Job 5 Cross References - Wycliffe

¹ Therfor clepe thou, if `ony is that schal answere thee, and turne thou to summe of seyntis. <sup>2</sup> Wrathfulnesse sleeth `a fonned man, and enuye sleeth a litil child. ³ Y siy a fool with stidefast rote, and Y curside his feirnesse anoon. ⁴ Hise sones schulen be maad fer fro helthe, and thei schulen be defoulid in the yate, and `noon schal be that schal delyuere hem. <sup>5</sup> Whos ripe corn an hungri man schal ete, and an armed man schal rauysche hym, and thei, that thirsten, schulen drynke hise richessis. <sup>6</sup> No thing is doon in erthe with out cause, and sorewe schal not go out of the erthe. <sup>7</sup> A man is borun to labour, and a brid to fliyt. <sup>8</sup> Wherfor Y schal biseche the Lord, and Y schal sette my speche to my God. <sup>9</sup> That makith grete thingis, and that moun not be souyt out, and wondurful thingis with out noumbre. <sup>10</sup> Which yyueth reyn on the face of erthe, and moistith alle thingis with watris. <sup>11</sup> Which settith meke men an hiy, and reisith with helthe hem that morenen. <sup>12</sup> Which distrieth the thouytis of yuel willid men, that her hondis moun not fille tho thingis that thei bigunnen. <sup>13</sup> Which takith cautelouse men in the felnesse `of hem, and distrieth the counsel of schrewis. ¹⁴ Bi dai thei schulen renne in to derknessis, and as in nyyt so thei schulen grope in myddai. ¹⁵ Certis God schal make saaf a nedi man fro the swerd of her mouth, and a pore man fro the hond of the violent, `ethir rauynour. <sup>16</sup> And hope schal be to a nedi man, but wickidnesse schal drawe togidere his mouth. <sup>17</sup> Blessid is the man, which is chastisid of the Lord; therfor repreue thou not the blamyng of the Lord. <sup>18</sup> For he woundith, and doith medicyn; he smytith, and hise hondis schulen make hool. <sup>19</sup> In sixe tribulaciouns he schal delyuere thee, and in the seuenthe tribulacioun yuel schal not touche thee. <sup>20</sup> In hungur he schal delyuere thee fro deeth, and in batel fro the power of swerd. <sup>21</sup> Thou schalt be hid fro the scourge of tunge, and thou schalt not drede myseiste, `ethir wretchidnesse, whanne it cometh. ²² In distriyng maad of enemyes and in hungur thou schalt leiye, and thou schalt not drede the beestis of erthe. ²³ But thi couenaunt schal be with the stonys of erthe, and beestis of erthe schulen be pesible to thee. ²⁴ And thou schalt wite, that thi tabernacle hath pees, and thou visitynge thi fairnesse schalt not do synne. ²⁵ And thou schalt wite also, that thi seed schal be many fold, and thi generacioun schal be as an erbe of erthe. ²⁶ In abundaunce thou schalt go in to the sepulcre, as an heep of wheete is borun in his tyme. ²⁷ Lo! this is so, as we han souyt; which thing herd, trete thou in minde.

² and seide, The Lord cam fro Syna, and he roos to us fro Seir; he apperide fro the hil of Pharan, and thousandis of seyntis with hym; a lawe of fier in his riythond. ³ He louede puplis; alle seyntis ben in his hond, and thei that neiyen to hise feet schulen take of his doctryn.

¹⁸ Lo! thei that seruen hym ben not stidefast; and he findith schrewidnesse in hise aungels.

⁸ Whether thou herdist the counsel of God, and his wisdom is lower than thou? ⁹ What thing knowist thou, whiche we knowen not? What thing vndurstondist thou, whiche we witen not? ¹⁰ Bothe wise men and elde, myche eldre than thi fadris, ben among vs.

¹⁵ Lo! noon among hise seyntis is vnchaungable, and heuenes ben not cleene in his siyt.

³ Thou hast preued myn herte, and hast visitid in niyt; thou hast examynyd me bi fier, and wickidnesse is not foundun in me.

¹⁶ For he al to-brak brasun yatis; and he brak yrun barris.

¹ Iles, be stille to me, and folkis chaunge strengthe; neiye thei, and thanne speke thei; neiye we togidere to doom.

²¹ Make ye niy youre doom, seith the Lord; brynge ye, if in hap ye han ony thing, seith the kyng of Jacob. ²² Neiy tho, and telle to vs, what euer thingis schulen come; telle ye the formere thingis that weren, and we schulen sette oure herte, and schulen wite; schewe ye to vs the laste thingis of hem, and tho thingis that schulen come. ²³ Telle ye what thingis schulen come in tyme to comynge, and we schulen wite, that ye ben goddis; al so do ye wel, ethir yuele, if ye moun; and speke we, and see we togidere.

¹ Poul, the apostle of Jhesu Crist, bi the wille of God, to alle seyntis that ben at Effesie, and to the feithful men in Jhesu Crist,

¹ Therfor we that han so greet a cloude of witnessis put to, do we awei al charge, and synne stondinge aboute vs, and bi pacience renne we to the batel purposid to vs,

¹ Forsothe Rachel seiy, that sche was vnfruytful, and hadde enuye to the sister, and seide to hir hosebonde, Yyue thou fre children to me, ellis Y schal die.

⁸ Saul was wrooth greetli, and this word displeside `in his iyen; and he seide, Thei yauen ten thousynde to Dauid, and `thei yauen a thousynde to me; what leeueth to hym, no but the rewme aloone? ⁹ Therfor Saul bihelde Dauid not with `riytful iyen, `fro that dai and afterward.

⁴ What leesist thou thi soule in thi woodnes? Whether the erthe schal be forsakun `for thee, and hard stoonys schulen be borun ouer fro her place?

¹ Lord, who schal dwelle in thi tabernacle; ether who schal reste in thin hooli hil?

⁴ Ther he brak poweris; bowe, scheeld, swerd, and batel.

²² and seith, Hou long, ye litle men in wit, louen yong childhod, and foolis schulen coueyte tho thingis, that ben harmful to hem silf, and vnprudent men schulen hate kunnyng? ²³ Be ye conuertid at my repreuyng; lo, Y schal profre forth to you my spirit, and Y schal schewe my wordis.

⁵ Litle children, vndirstonde ye wisdom; and ye vnwise men, `perseyue wisdom.

¹⁶ A fool schewith anoon his ire; but he that dissymelith wrongis, is wijs.

⁹ Forsothe the ende of preyer is betere than the bigynnyng. A pacient man is betere than a proud man.

¹¹ And Effraym was maad as a culuer disseyued, not hauynge herte. Thei clepiden Egipt to help, thei yeden to Assiriens.

⁹ And the Lord seide to Jonas, Gessist thou, whether thou art wel wrooth on the yuy? And he seide, Y am wel wrooth, til to the deth.

