sette we forth oure feeldis, and vyneris, and oure howsis, and take we wheete in hungur. ⁴ And othere men seiden, Take we money bi borewyng in to the tributis of the kyng, and yyue oure feeldis and vyneris. ⁵ And now as the fleischis of oure britheren ben, so and oure fleischis ben; and as ben the sones of hem, so and oure sones ben; lo! we han maad suget oure sones and oure douytris in to seruage, and seruauntissis ben of oure douytris, and we han not wherof thei moun be ayenbouyt; and othere men han in possessioun oure feeldis, and oure vyneris. ⁶ And Y was ful wrooth, whanne Y hadde herde the cry of hem bi these wordis. ⁷ And myn herte thouyte with me, and Y blamede the principal men and magistratis; and Y seide to hem, Axe ye not vsuris, `ech man of youre britheren. And Y gaderide togidire a greet cumpeny ayens hem, <sup>8</sup> and Y seide to hem, As ye witen, we bi oure power ayenbouyten oure britheren Jewis, that weren seeld to hethene men; and ye therfor sillen youre britheren, and schulen we ayenbie hem? And thei holden silence, and founden not what thei schulen answere. <sup>9</sup> And Y seide to hem, It is not good thing, which ye doon; whi goen ye not in the drede of oure God, and repreef be not seid to vs of hethene men, oure enemyes? <sup>10</sup> Bothe Y and my britheren, and my children, han lent to ful many men monei and wheete; in comyn axe we not this ayen; foryyue we alien money, which is due to vs. <sup>11</sup> Yelde ye to hem to dai her feeldis, and her vyneris, her olyue places, and her housis; but rather yyue ye for hem bothe the hundrid part `of money of wheete, of wyn, and of oile, which we weren wont to take of hem. ¹² And thei seiden, We schulen yelde, and we schulen axe no thing of hem; and we schulen do so as thou spekist. And Y clepide the preestis, and Y made hem to swere, that thei schulden do aftir that, that Y hadde seid. ¹³ Ferthermore Y schook my bosum, and Y seide, So God schake awei ech man, `that fillith not this word fro his hows, and hise trauels; and be he schakun awei, and be he maad voide. And al the multitude seide, Amen; and thei herieden God. Therfor the puple dide, as it was seid.

⁵ and not for thi ful myche malice, and thi wickidnessis with out noumbre, `these peynes bifelden iustli to thee? ⁶ For thou hast take awei with out cause the wed of thi britheren; and hast spuylid nakid men of clothis. ⁷ Thou yauest not watir to the feynt man; and thou withdrowist breed fro the hungri man. ⁸ In the strengthe of thin arm thou haddist the lond in possessioun; and thou moost myyti heldist it. ⁹ Thou leftist widewis voide; and al to-brakist the schuldris of fadirles children.

⁴ Thei distrieden the weie of pore men, and thei oppressiden togidere the mylde men of erthe.

¹⁷ if Y aloone eet my mussel, and a faderles child eet not therof;

⁵ Thei that hatiden me with out cause; weren multiplied aboue the heeris of myn heed. Myn enemyes that pursueden me vniustli weren coumfortid; Y paiede thanne tho thingis, whiche Y rauischide not.

¹² Lo! thilke synneris and hauynge aboundance in the world; helden richessis.

² God, who schal be lijk thee? God, be thou not stille, nether be thou peesid. ³ For lo! thin enemyes sowneden; and thei that haten thee reisiden the heed. ⁴ Thei maden a wickid counsel on thi puple; and thei thouyten ayens thi seyntis.

¹³ He that stoppith his eere at the cry of a pore man, schal crye also, and schal not be herd.

¹¹ Delyuere thou hem, that ben led to deth; and ceesse thou not to delyuere hem, that ben drawun to deth. ¹² If thou seist, Strengthis suffisen not; he that is biholdere of the herte, vndirstondith, and no thing disseyueth the kepere of thi soule, and he schal yelde to a man bi hise werkis.

