Luke 15:13 Cross References - Wycliffe

¹³ And not aftir many daies, whanne alle thingis weren gederid togider, the yonger sone wente forth in pilgrymage in to a fer cuntre; and there he wastide hise goodis in lyuynge lecherously.

¹ Manasses was of twelue yeer, whanne he bygan to regne, and he regnyde in Jerusalem fyue and fifti yeer. ² Forsothe he dide yuel bifor the Lord bi abhomynaciouns of hethene men, whiche the Lord destriede bifor the sones of Israel. ³ And he turnede, and restoride the hiye places, whiche Ezechie, his fadir, hadde destried. And he bildide auteris to Baalym, and made wodis, and worschipide al the knyythod of heuene, and heriede it. ⁴ And he bildide auteris in the hows of the Lord, of which the Lord hadde seid, My name schal be in Jerusalem with outen ende. ⁵ Sotheli he bildide tho auteris to al the knyythod of heuene in the twei large places of the hows of the Lord. ⁶ And he made hise sones to passe thorouy the fier in the valei of Beennon; he kepte dremes; he suede fals diuynyng bi chiteryng of briddis; he seruyde witche craftis; he hadde with hym astronomyeris and enchaunteris, `ethir trigetours, that disseyuen mennus wittis, and he wrouyte many yuelis bifor the Lord to terre hym to wraththe. ⁷ Also he settide a grauun signe and a yotun signe in the hows of the Lord, of which hows God spak to Dauid, and to Salomon, his sone, and seide, Y schal sette my name with outen ende in this hows and in Jerusalem, which Y chees of alle the lynagis of Israel; ⁸ and Y schal not make the foot of Israel to moue fro the lond which Y yaf to her fadris, so oneli if thei kepen to do tho thingis whiche Y comaundide to hem, and al the lawe, and cerymonyes, and domes, bi the hond of Moises. ⁹ Therfor Manasses disseyuede Juda, and the dwelleris of Jerusalem, that thei diden yuel, more than alle hethene men, whiche the Lord hadde distriede fro the face of the sones of Israel. ¹⁰ And the Lord spak to hym, and to his puple; and thei nolden take heed.

¹³ Thei leden in goodis her daies; and in a point thei goen doun to hellis. ¹⁴ Whiche men seiden to God, Go thou awei fro us; we nylen the kunnyng of thi weies. ¹⁵ Who is Almiyti God, that we serue him? and what profitith it to vs, if we preien him?

¹⁷ Whiche seiden to God, Go thou awei fro vs; and as if Almyyti God may do no thing, thei gessiden hym, ¹⁸ whanne he hadde fillid her housis with goodis; the sentence of whiche men be fer fro me.

⁴ For thei han distryed, whom thou hast maad perfit; but what dide the riytful man? ⁵ The Lord is in his hooli temple; he is Lord, his seete is in heuene. Hise iyen biholden on a pore man; hise iyelidis axen the sones of men. ⁶ The Lord axith a iust man, and vnfeithful man; but he, that loueth wickidnesse, hatith his soule.

⁸ Make fer thi weie fro hir, and neiye thou not to the doris of hir hous. ⁹ Yyue thou not thin onour to aliens, and thi yeeris to the cruel; ¹⁰ lest perauenture straungeris be fillid with thi strengthis, and lest thi trauels be in an alien hous; ¹¹ and thou biweile in the laste daies, whanne thou hast wastid thi fleschis, and thi bodi; and thou seie, ¹² Whi wlatide Y teching, and myn herte assentide not to blamyngis; ¹³ nether Y herde the voys of men techinge me, and Y bowide not doun myn eere to maistris? ¹⁴ Almest Y was in al yuel, in the myddis of the chirche, and of the synagoge.

²⁶ For the prijs of an hoore is vnnethe of o loof; but a womman takith the preciouse soule of a man.

⁹ He that is neisch, and vnstidfast in his werk, is the brother of a man distriynge hise werkis.

¹⁷ He that loueth metis, schal be in nedynesse; he that loueth wiyn and fatte thingis, schal not be maad riche.

²⁰ Desirable tresoure and oile is in the dwelling places of a iust man; and an vnprudent man schal distrie it.

¹⁹ Mi sone, here thou, and be thou wijs, and dresse thi soule in the weie. ²⁰ Nyle thou be in the feestis of drinkeris, nether in the ofte etyngis of hem, that bryngen togidere fleischis to ete. ²¹ For men yyuynge tent to drinkis, and yyuyng mussels togidere, schulen be waastid, and napping schal be clothid with clothis. ²² Here thi fadir, that gendride thee; and dispise not thi modir, whanne sche is eld.