⁸ but to hem that ben of strijf, and that assenten not to treuthe, but bileuen to wickidnesse, wraththe and indignacioun, tribulacioun and angwisch,

⁶ Of these thei ben that persen housis, and leden wymmen caitifs chargid with synnes, whiche ben led with dyuerse desiris, euere more lernynge,

¹⁵ Cursid is the man that makith a grauun ymage and yotun togidere, abhomynacioun of the Lord, the werk of `hondis of crafti men, and schal sette it in priuey place; and al the puple schal answere, and schal seie, Amen! <sup>16</sup> He is cursid that onoureth not his fadir and modir; and al the puple schal seie, Amen! <sup>17</sup> Cursid is he that `berith ouer the termes of his neiybore; and al the puple schal seie, Amen! ¹⁸ Cursid is he that makith a blynde man to erre in the weie; and al the puple schal seie, Amen! ¹⁹ He is cursid that peruertith the doom of a comelyng, of a fadirles, ethir modirles child, and of a widewe; and al the puple schal seie, Amen! ²⁰ Cursid is he that slepith with `the wijf of his fadir, and schewith the hiling of his bed; and al the puple schal seie, Amen! <sup>21</sup> Cursid is he that slepith with ony beeste; and al the puple schal seie, Amen! <sup>22</sup> Cursid is he that slepith with his sistir, the douytir of his fadir, ethir of his modir; and al the puple schal seie, Amen! <sup>23</sup> Cursid is he that slepith with his wyues modir; and al the puple schal seye, Amen! <sup>24</sup> Cursid is he that sleeth pryueli his neiybore; and al the puple schal seie, Amen! <sup>25</sup> Cursid is he that slepith with `the wijf of his neiybore; and al the puple schal seie, Amen! ²⁶ Cursid is he that takith yiftis, that he smyte the lijf of innocent blood; and al the puple schal seie, Amen!

¹⁸ He is vnstablere than the face of the water; his part in erthe be cursid, and go he not bi the weie of vyneris.

⁸ For what is the hope of an ypocrite, if he rauyschith gredili, and God delyuerith not his soule?

³ Reise thin hondis in to the prides of hem; hou grete thingis the enemy dide wickidli in the hooli. ⁴ And thei that hatiden thee; hadden glorie in the myddis of thi solempnete. ⁵ Thei settiden her signes, `ethir baneris, signes on the hiyeste, as in the outgoing; and thei knewen not. <sup>6</sup> As in a wode of trees thei heweden doun with axis the yatis therof in to it silf; thei castiden doun it with an ax, and a brood fallinge ax. <sup>7</sup> Thei brenten with fier thi seyntuarie; thei defouliden the tabernacle of thi name in erthe. <sup>8</sup> The kynrede of hem seiden togidere in her herte; Make we alle the feest daies of God to ceesse fro the erthe. <sup>9</sup> We han not seyn oure signes, now `no profete is; and he schal no more knowe vs.

¹⁸ Be thou myndeful of this thing, the enemye hath seid schenschip to the Lord; and the vnwijs puple hath excitid to ire thi name. ¹⁹ Bitake thou not to beestis men knoulechenge to thee; and foryete thou not in to the ende the soulis of thi pore men. ²⁰ Biholde in to thi testament; for thei that ben maad derk of erthe, ben fillid with the housis of wickidnessis.

¹ Forsothe, Lord, thou art iust; if Y dispute with thee, netheles Y schal speke iust thingis to thee. Whi hath the weie of wickid men prosperite? It is wel to alle men that breken the lawe, and doen wickidli? ² Thou hast plauntid hem, and thei senten roote; thei encreessen, and maken fruyt; thou art niy to the mouth of hem, and fer fro the reynes of hem. ³ And thou, Lord, hast knowe me, thou hast seyn me, and hast preued myn herte with thee. Gadere thou hem togidere as a flok to slayn sacrifice, and halewe thou hem in the dai of sleyng.

²⁰ And it is writun in the book of Salmes, The abitacioun of hem be maad desert, and be ther noon that dwelle in it, and an other take his bishopriche.

⁵ nether `thou schalt worschipe; for Y am thi Lord God, a stronge gelouse louyere; and Y visite the wickidnesse of fadris in to the thridde and the fourthe generacioun of hem that haten me,

¹⁰ The roryng of a lioun, and the vois of a lionesse, and the teeth of `whelpis of liouns ben al to-brokun. ¹¹ Tigris perischide, for sche hadde not prey; and the whelpis of a lioun ben distried.

⁴ Yhe, thouy thi sones synneden ayens hym, and he lefte hem in the hond of her wickidnesse;

⁷ And wite, that Y haue do no `wickid thing; sithen no man is, that may delyuere fro thin hond?

¹⁶ The rootis of hym be maad drie bynethe; sotheli his ripe corn be al to-brokun aboue. ¹⁷ His mynde perische fro the erthe; and his name be not maad solempne in stretis. ¹⁸ He schal put hym out fro `liyt in to derknessis; and he schal bere hym ouer fro the world. ¹⁹ Nethir his seed nether kynrede schal be in his puple, nether ony relifs in hise cuntreis.

¹⁴ If hise children ben multiplied, thei schulen be slayn in swerd; and hise sones sones schulen not be fillid with breed.

² Mi Lord God, Y haue hopid in thee; make thou me saaf fro alle that pursuen me, and delyuere thou me.

⁵ The Lord blesse thee fro Syon; and se thou the goodis of Jerusalem in alle the daies of thi lijf.

¹² For Y knew youre grete trespassis many, and youre stronge synnes; enemyes of `the riytwis man, takynge yifte, and berynge doun pore men in the yate.

⁴ And as tho eiytetene, on which the toure in Siloa fel doun, and slowe hem, gessen ye, for thei weren dettouris more than alle men that dwellen in Jerusalem? ⁵ Y seie to you, nai; but also `ye alle schulen perische, if ye doon not penaunce.

³³ A puple whom thou knowist not ete the fruytis of thi lond, and alle thi trauels; and euere be thou suffrynge fals calengis, and be thou oppressid in alle daies,

⁵¹ And schal deuoure the fruyt of thi beestis, and the fruytis of thi lond, til thou perischist, and schal not leeue to thee wheete, wyn, and oile, droues of oxun, and flockis of scheep,

³ And whanne Israel hadde sowe, Madian stiede, and Amalech, and othere of the `naciouns of the eest; <sup>4</sup> and thei settiden tentis at the sones of Israel, and wastiden alle thingis `as tho weren in eerbis, ethir grene corn, `til to the entryng of Gaza, and outirli thei leften not in Israel ony thing perteynynge to lijf, not scheep, not oxun, not assis. <sup>5</sup> For thei and alle her flockis camen with her tabernaclis, and at the licnesse of locustus thei filliden alle thingis, and a multitude of men and of camels was with out noumbre, and wastiden what euer thing thei touchiden. <sup>6</sup> And Israel was `maad low greetli in the siyt of Madian.

