Luke 20:47 Cross References - Wycliffe

⁴⁷ that deuouren the housis of widewis, and feynen long preiyng; these schulen take the more dampnacioun.

² and to do violence to the cause of meke men of my puple; that widewis schulen be the prey of them, and that thei schulden rauysche fadirles children.

⁶ if ye maken not fals caleng to a comelyng, and to a fadirles child, and to a widewe; nether scheden out innocent blood in this place, and goen not after alien goddis, in to yuel to you silf, ⁷ Y schal dwelle with you in this place, in the lond which Y yaf to youre fadris, fro the world and til in to the world. ⁸ Lo! ye trusten to you in the wordis of leesyng, that shulen not profite to you; ⁹ to stele, to sle, to do auowtrie, to swere falsli, to make sacrifice to Baalym, and to go aftir alien goddys, whiche ye knowen not. ¹⁰ And ye camen, and stoden bifor me in this hous, in which my name is clepid to help; and ye seiden, We ben delyuered, for we han do alle these abhomynaciouns.

⁷ Thei punyschiden with wrongis fadir and modir in thee, thei calengiden falsli a comelyng in the myddis of thee, thei maden sori a fadirles child and a widewe at thee.

³¹ and thei comen to thee, as if my puple entrith, and my puple sitten bifore thee, and thei heren thi wordis, and doon not tho; for thei turnen tho in to the song of her mouth, and her herte sueth her auerice;

⁷ Whiche al to-foulen the heedis of pore men on the dust of erthe, and bowen awei the weie of meke men; and the sone and his fadir yeden to a damesele, that thei schulden defoule myn hooli name.

⁴ Here ye this thing, whiche al to-breken a pore man, and maken nedi men of the lond for to faile; ⁵ and ye seien, Whanne schal heruest passe, and we schulen sille marchaundises? and the sabat, and we schulen opene wheete? that we make lesse the mesure, and encreesse the cicle, and `vndur put gileful balauncis; ⁶ that we welde bi siluer nedi men and pore men for schoon, and we sille outcastyngis of wheete?

² Thei coueitiden feeldis, and tooken violentli; and rauyschiden housis, and falsli calengiden a man and his hous, a man and his eritage.

⁸ And ayenward my puple roos togidere in to an aduersarie; ye token awei the mantil aboue the coote, and ye turneden in to batel hem that wenten sympli.

² and louen yuele? Whiche violentli taken awei the skynnes of hem fro aboue hem, and the fleisch of hem fro aboue the bonys of hem.

²² Netheles Y seie to you, it schal be lesse peyne to Tire and Sidon in the dai of doom, than to you. ²³ And thou, Cafarnaum, whethir thou schalt be arerid vp in to heuene? Thou shalt go doun in to helle. For if the vertues that ben don in thee, hadden be don in Sodom, perauenture thei schulden haue dwellid `in to this dai. <sup>24</sup> Netheles Y seie to you, that to the lond of Sodom it schal be `lesse peyne in the dai of doom, than to thee.

¹³ But wo to you, scribis and Farisees, ipocritis, that closen the kyngdom of heuenes bifore men; and ye entren not, nether suffren men entrynge to entre.

²⁶ Thou blynde Farisee, clense the cuppe and the plater with ynneforth, that that that is with outforth be maad clene. ²⁷ Wo to you, scribis and Farisees, ipocritis, that ben lijk to sepulcris whitid, whiche with outforth semen faire to men; but with ynne thei ben fulle of boonus of deed men, and of al filthe. ²⁸ So ye with outforth semen iust to men; but with ynne ye ben ful of ypocrisy and wickidnesse.

⁴⁰ whiche deuouren the housis of widewis vndur colour of long preier; thei schulen take the longer doom.

¹² Y seie to you, that to Sodom it schal be esiere than to that citee in that dai. ¹³ Wo to thee, Corosayn; wo to thee, Bethsaida; for if in Tyre and Sidon the vertues hadden be don, whiche han be don in you, sum tyme thei wolden haue sete in heyre and asches, and haue don penaunce. ¹⁴ Netheles to Tire and Sidon it schal be esiere in the doom than to you.

¹ And whanne myche puple stood aboute, so that thei treden ech on othir, he bigan to seie to hise disciplis, Be ye war of the sourdouy of the Farisees, that is ypocrisie.

⁴⁷ But thilke seruaunt that knew the wille of his lord, and made not hym redi, and dide not aftir his wille, schal be betun with many betyngis. ⁴⁸ But he that knew not, and dide worthi thingis of strokis, schal be betun with fewe. For to eche man to whom myche is youun, myche schal be axid of hym; and thei schulen axe more of hym, to whom thei bitoken myche.

⁵ For nether we weren ony tyme in word of glosing, as ye witen, nether in occasioun of auerise; God is witnesse; nether sekinge glorie of men,

² coueitouse, hiy of bering, proude, blasfemeris, not obedient to fadir and modir, vnkynde, ³ cursid, with outen affeccioun, with out pees, false blameris, vncontynent, vnmylde, ⁴ with out benygnyte, traitouris, ouerthwert, bollun with proude thouytis, blynde, loueris of lustis more than of God, ⁵ hauynge the licknesse of pitee, but denyynge the vertu of it. And eschewe thou these men. ⁶ Of these thei ben that persen housis, and leden wymmen caitifs chargid with synnes, whiche ben led with dyuerse desiris, euere more lernynge,

¹⁶ Thei knoulechen that thei knowen God, but bi dedis thei denyen; whanne thei ben abhominable, and vnbileueful, and repreuable to al good werk.

¹ Mi britheren, nyle ye be maad many maistris, witynge that ye taken the more doom.