⁸ As a brid passinge ouer fro his nest, so is a man that forsakith his place.

⁷ He that kepith the lawe, is a wijs sone; but he that fedith glotouns, schendith his fadir.

³ A man that loueth wisdom, makith glad his fadir; but he that nurschith `an hoore, schal leese catel.

⁹ Therfor, thou yonge man, be glad in thi yongthe, and thin herte be in good in the daies of thi yongthe, and go thou in the weies of thin herte, and in the biholdyng of thin iyen; and wite thou, that for alle these thingis God shal brynge thee in to doom. ¹⁰ Do thou awei ire fro thin herte, and remoue thou malice fro thi fleisch; for whi yongthe and lust ben veyne thingis.

⁴ Wo to the synful folk, to the puple heuy in wickidnesse, to the weiward seed, to the cursid sones; thei han forsake the Lord, thei han blasfemyd the hooli of Israel, thei ben aliened bacward.

¹³ ioie and gladnesse is to sle caluys, and to strangle wetheris, to ete fleisch, and to drynke wyn; ete we, and drynke we, for we schulen die to morewe.

¹¹ Do ye awei fro me the weie, bowe ye awei fro me the path; the hooli of Israel ceesse fro oure face.

¹² Come ye, take we wyn, and be we fillid of drunkenesse; and it schal be as to dai, so and to morewe, and myche more.

⁵ The Lord seith these thingis, What of wickidnesse foundun youre fadris in me, for thei yeden fer awey fro me, and yeden after vanyte, and weren maad veyn?

¹³ For whi my puple hath don tweyne yuels; thei han forsake me, the welle of quyke watir, and han diggid to hem cisternes, `that weren distried, that moun not holde watris.

¹⁷ Whether this is not don to thee, for thou forsokist thi Lord God, in that tyme in which he ledde thee bi the weie? ¹⁸ And now what wolt thou to thee in the weie of Egipt, that thou drynke troblid watir? And what is to thee with the weie of Assiriens, that thou drynke water of the flood? ¹⁹ Thi malice schal repreue thee, and thi turnyng awei schal blame thee; wite thou and se, that it is yuel and bittir that thou hast forsake thi Lord God, and that his drede is not at thee, seith the Lord God of oostis.

³¹ Se ye the word of the Lord, whether Y am maad a wildirnesse to Israel, ether a lond late bryngynge forth fruyt? Whi therfor seide my puple, We han go awei, we schulen no more come to thee?

³ And ye ben departid in to yuel dai, and neiyen to the seete of wickidnesse; ⁴ and ye slepen in beddis of yuer, and doen letcherie in youre beddis; and ye eten a lomb of the flok, and calues of the myddil of droue; ⁵ and ye syngen at vois of sautree. As Dauid thei gessiden hem for to haue instrumentis of song, and drynken wyn in viols; ⁶ and with beste oynement thei weren anoynted; and in no thing thei hadden compassioun on the sorewe, ether defoulyng, of Joseph. ⁷ Wherfor now thei schulen passe in the heed of men passynge ouer, and the doyng of men doynge letcherie schal be don awei.

³ Mi puple, what haue Y don to thee, ether what was Y greuouse to thee? Answere thou to me.

³⁰ But aftir that this thi sone, that hath deuourid his substaunce with horis, cam, thou hast slayn to hym a fat calf.

¹ He seide also to hise disciplis, Ther was a riche man, that hadde a baili; and this was defamed to him, as he hadde wastid his goodis.

¹⁹ There was a riche man, and was clothid in purpur, and whit silk, and eete euery dai schynyngli.

¹³ As in dai wandre we onestli, not in superflu feestis and drunkenessis, not in beddis and vnchastitees, not in strijf and in enuye; ¹⁴ but be ye clothid in the Lord Jhesu Crist, and do ye not the bisynesse of fleisch in desiris.

¹³ But now in Crist Jhesu ye that weren sum tyme fer, ben maad nyy in the blood of Crist.

¹⁷ And he comynge prechide pees to you that weren fer, and pees to hem that weren niy;

³ For the time that is passid is ynow to the wille of hethene men to be endid, whiche walkiden in letcheries, and lustis, in myche drinking of wyn, in vnmesurable etyngis, and drynkyngis, and vnleueful worschiping of mawmetis. ⁴ In whiche now thei ben astonyed, in which thing thei wondren, for ye rennen not togidere `in to the same confusioun of letcherie, and blasfemen.

¹³ and resseyue the hire of vnriytwisnesse. And thei gessen delicis of defouling and of wemme, to be likyngis of dai, flowynge in her feestis with delicis, doynge letcherie with you,