¹¹ Forsothe an aungel of the Lord cam, and sat undur an ook, that was in Effra, and perteynede to Joas, fadir of the meinee of Ezri. And whanne Gedeon, `his sone, threischide out, and purgide wheetis in a pressour,

¹¹ Therfor the Lord brouyte on hem the princes of the oost of the kyng of Assiriens; and thei token Manasses, and bounden hym with chaynes, and stockis, and ledden hym in to Babiloyne.

³ And the Lord seide to Sathan, Whethir thou hast biholde my seruaunt Joob, that noon in erthe is lijk hym; he is a symple man, and riytful, and dredynge God, and goynge awei fro yuel, and yit holdynge innocence? `But thou hast moued me ayens him, that `Y schulde turmente hym in veyn.

⁶ The tabernaclis of robberis ben plenteuouse, `ether ful of goodis; and boldli thei terren God to wraththe, whanne he hath youe alle thingis in to her hondis.

⁸ For he hath sent hise feet in to a net; and he goith in the meschis therof. ⁹ His foot schal be holdun with a snare; and thirst schal brenne out ayens hym. ¹⁰ The foot trappe of hym is hid in the erthe, and his snare on the path.

¹⁵ He schal spue out the richessis, whiche he deuouride; and God schal drawe tho ritchessis out of his wombe.

⁸ The Lord swoor in his riyt hond and in the arm of his strengthe, Y schal no more yyue thi wheete mete to thin enemyes, and alien sones schulen not drynke thi wyn, in which thou hast trauelid.

³⁴ Nabugodonosor, the kyng of Babiloyne, eet me, and deuouride me; he made me as a voide vessel, he as a dragoun swolewide me; he fillide his wombe with my tendirnesse, and he castide me out.

⁴⁴ And Y schal visite on Bel in to Babiloyne, and Y schal caste out of hise mouth that, that he hadde swolewid, and folkis schulen no more flowe to it; for also the wal of Babiloyne schal falle doun.

⁵ He. The Lord is maad as an enemy; he castide doun Israel, he castide doun alle the wallis therof; he destriede the strengthis therof, and fillide in the douyter of Juda a man maad low, and a womman maad low.

¹⁶ Ayn. Alle thin enemyes openyden her mouth on thee; thei hissiden, and gnaistiden with her teeth, and seiden, We schulen deuoure; lo! this is the dai which we abididen, we founden, we sien.

⁷ For thei schulen sowe wynd, and thei schulen repe whirlewynd. A stalke stondynge is not in hem, the seed schal not make mele; that if also it makith mele, aliens schulen ete it.

²⁷ But Y delayede for the yre of enemyes, lest perauenture `the enemyes of hem shulden be proude, and seie, Oure hiy hond, and not the Lord, dide alle these thingis.

⁹ And ye schulen biholde, and sotheli if it stieth ayens Bethsames bi the weie of `hise coostis, `he dide to you this greet yuel; but if nay, we schulen wite `for his hond touchide not vs, but `if it bifelde bi hap.

²⁹ For whanne he grauntith pees, who is that condempneth? Sithen he hidith his cheer, who is that seeth hym? And on folkis and on alle men `he hath power `to do siche thingis.

⁷ A thousynde schulen falle doun fro thi side, and ten thousynde fro thi riytside; forsothe it schal not neiye to thee.

⁷ Y am the Lord, and noon other God is; fourmynge liyt, and makynge derknessis, makynge pees, and fourmynge yuel; Y am the Lord, doynge alle these thingis.

³⁸ Men. Nether goodis nether yuels schulen go out of the mouth of the hiyeste.

⁴ Speke ye wordis of vnprofitable visioun, and ye schulen smyte boond of pees with leesyng; and doom as bittirnesse schal burioune on the forewis of the feeld.

⁶ Whether a trumpe schal sowne in a citee, and the puple schal not drede? Whether yuel schal be in a citee, which yuel the Lord schal not make?

¹⁵ Biholde ye, that no man faile to the grace of God, that no roote of bittirnesse buriownynge vpward lette, and manye ben defoulid bi it;

¹⁷ Sothely God seyde to Adam, For thou herdist the voys of thi wijf, and hast ete of the tree, of which Y comaundide to thee that thou schuldist not ete, the erthe schal be cursid in thi werk; in traueylis thou schalt ete therof in alle daies of thi lijf; ¹⁸ it schal brynge forth thornes and breris to thee, and thou schalt ete eerbis of the erthe; ¹⁹ in swoot of thi cheer thou schalt ete thi breed, til thou turne ayen in to the erthe of which thou art takun; for thou art dust, and thou schalt turne ayen in to dust.

¹ A man is borun of a womman, and lyueth schort tyme, and is fillid with many wretchidnessis.

⁸ Netheles thou schalt biholde with thin iyen; and thou schalt se the yelding of synneris. ⁹ For thou, Lord, art myn hope; thou hast set thin help altherhiyeste.

⁸ Alle thingis ben hard; a man may not declare tho thingis bi word; the iye is not fillid bi siyt, nether the eere is fillid bi hering.

²² For whi what schal it profite to a man of al his trauel, and turment of spirit, bi which he was turmentid vndur sunne?

¹⁵ Outirli it is a wretchid sijknesse; as he cam, so he schal turne ayen. What therfor profitith it to hym, that he trauelide in to the wynde? ¹⁶ In alle the daies of his lijf he eet in derknessis, and in many bisinessis, and in nedynesse, and sorewe. ¹⁷ Therfor this semyde good to me, that a man ete, and drynke, and vse gladnesse of his trauel, in which he trauelide vndir the sunne, in the noumbre of daies of his lijf, which God yaf to hym; and this is his part.

¹³ Temptacioun take `not you, but mannus temptacioun; for God is trewe, which schal not suffre you to be temptid aboue that that ye moun; but he schal make with temptacioun also purueyaunce, that ye moun suffre.

⁷ Jacob dredde greetli, and he was aferd, and departide the puple that was with hym, and he departide the flockis, and scheep, and oxun, and camels, in to twei cumpenyes; ⁸ and seide, If Esau schal come to o cumpeny, and schal smyte it, the tothir cumpeny which is residue schal be saued. ⁹ And Jacob seide, A! God of my fadir Abraham, and God of my fadir Isaac, A! Lord, that seidist to me, Turne thou ayen in to thi lond, and in to the place of thi birthe, and Y schal do wel to thee, ¹⁰ Y am lesse than alle thi merciful doyngis, and than thi treuthe which thou hast fillid to thi seruaunt; with my staf Y passide this Jordan, and now Y go ayen with twei cumpanyes; ¹¹ delyuere thou me fro the hond of my brothir Esau, for Y drede him greetli, lest he come and sle the modris with the sones. ¹² Thou spakist that thou schuldist do wel to me, and shuldist alarge my seed as the grauel of the see, that mai not be noumbrid for mychilnesse.

