Leviticus 6:26 Cross References - Wycliffe

²⁶ The preest that offrith it, schal ete it in the hooli place, in the greet street of the tabernacle.

⁹ Also thou schalt make a large street of the tabernacle, `in the maner of a chirche yeerd, in whos mydday coost ayens the south schulen be tentis of bijs foldid ayen; o side schal holde an hundrid cubitis in lengthe, <sup>10</sup> and twenti pileris, with so many brasun foundementis, whiche pileris schulen haue silueren heedis with her grauyngis. <sup>11</sup> In lijk maner in the north side, bi the lengthe, schulen be tentis of an hundrid cubitis, twenti pileris, and brasun foundementis of the same noumbre; and the heedis of tho pileris with her grauyngis schulen be of siluer. <sup>12</sup> Forsothe in the breede of the large street, that biholdith to the west, schulen be tentis bi fifti cubitis, and ten pileris schulen be, and so many foundementis. <sup>13</sup> In that breede of the large street, that biholdith to the eest, schulen be fifti cubitis, <sup>14</sup> in whiche the tentis of fiftene cubitis schulen be assigned to o side, and thre pileris, and so many foundementis; <sup>15</sup> and in the tother side schulen be tentis holdynge fiftene cubitis, and thre pileris, and so many foundementis. <sup>16</sup> Forsothe in the entryng of the `greet strete schal be maad a tente of twenti cubitis, of iacynt, and purpur, and of reed selk twies died, and of bijs foldid ayen bi broideri werk; it schal haue four pileris, with so many foundementis. ¹⁷ Alle the pileris of the grete street bi cumpas schulen be clothid with platis of siluer, with hedis of siluer, and with foundementis of bras. ¹⁸ The greet street schal ocupie an hundrid cubitis in lengthe, fifti in breede; the hiyenesse of the tente schal be of fiue cubitis; and it schal be maad of bijs foldid ayen; and it schal haue brasun foundementis.

⁹ And he made the greet street, in whose south coost weren tentis of bijs foldid ayen, of an hundrid cubitis, twenti brasun pilers with her foundementis, ¹⁰ the heedis of pilers, and al the grauyng of the werk, weren of siluer; ¹¹ euenli at the north coost the tentis, pilers, and foundementis and heedis of pilers, weren of the same mesure, and werk, and metal. ¹² Forsothe in that coost that biholdith the west weren tentis of fyfty cubitis, ten brasun pilers with her foundementis, and the `heedis of pilers, and al the grauyng of werk, weren of siluer. <sup>13</sup> Sotheli ayens the eest he made redi tentis of fifti cubitis, <sup>14</sup> of whiche tentis o side helde fiftene cubitis of thre pilers with her foundementis; and in the tother side, <sup>15</sup> for he made the entryng of the tabernacle bitwixe euer either, weren tentis euenli of fiftene cubitis, thre pilers, and so many foundementis. <sup>16</sup> Bijs foldid ayen hilide alle the tentis of the greet street. <sup>17</sup> The foundementis of pilers weren of bras; forsothe the heedis of tho pilers, with alle her grauyngis, weren of siluer; but also he clothide with siluer tho pilers of the greet street. <sup>18</sup> And in the entryng therof he made a tente, bi `werk of broiderie, of iacynt, purpur, vermyloun, and of bijs foldid ayen, which tente hadde twenti cubitis in lengthe, and the heiythe was of fyue cubitis, bi the mesure which alle the tentis of the greet street hadden. ¹⁹ Forsothe the pylers in the entryng weren foure, with brasun foundementis, and the heedis of tho pilers and grauyngis weren of siluer;

³³ nether Moyses myyte entre in to the tabernacle of the boond of pees, while the cloude hilide alle thingis, and the maieste of the Lord schynede, for the cloude hilide alle thingis.

¹⁶ Forsothe Aaron with hise sones schal ete the tother part of wheete flour, without sour dow; and he schal ete in the hooli place of the greet street of the tabernacle.

¹⁷ And he seide, Whi eten not ye the sacrifice for synne in the hooli place, which sacrifice is hooli `of the noumbre of hooli thingis, and is youun to you, that ye bere the wickydnesse of the multitude, and preye for it in the siyt of the Lord; ¹⁸ moost sithen of the blood therof is not borun yn with ynne hooli thingis, and ye ouyten ete it in the seyntuarie, as it is comaundid to me?

⁹ Therfor thou schalt take these thingis of tho thingis that ben halewid, and ben offrid to the Lord; ech offryng, and sacrifice, and what euer thing is yoldun to me for synne and for trespas, and cometh in to hooli of hooli thingis, schal be thin and thi sones. ¹⁰ Thou schalt ete it in the seyntuarie; malis oneli schulen ete therof, for it is halewid to the Lord.

¹³ And he seide to me, The treseries of the north, and the treseries of the south, that ben bifor the bildyng departid, these ben hooli treseries, in whiche the preestis ben clothid, that neiyen to the Lord in to the hooli of hooli thingis; there thei schulen putte the hooli of hooli thingis, and offryngis for synne, and for trespas; for it is an hooli place.

²⁸ Forsothe noon eritage schal be to hem, Y am the eritage of hem; and ye schulen not yyue to hem possessioun in Israel, for Y am the possessioun of hem. ²⁹ Thei schulen ete sacrifice, bothe for synne and for trespasse, and ech avow of Israel schal be hern.

²⁰ And he seide to me, This is the place where prestis schulen sethe, bothe for synne and for trespas; where thei schulen sethe sacrifice, that thei bere not out in to the outermere halle, and the puple be halewid.

⁸ Thei schulen ete the synnes of my puple, and thei schulen reise the soulis of hem to the wickidnesse of hem.