Joshua 22:22 Cross References - Wycliffe

²² The strongeste Lord God hym silf of Israel knowith, and Israel schal vndirstonde togidere; if we bildiden this auter for entent of trespassyng, `that is, of ydolatrye, he kepe not vs, but punysche in present time;

¹¹ now Y knowe that the Lord is greet aboue alle goddis, for `thei diden proudli ayens hem.

¹⁷ For youre Lord God hym silf is God of goddis, and Lord of lordis, `God greet, and miyti, and feerdful, which takith not persoone, nether yiftis.

²³ for it is as the synne of mawmetrie to `fiyte ayens Goddis heest, and it is as the wickidnesse of ydolatrie to nyle `ascente to Goddis heest. Therfor for that, that thou castidist awey the word of the Lord, the Lord castide thee awei, that thou be not kyng.

³⁹ thou schalt here in heuene, in the place of thi dwellyng, and thou schalt do mercy, and thou schalt do that thou yyue to ech man vpe alle hise weies, as thou seest his herte; for thou aloone knowist the herte of alle the sones of men,

⁷ And wite, that Y haue do no `wickid thing; sithen no man is, that may delyuere fro thin hond?

¹⁰ But he knowith my weie, and he schal preue me as gold, that passith thorouy fier.

⁵ If Y yede in vanyte, and my foot hastide in gile, ⁶ God weie me in a iust balaunce, and knowe my symplenesse. ⁷ If my step bowide fro the weie; if myn iye suede myn herte, and a spotte cleuede to myn hondis; ⁸ sowe Y, and another ete, and my generacioun be drawun out bi the root.

³⁸ If my lond crieth ayens me, and hise forewis wepen with it; ³⁹ if Y eet fruytis therof with out money, and Y turmentide the soule of erthetileris of it; ⁴⁰ a brere growe to me for wheete, and a thorn for barli.

³ Lest ony tyme he as a lioun rauysche my soule; the while noon is that ayenbieth, nether that makith saaf. ⁴ Mi Lord God, if Y dide this thing, if wickidnesse is in myn hondis; ⁵ if Y `yeldide to men yeldynge to me yuels, falle Y `bi disseruyng voide fro myn enemyes;

⁶ Myn heelid woundis weren rotun, and ben brokun; fro the face of myn vnwisdom.

¹ The title of the two and eiytetithe salm. The song of the salm of Asaph.

³ Telle ye his glorie among hethene men; hise merueilis among alle puplis.

⁷ the world, and thei that dwellen therynne.

² In salewis in the myddil therof; we hangiden vp oure orguns.

¹ The `title of the hundrid and nyne and thrittithe `salm. To victorie, the salm of Dauith. ² Lord, delyuere thou me fro an yuel man; delyuere thou me fro a wickid man. ³ Whiche thouyten wickidnesses in the herte; al dai thei ordeyneden batels. ⁴ Thei scharpiden her tungis as serpentis; the venym of snakis vndir the lippis of hem. ⁵ Lord, kepe thou me fro the hond of the synnere; and delyuere thou me fro wickid men. Which thouyten to disseyue my goyngis; ⁶ proude men hidden a snare to me. And thei leiden forth cordis in to a snare; thei settiden sclaundir to me bisidis the weie. ⁷ I seide to the Lord, Thou art mi God; Lord, here thou the vois of my biseching. ⁸ Lord, Lord, the vertu of myn heelthe; thou madist schadowe on myn heed in the dai of batel. ⁹ Lord, bitake thou not me fro my desire to the synnere; thei thouyten ayens me, forsake thou not me, lest perauenture thei ben enhaunsid. ¹⁰ The heed of the cumpas of hem; the trauel of her lippis schal hile hem. ¹¹ Colis schulen falle on hem, thou schalt caste hem doun in to fier; in wretchidnessis thei schulen not stonde. ¹² A man a greet ianglere schal not be dressid in erthe; yuels schulen take an vniust man in perisching.

³ And thou, Lord, hast knowe me, thou hast seyn me, and hast preued myn herte with thee. Gadere thou hem togidere as a flok to slayn sacrifice, and halewe thou hem in the dai of sleyng.

¹⁰ Y am the Lord sekynge the herte, and preuynge the reynes, and Y yyue to ech man after his weye, and aftir the fruyt of his fyndyngis.

⁴⁷ Therfor the kyng spak, and seide to Danyel, Verili youre God is God of goddis, and Lord of kyngis, that schewith mysteries, for thou miytist opene this sacrament.