¹² And aftir that he was angwischid, he preiede `his Lord God, and dide penaunce gretli bifor the God of hise fadris. <sup>13</sup> And he preiede God, and bisechide ententifli; and God herde his preier, and brouyte hym ayen `in to Jerusalem in to his rewme; and Manasses knew, that the Lord hym silf is God.

⁵ netheles, if thou risist eerli to God, and bisechist `Almyyti God, if thou goist clene and riytful,

²¹ Therfor assente thou to God, and haue thou pees; and bi these thingis thou schalt haue best fruytis.

²⁷ Thou schalt preye hym, and he schal here thee; and thou schalt yelde thi vowis.

⁵ For my wickidnessis ben goon ouer myn heed; as an heuy birthun, tho ben maad heuy on me.

¹⁵ I schal teche wickid men thi weies; and vnfeithful men schulen be conuertid to thee.

¹ The `title of the seuene and seuentithe salm. The lernyng of Asaph. Mi puple, perseyue ye my lawe; bowe youre eere in to the wordis of my mouth. ² I schal opene my mouth in parablis; Y schal speke perfite resouns fro the bigynnyng.

¹ And the Lord made redi a greet fisch, that he shulde swolowe Jonas; and Jonas was in the wombe of the fisch thre daies and thre niytis. ² And Jonas preiede to the Lord his God fro the fischis wombe, ³ and seide, Y criede to God of my tribulacioun, and he herde me; fro the wombe of helle Y criede, and thou herdist my vois. ⁴ Thou castidist me doun in to depnesse, in the herte of the see, and the flood cumpasside me; alle thi swolowis and thi wawis passiden on me. ⁵ And Y seide, Y am cast awei fro siyt of thin iyen; netheles eftsoone Y schal see thin hooli temple. ⁶ Watris cumpassiden me `til to my soule, depnesse enuyrownede me, the see hilide myn heed. ⁷ Y wente doun to the vtmeste places of hillis, the barris of erthe closiden me togidere, in to withouten ende; and thou, my Lord God, schalt reise vp my lijf fro corrupcioun.

¹² For which cause also Y suffre these thingis; but Y am not confoundid. For Y woot to whom Y haue bileuyd, and Y am certeyne that he is miyti for to kepe that is take to my keping in to that dai.

²³ And whanne he was cursid, he curside not; whanne he suffride, he manasside not; but he bitook hym silf to hym, that demyde hym vniustli.

¹⁰ Which makith grete thingis, and that moun not be souyt out, and wondurful thingis, of whiche is noon noumbre.

⁷ In hap thou schalt comprehende the steppis of God, and thou schalt fynde Almyyti God `til to perfeccioun. ⁸ He is hiyere than heuene, and what schalt thou do? he is deppere than helle, and wherof schalt thou knowe? ⁹ His mesure is lengere than erthe, and brodere than the see.

⁵ Lo! giauntis weilen vnder watris, and thei that dwellen with hem. ⁶ Helle is nakid bifor hym, and noon hilyng is to perdicioun. ⁷ Which God stretchith forth the north on voide thing, and hangith the erthe on nouyt. ⁸ `Which God byndith watris in her cloudis, that tho breke not out togidere dounward. <sup>9</sup> `Whych God holdith the cheer of his seete, and spredith abrood theron his cloude. ¹⁰ He hath cumpassid a terme to watris, til that liyt and derknessis be endid. ¹¹ The pilers of heuene tremblen, and dreden at his wille. ¹² In the strengthe of hym the sees weren gaderid togidere sudeynly, and his prudence smoot the proude. ¹³ His spiryt ournede heuenes, and the crokid serpent was led out bi his hond, ledynge out as a mydwijf ledith out a child. ¹⁴ Lo! these thingis ben seid in partie of `hise weyes; and whanne we han herd vnnethis a litil drope of his word, who may se the thundur of his greetnesse?

⁵ God schal thundre in his vois wondurfulli, that makith grete thingis and that moun not be souyt out.

³ Who is this, that helith counsel with out kunnyng? Therfor Y spak vnwiseli, and tho thingis that passiden ouer mesure my kunnyng.

⁵ I seide, Lord, haue thou mercy on me; heele thou my soule, for Y synnede ayens thee.

¹⁸ Netheles for gilis thou hast put to hem; thou castidist hem doun, while thei weren reisid.

²⁸ Whether thou knowist not, ether herdist thou not? God, euerlastynge Lord, that made of nouyt the endis of erthe, schal not faile, nether schal trauele, nether enserchyng of his wisdom is.

³³ O! the heiynesse of the ritchessis of the wisdom and of the kunnyng of God; hou incomprehensible ben hise domes, and hise weies ben vnserchable.

²⁶ Whanne he settide lawe to reyn, and weie to tempestis sownynge;

²⁸ whiche comen doun of the cloudis, that hilen alle thingis aboue.

²⁶ and weie of the thundur sownynge? That it schulde reyne on the erthe with out man in desert, where noon of deedli men dwellith? ²⁷ That it schulde fille a lond with out weie and desolat, and schulde brynge forth greene eerbis? ²⁸ Who is fadir of reyn, ether who gendride the dropis of deew?

⁹ That hath set my soule to lijf, and yaf not my feet in to stiryng. ¹⁰ For thou, God, hast preued vs; thou hast examyned vs bi fier, as siluer is examyned. ¹¹ Thou leddist vs in to a snare, thou puttidist tribulaciouns in oure bak;

⁸ He schal sende out his word, and schal melte tho; his spirit schal blowe, and watris schulen flowe.

²⁴ and yeden awei, and thei seiden not in her herte, Drede we oure Lord God, that yiueth to vs reyn tymeful, and lateful in his tyme; that kepith to vs the plente of heruest of the yeer.

¹³ At his vois he yyueth the multitude of watris in heuene, and he reisith mystis fro the endis of erthe; he makith leitis into reyn, and ledith out wynd of his tresouris.

²² Whether in grauun ymagis of hethene men ben thei that reynen, ethir heuenes moun yyue reynes? whether thou art not oure Lord God, whom we abididen? For thou madist alle these thingis.

⁷ Also Y forbeed reyn fro you, whanne thre monethis weren yit `to comyng, til to ripe corn; and Y reynede on o citee, and on another citee Y reynede not; o part was bireyned, and the part driede vp on which Y reynede not.

¹⁷ And thei seiynge these thingis, vnnethis swagiden the puple, that thei offriden not to hem.

²⁷ His dwellynge place is aboue, and armes euerlastynge ben bynethe; he schal caste out fro thi face the enemy, and he schal seie, Be thou al to-brokun.

⁷ The Lord makith pore, and makith riche; he makith low, and reisith. ⁸ He reisith a nedi man fro poudur, and `he reisith a pore man fro dryt, that he sitte with princes, and holde the seete of glorie; for the endis of erthe ben of the Lord, and he hath set the world on tho.