¹⁶ He demyde the cause of a pore man, and nedi, in to his good; whether not therfor for he knew me? seith the Lord.

²⁷ A clene religioun, and an vnwemmed anentis God and the fadir, is this, to visite fadirles and modirles children, and widewis in her tribulacioun, and to kepe hym silf vndefoulid fro this world.

¹¹ And thou schalt ete bifore thi Lord God, thou, and thi sone, and thi douytir, and thi seruaunt, and thin handmayde, and the dekene which is with ynne thi yatis, and the comelynge, and the fadirles ethir modirles child, and the widue, that dwellen with you, in the place `which thi Lord God chees that his name dwelle there.

¹³ but anoon thou schalt yelde to hym bifor the goyng doun of the sunne, that he slepe in his cloth, and blesse thee, and thou haue riytfulnesse bifor thi Lord God.

⁵ And thou schalt speke in the siyt of thi Lord God, Sirus pursuede my fadir, `which fadir yede doun in to Egipt, and was a pilgrym there in feweste noumbre; and he encreesside in to a greet folk, and strong, and of multitude without noumbre.

¹⁰ And he seide to hem, Go ye, and `ete ye fatte thingis, and drynke ye wiyn `maad swete with hony, and sende ye partis to hem, that maden not redi to hem silf, for it is an hooli dai of the Lord; `nyle ye be sory, for the ioye of the Lord is youre strengthe. <sup>11</sup> Sotheli the dekenes maden silence in al the puple, and seiden, Be ye stille, for it is an hooli dai, and `nyle ye make sorewe. ¹² Therfor al the puple yede for to ete, and drynke, and to sende partis, and `to make greet gladnesse; for thei vndurstoden the wordis, whiche he hadde tauyt hem.

⁹ Thou leftist widewis voide; and al to-brakist the schuldris of fadirles children.

¹⁹ if Y dispiside a man passynge forth, for he hadde not a cloth, and a pore man with out hilyng; ²⁰ if hise sidis blessiden not me, and was not maad hoot of the fleeces of my scheep;

⁴ And iust men eete, and make fulli ioye in the siyt of God; and delite thei in gladnesse.

⁶ Yyue ye sidur to hem that morenen, and wyn to hem that ben of bitter soule. ⁷ Drinke thei, and foryete thei her nedinesse; and thenke thei no more on her sorewe. ⁸ Opene thi mouth for a doumb man, ⁹ and opene thi mouth for the causes of alle sones that passen forth. Deme thou that that is iust, and deme thou a nedi man and a pore man.

¹³ And it schal be, in that dai me schal come with a greet trumpe, and thei that weren lost, schulen come fro the lond of Assiriens, and thei that weren cast out, schulen come fro the lond of Egipt; and they schulen worschipe the Lord, in the hooli hil in Jerusalem.

¹⁴ lo! my seruauntis schulen be glad, and ye schulen be aschamed; lo! my seruauntis schulen herie, for the ful ioie of herte, and ye schulen crie, for the sorewe of herte, and ye schulen yelle, for desolacioun of spirit.

³⁹ And Petre roos vp, and cam with hem. And whanne he was comun, thei ledden hym in to the soler. And alle widewis stoden aboute hym, wepynge, and schewynge cootis and clothis, which Dorcas made to hem. ⁴⁰ And whanne alle men weren put with out forth, Petre knelide, and preiede. And he turnede to the bodi, and seide, Tabita, rise thou. And sche openyde hir iyen, and whanne sche siy Petre, sche sat vp ayen. ⁴¹ And he took hir bi the hond, and reiside hir. And whanne he hadde clepid the hooli men and widewis, he assignede hir alyue.

¹² For the mynystrie of this office not oneli fillith tho thingis that failen to holi men, but also multiplieth many thankyngis to God, ¹³ bi the preuyng of this mynystrie, which glorifien God in the obedience of youre knouleching in the gospel of Crist, and in symplenesse of comynycacioun in to hem and in to alle, ¹⁴ and in the biseching of hem for you, that desiren you for the excellent grace of God in you.