³⁶ And the kyng schal do bi his wille, and he schal be reisid, and magnefied ayens ech god, and ayens God of goddis he schal speke grete thingis; and he schal be dressid, til wrathfulnesse be fillid. For the determynynge is perfitli maad.

⁹ Y schal bere wraththe of the Lord, for Y haue synned to hym, til he deme my cause, and make my doom; he schal lede out me in to liyt, Y schal se riytwisnesse of hym.

¹⁸ And ye schulen be conuertid, and ye schulen se, what is bitwixe the iust man and vnpitouse, bitwixe `the seruynge to the Lord and `not seruynge to hym.

²⁴ But Jhesus trowide not hym silf to hem, for he knewe alle men; ²⁵ and for it was not nede to hym, that ony man schulde bere witnessyng, for he wiste, what was in man.

¹⁷ He seith to him the thridde tyme, Simount of Joon, louest thou me? Petre was heuy, for he seith to hym the thridde tyme, Louest thou me, and he seith to him, Lord, thou knowist alle thingis; thou woost that Y loue thee. Jhesus seith to hym, Fede my scheep.

²⁴ And thei preieden, and seiden, Thou, Lord, that knowist the hertis of alle men, schewe whom thou hast chosun of these tweyne,

² But whanne Petre cam to Jerusalem, thei that weren of circumcisioun, disputiden ayens hym, ³ and seiden, Whi entridist thou to men that han prepucie, and hast eete with hem? ⁴ And Petre bigan, and expownede to hem bi ordre, ⁵ and seide, Y was in the citee of Joppe, and preiede, and Y sai in rauysching of my mynde a visioun, that a vessel cam doun, as a greet scheete with foure coordis, and was sent doun fro heuene; and it cam to me. ⁶ In to which Y lokinge biheld, and sai foure footid beestis of the erthe, and beestis, and crepynge beestis, and volatils of heuene. ⁷ And Y herde also a vois that seide to me, Petre, rise thou, and sle, and eete. ⁸ But Y seide, Nay, Lord; for comyn thing ether vnclene entride neuer in to my mouth. ⁹ And the vois answeride the secounde tyme fro heuene, That thing that God hath clensid, seie thou not vnclene. ¹⁰ And this was don bi thries, and alle thingis weren resseyued ayen in to heuene. ¹¹ And lo! thre men anoon stooden in the hous, in which Y was; and thei weren sent fro Cesarie to me. ¹² And the spirit seide to me, that Y schulde go with hem, and doute no thing. Yhe, and these sixe britheren camen with me, and we entriden in to the hous of the man. ¹³ And he telde to vs, how he say an aungel in his hous, stondinge and seiynge to hym, Sende thou in to Joppe, and clepe Symount, that is named Petre, which schal speke to thee wordis, ¹⁴ in whiche thou schalt be saaf, and al thin hous. ¹⁵ And whanne Y hadde bigunnun to speke, the Hooli Goost felle on hem, as in to vs in the bigynnyng. ¹⁶ And Y bithouyte on the word of the Lord, as he seide, For Joon baptiside in watir, but ye schulen be baptisid in the Hooli Goost. ¹⁷ Therfor if God yaf to hem the same grace, as to vs that bileueden in the Lord Jhesu Crist, who was Y, that myyte forbeede the Lord, that he yyue not the Hooli Goost to hem that bileueden in the name of Jhesu Crist? ¹⁸ Whanne these thingis weren herd, thei helden pees, and glorifieden God, and seiden, Therfor also to hethene men God hath youun penaunce to lijf.

¹¹ For if Y haue noyed, ether don ony thing worthi deth, Y forsake not to die; but if no thing of tho is, that thei accusen me, no man may yyue me to hem. Y appele to the emperour.

¹¹ Therfor we witynge the drede of the Lord, councelen men, for to God we ben opyn; and Y hope, that we ben opyn also in youre consciencis.

¹¹ Whi? for Y loue not you?

³¹ God and the fadir of oure Lord Jhesu Crist, that is blessid in to worldis, woot that Y lie not.

¹⁶ Which aloone hath vndeedlynesse, and dwellith in liyt, to which no man may come; whom no man say, nether may se; to whom glorie, and honour, and empire be with out ende.

¹³ And no creature is vnuisible in the siyt of God. For alle thingis ben nakid and opyn to hise iyen, to whom a word to vs.

²³ And Y schal slee hir sones in to deth, and alle chirchis schulen wite, that Y am serchinge reynes and hertis; and Y schal yyue to ech man of you after hise werkis.

¹⁶ And he hath writun in his cloth, and in the hemme, Kyng of kyngis and Lord of lordis.