¹⁴ Men plauntid in the hous of the Lord; schulen floure in the porchis of the hous of oure God.

⁷ The erthe was moued fro the face of `the Lord; fro the face of God of Jacob.

²⁴ And alle trees of the cuntrei schulen wite, that Y am the Lord; Y made low the hiy tre, and Y enhaunside the low tre, and Y made drie the greene tree, and Y made the drie tree to brynge forth boowis; Y the Lord haue spoke, and Y haue do.

⁵² He sette doun myyti men fro sete, and enhaunside meke men. ⁵³ He hath fulfillid hungri men with goodis, and he hath left riche men voide.

²¹ Blessid be ye, that now hungren, for ye schulen be fulfillid. Blessid be ye, that now wepen, for ye schulen leiye.

⁹ And a meke brother haue glorie in his enhaunsyng,

⁶ But he yyueth the more grace; for which thing he seith, God withstondith proude men, but to meke men he yyueth grace. ⁷ Therfor be ye suget to God; but withstonde ye the deuel, and he schal fle fro you. ⁸ Neiye ye to God, and he schal neiye to you. Ye synneris, clense ye hondis, and ye double in soule, purge ye the hertis. ⁹ Be ye wretchis, and weile ye; youre leiyyng be turned in to weping, and ioye in to sorewe of herte. ¹⁰ Be ye mekid in the siyt of the Lord, and he schal enhaunse you.

³ Blessid be God, and the fadir of oure Lord Jhesu Crist, which bi his greet merci bigat vs ayen in to lyuynge hope, bi the ayen risyng of Jhesu Crist fro deth,

¹⁰ And God of al grace, that clepide you in to his euerlastinge glorie, you suffrynge a litil, he schal performe, and schal conferme, and schal make sad.

¹⁵ Forsothe it was doon, whanne oure enemyes hadden herd that it was teld to vs, God distriede her counsel; and alle we turneden ayen to the wallis, ech man to his werk.

¹⁶ Strengthe and wisdom is at God; he knowith bothe hym that disseyueth and hym that is disseyued. ¹⁷ And he bryngith conselours in to a fonned eende, and iugis in to wondryng, ethir astonying.

¹¹ in to thee Y am cast forth fro the wombe. Fro the wombe of my modir thou art my God; departe thou not fro me.

¹⁰ Alle ye hooli men of the Lord, drede hym; for no nedynesse is to men dredynge hym. ¹¹ Riche men weren nedi, and weren hungri; but men that seken the Lord schulen not faile of al good.

¹⁷ For Y seide, Lest ony tyme myn enemyes haue ioye on me; and the while my feet ben mouyd, thei spaken grete thingis on me.

³⁰ No wisdom is, no prudence is, no counsel is ayens the Lord.

¹⁰ take ye councel, and it schal be destried; speke ye a word, and it schal not be doon, for God is with vs.

³ And the spirit of Egipt schal be brokun in the entrailis therof, and Y schal caste doun the councel therof; and thei schulen axe her symylacris, and her false diuinouris, and her men that han vncleene spiritis spekinge in the wombe, and her dyuynouris bi sacrifices maad on auteris to feendis.

³⁶ Forsothe the aungel of the Lord yede out, and killide an hundride thousynde and fourscoor and fyue thousynde in the tentis of Assiriens; and thei risen eerli, and lo! alle men weren careyns of deed men.

¹¹ And Petre turnede ayen to hym silf, and seide, Now Y woot verili, that the Lord sente his aungel, `and delyueride me fro the hoond of Eroude, and fro al the abiding of the puple of Jewis.

¹² And whanne the dai was come, summe of the Jewis gaderiden hem, and maden `avow, and seiden, that thei schulden nether eete, ne drinke, til thei slowen Poul. ¹³ And there weren mo than fourti men, that maden this sweryng togider. ¹⁴ And thei wenten to the princis of prestis, and eldre men, and seiden, With deuocioun we han a vowid, that we schulen not taste ony thing, til we sleen Poul. ¹⁵ Now therfor make ye knowun to the tribune, with the counsel, that he bringe hym forth to you, as if ye schulden knowe sum thing more certeynli of hym; and we ben redi to sle hym, bifor that he come. ¹⁶ And whanne the sone of Poulis sister hadde herd the aspies, he cam, and entride in to the castels, and telde to Poul. ¹⁷ And Poul clepide to hym oon of the centuriens, and seide, Lede this yonge man to the tribune, for he hath sum thing to schewe to hym. ¹⁸ And he took hym, and ledde to the tribune, and seide, Poul, that is boundun, preide me to lede to thee this yonge man, that hath sum thing to speke to thee. ¹⁹ And the tribune took his hoond, and wente with hym asidis half, and axide hym, What thing is it, that thou hast to schewe to me? ²⁰ And he seide, The Jewis ben acordid to preye thee, that to morewe thou brynge forth Poul in to the counsel, as if thei schulden enquere sum thing more certeynli of hym. ²¹ But bileue thou not to hem; for mo than fourti men of hem aspien hym, which han a vowid, that thei schulen not eete nether drynke, til thei sleen hym; and now thei ben redi, abidinge thi biheest. ²² Therfor the tribune lefte the yonge man, and comaundide, that he schulde speke to no man, that he hadde maad these thingis knowun to hym.

³¹ Forsothe it was teld to Dauid, that Achitofel was in the sweryng togidere with Absolon; and Dauid seide, Lord, Y byseche, make thou fonned the counsel of Achitofel.

³⁴ and seist to Absolon, Y am thi seruaunt, kyng, suffre thou me to lyue; as Y was the seruaunt of thi fadir, so Y schal be thi seruaunt; thou schalt distrye the counsel of Achitofel.

²³ Forsothe Achitofel siy, that his counsel was not doon, and he sadlide his asse, and roos, and yede in to his hows, and in to his citee; and whanne his hows was disposid, he perischide bi hangyng, and he was biried in the sepulcre of his fadir.

⁴ And anoon the kyng seide, Who is in the halle? Sotheli Aaman hadde entrid in to the ynnere halle of the kyngis hows, to make suggestioun to the kyng, that he schulde comaunde Mardochee to be hangid on the iebat, which was maad redi to him. ⁵ And the children answeriden, Aaman stondith in the halle. ⁶ And the kyng seide, Entre he. And whanne he was comun yn, the kyng seide to hym, What owith to be don to the man, whom the kyng desirith onoure? Aaman thouyte in his herte, and gesside, that the kyng wolde onoure noon othere man no but hym silf; ⁷ and he answeride, The man, whom the kyng couetith to onoure, ⁸ owith to be clothid with the kyngis clothis, and to be set on the hors which is of the kyngis sadel, and to take the kyngis diademe on his heed; ⁹ and the firste of the princes and stronge men of the kyng holde his hors, and go bi the stretis of the citee, and crie, and seie, Thus he schal be onourid, whom euer the kyng wole onoure. ¹⁰ Therfor the kyng seide to hym, Haste thou, and whanne `a stoole and hors is takun, do thou, as thou hast spoke, to Mardochee the Jew, that sittith bifor the yatis of the paleis; be thou war, that thou leeue not out ony thing of these, whiche thou hast spoke. <sup>11</sup> Therfor Aaman took `a stoole and hors, and yede, and criede bifor Mardochee clothid in the strete of the citee, and set on `the hors, He is worthi this onour, whom euer the kyng wole onoure.