¹⁶ The Lord yyue merci to the hous of Onesyforus, for ofte he refreischide me, and schamyde not my chayne. ¹⁷ But whanne he cam to Rome, he souyte me bisili, and foond. ¹⁸ The Lord yyue to hym to fynde merci of God in that dai. And hou grete thingis he mynystride to me at Effesi, thou knowist betere.

⁷ And Y hadde greet ioye and coumfort in thi charite, for the entrailis of hooli men restiden bi thee, brother.

⁶ Y schal not forsake my iustifiyng, which Y bigan to holde; for myn herte repreueth me not in al my lijf.

⁵ In that dai the Lord of oostis schal be a coroun of glorie, and a garlond of ful out ioiyng, to the residue of his puple;

¹⁷ He is clothid with riytfulnesse as with an harburioun, and the helm of helthe is in his heed; he is clothid with clothis of veniaunce, and he is hilid as with a mentil of feruent worchyng.

¹⁰ I ioiynge schal haue ioie in the Lord, and my soule schal make ful out ioiyng in my God. For he hath clothid me with clothis of helthe, and he hath compassid me with clothis of riytfulnesse, as a spouse made feir with a coroun, and as a spousesse ourned with her brochis.

³ And thou schalt be a coroun of glorie in the hond of the Lord, and a diademe of the rewme in the hond of thi God.

¹⁴ but be ye clothid in the Lord Jhesu Crist, and do ye not the bisynesse of fleisch in desiris.

⁷ in charite not feined, in the word of treuthe, in the vertu of God; bi armeris of riytwisnesse on the riythalf and on the lefthalf;

¹⁴ Therfor stonde ye, and be gird aboute youre leendis in sothefastnesse, and clothid with the haburioun of riytwisnesse,

⁸ But we that ben of the dai, ben sobre, clothid in the haburioun of feith and of charite, and in the helme of hope of heelthe.

⁸ And it is youun to hir, that sche kyuere hir with white bissyn schynynge; for whi bissyn is iustifiyngis of seyntis.

³¹ And Moises seide, Nyle thou forsake vs, for thou knowist in whiche places we owen to sette tentis, and thou schalt be oure ledere;

⁵ Blynde men seen, crokid men goon, meselis ben maad clene, deefe men heren, deed men rysen ayen, pore men ben takun to `prechyng of the gospel.

¹² For as ther is o body, and hath many membris, and alle the membris of the bodi whanne tho ben manye, ben o bodi, so also Crist. ¹³ For in o spirit alle we ben baptisid `in to o bodi, ether Jewis, ether hethene, ether seruauntis, ether free; and alle we ben fillid with drink in o spirit. <sup>14</sup> For the bodi is not o membre, but manye. <sup>15</sup> If the foot seith, For Y am not the hoond, Y am not of the bodi; not therfor it is not of the bodi. <sup>16</sup> And if the ere seith, For Y am not the iye, Y am not of the bodi; not therfor it is not of the bodi. <sup>17</sup> If al the bodi is the iye, where is heryng? and if al the bodi is heryng, where is smellyng? <sup>18</sup> But now God hath set membris, and ech of hem in the bodi, as he wolde. <sup>19</sup> That if alle weren o membre, where were the bodi? <sup>20</sup> But now ther ben many membris, but o bodi. <sup>21</sup> And the iye may not seie to the hond, Y haue no nede to thi werkis; or eft the heed to the feet, Ye ben not necessarie to me. <sup>22</sup> But myche more tho that ben seyn to be the lowere membris of the bodi, ben more nedeful; <sup>23</sup> and thilke that we gessen to be the vnworthier membris of the bodi, we yyuen more honour `to hem; and tho membris that ben vnonest, han more oneste. ²⁴ For oure oneste membris han nede of noon; but God tempride the bodi, yyuynge more worschip to it, to whom it failide, ²⁵ that debate be not in the bodi, but that the membris be bisi in to the same thing ech for othere. ²⁶ And if o membre suffrith ony thing, alle membris suffren therwith; ethir if o membre ioieth, alle membris ioien togidere. ²⁷ And ye ben the bodi of Crist, and membris of membre. ²⁸ But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward graces of heelyngis, helpyngis, gouernails, kyndis of langagis, interpretaciouns of wordis. ²⁹ Whether alle apostlis? whethir alle prophetis? whether alle techeris? whether alle vertues? ³⁰ whether alle men han grace of heelyngis? whether alle speken with langagis? whether alle expownen? ³¹ But sue ye the betere goostli yiftis. And yit Y schewe to you a more exellent weye.

