Luke 1:55 Cross References - Wycliffe

⁵⁵ as he hath spokun to oure fadris, to Abraham and to his seed, in to worldis.

³ Y schal blesse hem that blessen thee, and Y schal curse hem that cursen thee; and alle kynredis of erthe schulen be blessid in thee.

¹⁹ And the Lord seide to Abraham, Sara, thi wijf, schal bere a sone to thee, and thou schalt clepe his name Ysaac, and Y schal make my couenaunt to hym in to euerlastynge boond of pees, and to his seed aftir hym;

¹⁸ and alle the folkis of erthe schulen be blessid in thi seed, for thou obeiedist to my vois.

⁴ And Y schal multiplie thi seed as the sterris of heuene, and Y schal yyue alle these thingis to thin eyris, and alle folkis of erthe schulen be blessid in thi seed, for Abraham obeide to my vois,

¹⁴ And thi seed schal be as the dust of erthe, thou schalt be alargid to the eest, and west, and north, and south; and alle lynagis of erthe schulen be blessid in thee and in thi seed.

⁶ We han synned with oure fadris; we han do vniustli, we han do wickidnesse. ⁷ Oure fadris in Egipt vndirstoden not thi merueils; thei weren not myndeful of the multitude of thi merci. And thei stiynge in to the see, in to the reed see, terreden to wraththe; ⁸ and he sauede hem for his name, that `he schulde make knowun his power. ⁹ And he departide the reed see, and it was dried; and he lede forth hem in the depthis of watris as in deseert. ¹⁰ And he sauede hem fro the hond of hateris; and he ayen bouyte hem fro the hond of the enemye.

²⁸ Aftir the gospel thei ben enemyes for you, but thei ben moost dereworthe bi the eleccioun for the fadris. ²⁹ And the yiftis and the cleping of God ben with outen forthenkyng.

¹⁶ The biheestis weren seid to Abraham and to his seed; he seith not, In seedis, as in many, but as in oon, And to thi seed, that is, Crist. ¹⁷ But Y seie, this testament is confermed of God; the lawe that was maad after foure hundrid and thritti yeer, makith not the testament veyn to auoide awei the biheest.