¹⁰ Therfor Aaman was hangid in the iebat, which he hadde maad redi to Mardochee, and the ire of the kyng restide.

²⁵ And afterward Hester entride to the kyng, and bisouyte, that `hise enforsyngis schulden be maad voide bi the lettris of the kyng, and that the yuel, which he hadde thouyt ayenus the Jewis, schulde turne ayen in to his heed. `Forsothe thei hangiden on the cros `bothe hym and hise sones.

¹⁵ Lo! he conseyuede sorewe; he peynfuli brouyte forth vnriytfulnesse, and childide wickidnesse. ¹⁶ He openide a lake, and diggide it out; and he felde in to the dich which he made.

⁷ Thi riytfulnesse is as the hillis of God; thi domes ben myche depthe of watris. Lord, thou schalt saue men and beestis; ⁸ as thou, God, hast multiplied thi merci. But the sones of men; schulen hope in the hilyng of thi wyngis.

³² For ech disseyuer is abhomynacioun of the Lord; and his speking is with simple men.

⁵¹ He made myyt in his arme, he scaterede proude men with the thouyte of his herte.

¹⁹ For it is writun, Y schal distruye the wisdom of wise men, and Y schal reproue the prudence of prudent men. ²⁰ Where is the wise man? where is the wise lawiere? where is the purchasour of this world? Whether God hath not maad the wisdom of this world fonned?

¹⁹ For the wisdom of this world is foli anentis God; for it is writun, Y schal catche wise men in her fel wisdom;

²⁹ and grope thou in mydday, as a blynd man is wont to grope in derknessis; and dresse he not thi weies; in al tyme suffre thou fals chaleng, and be thou oppressid bi violence, nethir haue thou ony that schal delyuere thee.

²⁵ Thei schulen grope, as in derknessis, and not in liyt; and he schal make hem to erre as drunken men.

¹⁹ The weie of wickid men is derk; thei witen not where thei schulen falle.

¹⁰ We gropiden as blynde men the wal, and we as with outen iyen touchiden; we stumbliden in myddai, as in derknessis, in derk places, as deed men.

⁹ And it schal be, seith the Lord, in that dai the sunne schal go doun in myddai, and Y schal make the erthe for to be derk in the dai of liyt.

¹⁰ The roryng of a lioun, and the vois of a lionesse, and the teeth of `whelpis of liouns ben al to-brokun.

¹⁰ For the wel of life is at thee; and in thi liyt we schulen se liyt.

⁴ For biholdyng is not to the deth of hem; and stidefastnesse in the sikenesse of hem.

¹² Lo! thilke synneris and hauynge aboundance in the world; helden richessis. ¹³ And Y seide, Therfor without cause Y iustifiede myn herte; and waischide myn hoondis among innocentis.

⁷ Forsothe at alle the children of Israel a dogge schal not make priuy noise, fro man til to beeste; that ye wite bi how greet myracle the Lord departith Egipcians and Israel.

⁸ He reisith a nedi man fro poudur, and `he reisith a pore man fro dryt, that he sitte with princes, and holde the seete of glorie; for the endis of erthe ben of the Lord, and he hath set the world on tho. <sup>9</sup> He schal kepe `the feet of hise seyntis, and wickid men schulen be stille to gidere in derknessis; for a man schal not be maad strong in his owne strengthe.

¹¹ The iust man schal be glad in the Lord, and schal hope in hym; and alle men of riytful herte schulen be preisid.

³² And what schal be answerid to the messangeris of folk? for the Lord hath foundid Sion, and the pore men of his puple schulen hope in hym.

¹² Ye boundun of hope, be conuertid to strengthing; and to dai Y schewynge schal yelde to thee double thingis,

¹⁹ And we witen, that what euere thingis the lawe spekith, it spekith to hem that ben in the lawe, that ech mouth be stoppid, and ech world be maad suget to God.

¹¹ My sone, caste thou not awei the teching of the Lord; and faile thou not, whanne thou art chastisid of him. ¹² For the Lord chastisith hym, whom he loueth; and as a fadir in the sone he plesith hym.

¹⁸ I heringe herde Effraym passinge ouer; thou chastisidist me, and Y am lerned as a yong oon vntemyd; turne thou me, and Y schal be conuertid, for thou art my Lord God.

⁵ And ye han foryet the coumfort that spekith to you as to sones, and seith, My sone, nyle thou dispise the teching of the Lord, nether be thou maad weri, the while thou art chastisid of hym. ⁶ For the Lord chastisith hym that he loueth; he betith euery sone that he resseyueth. ⁷ Abide ye stille in chastising; God proferith hym to you as to sones. For what sone is it, whom the fadir chastisith not? ⁸ That if ye `ben out of chastising, whos parteneris ben ye alle maad, thanne ye ben auowtreris, and not sones. ⁹ And aftirward we hadden fadris of oure fleisch, techeris, and we with reuerence dredden hem. Whethir not myche more we schulen obeische to the fadir of spiritis, and we schulen lyue? ¹⁰ And thei in tyme of fewe dayes tauyten vs bi her wille; but this fadir techith to that thing that is profitable, in resseyuynge the halewing of hym. ¹¹ And ech chastisyng in present tyme semeth to be not of ioye, but of sorewe; but aftirward it schal yelde fruyt of riytwisnesse moost pesible to men exercisid bi it.

¹² Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.

¹¹ Lo! we blessen hem that suffriden. Ye herden the `suffring, ethir pacience, of Joob, and ye sayn the ende of the Lord, for the Lord is merciful, and doynge merci.

¹⁹ Y repreue, and chastise whom Y loue; therfor sue thou goode men, and do penaunce.

³⁹ Se ye that Y am aloone, and noon other God is outakun me; Y schal sle, and Y schal make to lyue; Y schal smyte, and Y schal make hool; and noon is that may delyuere fro myn hond.

⁶ The Lord sleeth, and quikeneth; he ledith forth to hellis, and bryngith ayen.

³ For he hath coumfortid the lockis of thi yatis; he hath blessid thi sones in thee.

²⁶ And the liyt of the moone schal be as the liyt of the sunne, and the liyt of the sunne schal be seuenfold, as the liyt of seuene daies, in the dai in which the Lord schal bynde togidere the wounde of his puple, and schal make hool the smytynge of the wounde therof.