²⁶ whiche demeden the puple in al tyme; forsothe, whateuer thing was hardere, thei telden to Moises, and thei demeden esiere thingis oneli.

¹⁴ enquere thou bisili, and whanne the treuthe of the thing is biholdun diligentli, if thou fyndist that this thing is certeyn, which is seid, and that this abhominacioun is doon in werk,

⁸ If thou perseyuest, that hard and douteful doom is at thee, bitwixe blood and blood, cause and cause, lepre and not lepre, and thou seest that the wordis of iugis with ynne thi yatis ben dyuerse; rise thou, and stie to the place which thi Lord God hath choose; ⁹ and thou schalt come to the preestis of the kyn of Leuy, and to the iuge which is in that tyme, and thou schalt axe of hem, whiche schulen schewe to thee the treuthe of doom. ¹⁰ And thou schalt do, what euer thing thei seien, that ben souereyns in the place which the Lord chees, and techen thee bi the lawe of the Lord;

¹⁶ Thanne twei wymmen hooris camen to the kyng, and stoden bifor hym; ¹⁷ of whiche oon seide, My lord, Y biseche, Y and this womman dwelliden in oon hows, and Y childide at hir in a couche. ¹⁸ Sotheli in the thridde dai aftir that Y childide, also this womman childide; and we weren togidere in the hows, and noon other was with vs in the hows, outakun vs tweyne. ¹⁹ Forsothe the sone of this womman was deed in the nyyt, for sche slepte, and oppresside hym; ²⁰ and sche roos in the fourthe part of the nyyt in silence, and took my sone fro the side of me, thin handmaide slepynge, and settide in hir bosum; forsothe sche puttide in my bosum hir sone, that was deed. ²¹ And whanne Y hadde ryse eerli, to yyue mylk to my sone, he apperide deed; whom Y bihelde diligentlier bi cleer liyt, and Y perseyuede, that he was not myn, whom Y hadde gendrid. ²² The tother womman answeride, It is not so as thou seist, but thi sone is deed; forsothe `my sone lyueth. Ayenward sche seide, Thou liest; for my sone lyueth, and thi sone is deed. And bi this maner thei stryueden bifore the kyng. <sup>23</sup> Thanne the kyng seide, This womman seith, My sone lyueth, and thi sone is deed; and this womman answerith, Nay, but thi sone is deed; forsothe my sone lyueth. <sup>24</sup> Therfor the kyng seide, Brynge ye to me a swerd. And whanne thei hadden brouyt a swerd bifor the kyng, <sup>25</sup> he seide, Departe ye the quyk yong child in to twei partis, and yyue ye the half part to oon, and the half part to the tother. <sup>26</sup> Forsothe the womman, whos sone was quik, seide to the kyng; for her entrailis weren mouyd on hir sone; Lord, Y biseche, yyue ye to hir the quik child, and nyle ye sle hym. Ayenward sche seide, Be he nethir to me, nether to thee, but be he departid. <sup>27</sup> The kyng answeride, and seide, Yyue ye to this womman the yong child quyk, and be he not slayn; forsothe this is `his modir. ²⁸ Therfor al Israel herde the doom, which the kyng hadde demyd; and thei dredden the kyng, and sien, that the wisdom of God was in hym, to make doom.

⁷ which Mardoche was the nurschere of Edissa, the douyter of his brothir, which douytir was clepid Hester bi anothir name, and sche hadde lost bothe fadir and modir; sche was ful fair, and semeli of face; and whanne hir fadir and modir weren deed, Mardoche `purchaside hir in to a douytir to hymsilf.