¹ In her tribulacioun thei schulen rise eerli to me. Come ye, and turne we ayen to the Lord;

¹⁹ Thei that ben aduersaries wickidli to me, haue not ioye on me; that haten me with out cause, and bikenen with iyen.

³ To schewe eerli thi merci; and thi treuthe bi nyyt. ⁴ In a sautrie of ten cordis; with song in harpe. ⁵ For thou, Lord, hast delitid me in thi makyng; and Y schal make ful out ioye in the werkis of thin hondis. ⁶ Lord, thi werkis ben magnefied greetli; thi thouytis ben maad ful depe. ⁷ An vnwise man schal not knowe; and a fool schal not vndirstonde these thingis. ⁸ Whanne synneris comen forth, as hey; and alle thei apperen, that worchen wickidnesse. ⁹ That thei perische in to the world of world; forsothe thou, Lord, art the hiyest, withouten ende. For lo! ¹⁰ Lord, thin enemyes, for lo! thin enemyes schulen perische; and alle schulen be scaterid that worchen wickidnesse.

¹⁶ For a iust man schal falle seuene sithis in the dai, and schal rise ayen; but wickid men schulen falle in to yuele.

⁸ For, britheren, we wolen that ye wite of oure tribulacioun, that was don in Asie; for ouer maner we weren greued ouer myyt, so that it anoiede vs, yhe, to lyue.

⁹ For the Lord kan delyuere piteuouse men fro temptacioun, and kepe wickid men `in to the dai of dom to be turmentid;

⁷ and God bifor sente me, that ye be reserued on erthe, and moun haue metis to lyue.

⁶ And crowis baren to hym breed and fleisch eerli; in lijk maner in the euentid; and he drank of the stronde.

³ Bitake thou not me togidere with synneris; and leese thou not me with hem that worchen wickidnesse. Whyche speken pees with her neiybore; but yuels ben in her hertis.

¹⁹ The Lord is nyy hem that ben of troblid herte; and he schal saue meke men in spirit.

¹⁹ For Y schal telle my wickidnesse; and Y schal thenke for my synne.

⁷ Mi puple, here thou, and Y schal speke to Israel; and Y schal witnesse to thee, Y am God, thi God.

¹⁰ Lord, alle thi werkis knouleche to thee; and thi seyntis blesse thee.

³ The Lord schal not turmente the soule of a iust man with hungur; and he schal distrie the tresouns of vnpitouse men.

¹⁶ This man schal dwelle in hiy thingis, the strengthis of stoonys ben the hiynesse of hym; breed is youun to hym, hise watris ben feithful.

¹⁴ Y schal delyuere hem fro the hoond of deeth, and Y schal ayenbie hem fro deth. Thou deth, Y schal be thi deth; thou helle, Y schal be thi mussel.

¹⁷ For the fige tre schal not floure, and buriownyng schal not be in vynyerdis; the werk of olyue tre schal lie, and feeldis schulen not brynge mete; a scheep schal be kit awei fro the fold, and droue schal not be in cratchis.

⁶ For ye schulen here batels, and opyniouns of batels; se ye that ye be not disturblid; for it byhoueth these thingis to be don, but not yit is the ende.

⁴ Synneris weren maad aliens fro the wombe; thei erriden fro the wombe, thei spaken false thingis.

⁵ For thou, Lord, hast delitid me in thi makyng; and Y schal make ful out ioye in the werkis of thin hondis. ⁶ Lord, thi werkis ben magnefied greetli; thi thouytis ben maad ful depe. ⁷ An vnwise man schal not knowe; and a fool schal not vndirstonde these thingis.

¹⁸ A man is that bihetith, and he is prickid as with the swerd of conscience; but the tunge of wise men is helthe.

¹⁷ Ech vessel which is maad ayens thee, schal not be dressid; and in the doom thou schalt deme ech tunge ayenstondynge thee. This is the eritage of the seruauntis of the Lord, and the riytfulnesse of hem at me, seith the Lord.

¹⁸ And thei seiden, Come ye, and thenke we thouytis ayens Jeremye; for whi the lawe schal not perische fro a preest, nether councel schal perische fro a wijs man, nether word schal perische fro a profete; come ye, and smyte we hym with tunge, and take we noon heede to alle the wordis of hym.

⁵ So also the tunge is but a litil membre, and reisith grete thingis. Lo! hou litil fier brenneth a ful greet wode. ⁶ And oure tunge is fier, the vniuersite of wickidnesse. The tunge is ordeyned in oure membris, which defoulith al the bodi; and it is enflawmed of helle, and enflawmeth the wheel of oure birthe. ⁷ And al the kynde of beestis, and of foulis, and of serpentis, and of othere is chastisid, and tho ben maad tame of mannus kinde; but no man mai chastise the tunge, ⁸ for it is an vnpesible yuel, and ful of deedli venym.

²¹ This is the word, which the Lord spak of hym, Thou virgyn douytir of Syon, he dispiside thee, and scornyde thee; thou douyter of Jerusalem, he mouyde his heed aftir thi bak.

¹³ A iust man schal floure as a palm tree; he schal be multiplied as a cedre of Liban.

⁹ A lioun schal not be there, and an yuel beeste schal not stie therbi, nether schal be foundun there.

²⁵ A wolf and a lomb schulen be fed togidere, and a lioun and an oxe schulen ete stree, and to a serpent dust schal be his breed; thei schulen not anoie, nether schulen sle, in al myn hooli hil, seith the Lord.

²⁵ And Y schal make with hem a couenaunt of pees, and Y schal make worste beestis to ceesse fro erthe; and thei that dwellen in desert, schulen slepe sikur in forestis.

¹⁸ And Y schal smyte to hem a boond of pees in that dai with the beeste of the feeld, and with the brid of the eir, and with the crepynge beeste of erthe. And Y schal al to-breke bowe, and swerd, and batel fro erthe; and Y schal make hem to slepe tristili.

⁶ Y schal yyue pees in youre coostis; ye schulen slepe, and noon schal be that schal make you aferd; Y schal do awei yuel beestis fro you, and a swerd schal not passe bi youre termes.

¹² And myn iye dispiside myn enemyes; and whanne wickid men rysen ayens me, myn eere schal here. ¹³ A iust man schal floure as a palm tree; he schal be multiplied as a cedre of Liban.

⁶ A wolf schal dwelle with a lombe, and a parde schal reste with a kide; a calf, and a lioun, and a scheep schulen dwelle togidere, and a litil child schal dryue hem. ⁷ A calf and a beere schulen be lesewid togidere; the whelpis of hem schulen reste, and a lioun as an oxe schal ete stre. ⁸ And a yonge soukyng child fro the tete schal delite on the hole of a snake, and he that is wenyd schal putte his hond in the caue of a cocatrice. ⁹ Thei schulen not anoye, and schulen not sle in al myn hooli hil; forwhi the erthe is fillid with the kunnyng of the Lord, as watris of the see hilynge.

¹⁵ That if also Y brynge in worste beestis on the lond, that Y distrie it, and if it is with out weie, for that no passer is for the beestis, ¹⁶ and these thre men, that `ben bifore seid, ben therynne, Y lyue, seith the Lord God, for thei schulen nethir delyuere sones, nether douytris, but thei aloone schulen be deliuered; forsothe the lond schal be maad desolat.

²² My God sente his aungel, and closide togidere the mouthis of liouns, and tho noieden not me, for riytfulnesse is foundun in me bifore hym; but also, thou kyng, Y dide no trespas bifore thee.

³⁸ But Y am certeyn, that nethir deeth, nether lijf, nether aungels, nethir principatus, nether vertues, nether present thingis, nether thingis to comynge, nether strengthe, ³⁹ nether heiyth, nether depnesse, nether noon othir creature may departe vs fro the charite of God, that is in `Crist Jhesu oure Lord.

⁶ thou schalt be blessid entrynge, and goynge out.

³ Therfor whanne Dauid and hise men hadde come to the citee, and hadden founde it brent bi fier, and that her wyues, and her sones, and douytris weren led prisoneris,

⁶ anoon he schal wake fulli to thee, and schal make pesible the dwellyng place of thi ryytfulnesse;

⁶ Liyt schal wexe derke in his tabernacle; and the lanterne, which is on hym, schal be quenchid.

¹⁵ The felowis of hym that is not, dwelle in his tabernacle; brymston be spreynt in his tabernacle.

²¹ Therfor these ben the tabernaclis of a wickid man; and this is the place of hym, that knowith not God.

⁷ Whi therfor lyuen wickid men? Thei ben enhaunsid, and coumfortid with richessis. ⁸ Her seed dwellith bifor hem; the cumpeny of kynesmen, and of sones of sones dwellith in her siyt. ⁹ Her housis ben sikur, and pesible; and the yerde of God is not on hem.

¹⁰ Lord, thin enemyes, for lo! thin enemyes schulen perische; and alle schulen be scaterid that worchen wickidnesse.

⁴ Lord, Y schal knouleche to thee among puplis; and Y schal seie salm to thee among naciouns.

⁷ Pees be maad in thi vertu; and abundaunce in thi touris. ⁸ For my britheren and my neiyboris; Y spak pees of thee.

⁵ And the Lord made on ech place of the hille of Sion, and where he was clepid to help, a cloude bi dai, and smoke, and briytnesse of fier flawmynge in the niyt; for whi hilyng schal be aboue al glorie. ⁶ And a tabernacle schal be in to a schadewynge place of the dai, fro heete, and in to sikirnesse and in to hidyng, fro whirlewynd and fro reyn.

⁵ And the Lord ledde out Abram, and seide to hym, Biholde thou heuene, and noumbre thou sterris, if thou maist. And the Lord seide to Abram, So thi seed schal be.

⁹ Y schal biholde you, and Y schal make you to encreesse; ye schulen be multiplied; and Y schal make stedfast my couenaunt with you;

⁴ blessid schal be the fruyt of thi wombe, and the fruyt of thi lond, and the fruit of thi beestis; `blessid schulen be the flockis of thi grete beestis, and the fooldis of thi scheep;

¹³ And he hadde seuene sones [Note: the formere sones and douytris weren in the weye of saluacioun, and so not deed outirly. ], and thre douytris; and he clepide the name of o douytir Dai, and the name of the secounde douytir Cassia, and the name of the thridde douytir `An horn of wymmens oynement. <sup>14</sup> `Sotheli no wymmen weren foundun so faire in al erthe, as the douytris of Joob; and her fadir yaf eritage to hem among her britheren. ¹⁵ Forsothe Joob lyuede aftir these betyngis an hundrid and fourti yeer, and `siy hise sones, and the sones of hise sones, `til to the fourthe generacioun; and he was deed eld, and ful of daies.

¹⁶ I gesside, that Y schulde knowe this; trauel is bifore me.

² The name of the Lord be blessid; fro this tyme now and til in to the world.

³ Thi wijf as a plenteous vyne; in the sidis of thin hous. Thi sones as the newe sprenges of olyue trees; in the cumpas of thi bord. ⁴ Lo! so a man schal be blessid; that dredith the Lord. ⁵ The Lord blesse thee fro Syon; and se thou the goodis of Jerusalem in alle the daies of thi lijf.

³ Synneris forgeden on my bak; thei maden long her wickidnesse. ⁴ The `iust Lord schal beete the nollis of synneris; ⁵ alle that haten Sion be schent, and turned abak. ⁶ Be thei maad as the hey of hous coppis; that driede vp, bifore that it be drawun vp.

³ For Y schal schede out watris on the thirsti, and floodis on the dry lond; Y schal schede out my spirit on thi seed, and my blessyng on thi generacioun. ⁴ And thei schulen buriowne among erbis, as salewis bisidis rennynge watris.

¹⁵ Forsothe thou schalt go to thi fadris in pees, and schalt be biried in good age.

⁸ and he failide, and diede in good eelde, and of greet age, and ful of daies, and he was gaderid to his puple.

¹¹ For thi daies schulen be multiplied bi me; and yeeris of lijf schulen be encreessid to thee.

²⁷ The drede of the Lord encreesith daies; and the yeeris of wickid men schulen be maad schort.

¹³ and that thou kepe the comaundementis of thi Lord God, and the cerymonyes of hym, whiche Y comaunde to thee to dai, that it be wel to thee.

⁸ For whi, axe thou the formere generacioun, and seke thou diligentli the mynde of fadris. For we ben men of yistirdai, and `kunnen not; for oure daies ben as schadewe on the erthe.

¹⁰ And thei schulen teche thee, thei schulen speke to thee, and of her herte thei schulen bring forth spechis.

² Therfor ben ye men aloone, that wisdom dwelle with you?

¹⁷ I schal schewe to thee, here thou me; Y schal telle to thee that, that Y siy.

² Whether a man, yhe, whanne he is of perfit kunnyng, mai be comparisound to God?

¹¹ For Y abood youre wordis, Y herde youre prudence, as long as ye dispuytiden in youre wordis. ¹² And as long as Y gesside you to seie ony thing, Y bihelde; but as Y se, `noon is of you, that may repreue Joob, and answere to hise wordis;

² His seed schal be myyti in erthe; the generacioun of riytful men schal be blessid.

³ For if thou inwardli clepist wisdom, and bowist thin herte to prudence; ⁴ if thou sekist it as money, and diggist it out as tresours; ⁵ thanne thou schalt vndirstonde the drede of the Lord, and schalt fynde the kunnyng of God.

¹² If thou art wijs; thou schalt be to thi silf, and to thi neiyboris. Forsothe if thou art a scornere; thou aloone schalt bere yuel.