¹⁸ for merciful doyng encreesside with me fro my yong childhed, and yede out of my modris wombe with me;

² The glorie of God is to hele a word; and the glorie of kyngis is to seke out a word.

⁷ A iust man knowith the cause of pore men; an vnpitouse man knowith not kunnyng.

¹ Therfor be ye foloweris of God, as moost dereworthe sones;

³⁵ Y pursuede, and killide hem, and rauyschide fro `the mouth of hem; and thei risiden ayens me, and I took the nether chaule `of hem, and Y stranglide, and killide hem.

⁷ I schal not drede thousyndis of puple cumpassynge me; Lord, rise thou vp; my God, make thou me saaf.

⁸ Lo! thei schulen speke in her mouth, and a swerd in her lippis; for who herde?

³ For the Lord schal not leeue the yerde of synneris on the part of iust men; that iust men holde not forth her hondis to wickidnesse.

¹⁴ A generacioun that hath swerdis for teeth, and etith with hise wank teeth; that it ete nedi men of erthe, and the porails of men.

¹² Thou spakist that thou schuldist do wel to me, and shuldist alarge my seed as the grauel of the see, that mai not be noumbrid for mychilnesse.

⁴⁹ and so greet aboundaunce was of wheete, that it was maad euene to the grauel of the see, and the plente passide mesure.

²⁶ In abundaunce thou schalt go in to the sepulcre, as an heep of wheete is borun in his tyme.

⁶ I bitake my spirit in to thin hondis; Lord God of treuthe, thou hast ayen bouyt me. ⁷ Thou hatist hem that kepen vanytees superfluli.

²³ and thanne thou that sittist in the Liban, and makist nest in cedris, schalt be schent, and be aschamed of al thi malice. Hou weilidist thou, whanne sorewis weren comun to thee, as the sorew of a womman trauelynge of child?

¹⁶ Thi boost, and the pride of thin herte, hath disseyued thee, that dwellist in the caues of stoon, and enforsist to take the hiynesse of a litil hil; whanne thou as an egle hast reisid thi nest, fro thennus Y schal drawe thee doun, seith the Lord.

⁴ Thouy thou schalt be reisid as an egle, and thouy thou schalt putte thi nest among sterris, fro thennus Y schal drawe thee doun, seith the Lord.

⁹ Wo to hym that gaderith yuel coueitise to his hous, that his nest be in hiy, and gessith hym for to be delyuered of the hond of yuel.

¹⁶ The rootis of hym be maad drie bynethe; sotheli his ripe corn be al to-brokun aboue.

³ And he schal be as a tree, which is plauntid bisidis the rennyngis of watris; which tre schal yyue his fruyt in his tyme. And his leef schal not falle doun; and alle thingis which euere he schal do schulen haue prosperite.

⁸ And he schal be as a tre, which is plauntid ouer watris, which sendith hise rootis to moisture; and it schal not drede, whanne heete schal come; and the leef therof schal be greene, and it schal not be moued in the tyme of drynesse, nether ony tyme it schal faile to make fruyte.

⁵ Y schal make hool the sorewis of hem; Y schal loue hem wilfuli, for my strong veniaunce is turned awei fro hem. ⁶ Y schal be as a dew, and Israel schal buriowne as a lilie. And the root therof schal breke out as of the Liban; ⁷ the braunchis therof schulen go. And the glorye therof schal be as an olyue tree, and the odour therof schal be as of the Liban.

¹³ telle ye to my fadir al my glorie, and alle thingis whiche ye sien in Egipt; haste ye, and brynge ye hym to me.

²⁴ His bowe sat in the stronge, and the boondis of his armes, and hondis weren vnboundun bi the hond of the myyti of Jacob; of hym a scheepherd yede out, the stoon of Israel.

⁹ He hath spuylid me of my glorye, and hath take awey the coroun fro myn heed.

¹⁴ Y was clothid with riytfulnesse; and Y clothide me as with a cloth, and with my `doom a diademe.

³ many men rysen ayens me. Many men seien of my soule, Noon helthe is to hym in his God.

⁵ Which hast foundid the erthe on his stablenesse; it schal not be bowid in to the world of world.

³¹ But thei that hopen in the Lord, schulen chaunge strengthe, thei schulen take fetheris as eglis; thei schulen renne, and schulen not trauele; thei schulen go, and schulen not faile.

¹⁶ For which thing we failen not, for thouy oure vtter man be corruptid; netheles the ynner man is renewid fro dai to dai.

⁹ princes ceessiden to speke, and puttiden the fyngur on her mouth; ¹⁰ duykis refreyneden her vois, and her tunge cleuyde to her throte.

¹¹ For Y abood youre wordis, Y herde youre prudence, as long as ye dispuytiden in youre wordis. ¹² And as long as Y gesside you to seie ony thing, Y bihelde; but as Y se, `noon is of you, that may repreue Joob, and answere to hise wordis;

² My techyng wexe togidere as reyn; my speche flete out as dew, as lytil reyn on eerbe, and as dropis on gras.

¹⁵ Thei dredden, and answeriden no more, and token awei speche fro hem silf. ¹⁶ Therfor for Y abood, and thei spaken not, thei stoden, and answeriden no more; also Y schal answere my part,

³¹ Thou, Joob, perseyue, and here me, and be thou stille, the while Y speke. ³² Sotheli if thou hast what thou schalt speke, answere thou to me, speke thou; for Y wole, that thou appere iust. ³³ That if thou hast not, here thou me; be thou stille, and Y schal teche thee wisdom.

¹¹ Spousesse, thi lippis ben an hony coomb droppynge; hony and mylk ben vndur thi tunge, and the odour of thi clothis is as the odour of encence.

¹⁵ He schal bisprenge many folkis; kyngis schulen holde togidere her mouth on him; for thei schulen se, to whiche it was not teld of hym, and thei that herden not, bihelden.

⁴⁶ and he seide, Thou, sone of man, sette thi face ayens the weie of the south, and droppe thou to the south, and profesie thou to the forest of the myddai feeld.

¹⁶ And now here thou the word of the Lord. Thou seist, Thou schalt not profesie on Israel, and thou schal not droppe on the hous of idol.

⁶ A! thou Israel, speke ye not spekyng; it schal not droppe on these men, confusioun schal not catche,

⁴⁶ And no man miyte answere a word to hym, nethir ony man was hardi fro that day, to axe hym more.

⁶ Therfore pride helde hem; thei weren hilid with her wickidnesse and vnfeithfulnesse.

³ He schal quykene vs after twei daies, and in the thridde dai he schal reise vs, and we schulen lyue in his siyt. We schulen wite, and sue, that we knowe the Lord. His goyng out is maad redi at the morewtid, and he schal come as a reyn to vs, which is timeful and lateful to the erthe.

¹ Axe ye of the Lord reyn in late tyme, and the Lord schal make snowis, and reyn of myyt of cloude; and he schal yyue to hem, to ech bi hym silf, erbe in the feeld.

²⁶ and telden to hym, and seiden, Joseph, thi sone, lyueth, and he is lord in al the lond of Egipt. And whanne this was herd, Jacob wakide as of a greuouse sleep; netheles he bileuyde not to hem.

¹⁵ We weren glad for the daies in whiche thou madist vs meke; for the yeeris in whiche we siyen yuels.

¹ The `title of the hundrid and sixe and twentithe `salm. The song of greces of Salomon. `No but the Lord bilde the hous; thei that bilden it han trauelid in veyn. No but the Lord kepith the citee; he wakith in veyn that kepith it.

⁴¹ And yit while thei bileueden not, and wondriden for ioye, he seide, Han ye here ony thing that schal be etun?

¹⁴ And whanne Abram hadde herd this thing, that is, Loth his brothir takun, he noumbride his borun seruauntis maad redy thre hundrid and eiytene, and pursuede hem `til to Dan. <sup>15</sup> And whanne his felowis weren departid, he felde on hem in the niyt, and he smoot hem, and pursuede hem `til to Hoba, and Fenyce, which is at the left side of Damask. ¹⁶ And he brouyte ayen al the catel, and Loth his brother with his catel, also wymmen and the puple. ¹⁷ Sotheli the kyng of Sodom yede out in to the metyng of him, after that he turnede ayen fro sleyng of Chodorlaomor, and of kyngis that weren with him, in the valei of Sabe, which is the valey of the kyng.

⁴⁰ Therfor thou schalt be ouer myn hous, and al the puple schal obeie to the comaundement of thi mouth; Y schal passe thee onely by o trone of the rewme.

⁵ And the king schal be at the moost riytful, whanne princes of the puple schulen be gaderid togidere with the lynagis of Israel.

⁸ And the princes of Galaad seiden to Jepte, Therfor for this cause we camen now to thee, that thou go with vs, and fiyt ayens the sones of Amon; and that thou be the duyk of alle men that dwellen in Galaad.

² But also yistirdai and the thridde day ago, whanne Saul was kyng on vs, thou leddist out, and leddist ayen Israel; forsothe the Lord seide to thee, Thou schalt fede my puple Israel, and thou schalt be duyk on Israel.

¹ Forsothe Dauid took counsel with tribunes, and centuriouns, and alle princes; ² and seide to alle the cumpeny of the sones of Israel, If it plesith you, and if the word which Y speke goith out fro oure Lord God, sende we to `oure residue britheren to alle the cuntrees of Israel, and to preestis and dekenes that dwellen in the subarbis of citees, that thei be gaderid to vs, ³ and that we brynge ayen to vs the arke of oure God; for we souyten not it in the daies of Saul. ⁴ And al the multitude answeride, that it schulde be don so; for the word pleside al the puple.

³ Lo! thou hast tauyt ful many men, and thou hast strengthid hondis maad feynt. ⁴ Thi wordis confermyden men doutynge, and thou coumfortidist knees tremblynge.

³⁷ Bi alle my degrees Y schal pronounce it, and Y schal as offre it to the prynce.

³ Coumforte ye comelid hondis, and make ye strong feble knees. ⁴ Seie ye, Men of litil coumfort, be ye coumfortid, and nyle ye drede; lo! oure God schal brynge the veniaunce of yeldyng, God hym silf schal come, and schal saue vs.

¹ The spirit of the Lord is on me, for the Lord anoyntide me; he sente me to telle to mylde men, that Y schulde heele men contrite in herte, and preche foryyuenesse to caitifs, and openyng to prisoneris; and preche a plesaunt yeer to the Lord, ² and a dai of veniaunce to oure God; that Y schulde coumforte alle that mourenen; ³ that Y schulde sette coumfort to the moureneris of Sion, and that Y schulde yyue to them a coroun for aische, oile of ioie for mourenyng, a mentil of preysyng for the spirit of weilyng. And stronge men of riytfulnesse schulen be clepid ther ynne, the plauntyng of the Lord for to glorifie.

³ Blessid be God and the fadir of oure Lord Jhesu Crist, fadir of mercies, and God of al coumfort, ⁴ which coumfortith vs in al oure tribulacioun, that also we moun coumforte hem, that ben in al diseese, bi the monestyng bi which also we ben monestid of God.

⁵ For whanne we weren comun to Macedonye, oure fleisch hadde no reste, but we suffriden al tribulacioun; with outforth fiytingis, and dredis with ynne. ⁶ But God that coumfortith meke men, coumfortide vs in the comyng of Tite. ⁷ And not oneli in the comyng of him, but also in the coumfort bi which he was coumfortid in you, tellinge to vs youre desire, youre weping, youre loue for me, so that Y ioiede more.

² and we senten Tymothe, oure brother, and mynystre of God in the euangelie of Crist, to you to be confermyd, and to be tauyt for youre feith, ³ that no man be mouyd in these tribulaciouns. For ye silf witen, that in this this thing we ben set.